太湖海鮮城

营业中

休息中

疫情之下，好耐冇去過今日經過就殺上去食吓海鮮點知非常失望從未試過啲嘢咁差一係鹹得滯，條魚直程係唔新鮮啲肉好梅，散曬非常失望d蝦都唔係好新鮮另外一味菜又係離晒大譜豆腐火腩成煲嘢得3 塊火腩仲要係有啲怪味嗰啲其他就係豆腐完全係搵笨心情非常不愉快希望佢哋快啲改善好難得有間酒樓開到咁夜又有海鮮食佢哋呢種質素直程係趕客

男朋友有幸抽到香港旅發局的”夏日賞”優惠🥰，呢日我地把握住難得嘅機會，黎到銅鑼灣@太湖海鮮城試下佢地嘅3️⃣7️⃣6️⃣歡樂二人餐🥰🥰🦞龍蝦湯海皇羹平時西式龍蝦湯就食得多，中式嘅龍蝦湯都估唔到毫不遜色🤩，入面嘅用料豐富，每一啖都食到唔同配料嘅組合，而佢地又可以自然融合🥰，非常match。口感絲滑，鹹淡適中。龍蝦肉有大拇指大小，好味到一啖接住一啖😚，好快就見底。一碗🥣嘅用心炮製真係會俾食客感受到🥺🥺推介指數⭐️⭐️⭐️⭐️⭐️🍤上湯大蝦伊麵每隻🍤都唔細，鮮甜可口😍，肉質QQ彈牙🦷，一試就知道係好新鮮💕，伊麵就選用扁身偏幼嘅麵。我食左第一啖，即刻同佢講，哇，係我會鍾意嘅麵😍😍。再加上有大蔥作配料調節，一啲都唔會覺得油膩，反而增加唔少fresh嘅口感👍👍推介指數⭐️⭐️⭐️⭐️⭐️🦢鮑魚青蔬玉掌鮑魚喺24頭鮑，唔會太大，口感一般，但鮑汁就好濃郁。鴨掌完全入味，但唔會覺得鹹，煮得好軟捻，一咬落去，已經可以脫骨，食到入面嘅白色脆骨🥳推介指數⭐️⭐️⭐️🥘鰻魚炒飯呢款鰻魚炒飯嘅鰻魚味好重👍，鍾意食鰻魚嘅朋友唔好錯過🤩。鍋氣夠重🤭，食炒飯就係為左佢嘅鍋氣🥰。每一啖飯都夾帶著鰻魚，鰻魚獨特嘅味道在口腔中化開，有滋有味😚😚略嫌炒飯唔夠干身，

太湖係一間員工好有禮貌，服務態度非常好既酒樓。🧈酥皮叉燒酥呢個叉燒酥好正，個酥皮好香牛油味，入面啲咸料有陣金寶湯味。面頭好脆好甜美，連埋啲叉燒食去咗好高既一個層次。🦐蝦多士見到隔離枱食，問係咩嚟，服務員話係呢度好出名既蝦多士。跟住叫左嚟食，佢個樣好靚，一粒粒咁，咬落首先粒蝦好脆先，啲多士都係，有陣好香既牛油味。🎣饅魚腸粉呢個真係要介紹下，成條鰻魚包咗入條腸粉入面🤣，條鰻魚咁肥美，係另一種享受。♨️小籠包汁唔多，味道不過不失。🦞龍蝦伊麵個底有個蠟燭🕯️熱住既，成碟野一直滋滋聲響。啲龍蝦多肉甜美，唔難挑出嚟食。啲伊麵唔會好油，整體幾好。🥚紫薑皮蛋啲皮蛋係流心既，樣子唔太美觀但食落味道還可以。🥩海蜇水晶肉麻油味重，味道不俗。🍄香菇魚塊煲很細的一煲，芡汁太杰，偏咸。🥣皮蛋瘦肉粥普普通通，不過不失，但唔知點解有條髮菜係面。♨️燒賣味道不俗，多汁。♨️馬拉盞鬆軟可口。整體啲野食都幾好食，不愧為米芝蓮推介既餐廳。

