天龍咖喱

营业中

休息中

元朗有好多好味的地道小店。天龍咖喱🍛係我鍾意嘅其中一間元朗地道小店。主要原因係因為食物好味，經濟實惠。今次我哋叫咗咖喱牛腩牛筋飯$62牛腩好嫩。咖喱唔會太辣，好啱香港人嘅口味。如果想再辣啲嘅可以加辣。惹爆蔥油雞扒茄子煎太陽蛋飯$53，蔥油好惹味，雞肉都好嫩滑。酥油薄餅$32，薄餅點咖喱汁一流👍香酥雞$38，有少少似台式嘅鹽酥雞，好香口，點泰式甜辣醬，好味👍柚子梳打$25凍蜂蜜柚子茶$25呢間小店嘅店員都好有禮貌，服務態度好好👍下次都會再嚟幫襯。

"天龙咖喱：让你体验不一样的美味之旅！" 今天来推荐一家隐藏在市中心的宝藏餐厅——天龙咖喱！这里有多种咖喱菜品等你来品尝。我亲自入手了天龙鸡皮卷、牛肉薯饼和咖喱羊架饭，真的太满足了！😍🍗天龙鸡皮卷：外酥里嫩，咬一口就有浓郁的鸡肉香味扑鼻而来，让人欲罢不能。🥩牛肉薯饼：外脆内软，搭配特制酱料，口感层次丰富，让人回味无穷。🍛咖喱羊架饭：咖喱汁浓郁，羊肉鲜嫩多汁，米饭口感饱满，真的超赞！📍店铺地址：天龙咖喱 (元朗)元朗合益路17-53号合益中心地下23号舖下次来一定要试试其他咖喱菜品！推荐给大家，不要错过哦！👌

金牌牛魔王咖哩牛大四囍飯（附油酥餅兩塊）Four Kind of Beef $140.00飯可轉配薄餅3塊+$34.00混合滑牛肉，厚切牛舌，牛腩，爽滑牛筋，勁多洋蔥粒，仲有薯仔，咖喱配搭十分豐富和濃厚。身為牛魔王記你唔好錯過呢一種四重享受我朋友唔食辣㗎系列生煎香草羊架飯肉質細嫩Juicy香噴噴！幼滑的羊架，肥瘦適中，加上醃料就完全吃不到羶味，煎出嚟香脆可口，一試難忘。羊架的肉汁便會滴在粒粒分明的飯上，味道更佳。天龍雞皮卷必食特色小食之一，雞皮完全冇油膩感覺，炸雞皮金黃惹味，超酥脆，雞皮金黃酥脆，多餘的雞油亦全被迫出，配合嫩滑雞肉進食，令人食指大動雞皮餃子這是日本居酒屋常見的熱門小吃，在港式咖喱店可以食到尤其驚喜，以雞皮取代傳統餃子皮。經高溫油炸處理後，外皮金黃酥脆，內餡軟嫩多汁。雞皮油香十足，餡料亦都十分分豐富肉餅煎起來金黃香脆，大人細路同樣愛吃。凍檸茶+$4.00菜檸蜜

天龍咖喱進註左元朗都一段時間 聽聞咖喱好有水準 今次就去會一會佢 一入店係簡約裝修 老闆同店員都好friendly介紹招牌菜 最後我地揀咗 咖喱大蝦同埋咖喱煎肉餅配薄餅 另外點咗2個小食 招牌天龍雞皮卷 $58 同埋孜然羊架2件 $78 加多杯咸檸7同埋紅豆冰 上菜時已經聞到香濃的咖喱味 天龍的咖喱唔係普通咖喱汁咁簡單 全部都有碎碎的洋葱 沾落薄餅度食都非常有口感 但我就略嫌唔夠辣 下次要請老闆幫我加辣先 另外個天龍雞皮卷超級好食 外皮脆卜卜入面係非常嫩滑的雞肉 羊架又係值得一提的 煎得非常香 而且無任何SO味 抵讚 總體而言係值得再去食既

哈哈😄一直知道元朗合益路呢頭有一個好味又有特色既咖哩專門店，今日去開元朗，順便行過去醫下肚😎😎我地下午茶時間去到，餐廳都坐無虛席，可見其受歡迎程度😍好彩唔洗等好耐就有得食☺️☺️我一坐低就叫咗金牌牛魔王咖哩牛大四囍飯，因為呢個餐附有我最鐘意既油酥餅兩塊😀😀天龍咖哩既咖哩汁係我食過最好味既，用油酥餅可以盡情配咖哩汁一併吃😃😄 朋友就叫咗咖喱牛腩牛筋飯，我都偷食咗幾嚿☺️ 野飲方面而家有新飲品，除咗一般奶茶咖啡汽水外，好似青檸柑桔蜜同生薑柑桔蜜都可以嗌😄😄咖喱牛腩牛筋飯金牌牛魔王咖哩牛大四囍飯香煎牛仔骨傷檸樂青檸柑桔蜜呢間餐廳既咖哩真係與別不同，咖哩汁中有好多配理，未食過既朋友可以黎試下😄😄天龍咖喱 (元朗)元朗合益路17-53號合益中心地下23號舖

