太湖海鮮城

营业中

休息中

1.食物質素差2.落單混亂,女侍應態度極差3.投訴時高級負責人態度賴皮如果想受氣,就光顧吧！ 聞說此酒樓服務多年來完全沒有改善！！！！！失望失望失望...........

已經幫襯多年，看到経過無數風浪，店舖依然健在，水凖依然保持....難得雖然，裝璜比較陳舊，但無損食品的水凖，價格又公道，員工很勤快...今晚，約左朋左吃晚飯，怎料，被放飛機，惟有做孤獨美食者點叫澳洲藍龍蝦，斤4兩左右，size不少，$488，兩吃： 刺身，有魚翅湯附上，可吃刺身亦可白灼，龍蝦生猛新鮮，⬆️枱時仍會動的，龍蝦肉鮮嫩可口，無論生吃或白灼，都一樣咁好味！👍👍頭及爪斬件，可以滾粥，或滾湯加脆米，或椒鹽，揀左椒鹽，頭爪頗多肉，椒鹽野味，送酒一流！食得飽足，又美味！正

今晚係一星期第二次食，上一次係食羊腩煲，今次試雞酒🔀肥牛。。。服務態度：米芝蓮級服務。環境方面：夠靜，舒服。食物質素：雞酒太多藥材，重藥味，再加肥牛完全唔夾，牛幾靚都死，大家千其唔好crossover。小象拔蚌好甜。鮑魚太細隻，好似小食鮑魚咁細，但味道好。糯米飯好味，油份不太重，又不會太乾，味道夠不會過咸。性價比：中等總結：米芝蓮級真係要試，我一定會再去，因為還有其他食物未食，每次都只能試幾種。好味指數

本來一心食放題，最後因為見到米芝蓮所以想試下。。。食物方面：今日食咗羊腩煲，238低食。。。好足料，羊腩夠林，好夠味，連腐乳醬都有檸檬草。食完羊腩加咗一碟肥牛（如圖）。。。羊腩crossover 肥牛，估唔到咁夾。。。環境方面：唔會好嘈，仲有強烈食物香味。。。服務方面：大約接觸咗3個男職員，每日態度都好好，好體貼，不時會問下你食飯物質素點。有互動。。。價錢方面：合理總結：我已經計劃過幾天再來，下次必食海鮮，聖子及鮑魚。。。

三點到達，已見有三人在，企咗三十秒唔見門口登記條女，入面有兩位女侍應正在高聲談話，冇人理我地。跟著我見門側有張紙寫下午茶已暫停。唔明點解見門口有客都唔出嚟講聲，你入去門其他忙緊嘅待應佢哋話唔知。垃圾服務上次食晚飯我已經覺得D佢地D態度差，好迫坐得好唔舒服D員工十問九唔應Arriving at 3 pm and there were already a few pees standing there waiting for the door girl to return to register. Waited 30 seconds and saw no one but two waitresses were standing chit chatting without coming out to greet any of us.Then later I saw a piece of notice on the side of the door saying tea time is over due to night banquet. Still no one confirmed with

和家人慶祝端午節，因母親有優惠券所以來到這家店慶祝。點了6人套餐1780元，搞了優惠券只需1280實在划算。首先送了小吃花生和印尼薯片，有印尼薯片做小食實在很特別，而且非常香脆。頭盤為六福臨門拼盤，但味道只屬正常。之后的金湯蟹黃翅味道淡而無味實在非常失望。腰果炒帶子牛柳粒也很一般。牛柳粒非常硬，帶子也很少。反而荔枝沙律明蝦球是最好的一道菜。蝦球非常大，配上沙律醬和荔枝味道很特別。龍躉兩味是第二道我最愛的菜。龍躉肉非常多，肥大嫩滑，魚肉鮮味。這道菜實在值得推薦。瑤柱竹笙泡清蔬和芝麻雞味道中規中矩不過不失。荷葉飯配料不多，蝦肉很少。反而最驚喜的是甜品。金絲糖蛋條實在非常香口，配上糖漿，小孩子絕對喜歡吃。整體這個6人餐有我喜歡吃的小菜。亦有做的一般的，水準比較參差。說是米芝蓮推薦餐廳實在有點言過其實。

