太興 (企業廣場)

营业中

休息中

$35蚊叉燒瀨粉下午茶圖片與實物不符由於太興燒味十分出名，所以order左個瀨粉，滿心期待是一份色澤濃郁（即係紅色）的叉燒，點知上到黎係一份褐色的叉燒，由於與友人交談並沒有過多留意。當我咬落去先知發現2/3肥膏，然而隱約有陣豬騷味。由於已經食緊，所以硬住頭皮食落去。食完之後對於太興失望至極，再望隔離檯正價的叉燒飯，色澤一如既往的紅潤，更覺得失望。如果用的叉燒不同，應該要表明，而不是將貨就價。唉…想支持都支持唔落

2024年9月10日 (星期二) 11:40am 33°C 環境光亮整潔，餐具乾淨。 餐廳裝潢時尚，QR Code 或人手下單。 人數：2人 HK$130 不用等位 鐵板乾炒牛河 - 鑊氣十足，牛肉肉質軟，不會太靱，河粉滑溜，豉油使賣相好像很鹹，實際是少鹹味而已。【推介之選】❤❤❤ 頂級午餐肉滑蛋公仔麵 - 午餐肉味道偏鹹，炒蛋滑嫩，麵條依舊彈牙，香港人至愛之選！【推介之選】❤❤❤ 熱奶茶 - 香濃幼滑，提腦又提神，正呀！【推介之選】❤❤❤【 溫 馨 提 示 】：❶ 只收現金、八達通❷ 不接受信用卡

水杯入面有食物殘渣, 太興服務員居然同我話個杯乾淨.。跟住我畀個杯佢睇，服務員態度差，話得‘’喇得喇得喇‘’。 一句唔好意思嘅說話都冇講過。 平時講嘢大大聲騷擾嗰啲客人 仲要話自己係要咁大聲 因為做緊嘢，唔可以畀錢買啲無線咪，等你可以講得好啲呢。 九龍灣呢間啲服務員態度真係仲差過普通茶餐廳 。 成日嘥錢買廣告， 不如用啲錢畀服務員做培訓啦。 一路食一路諗 究竟我仲唔應該幫襯呢間。食物都係普通都又唔係話好出色好突出。 冇服務冇質素唔好話啲人淨係識北上消費。

難得早起身去mega box，嘆返個早餐先shopping，太興竟然唔駛等位，早餐重要 $35，抵到呢。。。我就揀左午餐肉滑蛋公仔麵，好多人都讚太興既公仔麵，所以一於試下，質素確係唔錯，午餐肉煎得好香，而且肉質燉滑，滑蛋亦都炒得出色，好香滑，公仔麵真係要趁熱食，浸得耐啲麵質都變林左。奶茶，黎得太興都係為左杯奶茶，奶茶好香滑，奶同茶既比例perfect，淨係呢杯奶茶都已經值回票價。地方乾乾淨淨，唔錯啦，諗唔到食咩既話都會黎食。

Eh …唔洗錢都叫ok 太興以自家推出的「冰鎮原味奶茶」為榮多年前堂食飲過，杯裝奶茶下方以玻璃器皿裝住嘅冰做冰鎮，茶味都算幾香濃，係齒頰留香嗰種，後來無幫襯過太興就無再飲今次杯奶茶係朋友用商場coupon 換的，外賣加咗冰係奶茶入面，奶厚茶濃就說不上，可能夜晚，紅茶個茶膽煲太耐，好澀🥲，奶味都掩蓋唔到陣苦澀味，我飲咗一啖咋，已經覺得好「鞋恰恰」，剩低大半杯由朋友完成埋，佢話ok好味😋#奶茶==============================

