太興 (萬安商業大廈)

营业中

休息中

食過太興真係翻吾到轉頭⋯⋯因為性價比好，尤其係下午茶，40蚊都吾洗就有一碗燒味瀨粉！細細個無錢就係食平民價連鎖快餐店，大個左之後有冇錢都只係想食太興，因為有品質保證，服務好，又咁抵食。燒味真係太興既招牌，叉燒切雞油雞燒鵝都食過哂，好Juicy。另外，本人原本對燒肉無感（因為之前係岀面食個啲太差）今日膽粗粗嗌左黎食，太興果然唔同啲！好好味！跟餐送杯熱飲，柚子蜜好足料，雖然個杯較細但對於一個女仔黎講，岩岩好，成個杯有4分1都係柚子餡，濃郁又好飲～吾係想踩其他店，但太興真係一間高質茶餐廳⋯⋯服務吾西吾會有hardfeeling對客友善、環境衛生良好、食物品質有保證，至少我食親都無問題。係一間會keep住幫襯既餐廳！

燒味質素參差，叉燒、燒腩仔、紅腸、燒鵝、切雞，呢啲全部我都食過，但每次食質素都唔一樣。叉燒有時好柴好乾，我都尚可以接受嘅。叉燒如果燒得靚又多汁嘅話，可以好好食。至於燒鵝同切雞就認真麻麻，燒鵝好多骨好多油，啲油多到有浸油係底，而且冇乜肉，個人黎講唔太接受到，食左一舊就放棄左。切雞都係多骨少肉，不過好過燒鵝。燒腩仔啲皮唔脆嘅，呢樣就有啲失望。🥲 紅腸就最穩陣，每次都可以一舊接一舊咁食。The quality of the siu mei is uneven, including char siu, pork belly, red sausage, roasted goose, and chicken. I have eaten all of these before, but the quality varies every time when I eat them, a bit disappointing.

🚇交通：近香港站C出口，在中環街市對面。🏠環境：室內面積挺大，近門面是燒味部，座位大多以卡式為主，排列整齊，裝潢簡單，以淺色為主。🤵🏻服務：QR Code下單，不收取加一。🍽️午市：提供套餐，價錢比傳統茶記貴少許。鐵板干炒牛河+柚子蜜 $74份量正常，鐵板底會結焦，牛河帶焦香和鑊氣，牛肉大塊而較硬身，牛河炒得濃味，整體不錯。

咖喱牛腩飯：牛腩份量超級多，多到都唔夠撈飯，牛腩與牛筋比例佔一半一半，肉軟稔不韌，牛筋出乎意料很軟滑 像果凍 。 可惜米飯偏乾硬 。熱檸水：檸檬有三大片，熱水夠熱👍🏻

今天跟Honey逛中環文聯莊，之後想飲杯奶茶，所以就到了太興。點了凍奶茶、熱奶茶和奶油多士，三樣都不行。奶茶奶味太濃，完全蓋過了茶味，還以為自己在飲奶。奶油多呢…根本不是多士，沒有烘過一樣。真的不行！

早前，我睇 Viu TV，留意到陳葦璇及 Eric Kwok 個太興廣告，才得知適逢 <太興> 今年33週年，推出3款限定新特飲！找天週末，走去中環租庇利街 <太興>！3款限定新特飲，包括：桃膠奶茶、香芋奶茶及豆花奶茶 我為了豆腐花奶茶而來 <太興>，原來好多食客都有點！看來是受歡迎飲品！下午茶羅宋湯通粉配四色卷 $42羅宋湯通粉酸香醒胃，通粉軟硬適中又入味，起碼好過麥當勞貨色的扭扭粉！四色卷這是魚肉配蟹柳，調味不錯！豆花奶茶 (午餐或下午茶+$3)凍豆花奶茶表面加上1串3粒燒棉花糖，賣相吸引！沒有加冰，入口已經夠冰凍！ 奶茶香滑濃郁，而且這是減甜配方，燒棉花糖甜度恰到好處而富彈性！浸落奶茶是另一種食法！其實！<媽咪雞蛋仔>之前都有供應，奶茶都好夾到豆腐花！當然，<太興> 香滑濃郁的凍奶茶，比較 <媽咪雞蛋仔> 更勝一籌！

煙三文魚菜粒炒飯三文魚惹味有鹹魚風味，飯粒柔韌適度，又不會太油，菜粒脆口，好味，我推薦。燒味三拼午餐叉燒甘香可口，燒肉算可以，但切鷄絕對有改進空間，一來切得太細太碎，二來雞肉欠鲜嫩。希望下次光顧能够再有驚喜！奶茶好飲，港式風味。咖啡不錯，只覺得太細杯！