1.  服務水平極差坐下來, 說不要他们的前菜小碟。女經理馬上說"不要前菜就没有糖水送!"  我们說没問题。飯後, 另外一個待應放了两碗红豆沙和两條脆麻花來，哪女經理馬上走過來大聲的說"他們不要前菜的, 不要上糖水给他們!"大聲叫一個年青待應拿走。還走過來說红豆沙不拿走了, 怕有口水, 免费的,你們吃吧! 她有病!我們两個人才吃了五百多元的菜, 會要因為她怕有口水才"送"的红豆沙?!2.  食物品質差點了一份羌葱炒蟹加伊麵底。 因火候不夠, 水汪汪, 蟹和伊麵都不行。另外叫了一份花甲, 有沙。食物品質還可以忍受, 但服務水平就因為區區十元八塊的前菜而羞辱客人, 這是絕对不能接受的! 所以當晚立即通知所有群组以後都不要去!!

As Taikoo Shing residents, we used to always dine at the 太湖 in Sai Wan Ho esp for late dinner at around 9pm. But as it’s closed down, we now go to the one in Causeway Bay and we’re glad that the food still tastes so good!-The dried vegetable soup has a rich lean pork and vegetable flavour.You can see the ingredients here. The pork bone has nearly melted and blended into the soup!-We also ordered a Peking pork. The pork is crispy on the outside, while on the inside it still retains its tenderness

有超過4個月時間無一大班波友一齊出嚟打波食飯吹下水，今晚難得打完波齊齊食宵夜，好在朋友訂左枱，估佢唔到限聚令下宵夜時段爆場，無訂枱要等位，仲迫過茶餐廳，可能佢加左D屏風分隔D枱，令到環境更擠迫，聽侍應講係今晚咁旺，之前都係小貓幾隻，可能香港人已按耐不住，要出嚟鬆一鬆，我地一行8人叫咗8個餸，最好吃係燒鵝，腐竹魚湯浸菜，蒜蓉開邊蝦同送嘅紅豆沙，其他就水準一般，每人夾$130，CP值都算高啦，唔怪之得咁旺場。另外要一讃係佢地侍應嘅服務態度，忙碌之餘仲識得講下笑，苦中作樂敬業樂業👍🏻不過有D餸漏單，白等30分鐘，再催先話漏單即刻補，見佢地禮貌不錯，我哋都無詐型。我哋食到10點幾走果陣仲有人嚟，酒樓老闆今晚應該笑🉐️出啦！

同朋友食飯，本來想去食日式放題但都係唔好啦😅留下那到張優惠券食300元減$100元就係太湖所以就去試吓😊見到餐牌有幾款係得獎美食🤔就叫來試吓芝麻鹽焗雞💕皮脆口，肉質鮮嫩不會好乾👍蛋白蒸龍躉💕魚肉質差左小小，但蛋白非常好食😋用來撈飯一流👍之後有甜品送紅豆沙✨炸蛋散

朋友約食生日，想搵間小炒，靜靜傾下計，聚下舊！揀選咗老牌的太湖海鮮酒家。搬了銅鑼灣廣場後，等一次幫襯。芝麻雞必叫，芝麻皮香肉滑，好好味😋櫻花蝦野菌西班牙黑毛豬，豬肉薄切，肥美滑溜。銀魚乾韭菜花小炒王，十分惹味，送飯一流。👍🏻香蝦啫啫唐生菜煲，生菜上枱仍未翠綠。功夫了得！勁！💪🏻最後還送上紅豆沙同蛋散！真係值得、值得再去！