💕天龍咖喱 (元朗)元朗合益路17-53號合益中心地下23號舖同朋友去左元朗行街，見到個招牌好特出，一開始以係食巴基斯坦咖哩薄餅個類，原來係符合港人口味嘅港式風味餐廳！價錢比出邊平少少，好在佢有室內亦有室外，食食吓都見到好多地盤工作人士食飯，原來係出名份量多飽肚，我食完就覺得唔係飽肚咁簡單，真係好好食，完全超越我想像，不簡單啊！惹爆蔥油豬扒茄子煎太陽蛋飯呢個必點菜式，一上枱已經覺得係一個女生未必食得哂，豬扒比手掌大，豬扒真係好稔好香口，又夠juicy，外脆內軟，燒過茄子熑佢得一塊，加上流心蛋汁，真係會一口接一口🥰我最後都同朋友share食。牛肉薯餅呢個真係好少餐廳有，幾特別，牛肉薯餅熱辣辣，又脆又香口，唔會淋晒，肉餡飽滿，雖然係炸，但不會覺得油膩👍🏻👍🏻青檸柑桔蜜解熱氣一流！酸酸may may 好開胃🤤

窩夫與蝦子餅在元朗找地方吃東西，被「天龍咖喱」的招牌和門面的顏色吸引到。門外寫著「人生就像吃咖喱，偶爾辛辣一陣子，不會辛苦一輩子。」，就進去辛辣一陣子吧。餐廳主打咖喱，但不忘不吃辣的朋友，有多款不辣的選擇。小食選擇也不少。飲品方面，蝦子餅的夠薑大話七(原價$28/跟餐加$13)甜甜酸酸，開胃消滯，窩夫的柚子梳打(原價$25/跟餐加$10)十分足料，柚子味濃。咖喱羊架飯($105)的羊架跟咖喱汁是分開上的，正合窩夫心意，不怕咖喱汁太辣而吃不到。羊架份量足，有三大件，煎得香口，水準不錯。咖喱汁有薯仔和大量洋蔥等，惹味香辣，嗜辣的朋友可以再加辣。金牌牛魔王咖喱牛大四囍飯(附油酥餅兩塊)($112)有齊牛腩、牛筋、滑牛肉和厚切牛脷，十分豐富。「大四囍」當中窩夫最喜歡牛筋，軟硬適中，膠質滿滿的。咖喱汁拌飯一流，窩夫更喜歡配熱辣辣的油酥餅。雞皮卷($42)不常見便點來試試，外層的雞皮又薄又脆，入面啖啖雞肉，肉汁超多，蘸泰式雞醬更滋味。

天龍咖哩 | 元朗食咖哩首選🔶金牌牛魔王咖哩牛大四囍飯 (附油酥餅兩塊)大四囍包括有 牛舌、牛腩、牛筋和滑牛肉跟白飯，仲附上油酥餅兩塊油酥餅香脆 牛舌係厚切 新鮮 有牛舌既鮮味牛腩、牛筋 煮到十分軟 入口即化咖喱十分有特色 咖哩味道唔會太搶 而有層次咖哩上仲有大量既洋蔥碎 令到個味詭更加豐富牛魔王咖哩牛大四囍飯絕對係天龍咖哩既招牌 🔶咖哩香煎青衣柳飯青衣係魚既一款 魚質比較結實鮮甜所以呢碟係一個咖哩魚柳飯 而魚柳用比較貴既青衣柳青衣柳都有三大塊 每塊都煎到香噴噴 配埋咖哩一齊撈飯食 大大碗飯配埋咖哩食 真係好滿足餐廳提供既飯量十分充足 如果細食既朋友可以叫佢少飯🔶天龍雞皮卷雞皮包裹住雞肉 雞皮半煎炸而到香脆既表面 雞皮薄而脆口 十分惹味入邊既雞肉都預先有調味 食到雞肉既鮮甜啖啖肉 好好味🔶雞皮餃子雞皮餃子煎炸到好香脆 雞皮做皮真係幾特別味道都係鮮甜 好香🔶柑桔大話七柑桔味道甜甜地 配粒話梅同七喜味道好清新 岩曬食完咖哩整啖柑桔大話七🍴整體評價：金牌牛魔王咖哩牛大四囍飯 係天龍咖哩既招牌 份量超級大 除左大四囍包括有 牛舌、牛腩、牛筋和滑牛肉 仲有飯同埋油酥餅兩塊如果你肚餓黎食呢個飯 一

