天龍咖喱

营业中

休息中

今日又去元朗食好出名嘅天龍咖哩，2:30去到都要等位就知質素有保證。咖喱生煎肉餅飯 見到好多人食生煎肉餅飯就叫黎試下。生煎肉餅有四塊，啖啖肉。咖喱有好多洋蔥同薯仔，一啲都唔辣，想食辣啲可以加辣。金牌牛魔王咖喱牛大四喜飯 另一半就叫咗牛魔王咖喱牛大四喜飯，呢個飯份量十足，有飯加兩塊酥餅，男仔食一定夠飽。咖喱有一大塊牛脷、滑牛、牛腩同牛筋，好好送飯。酥炸花枝丸花枝丸有四粒，即炸熱辣辣，點埋泰式辣醬好惹味。

💡咖喱牛腩牛筋飯咖喱味濃，份量十足，新鮮牛腩，牛筋煮到啱啱好。💡生煎香草羊架飯如果你係鍾意食羊架嘅人，你一定會鍾意食呢個羊架飯，煎到啱啱好。唔係細細舊冇肉食果d👍🏻👍🏻💡天龍雞皮卷10分出眾嘅小食，刺激味蕾，有新鮮食法嘅感覺。💡時令油菜嫩口嘅菜，能夠解油膩感💡紅豆冰紅豆冰有小小嘅椰汁味配埋一齊可口💡凍檸茶新鮮檸檬配搭茶膽，冇乜苦澀味(5🌟為滿分）環境：🌟🌟🌟🌟🌟打卡：🌟🌟🌟🌟🌟味道：🌟🌟🌟🌟🌟價錢：🌟🌟🌟🌟🌟再訪：🌟🌟🌟🌟🌟

今日無嘢做，同朋友落去元朗逛吓，睇吓有咩嘢食！點知見到有間食咖哩嘅舖頭，門口寫住，「人生就像吃咖喱，偶爾辛辣一陣子，不會辛苦一輩子。」，嘩！有意思！有意思😆！咁就吸引左我入去喇！🤣我哋叫咗兩個飯、兩個小食同兩杯飲品，幾大食🤣。咖喱吉列豬扒飯 $58吉列豬扒鬆脆可口，仲要好大件，配搭嘅咖喱好特別，同港式咖喱唔同，有好多洋蔥粒同蕃茄粒，味道好鍾意，又唔會好辣。生煎香草羊架飯 $97店主好細心，唔食辣都仲有得選擇，唔知點解我硬係覺得有咖喱食嘅地方，就覺得佢個羊架都唔會差得去邊，所以膽粗粗，就叫咗個試吓，佢有3件好大嘅羊架，完全冇騷味，味道剛剛好，非常juice，超好食😋！天龍雞皮卷 $42見個名咁得意，就叫嚟試吓，平時唔係太食雞皮，因為要留返quota係呢啲時候食🤣，講返個雞皮卷，真心正！外面雞皮脆，包住雞肉，雞肉仲要多汁，唔係乾噌噌架👍。香酥雞 $38脆卜卜、熱辣辣，同friend傾偈點可以無佢。😂紅豆冰 $25紅豆冰，最重要係咩？緊係多豆啦！多豆得嚟又唔會死甜，讚！傷檸樂 $25傷檸樂係咸檸檬+新鮮檸檬配可樂，啱晒鍾意兩溝嘅我，good!📍店舖資料：天龍咖喱地址：元朗合益路17-53號合

呢間間舖頭開咁耐我就幫襯咗咁耐，一直水準都幾好，選擇亦都好多，通常叫外賣，都估唔到啲餸嘅份量同現場食一模一樣或者好似仲多咗添！！餸多咖喱味重整體嚟講都好好食。但今次叫左外賣自取就真係吾會再有下次。。。第一次叫左個咖哩牛筋飯同繼續叫食開嘅咖喱牛筋腩飯，返到屋企一打開發現牛筋飯得一條仔牛筋，其餘都係薯仔。。。再打開埋牛筋腩飯，全部都係牛肉碎碎濕濕。。。發生咩事？？？而家你唔係二十幾三十蚊，係六十幾蚊。。。但你俾啲咁嘅嘢真係接受唔到真係唔會再食。。。