太湖海鮮城食物: 鴛鴦棗皇糕😋x3羽衣甘藍菜苗餃😋X3鮮蝦腐皮卷😋X3香煎芝士餅😋X4香煎馬蹄糕😋X3龍蝦湯浸鮮竹卷😋X4鮑汁紅腰荳蒸鳳爪😋X4青蔬雞絲粉卷😋X3香煎蘿蔔糕😋X3咖喱魷魚😋X4鴛鴦棗皇糕︰熱品，唔會太甜👍🏻，適合唔鍾意太甜的人士享用。😋😋香煎芝士餅︰外脆內軟，香濃的芝士味，芝士愛好者會很喜歡。😋😋鮑汁紅腰荳蒸鳳爪︰呢一間的鳳爪唔錯，原汁原味。😋😋咖喱魷魚︰辣道適中，有口感。😋😋總結: 環境唔錯，洗手間環境亦很好，衛生亦可以。下午荼時段亦很多人，要等位。點心的款式很多，有不少特別的款式。味道更是不錯，食物質素唔錯，很值得光顧。分數 食物: 8/10環環: 8/10服務: 8/10推介: 8/10上菜速度: 8/10地址: 銅鑼灣駱克道463-483號銅鑼灣廣場二期9樓

係8號風球下既銅鑼灣💦💭，周圍既餐廳已經關門。原本想食拉麵既我地唯有係呢個寂靜無人既銅鑼灣覓食 。一路沿駱克道向西行，突然出現一個中年女士在派傳單。單張上寫住太湖城餐廳，折扣50蚊，係無咩餐廳既選擇下唯有上去餐廳睇下咩野環境先，以防係伏😂。一開lift，竟然枱枱都有人坐，打緊8號風竟然都咁多人，簡直教人覺得意外！ 相信呢間酒樓既食物質素一定有返咁上下水準。😁食物水準果然冇令人失望！我地叫佐3個餸。1. 豉椒味菜炒蟶子皇 蟶子超爽口，配上香濃既豉椒汁，真係想多食幾隻！2.蒜蓉粉絲蒸扇貝 呢隻扇貝同出面既扇貝唔同既係佢加佐好多妃子去蒸。妃子本身帶有甜味，配上豉油汁加粉絲同蒜頭食，真係別有一番風味。3. 豉油雞雞肉嫩滑，配上豉油汁食送飯一流。

朋友話帶我食好嘢喎。為咗保留驚喜去到酒樓先比我知食乜嘢去到先知原來佢一早預訂左三頭南非大網鮑配鵝掌翼酒樓經理送上嚟嘅時候我都忍唔住嘩三頭鮑魚有我拳頭咁大俾我哋睇之後，就喺我哋面前用鮑魚汁再燴一燴先上碟，兩個人一人一隻用刀叉切嚟食🍴鮑魚炆得非常入味而且淋滑，鵝掌一樣炆得非常入味，連鵝掌軟骨都食得津津有味食完呢味鮑魚已經飽左七八成再食埋個足料蟹鉗已經食唔落其他嘢了蟹鉗又係好味，蝦膠非常彈牙。朋友知我鍾意食蟹鉗仲特別為我點多一隻。食埋兩隻蟹鉗之後已經飽到食唔落其他了。當晚見到客人好full下，下次有機會一定再嚟試吓其他野。

原本諗住去隔離嗰間越華會，點知原來執咗轉咗老闆，要再諗吓係邊度食飯，好耐以前食過太湖，質素都好好，一直冇機會再去試，所以再去試吓，一入去發現原來好多人，晚上7點都已經差不多滿晒，叫咗個龍躉兩味，炒通菜，質素真係唔錯😋，好多龍躉，通菜炒得好有鑊氣，拍得住大排檔，怪知得咁多人一家大係裹面食飯。

