天竜 (已結業)

又口痕想食日本野, 同事介紹路德圍美食圈入面開咗間新O既日本餐廳, 新張期內堂食免加一仲有9 折, 我哋一行幾人就LUNCH TIME 一齊衝去試下! 好彩訂咗位咋, 入到去係FULL 晒! 食店留咗最入面O既枱俾我哋, 斜對面就係廁所 (下圖門簾果度), 雖然閂咗門, 但都好大陣廁所味呀! 係食到中間可能個鼻聞慣咗先唔覺! 希望呢部份可以改善一下! 三文魚帆立貝丼 - 有3 塊三文魚 (算厚), 2 件帆立貝 (都算厚), 仲有蟹籽。食材新鮮,  而且好多飯! $64 一個餐, 包埋湯同小食, 性價比高! 新張期內仲要免加1 同有9 折, 絕對抵! 午餐選擇都算多, 價錢中等。晚餐都好多選擇。

位於路德圍，勁方便地鐵站行過嚟都唔使10分鐘好多人排隊建議book定位！落單5-6分鐘後就上菜 速度快👍🏻👍🏻店員禮貌好好，有個part-time女店員 點菜嘅時候仲會特登講明產地喺邊度牡丹蝦壽司海膽壽司！！勁鮮甜一啲腥味都冇，同埋都幾足料要抹到個口好大先得🤣大拖羅壽司～魚油十足滿滿既油香鵝肝安格斯牛肉飯 鵝肝真係好好食如果可以加多舊就好啦，另外啲牛肉好入味都幾林，好夾，食呢啲油份較重既飯飲番杯生啤或者梅酒啱啱好小食就嗌左牛舌、北海道魚，真心推介好好食😋燒得啱啱好又滑，好驚喜

好耐無食刺身飯，決去荃灣新開的天竜試下。前身是銅鑼灣的一番居酒屋，我還未吃過便光榮結業，現在荃灣重開，價錢比以前便宜啊！這裏的刺身很有名氣，當然還有傳統日式料理、燒物等，材料主要來自日本。急不及待，先點了一個期間限定的海膽五色丼$238。有中拖羅、帆立貝、海膽、拖羅蓉、甜蝦， 賣相漂亮之餘，刺身有光澤又新鮮。見到海膽那澎湃的份量，真的'嘩'一聲，用的是加拿大海膽，入口即溶的感覺，味道鮮甜，齒頰留香，相信愛海膽的人都會愛不釋手。 甜蝦 size也不小，而且有四隻之多，又甜又滑之餘，還帶一點爽口感覺。中拖羅有兩大片，脂肪分佈均勻，肉質極滑，那份油香在嘴裡溶化的細膩的感覺，真的是一吃難忘！吃得我心也快被溶掉了，第一次吃到這麼高質素的拖羅呢！還有肥大肉厚的帆立貝，很鮮甜，份量有兩隻，絕對能滿足口腹之慾。 飯的質感很煙韌，用日本珍珠米，醋的味道微酸，更加開胃，而且份量也不少，二人分著吃也足夠。如此高質素的刺身飯，$238絕對是值回票價。朋友點的一品料理，鵝肝安格斯牛肉飯$128。鵝肝一大片，外層煎得香脆，咬下去，滑滑的脂肪滲出，香得不得了，又一人間美食！ 牛肉非常高質素，用的是雪花肥牛片，份量極

荃灣住咁耐，終於係路德圍找到間似樣食壽司和丼飯的地方了。 因為識我地的人都知，我地好鍾意食日本野，但係荃灣有質素又抵食的真係唔多。 今次見到新開張就同仔仔入來食，睇下質素如何。為食小專員謙謙已經急不及待自己落單 ⚛ 雜錦魚生丼 ～ 超豐富的丼飯，有三文魚，油甘魚，劍魚，吞拿魚，八爪魚，魷魚，甜蝦，玉子，蟹柳， 蟹籽， 每件刺身都厚身切， 咬落口感質感都超豐富和鮮甜。⚛ 銀雪魚西京燒 ～ 用上醬汁一齊燒，焦焦的皮，滑溜的魚塊味道甜甜地，令人想叫多一客。⚛ 蟹肉忌廉餅 ～ 即叫即炸好香口，外脆內有滑滑的忌廉和蟹肉。⚛ 鐵火卷 ～ 內裡吞拿魚夠鮮，一口一件要同仔仔爭食。⚛ 軟殼蟹卷 ～ 我最期待的卷物，因我最愛食軟殼蟹， 炸得酥脆，再用紫菜即包卷， 面上又有蟹籽和沙律醬，感覺好大件材料豐富食落好滋味。⚛ 三文魚壽司 ～ 肥美嘅三文魚 ⚛ 蔥拖羅蓉軍艦 ～ 滑一滑的拖羅蓉，食幾多我都唔覺得膩，越食越想食。⚛ 芥辣八爪魚軍艦 ～ 夠哂刺激的味道，芥辣直衝上鼻，夠哂爽。店舖內雖然地方唔係好大， 但人情味搭夠，店主會主動同我地講有咩新鮮好味，所以我都幾鍾意呢間店，下次等我再同媽咪佢