放假最中意黎元朗國搵好野食 , 今次上網見到呢間咖哩勁出名 , 中意咖哩既我即卡約埋朋友黎食 , 估唔到真係抵食又高質 , 店鋪細細地但都坐得好舒服 , 待應服務態度好好 , 值得 encore💛咖哩厚切牛俐飯咖哩辣度可以自己揀 , 怕辣一樣可以照揀咖哩 , 咖哩同飯都大大碗 , 入面有滿滿既洋蔥粒同薯仔粒 , 岩哂咖哩控🧡咖哩撈烏冬 (厚切牛俐)牛俐好出色 , 超厚肉 , 軟腍而有咬口 , 烏冬彈牙💛天龍雞皮卷冇令人失望 , 雞皮卷炸得好酥脆 , 內裡肉汁豐富完全冇油膩感 , 配埋甜酸醬好惹味🧡香芋魚肉餅一碟有四塊而已好厚肉 , 抵食 , 芋頭同魚肉味道好足 , 有齊兩種享受💛紅豆冰 & 凍奶茶紅豆冰跟餐只加十蚊 , 當然要嗌 , 椰香汁夠重 , 紅豆量多又夠淋 , 配咖哩食大滿足

天龍咖喱，係一間喺元朗嘅餐廳。餐廳環境好熱鬧，吸引咗好多人嚟食。佢哋以咖喱菜式出名，而且價錢都好平實，吸引唔少食客。同其他地方比起嚟，天龍咖喱嘅價格真係好抵食。除咗價錢吸引力，餐廳嘅菜式都好好味。1️⃣ 金牌牛魔王咖喱牛大四囍飯 仲有兩塊薄餅：$112咖喱牛肉味道濃郁，肉質鮮嫩多汁，有牛腩牛筋牛脷等等，配上香濃的咖喱醬汁，非常美味。飯同薄餅份量十足，價格相對合理。2️⃣ 咖喱羊架飯：$105咖喱羊架肉質鮮嫩，燒得好香，咖喱湯汁醇厚香濃，配上飯食非常適合。份量十足，物超所值。3️⃣ 香煎豬扒：$25豬扒煎得香脆多汁，肉質鮮嫩，口感極佳。價格便宜，是一道不錯的小吃選擇。4️⃣ 香芋魚肉卷：$38魚肉卷外皮炸得酥脆，內裡包著香氣四溢的芋頭和魚肉，口感豐富。價格適中，味道不錯。5️⃣ 蔬菜蝦卷：$38蝦卷內含新鮮蔬菜和彈牙的蝦肉，炸得金黃香脆，口感極佳。價格合理，是一道不錯的素食選擇。6️⃣ 椰子冰：$25椰子冰清涼爽口，椰香濃郁。7️⃣ 鹹檸碧：$25鹹檸碧係一款清新的飲品，檸檬味道鮮明，稍帶鹹味，非常開胃。

今日約住元朗女仔朋友食飯當然要就下女仔啦咁我就山長水遠入元朗食啦～元朗出名多野食但山長水遠唔食返d好野邊對得住自己🤭聽聞有間主打巴基斯坦風味咖喱咁特別梗要會一會佢啦🤭咁多款真係好難揀最後揀左《咖喱魚柳飯》因為炸一條好食既炸魚考功夫上粉油溫時間決一不可睇下廚房炸功如何🤭一上枱塊魚好大件以為叫錯左炸魚薯條😂再切開試一口非常唔錯粉夠薄又夠貼又夠脆👍🏻值得一讚～而朋友就點《咖喱牛脷飯》厚厚牛脷又夠冧👍🏻朋友都讚～而巴基斯坦咖喱十分特別加左好多洋蔥粒帶起個味令咖喱多份洋蔥嘅甜味仲有大蒜吊味十分回味～另外點了兩個小食《香芋魚肉餅》《蔬菜蝦卷》都好好味～值得一試～食得咖喱點可以唔飲野😂作為一間香港餐廳點可以冇奶茶同咖啡🤭朋友想飲咖啡發現佢有即磨諗都唔洗諗即點😂😂咁我鍾意飲奶茶就叫凍奶茶～凍奶茶比好多茶記好飲起碼唔會好似飲涼茶先～絕對合格～不過另外發現隔離枱點了《蔥油豬扒太陽蛋飯》非常吸引估唔到咖喱以外飯餐一樣出色～下次再入元朗一定要再戰🤭

