太興 (企業廣場)

营业中

休息中

每個星期日都會去太興食早餐，最愛佢嘅炒蛋，超級滑。朋友就食火腿米粉，我就火腿通粉轉火腿米粉，健康一啲。奶茶超級滑，茶味濃，奶同茶嘅比例啱啱好, 係最好飲嘅奶茶啊。

一大早就做得頭昏腦脹，天旋地轉，連水也沒有喝過一滴，尿沒有屙過一篤 ... 放飯了，要找些好東西慰勞自己 ...九十多塊的“燒鵝髀飯”， 可以了吧。更難得的是，它還有燒味飯的must have，一碟熱辣辣、夠乾身的白飯， 香滑、軟糯、暖胃，加上陣陣酥香的燒鵝，就像從前那澳門手信，「此果祇應天上有，人間哪得幾回嘗」，妙絕！可是，沒有香濃的鵝隴汁及那幾條生菜，便收不了畫龍點睛的效果，整碟鵝髀飯肯定會失色不少，這些也是燒味飯的must have吧！

嘢食真係麻麻，量少又唔係平，啲燒味又鹹，尤其啲燒鵝，圖片與事實不乎，去過食既人就會知，嘢食唔好都算，的服務極差，尤其有個阿姐，唔知仲以為去咗地痞茶餐廳，好心就做下啲員工培訓啦！永遠唔會再去！

連鎖餐廳好難唔好食，我最鍾意呢度連鎖餐廳嘅熱奶茶，真係沖得特別好飲，特別醒神。平時都有走過來食早餐，其實好多早餐都叫做平靚正，性價比都好高。今日食咗雞扒滑蛋出前一丁，唔知點解係街食嘅出前一丁係特別好食，爽口彈牙！所以我出去多數食一丁，自己難煮得好食呀嘛周圍周街都係連鎖餐廳，的確係有佢水準嘅

有日Lunch想食個快飯，見太興冇人排隊，就入去睇下有咩食。入到去見到menu有蠔仔泡飯，就嗌黎試一試。▪️蠔仔泡飯太興嘅蠔仔泡飯當中落左蠔仔、豬肉碎、醃菜、芫荽、冬瓜粒同冬菇。其中蠔仔嘅份量比起平時出面食嘅多，仲要粒粒肥嘟嘟，鮮味十足😋另外因為落左醃菜，令成碗泡飯嘅味道更加有層次，帶有鹹鹹酸酸嘅味道！冬菇同冬瓜粒嘅份量亦都十足，冬瓜粒索咗蠔仔嘅香味，而且切成四方粒食落好方便！提外話：呢間太興分店嘅員工服務態度係好差，好之前要有心理準備🤣📍太興Tai Hing九龍灣偉業街33號德福廣場第二期5樓520-523號舖

平時我唔多食燒味，但係如果去堂食，我多數會選擇去食太興嘅八寶飯，諗住乜嘢燒味都有，樣樣都可以試吓。因為減肥，我將八寶飯改為米粉（如果有瀨粉就更好），但係我忍唔住都叫左冰鎮奶茶，因為唔係周圍都有得飲😂😂八寶飯套餐$87，對我來說份量有點大，食燒味都已經食到好飽，米粉個湯底唔錯，不過真係好飽只係食到半碗。冰鎮奶茶做得好出色，不過如果有少甜選擇就更加好。茶味好濃好香，每次我都會冒着增肥嘅風險飲晒佢😭😭我鍾意去太興係因為佢有好多獨立卡位，我覺得食嘢坐得舒服好緊要，呢度比到舒適感我👍🏻

下午茶時間揀左一輪，唔知食咩好，最後2個人叫左2份星洲炒米茶餐，加3蚊轉凍飲。單純以星洲炒米的套餐基本價格計，午市是$65，2時後的下午茶是$56，平左9蚊。星洲炒米的上枱速度都算快，未到10分鐘，是熱的 (話說幾年前去過沙田廣場嗰間就唔熱既)。因為上周去過馬鞍山既金記冰室，都係食星洲炒米，相比之下，這家太興的出品會再油一些、辣一些，食幾啖要飲啖凍飲解下辣，每碟大約有4隻略為有少少晦的蝦，叉燒碎味道可以。雖然金記冰室的星州炒米都不算好食，但整體我覺得比這家好少少。

同班frd去九龍灣玩，諗起好耐冇食太興就諗住入去試下，lunch嗰陣嘅餐算多，賣相都好似好唔錯，所以揀左個雞絲麵嚟試下，好彩嘅係，我嗌嗰陣淨翻最後一份雞絲，真係覺得自己好好彩，呢個雞絲麵都真係好好味，下次都仲會嗌呢個面