去咗大興食小菜🍚份量較少質素還可以😌套餐可加滋養靚湯😃北菇蒸雞☺️蒸雞的烹製方式能夠保持雞肉的嫩滑口感。雞肉在蒸煮過程中保持了其水分，使其保持柔軟和嫩滑的質地。北菇經過蒸煮後，會釋放出濃郁的香氣，與雞肉的鮮味相互融合。雞肉自身具有鮮美的口感，與北菇的香味相輔相成，帶來一種鮮美的風味。北菇具有獨特的芳香味道，這種香氣能夠融入雞肉中，使整道菜品散發出濃郁的香味。雞肉與北菇的香濃味道相互融合，使口感更豐富。魚香茄子🍆茄子經過烹製後，外層通常會煎至金黃酥脆，內部則軟嫩多汁。這種香脆的外皮和軟嫩的內部相互結合，帶來一種口感豐富的食物。魚香調味料是魚香茄子的特色之一，它由辣椒、蒜、薑、豆瓣醬等調味料組成。這些調味料釋放出濃郁的香氣，與茄子的香味相融合，使整道菜散發出誘人的香氣。杏汁豬肺湯🐷杏汁豬肺湯中的湯汁通常具有一定的濃稠度，能夠滋潤口腔，使人感到舒適。湯汁中的豬肺和杏仁汁的滋潤性質也有助於口感更為柔軟順滑。杏仁汁帶有一種獨特的香甜味道，這種香氣能夠融入湯品中，為湯品增添風味。同時，杏仁汁的香甜味也能平衡豬肺的味道，使整體口感更加平衡。豬肺在烹調過程中，通常會經過適當的處理，使其質地更為綿密和嫩滑

一向都有去太興食飯， 但自從佢出咗名之後， 多咗自由行幫襯， 每次經過都要排隊， 咁就少去咗。唔知點解，近來排隊人潮少咗， 所以就趁機入去吃下午茶。唔知係咪真係好耐冇去太興， 感覺食客大多是本地人， 以下午茶時段來講，仲比想像中多人。 🤤干炒牛河+ 奶茶 （下午茶餐）@56牛河份量比午餐或晚餐少， 但仍有水準， 鑊氣夠， 味道濃但唔咸, 仲略帶甜味添！牛肉份量比較少， 但肉質唔韌，粉好滑又油䦞， 啲粉炒得好鬆， 唔會叠哂一齊。 總體嚟講， 味道不錯但價錢較貴， 一般連鎖店下午茶都係40蚊左右，🥹！

Weekend 去 MegaBox 可以有兩個鐘免，食個早餐順道買啲細路嘢😉都好耐無食太興喇有小朋友的通常唔想小朋友食咁多公仔麵嗰啲，就叫腿通，一放低碗腿通，細路都問我點解叫左碗湯嘅，一碗淺淺的湯面頭又唔多見料，心諗咩料？無話唔好食嘅，只係慨嘆又係通賬猛如虎…不過你大可以adjust the price…. Rather than 比十幾二十粒通心粉比我😅😅😅不過其他糯米雞都可以嘅，炒蛋、奶茶都可以嘅……

去太興，一定係叫冰底奶茶！今日晏晝我就去咗食太興叫咗一個椰香咖喱牛腩飯，同埋惹味排骨湯麵椰香咖喱牛腩飯 $68份量好大 椰香咖喱牛腩好入味飯嘅份量都好多 惹味排骨湯麵 $56排骨湯麵有啲鹹 不過排骨係幾好食面嘅份量都OK 唔會話太淋同埋太硬冰鎮（凍）奶茶 + $3 x2奶茶同平時一樣茶味好出冰鎮咗之後唔會淡咗不過有啲甜 但係都好正份量都好大。侍應人手不足，雖然係自助落單，但係都有漏單情況出現。有啲時候要排好長隊，但係今日唔使真係要撞彩，同埋要早啲嚟食