無限回訪元朗抵食咖喱小店🫶🏻天龍咖喱🥘🍛每次去佢哋啲份量都係大件夾抵食 仲有幾多唔同嘅款式選擇 香口又足料🥰💯咖喱牛腩牛筋飯 $62 牛腩和牛筋夠晒淋嫩滑亦好夠入味 咖喱味唔會太辣 香濃惹味薯仔都好夠入味 大量洋蔥碎加上蕃茄製成洋蔥🧅好爽口 份量十足好抵食咖喱大蝦飯 $78一上枱已經聞到好鮮味ge蝦 有炒過嘅🦐🦐 蝦肉爽口彈牙🫶🏻蝦頭喺咖哩汁入面 鮮味十足香芋魚餅 $38 一碟有四塊好厚身 一咬開係滿滿嘅芋頭同魚肉 仲配有甜酸醬可以點咖喱汁配酥油薄餅 $32 薄餅香脆淡淡牛油🧈味 熱辣辣焦香酥脆🫶🏻配搭咖喱食層次感非常好👍🏻又唔會太dry🥘

天龍咖哩地址:元朗合益路17-53號合益中心地下23號舖見朋友住得好遠，收工都話要趕過嚟食咖喱，仲唔止一次🫢，今日我都忍唔住黎試一試天龍咖哩🍛！好彩行快兩步，如果唔係下一個就要排隊㗎🫣🫣下次黎要book定檯比較好👍👍咖哩牛腩牛筋飯 $62一份入面有好多件牛腩牛筋，絕對夠食🤗而且啲肉軟林林，一啲都唔韌😍😍咖哩香煎青衣柳飯 $82啲青衣柳都係好多，好似鋪滿係啲飯上面感！煎嘅時候火喉控制得好好，魚肉好滑，肉質結實👍👍香芋魚肉餅 $38一碟入面有4件，食到有香芋，加埋魚肉煎，好好味！追加薄餅一個 $9薄餅嘅厚度好好，既脆得來中間又有軟綿綿嘅感覺！同咖啡一齊食，簡直係絕配！時令油菜 $24柚子梳打 $25總括而言，食得出食店好用心煮咖喱，咖喱裏面有好多唔同嘅材料，食落香甜同少少辣，絕對能夠適合大眾嘅口味🤗

🚩元朗合益中心🚩🥘咖哩控必食的餐廳，通常出街都會食日式咖哩, 不過最近發現元朗有一間食🇵🇰巴斯基坦的咖哩，原來都好惹味同特別的。老板建議如果食得辣的話可以加辣🌶️，如果無特別講，咖哩會係微辣的，唔食得好辣既人都可以食的。「人生就像吃咖哩 偶爾辛辣一陣子 不會辛苦一輩子」🐏咖哩羊架飯 $105羊架飯真係無得輸, 叫一個咖哩飯比足3條骨仲要大大舊的羊架，仲要煎得好香同鎖住肉汁，羊架既脂肪唔多，變左羊羶味都唔重🍛咖哩吉列魚柳飯 $56成大塊的魚柳蓋住左飯，魚柳炸得非常鬆脆，魚肉保持鮮嫩，配埋咖哩汁送飯一流🐟芋頭魚肉餅 $38泰式辣醬配芋頭魚肉餅, 加左芋頭令到魚肉餅可以更有咬口🥩香煎牛仔骨 $38都係勁大塊的牛仔骨，煎出牛的香味，雖然肉質嫩滑，但絕對無鬆肉粉的味道，係真材實料的🥤最後叫左2杯特飲，話梅可樂同柚子梳打，套餐只需加$10, 好少地方會有話梅可樂，加入左話梅汁令到可樂口味昇華，記住飲前小心攪拌，氣泡好容易湧出來💡天龍咖哩絕對係良心企業，份量極多，仲做到平民的貼地價錢，簡直係元天屯朋友的福氣📍 天龍咖哩🗺️ 元朗合益路17-53號合益中心地下23號舖

日式港式咖喱成日食 但估唔到有間隱世巴基斯坦咖喱隱藏係元朗聽講仲要跟香港人口味調整過 絕對係一個有驚喜嘅小角落❣️天龍雞皮卷 $42唔知仲以為好似雞皮餃子嗰啲咁普通 但見到個個都大推就好奇想試吓雞皮炸到好似腐皮卷咁一咬即碎 入邊包住嫩滑雞肉 點埋泰式酸辣醬 酸味味勁好食❣️咖喱吉列魚柳飯 $56呢個真心誇張咗 塊魚柳同我前臂一樣長即炸勁酥入面魚肉嫩到差啲夾唔起 淋上打入洋蔥蓉嘅咖喱汁 份量十足非常惹味❣️咖喱牛腩牛筋飯 $62一份有齊牛筋牛腩仲要炆得勁腍身入味 牛筋入口即溶恍似花膠滑捋捋 🐮味香濃微辣咖哩更開胃🥢+$23 酥油薄餅將白飯改成酥餅估唔到冇做錯決定 千層酥般嘅酥油餅一層又一層泡浸係咖喱入面 吸收醬汁精華 濃而不膩❣️鹹檸碧 $13(跟餐價)除咗茶啡汽水估唔到仲有特色飲品🥤微鹹檸檬同清甜嘅七喜嘅配撘 十分解濟❣️柚子梳打 $13(跟餐價)同樣係由七喜混合而成 甘甜爽口嘅柚子香增添整體清新口感