在銅鑼灣非常方便的一家，沒有人想起的酒樓。拿了多年米芝蓮的酒樓～拎起 點心紙 就會有種洋洋都新奇有趣嘅點心！(而且 價錢好抵食)我地只點了點心，午市套餐都有抵食炒粉面。🤩🤩蛋煎糯米雞(最愛糯米雞 好鐘意啊)沙薑鹽焗雞爪(雞腳好入味 軟軟的)紅豆芝麻卷(比個名字驚訝左，冇太大驚喜，不過 芝麻味十足)豬腳姜(超大碗，食到底 又發現多一隻蛋係度！哈哈哈 又驚喜又飽)蟹肉菜苗餃(其實比起蝦餃 我更喜歡菜苗餃！蟹肉嘅 更歡迎😍)午餐4個人食 飽飽！人均$100

📍Tai Woo Restaurant Michelin Recommended Restaurant I was not expecting much when I visited Tai Woo. It’s decor and service is like the average Chinese restaurant but I was quite surprised by its food quality given it’s price point. We ordered those standard meal for 12 so the dishes are very common but most of them are well executed. Quite a good place to go for a normal family dinner. Recommendations: • Suckling pig (Crunchy) • Lobster with fried vermicelli (well executed) • Sesame chicken (s

點心款式特別, 跟其他酒樓不同. 麻辣鴨舌脆海蜇 海蜇味道清淡，鴨舌沒有麻和辣，反而八角香料味很重，整碟不太協調，味道怪怪。菠蘿蜜桃炸小雲吞水果味不太突出，但肉餡非常好吃，炸皮非常香脆，沾醬酸酸咪咪非常醒胃，值得推介。

好多好野食揀。我哋叫左蟠龍鱔（$218）,脆皮BB鴨（$68）,潮洲糖醋煎兩面黃（$68）,杏汁雪耳勝瓜（$98）,白飯（$16）,最後包埋甜品（$18）。首先有一小碟油炒花生魚仔開胃。之後上BB鴿，一食係多油多滋味，皮就唔脆，有紅薑開胃，配有鹽同豆瓣醬。之後有菜，杏汁暖胃，食到淡淡杏仁味。兩面黃同醋白砂糖分開上，可自行決定酸甜度。兩面黃上有少許葱 白，同醋食，脆口又開胃。最後上菜係龍蟮，葱花同豆豉一齊煮，用魚汁撈飯食一流。d魚火候啱啱好，d肉爽口嘅，有豐富的膠原蛋白。最後送上蛋散同蓮子紅豆沙，蛋散厚粉不太脆，落左蜜糖，紅豆沙則不會太甜，有陳皮的回甘味。待應態度不錯。值得一試！

上次去都已經係八月嘅時候質素保持水準，繼續支持冇乜特別嘢好寫因為來來去去都係嗰幾味都叫咗條清蒸瓜子不過唔記得咗影相而家比以前相對容易有枱飯後依然送蛋散同埋紅豆沙員工依然好有禮貌同埋好醒目尤其是啲upsell 👍

星期日到太湖飲茶，發現太湖的點心食得出由點心師父親手做，整體都意外地好食。除了點心紙上的點心，有時職員會整盤食物由廚房托出，食物份量有限，食客清盤後就沒有/要再等待新一盤出爐，其中炒麵同迷你菠蘿包就是例子。當日食的點心整體味道滿意：叉燒酥新鮮重牛油味，餡料足；炒麵香口夠乾身；馬拉糕夠鬆軟且不鬆散。比較下，燒賣就略粉。迷你菠蘿包有夠新鮮，不過咬落時皮與包即分離就扣了些分，但餡料特別，不太肯定是否由蓮蓉加豆而成，如遇到出爐可以一試，坊間的確少見這味道的迷你菠蘿包。總括而言，點心食到點心師父心機，員工亦很友善很有記性，會用心去記你的order，故對太湖印象還好。

平日黎到哩到飲茶🍵唔係太多人 環境舒適可以坐好耐都唔會趕人走😄兩個人又想試下多D野就嗌左個午市超值孖寶有四款點心 魚片湯麵 同紅豆沙價錢幾抵食🤗味道就普普通通 不過不失😅

好耐冇去過，最近決定去試吓水準仲係咪度- 冇以前咁多員工，服務態度一樣咁好- 雖然冇以前咁多客，反而坐得舒服咗- 職員服務態度一流- 食物質素保持到- 照舊送甜品- 蒸魚價錢相當合理可以再去