今天要介绍的是坐落在铜锣湾闹市的太湖，分电梯一开，一副90年代香港茶楼的样子。大部分都是熟客，洋洋洒洒一大家子的温馨。因为人多，就将点菜的重任交到餐厅领班的手上。以下就细数一下热情领班推荐的硬菜。冬瓜盅：采用传统做法，半只冬瓜切开，将鲜虾，竹笙，冬瓜肉放入挖空的冬瓜里面，煲煮，消暑去水腫，口感清甜不腻。三弄回味牛肉：用鹵，炸，澆汁三种手法操作，濃郁的滷水滋味，炸過之後外面一層皮有點脆脆的，澆上濃汁。感覺很像大塊，外焦裡嫩的牛肉乾（片），少辣。大鲍鱼：鲍鱼就不多说了，新鲜，味道均匀的分布到鲍鱼的每个角落，弹牙带有胶质。暴雪藏龍：也就是斑球蒸蛋白。重点不止在魚🐟，蒸蛋白也平分秋色。蒸蛋白显嫩火候掌握得很好，充裕着浓浓的魚鲜。斑球被蛋白煨煮，肉質不會變硬，非常嬌嫩，薄薄的魚皮厚厚的魚胶轻轻的粘住嘴唇。海鲜餐厅不可少的主力担当：粉丝蛏子，这道菜说简单也不简单，要求颇多。粉丝不能太多抢了蛏子的风头，蛏子要新鲜，清甜，肉肥，沙子要吐干净，打开外壳的时候不能弄碎了。多方面考虑又要迅速呈上，也是对师傅功力的考验。炒飯：一部分米飯是炸過的，香脆，大號的蝦米和葱花满口留香。性价比非常高的一家酒家，看得出师

之前都嚟過一次食晚飯，幾好，之前聽妹夫講呢度D蛋散係即整又好食，於是，今日去飲茶就不如去試下啦喂....星期日12點幾1點，吾駛等位，TICK左一個孖寶---荷葉飯配點心拼盤，另外再叫左個蝦多士、蛋散同豉油王炒腸粉....1. 荷葉飯好食，吾似出面有D乾爭爭，有瑤柱絲、冬菇絲、蝦隻，有料又蒸得夠熱...我本來對荷葉飯麻麻地都覺得好食...2. 點心拼盤，有2隻蝦餃、2粒燒賣、1條春卷、2個蓮蓉煎堆仔、全部都熱辣辣，炸嘅香口，蒸嘅夠透，好味....3. 蛋散的而且確好食，香脆吾硬又鬆化，新鮮製作4. 蝦多士都OK，但有少許油5.豉油王炒腸粉，腸粉滑滑，有鑊，好味因為叫左個孖寶，所以有紅豆沙送，味道吾會太甜，很適中...呢度招呼吾錯，但個TOILET就麻麻地，周圍濕笠笠，好怕....

太湖海鮮城為香港字號老的海鮮酒家，還有一個分店在九龍尖沙咀。這次到訪的太湖海鮮城，在銅鑼灣廣場二期，屬於樓上鋪，一進門口，便看見大量的奬項，可謂獲獎無數。其實過往曾多次到訪，但這次只有二人，故只是簡單的點了一下當天的例湯是霸王花煲豬骨（忘記拍照），湯料很足，火候足夠，故喝出湯的味道。看見傍邊點了清蒸蟶子王，所以我們也點，價格非常優惠，一隻只需港幣$28。我們選擇蒜蓉粉絲蒸，味道很棒干燒四季豆，不過不失這道蒸饍是全晚最愛，有子薑和另一材料（忘記全名），故菜式有酸酸甜甜的味道，非常開胃。甜點有蛋散、芝麻球和紅豆湯水送贈，超值優惠。

約左屋企人係呢到飲茶，上到去，地方坐位都舒適，屋企人係呢到常客，話又平又好食，佢地鐘意係呢到飲早茶，一來早茶大中小點同儥，食物又好食，價錢又抵食，我食過之後，都算👌，不過我就唔會成日好似我D屋企人日日甘早起身😅同屋企人飲茶一定會早，因為點心大中小點都係一樣價錢，呢間D點心都幾好食，味道不差，價錢亦不貴我最鐘意食鳳爪排骨，但我就唔想食飯.......哈哈😄屋企人就鐘意食飯😛😛😬😬個餃子就有D遜色，太多油索左落餃子到，睇黎係油溫控制唔到，所以餃子唔合格😅粥煲得夠綿夠滑👏✌️沙薑雞🐔腳——普通一般釀涼瓜—-味道唔錯，涼瓜爽口，🦐膠彈牙有口感😋蝦🦐米腸粉有驚喜，又滑又簿又好味👍食昵個甜品，就唸起細個既時候最鐘意一層層撕開食，有得玩有得食，所以到而家都係鐘意一層層甘食😬😬😬😬😬———————————————————-👌✌️👏😋😬