野食新鮮好味！老闆好nice第一次去，朋友話開左間日本野要唔要試下，當時仲未正式開張叫左炸池魚左口魚壽司，好好好好味刺身好新鮮叫左一個烏冬，仲有安格斯牛肉飯軟壳蟹卷，份量十足

今日想食壽司，見到有間新開，等咗一陣有位，我兩人食，俾咗張四人檯我坐，正！我叫咗$178海膽三文魚子飯同埋$118壽司定食！等餐上檯時間較長，可能人客多！海膽三文魚子飯用料十足，海膽鋪滿半碗飯，另外，三文魚子亦都鋪滿半碗飯！大滿足！！ 海膽應該溝咗兩隻唔同種類嘅海膽，一隻較甜，另外一隻較有海水味！ 我成碗清曬！正呀！！另外呀，壽司定食，粒粒壽司都大大舊！正！材料好新鮮！冇雪味！再加上濃濃嘅木魚湯烏冬，正呀！

新開張，可以免加一再九折，於是試一下。座位比較窄，在限聚令下此舖必定會被告，我入座時12時沒太多人。點了安格斯牛肉烏冬，餐牌上說有面豉湯，但原來是欺騙人的，只有小小前菜一杯暖茶。烏冬湯底尚可，不知是否味精，但他的牛肉很煙韌烏冬彈牙，的確唔差。但大家埋單時一定要對單，收錢個師奶會計錯數，$68 九折後竟然是$67，你叫佢再計多次佢會黑面喝你。我應該只會光顧一次，如果他們態度有禮貌啲，會加返分。

慶祝老公生日🎂為左方便個仔食野所以都係揀日本菜因為會有牛肉烏冬岩我仔食見到附近有新開既日本野個招牌仲貼緊紅色不過見到堂食九折免加一外賣八折🤩就決定入去食入面地方唔算好大但中間通道空間都算Ok可能見我有小朋友就比左入面最大果張枱比我一黎都係叫左個安格斯牛肉稻庭烏冬比個仔食先都勁大碗，份量又多烏冬係幼身較易入口岩哂我仔食而牛肉就比想像想爭少少入口比較無甘容易咬開因為之前食過類似價錢既係較入口即溶但都係好味，湯都好濃我仔食左三分二而我老公就叫左鵝肝安格斯牛肉飯一嚟到就見到鵝肝好大舊好重本一吉開d油滲入d飯入面D飯食落有油香好正但牛肉都係差啲最推介新係尼個極上壽司盛合每一件壽司🍣都係好厚肉小飯配搭真心厚肉同埋我凣乙第一次食赤身都覺好好味好似食緊中拖羅甘但大拖羅係入口即溶😍完全唔覺得有啲根阻住哂基本上每一件都好新鮮海膽都唔腥但又未去到有叮一聲果種感覺由於未飽同埋大拖羅太貴最後叫多2件時令（唔知佢叫咩名😂）但魚味好出，肉質係較厚實最後我行左出去買左個cake仔慶祝老公生日問職員借火機都好好人仲無收切餅費（可能係因為一件仔所以無收掛定唔知本身唔收）最後埋單都係$45x左右真係幾抵因為見佢有lunch

荃灣路德圍近排真係好多新餐廳/小店加入，而最新成員就係小金最愛嘅日本菜-天竜🤤壽司定食(配細烏冬)$118🍥-有三文魚，油甘魚，鱆紅魚，吞拿魚，八爪魚，甜蝦，魷魚，劍魚腩，蟹籽，拖羅蓉)🐠🐟🐙🦑🦐🦀-刺身嘅厚度同壽司飯嘅size控制得好好，壽司飯嘅酸度適中，襯托岀刺身嘅鮮味-個烏冬就稍為淡左少少同唔係好夠彈牙三文魚親子丼$74🍣-刺身超厚切，未食剩係望住都好滿足😍-三文魚腩超濃魚味-美中不足嘅係三文魚籽無我想像中咁脆，營造唔到一咬就爆汁嘅感覺，而且三文魚有筋😣銀鱈魚西京燒定食(跟飯)$118🐠-燒完之後都保持到銀鱈魚嫩滑嘅口感😋幾惹味，但皮嘅部份高稍為帶點苦。午市定食會送一份前菜同一碗麵豉湯，前菜應該係自家製嘅醃菜，因為入面好多唔同嘅嘢😂味道來講我都係prefer平時普遍食到，酸味十足嘅醃菜。麵豉湯反而係亮點，佢唔係死鹹，好飲過岀邊飲到個啲😌