店內環境整潔，舊式茶記的裝潢，充滿回憶感。咖喱羊架飯咖喱和羊架飯特意分開碟上，可以令羊架和飯不會被咖喱淋濕而影響口感。咖喱是港式咖喱，辣度適中，配上薯仔和滿滿的洋蔥粒，香辣惹味。羊架食落似用香草香煎，份量足足有三大塊，沒有羊的臊味，肉質軟熟易入口，味道可口，配上咖喱一起食用令人十分滿足。惹爆蔥油雞扒茄子煎太陽蛋飯太陽蛋半生熟，流出來的蛋汁配上蔥油已經可完美搭配米飯食用，香煎雞扒大大份，調味十分足夠，茄子口感結實，而價錢嚟講已經係誠意十足。天龍雞皮卷因為比較少見雞皮卷的菜式，所以便叫了試一試，結果有驚喜。雞皮卷以腐皮包裹住雞皮和雞肉，雞肉肉質鮮嫩，雞皮香脆可口，腐皮能鎖住雞汁，再點上泰式甜酸醬，十分美味。凍奶茶熱檸水

第一次去元朗合益路嘅呢間天龍咖喱🍛。元朗有好多小店。之前去食過好多間，今次經過見到呢間食咖喱的，就入去試下。店舖細細間，都好乾淨企理。初初唔知叫咩嘢食好，因為都好多選擇。跟住我望到隔籬枱個炸豬扒好似幾好味，於是就叫咗咖喱吉列豬扒飯$58，香芋魚肉餅$38，紅豆冰$25吉列豬扒有驚喜😍豬扒好大塊之餘，個肉質係鬆軟嫩滑。好味！香芋魚肉餅都好味😋👍平時蝦餅、魚餅就食得多。有香芋嘅魚餅都係第一次食。香芋同魚餅好夾。好好味！呢度除咗咖喱之外，唔辣嘅小食同飯都有的。可以照顧返唔食辣嘅客人，好細心。食店員工都好有禮貌，服務態度好好。值得一讚👍呢間會係喺我元朗小店個list入面，其中一間值得去嘅元朗小店之一。

步入店內，一股咖喱的迷人香氣撲面而來，彷彿置身於印度風情之中。🇮🇳🐐特別推薦羊架！(HK$78 / 2件)每一塊羊架都經過精心烹調，肉質鬆軟嫩滑，入口即化，彷彿與咖哩融為一體。🍛咖喱金牌大四囍牛魔王飯 (HK$112)咖喱的辣度適中，搭配印度薄餅，非常惹味。🍛咖哩牛仔骨飯 (HK$82)濃郁的咖哩香氣與嫩滑的牛仔骨相融合，令人回味無窮。除了主菜，小食也相當吸引。羊架是其中之一。另外，他們的雞皮脆卷 (HK$42)外層酥脆，內裡多汁，每一口都是口感的享受。性價比高，飲品有跟餐價，熱飲+HK$3服務周到，除了堂食也可外賣，客似雲來呢。

天龍咖哩🍛一聽個名就知係主打咖喱! 最特別嘅係呢度係食香港少有嘅巴基斯坦咖喱🥸可以自己揀配飯/麵/薄餅, 但咖喱汁撈飯先係最正嘅配搭!!!!! 佢嘅咖哩仲可以另外加辣🌶️..【咖喱厚切牛脷飯】HK$59試咗佢嘅厚切牛脷, 勁~~厚, 好爽好易咬開! 個咖喱汁用咗好多洋蔥同蔬菜去煮, 仲食到好多唔同香料, 入面仲有啲煮到入晒味嘅薯仔! 辣度剛剛好, 而且份量好足夠!..【咖喱生煎肉餅飯】HK$57一大碗咖哩汁, 撈飯食真係好正, 肉餅係餐廳自家製, 生煎超香口, 份量又多, 抵食又大碟✨..除咗咖哩呢度仲有好多小食選擇😍唔食咖哩嘅都有其他選擇🤩..【天龍雞皮卷】HK$42🍗雞皮卷唔常見餐廳有得食, 招牌必食, 一咬爆汁💦餐廳好貼心, 剪好細細舊, 食用好方便! 招牌必食, 點埋泰式辣好夾👍🏻【牛肉薯餅】HK$38上檯熱辣辣, 咬落薯香皮脆, 滋味無窮! 薯蓉超滑~..°°°°°°°°°°°°°°°°°°°°°°°°°°°°°°天龍咖哩 @curryten_📍 元朗合益路17-53號合益中心地下23號舖#MrsLong #hk #hkmami #hkbloggermama #Longs #i