九龍灣商業區要搵個平靚正的下午茶不是容易，我很喜愛到MegaBox的這間連鎖集團茶餐廳，下午茶的選擇頗多，有胡椒雞湯泡飯、雪菜炆米、滑蛋炒河、星洲炒米等，又有各式各樣的燒味飯。很多人選叉燒燒鵝飯，但今天不想吃燒臘，選了其他。很久未吃過星洲炒米雖然$58有點貴，但幸好份量頗大，而且不會過辣，炒得有鑊氣，材料豐富，鮮蝦好味，而且夠大隻。😍下午茶餐除了包了普通的咖啡奶茶檸茶之外，最特色的是有金橘蜜、柚子蜜、鹹檸水。這些特色飲品也不用加錢，凍飲加$3，特飲加$8特飲有紅豆冰、鹹🍋我叫了咖啡正正常常。

下午茶吾抵剛剛食過堅利地城太興午餐好低同好食，今次來到九龍灣眯食佢個下午茶，但覺得吾抵。吾抵系邊- 有底（粉）少函，- 好油膩- 無鑊氣- 價錢只系小午餐$5乾炒牛河（2分）$56- 睇落賣相好，因為多油，一食就好似撈河多過炒河，無鑊氣。- 牛肉可能只有3,4塊，仲有根。雪菜火鴨絲炆米（1分）$54- 賣相OK，但睇到都無幾多鴨肉，系都得鴨皮。- 雪菜屬於吾好味果種- 米粉比較粗鞋- 最後果淡仲送條尖骨比我，一定系1分啦

8月7號晚上係九龍灣MegaBox太興食了叉燒燒肉油雞飯，$90，叉燒同燒肉都十分肥，跟本食唔到，油雞又乾爭爭，圖show油雞是雞髀的,但係嚟到又唔係雞髀不特止，還要乾爭爭，鞋颯颯，仲要排隊排左半粒鐘。好差⋯⋯唔會再有下次

枝竹豆腐無味，飯又硬 火腩不是腩肉，係燒豬的頭頭尾尾，雖然係下午茶，但實物與圖片完全不相符 叉燒酸，經理態度差同經理投訴 佢竟然黑臉，換歺上枱時距離10cm丟落張枱度 轉身離去

太興一向出名燒味，喜歡食瘦叉的我點了瘦叉飯～碟飯送到嚟我以為自己叫錯，吾係印象中既橙紅色，吾知關吾關因為係瘦叉呢？不過食落都係好味既，瘦得嚟吾韌，只係色澤同印象中有d出入本來諗住叫熱檸水，健康d中和下，但揭揭下manu見到有杏汁豬肺，就忍吾住轉軚我本身內臟係麻麻地，因為驚人地整得吾乾淨，但之前向太興其他分店飲過佢既杏汁豬肺覺得幾正，今次番call～嚟到好香杏仁味，不過今次d豬肉既有少少豬既so味（吾知係未因為我對味道太敏感挑剔呢），好在杏仁味幾重，攪幾攪d湯,俾杏仁味fully cover 晒～最緊要呢隻湯有益得嚟又好費功夫整得好飲，結果我都係飲晒～另外想讚下佢有得俾人揀走汁／少飯，可以食到乾爽既飯，又吾駛浪費，太好la~

很久沒有在下午茶是吃燒味飯，今日經過這間餐廳，見下午茶有各種不同的燒味飯，便入去試試！下午茶時段餐廳人流不算多，座位不是太擠迫，一入餐廳侍應迅速安排座位，效率高。燒鵝鹹蛋飯的燒鵝算份量足，燒得燶燶哋而脆口。肉質過得去，平時燒鵝一向是貴價食品，能在下午茶時食幾舊燒鵝，只花50多元也算十分不錯切鷄紅腸飯，表皮偏油，雞肉不算十分好吃，肉質普通，紅腸切得比較薄，份量略嫌少。下午茶的飲品款式多，既有熱奶茶咖啡，又可選柑橘蜜、柚子蜜、鹹檸水等，比較特別很多茶餐廳要另外加錢。咖啡做得很好味道濃郁但沒有苦澀，奶茶香滑，充滿港式味道👍🏻