其實一般大型連鎖食肆我都好少寫食評嘅，因為通常質素都相對穩定，特別係早餐通常相對真係冇咩好講，而且相較之下我寧願晒啲心機去寫一啲比較細嘅舖頭，感覺上會比較有價值。但係今次嘅體驗真係應該係連鎖食肆黎講接近最差嘅體驗。最近好多舖頭都唔開啦，朝早中環更加係咁，咁就諗住求其食個早餐啦，首先嘢飲送錯，嘢食都係送錯，然後個扎肉米粉冇咗塊扎肉…其實都係得個一塊扎肉，碗米粉數埋其實都冇幾多樣材料都可以咁…雖然都冇幾多台客都可以係咁錯。不過算，但係佢補番塊扎肉俾我嗰陣，可唔可以係咁煮煮佢？成塊啲扎肉係凍㗎，真係唔知想點。然後睇返碗米粉，呢個嘢真係可以拎出嚟比佢個客嘅咩，首先個賣相就已經幾唔開胃，我一度懷疑係咪人哋食剩嘅。OK，我哋唔好睇樣，青豆裏面凍嘅，呢個係咩玩法？真係成件事感覺好差，雖然都唔會有乜嘢好嘢，但係呢個標準會唔會太低？講埋服務啦，我感受嗰度啲職員應該都幾唔開心，不過都係算啦，連鎖茶記黎姐

一碟70幾蚊叉燒飯成功靠美味嘅叉燒汁，掩蓋到又乾又柴又不新鮮嘅叉燒除咗叉燒本身有問題，連個師傅刀功都有問題，切完的叉燒成條連體嬰一樣。夥計的工作態度仲好差，我碟飯都食咗一半嘢飲都未到，水吧嗰兩個掛住玩手機，環境還十分之惡劣，門口冷氣機不停滴水，但連小心地滑牌都冇放出嚟，如果同老人家去記住小心。結論：如果我調到他的叉燒汁我應該不會再去幫襯。

D 叉燒 又firm 又hard基本嘅豬肉都攞唔到靚嘅部份另要加$18 燒腩難食到😰$98 係其他燒味店已經係天價邊有可能收 呢個價錢又沒有例湯但自己仲話 燒味大王，連基本嘅燒味都唔識做。

晏晝本來想出街食飯先來落大雨，唯有又跟同事叫網上外賣平台外賣。今次喺太興度叫咗個叉燒燒肉飯，等左半個鐘終於到。食物顏色唔算吸引，好深色，同平時行過見到掛喺度果啲咁鮮色都幾大分別。但係食落啲叉燒蜜汁夠晒甜好好味，可惜d肉太瘦，如果係半肥瘦叉燒就正。燒肉有五舊，味道不過不失，望埋去以為燒肉皮好似脆卜卜，但係食落都係唔脆，可能因為外賣焗到冧咗。超多飯啲汁落晒底，撈完唔會太鹹啱啱好。$72一個雙拼飯加一杯熱飲稍貴，不過落大雨都冇辦法。

朝頭早去中環探朋友，順便喺附近食個早餐，之前都有一排喺度食早餐，所以佢嘅餐單有冇改變，我都好清楚。其實我每次都好期待佢個餐單會有新嘅菜式，可惜佢嘅早餐都係一成不變，每次都係嗰幾個選擇，如果佢早餐嘅選擇可以多啲或者每季都有唔同就好啦！每次食佢嘅早餐都會飽冰鎮奶茶，因為冰鎮奶茶係佢嘅招牌飲品，佢嘅招牌奶茶，而且加$3就可以飲到，所以我每次都會飲！佢嘅早餐質素普普通通，只可以話係正常發揮，唔會有太突出嘅感覺。

今日lunch 本來好想食太興果個瑞士汁牛河重叫同事一齊去食,點知去到睇曬全部餐牌都冇瑞士牛汁得普通嘅干炒牛河,當時真係有啲失望即是唔知食乜好,於是睇下隔離左右食啲乜賣相吸唔吸引,望到隔離枱好似食緊臘鴨脾飯賣相又好似幾靚咁,於是再睇睇餐牌果然見到真係有我就叫了,來到賣相都好靚臘鴨脾都多同事見咁靚就叫我請佢食舊,味道唔錯唔太咸又唔會好硬送飯一流,柯華田夠濃好味最怕有啲茶餐廳唔知點解啲柯華田冇味冇道好鬼難飲

年初一🧨🎁🎉🎊🎈🏮🎀............食返個重量級大🐷手，祝大家橫財就手。新年應節，當然係要好意頭，太興隨了燒味好㫓。原來豬手都做得咁好味，侍應服務招呼仲非常好👍👍呢隻大🐷豬手炆得又夠稔，又夠味，肉質不會像其他的肉做到（鞋颯颯），味道適中，而且仲滿滿骨膠原，下面有小唐菜索咗D汁仲好味，價錢仲好抵食。68元大大隻😜三拼燒味飯套餐——-自選三款燒味，燒鵝，燒肉配肥叉燒，燒鵝肉嫩滑，燒肉肥叉一樣咁嫩滑好味😋三拼燒味飯套餐——-自選三款燒味，油雞🐔，燒肉配叉燒，油雞肉質夠嫩滑，燒肉叉燒，又係太興燒味之選⋯⋯

中環太興對於中環返工嘅朋友來說應該一點也不陌生..在中環上班的這些年頭也不知在這裏渡過了多少個早上我喜歡點早餐B, 熱柚子蜜, 足夠令你飽足一個早上. 招牌炒滑蛋滑溜, 兩塊正方形的火腿口味正宗, 牛油配多士稍為熱一點較好, 還有這裏員工服務態度很專業呢