咖喱牛腩牛筋飯 $62 份量十足，飯量已經叫左少飯都仲好大份，厲害👍🏼咖喱同平時食開好唔同，食完之後的回勁先黎，餸飯一流！牛腩和牛筋夠晒淋亦好入味，好抵食。惹爆蔥油三黃雞飯 $61睇相相信大家都睇得出，係有幾多蔥油，雞肉少少的酒味，真係好惹味！孜然羊架 $78媽媽好想食就陪佢試下，我自己第一次食，無好酥的羊味，肉質好嫩滑，味道十足，推薦大家一試🫶🫶蔬菜蝦卷 $38唔係酒樓食開酥脆個種，係好煙韌，餡料見到有蝦仲有青豆和菜，沾少少泰式辣醬食，就好好味😋紅豆冰 $25紅豆🫘量好多，好淋，仲有淡淡的椰香味，一杯飲到底！柚子梳打 $25食咖哩辣完之後飲好爽整體黎講，份量十足，每樣野食都好入味，難怪門口長期有人係出面等緊拎外賣。

天龍咖哩位於元朗合益路17-53號合益中心地下23號舖咖哩有好多種類，例如加椰奶的港式咖哩日式甜咖哩加入乳酪的咖哩等等天龍咖哩係類似巴基斯坦的做法咖哩中的甜味係洋蔥焦糖化後的味道微酸係蕃茄的味道經過長時間烹煮再加埋薯仔令咖哩汁較為杰身啖啖蔬菜溶餐廳的門口非常醒神藍色拼紅色非常擔眼餐廳有下午茶，小食，飯類，飲品飯類有分為咖哩同唔食咖哩系列岩晒一大班人唔同口味餐廳的咖哩預設係小辣可以要求加辣今日我們叫左金牌牛魔王咖哩牛大四囍飯附油酥餅2塊，仲有叫埋天龍雞皮卷，羊架，飲品叫左椰汁冰，鹹檸碧金牌牛魔王咖哩牛大四囍飯❤️有入口即溶的牛腩又滑又大塊的牛肉一大塊厚切牛舌，非常嫰牛筋非常淋油酥餅非常酥蘸咖哩汁非常美味❤️羊架❤️好淋多汁夠晒火候雞皮卷雞皮釀雞皮肉雞皮非常脆雞脾肉嫰滑非常好味❤️天龍咖哩多蔬菜，少油值得再度光顧👍😋

天龍咖喱📍元朗合益路17-53號合益中心地下23號舖綠色門面好搶眼，室內嘅裝修簡潔明亮。主打咖哩，但如果唔食辣都有其他唔辣嘅款式可以揀。咖哩牛仔骨飯$82咖哩一大兜，唔算好辣。估唔到牛仔骨咁大塊，兩大塊大到遮晒成個飯😳飯量都唔少，有少少沙律菜。惹爆蔥油雞扒茄子太陽蛋飯$53雞扒都好大塊，肉滑雞皮脆😋蔥油撈飯好好食，茄子用嚟解膩啱晒。太陽蛋都煎得唔錯。天龍雞皮卷$42好少可會食到雞皮卷，呢度嘅雞皮卷好香脆可口🤤食唔停口。香酥雞$38好多件，熱辣辣😃餐飲揀咗凍鴛鴦同凍檸茶，個茶底幾香茶味，幾好飲👍🏻

黎元朗搵朋友，大家都想搵間平民食店，見到呢間餐廳主打咖喱，就入去試吓先！🔹咖喱牛仔骨飯 $82 （轉薄餅加$23）一上檯份量真係大到嚇親，兩大塊牛仔骨配三大塊薄餅，真係足夠幾個人分享。咖喱入面嘅配料主要有薯仔同洋蔥，岩曬配埋薄餅一齊食🔹惹爆蔥油三黃雞飯 $61 呢個三黃雞有驚喜，雞肉食落入味，肉質唔會鞋身，岩曬送飯！🔹蔬菜蝦卷 $38炸到金黃嘅蔬菜蝦卷，食落彈牙鬆脆🔹香芋魚肉餅 $38咬落去好多芋頭粒，好香芋頭味，配上甜酸醬好開胃。