我幾鍾意食佢啲燒肉嘅，不過真係一間間㗎啲燒肉嘅品質。如果呢品質嘅monitor呢係可以好啲嘅話呢我覺得會更加好。然後就係真係啲燒肉係有時硬有時林。我覺得品質係好似差過以前。不過我好鍾意下午茶食佢嗰炒蛋餐肉出前一丁，因為佢嘅餐肉配合埋佢出前一丁嘅湯底個炒蛋又好嫩滑啲餐肉又厚又好味。

I recently went for dinner and tried the beef curry. Pretty similar to other Thai restaurants curry. The portion of the curry dish is relatively ok. I wouldn't say, I did enjoy a lot, However, I did like curry. Quite a big menu. Enough to choose from it. Well cooked milk tea and the taste is much better than ordinary milk tea which I usually try in other restaurants. However, overall satisfied. 

細個嘅時候有得食餐蛋麵都算係一種奢侈，呢個茶餐廳麵食實在俾我太多回憶，打風落雨喺屋企必食，考試溫書必食，夜晚OT工作完必食⋯今日心癢癢突然間又想食個餐蛋麵，行過見到太興茶餐廳，佢杯奶茶我都幾鍾意嘅，走嗱嗱聲走入去。餐肉有兩大塊，切得夠厚身，煎得又香口，係比較油一點，而個滑蛋又真係幾好食，真係可以滑入口的。湯方面我覺得味道偏鹹，淡返少少會好啲，比較鍾意煮出黎麵嘅硬度，啱晒我！杯奶茶一貫水準，用厚身杯仔載着，冇咁易凍，茶味夠濃，奶夠香滑。

現在市面冷清清， 我都是因為要出來買少少日用品才到megabox走一趟， 中午時分到太興吃午飯， 估唔到餐廳還有很多客人， 快快就點好餐，冬瓜蠔仔泡飯 ＋ 凍奶茶 $61， 台南肉燥煎蛋飯 + 熱奶茶 $52， 準備食完立即走人。冬瓜蠔仔泡飯～ 蠔仔粒少得可憐， 勝在濕濕地易入口， 入面還有冬瓜粒和魷魚， 但味道屬於普通。台南肉燥煎蛋飯～ 味道不過不失， 煎蛋有流心效果， 肉臊味道偏淡。奶茶～ 最欣賞這裏的奶茶，無論凍奶茶和熱奶茶都有水準， 凍奶茶是冰鎮的， 保存返奶茶的原味，正！經常都會到太興用膳， 食物質素都算是保持幾好的水準， 但今次這兩份午餐味道就比較普通， 可能每一間分店都有不同的質素吧！

睇完戲出嚟都差唔多五點，肚仔又開始有啲餓。我哋走咗去 #太興 食 #下午茶餐，順便吹吓水。嚟得 #太興，梗係食 #燒味 啦🥢 朋友叫咗個 #燒鵝米粉，而我就要咗個 #咸旦叉燒飯 配我最鍾意嘅 #冰鎮奶茶🥤其實我唔係咁鍾意食 #咸旦 㗎，不過個餐有，我就照要啦，難得我 #朋友 鍾意，我當然樂意share啦。呢間 #太興 嘅 #叉燒 唔多靚，望落去已經唔多開胃，而且肉質太瘦，唔ok呀！不過杯 #冰鎮奶茶 都keep到水準，單係飲佢都好滿足喇👍🏻

星期日的晚上, 外面都有不少人輪候! 但因待應的唔小心, 比了排在我後面的人入去! 我和前面輪候的人! 真係比你氣死! 至於點餐, 就是三翻四次叫待應才能落單! 其後發現後場有一半都無關, 難怪外面有有這麼多人輪候! 只能說人手不足影響服務!至於食物唔係唔好食,其實個凍奶茶是冰鎮的, 茶味亦足, 都算有誠意之作! 而咕嚕肉亦算煮得唔錯!論價錢, 274元三個餐, 比普通茶餐廳貴1至2成! 但服務唔太好!希望稍後太×可以增加人手, 改變服務!

今日同同事去咗太興食lunch ，太興嘅燒味個人覺得好貴，而且名過於實，於是冇叫到燒味嘅，反而叫咗星洲炒米。碟星米黎到重見到有少少煙出，姐係起碼唔係大鑊飯啲朋友。色水有，料都足，應有嘅有。例如鮮蝦，洋蔥，韮黃，蛋，叉燒，辣椒等等。巢開黎重見到少少未炒勻嘅咖哩醬。好多茶記會將配料灼完未‘鯨’乾水就落鑊炒，而且炒得唔夠乾身，令到成碟米粉都濕濕地。呢碟冇呢個情況出現，有色有香有味，色香味三樣都有，好味，如果多啲蔥同辣椒會好啲，令隻色更悅目。