特登過黎新界呢邊行下，發覺不知不覺間已經到左食飯時間，同朋友過到黎緊係要去搵下D特色食物啦😝經過見到之前食過既咖哩專門店，瞬間味蕾與食慾為之一振✨雞皮餃子 $38以酥脆的雞皮包裹著鮮嫩多汁的餡料，作為前菜的話其實挺不錯👏🏻蔬菜蝦卷 $38皮薄酥脆，將蔬菜和蝦仁捲在薄脆的春卷皮中，炸完之後，外表看上去酥脆，內裡則鮮甜多汁🤤金牌牛魔王咖喱牛大四囍飯 $118咖喱點了小辣，香濃的咖喱汁配了牛脷、牛腩、牛筋和牛肉，另外還送上兩片油酥餅🤗咖喱三黃雞飯 $57 三黃雞肉比較嫩滑，與平常食的咖喱雞稍微有點不同，而且咖哩汁不算太辣😉鹹檸碧 $25鹹檸碧為鹹檸檬和雪碧的組合，鹹檸檬又酸又鹹的感覺，但又帶點雪碧的甜味🤩紅豆冰 $25經典的飲品，紅豆都幾多下，表面仲加左椰汁，令到整杯紅豆冰更香更濃郁😏好味指數：8/10性價比指數：8/10餐廳名稱：天龍咖喱餐廳地址：元朗合益路17-53號合益中心地下23號舖電話：70743234

今次同阿姨嚟到一間令我哋有驚喜嘅咖喱小店！呢間店通常晏晝同晚飯時間都好多人，為咗唔使排隊，我哋約咗兩點半先過嚟食晏！一入門口，店員已經好有禮貌同親切咁招呼我哋。原來呢度唔止有咖喱，仲有好多其他選擇，所以唔食辣或者唔係 #咖哩控 嘅朋友都可以搵到啱食嘅嘢。🥘 咖哩牛仔骨飯 $82 首先，我哋叫咗招牌菜之一嘅牛仔骨 #咖喱飯。牛仔骨好大塊，咖喱汁分開上，鍾意食辣嘅朋友可以要求加辣 🔥 呢度嘅咖喱有個特別之處，入面有好多蔬菜粒，尤其有大量洋蔥，而且老闆講係用咗 5 種薑去煮，係巴基斯坦嘅煮法，食過我先發現原來我鍾意食 #巴基斯坦咖喱 多過 #印度咖喱 好多！ 🍳 厚切牛脷、薄餅、煎太陽蛋 $15 / $18 (兩塊) / $6 點餐時，我哋追加咗厚切牛脷、薄餅同煎得好靚嘅太陽蛋. 厚切牛脷好厚同好大塊，我建議可以改名做「厚切大牛脷」，因為咁先合乎商品說明條例 😆 牛脷味道同口感都非常好，薄餅香口而唔油膩，點落咖喱一齊食係絕配！ 🍖 生煎香草羊架飯 $97 另外，我哋仲叫咗生煎羊架飯，羊肉質地鮮嫩，外面煎得香口，入面多汁，而且有成 3 大件咁多，無論份量定味道都真係無得輸！不過個人嚟講，牛仔骨

天龙咖哩今天约了朋友去远足，出发前先到合益中心那边逛逛，看到地铺有家天龙咖哩，门面天蓝色，招牌非常醒目。门口有个海报，写着：人生就像吃咖哩，偶尔辛勤一阵子，不会辛苦一辈子。如此精辟的金句把我吸引。招牌咖哩菜式：金牌牛魔王咖哩牛大四喜饭（附油酥饼两块）这款咖哩四宝饭相当霸气，牛腩、牛筋、滑牛肉及厚切牛舌都齐全了，一并可以尝到天龙的所有与牛有关的食物。我既最爱是牛舌，其他餐厅甚少做到厚切，这里的口感绝对更好；滑牛真的好滑，一口下饭，咬下即溶〜而牛腩、牛筋好正，前者肉质软身重牛味，即使配浓味既咖哩都能吃得出；而后者的筋已经煮到软烂，黏性适中，可以为女士补充骨胶原。 咖哩羊架饭（咖哩汁另上）我挺喜欢咖哩汁和肉类分开上，一开始可以先尝尝肉类原味。羊架煎得刚好，肉味香浓，外皮脆身，肉质嫩滑，而且份量足。咖哩汁不会太辣，算是小辣的程度。咖哩汁里面还有杂菜，吃肉之余还可解腻。 小食芋头鱼饼及鸡皮饺子都有惊喜，下单现做，口感香脆及味道一流，适合配话梅可乐。喜欢食咖哩的朋友，可以试试天龙的金牌牛魔王咖哩牛大四喜饭，包你有味蕾上的惊喜！#天龙咖哩#咖哩控#元朗美食#必食咖哩店#金牌牛魔王咖哩牛大四喜喜饭#金