太興 (瑞豐大樓)

营业中

休息中

今天中午四點多在大圍分店買原隻燻蹄外賣， 每件燻蹄切足足有半吋厚， 這也算是燻蹄嗎？👎 起碼可以一開三， 這樣冇心的燒味師傅， 應該要再培訓， 太興的招牌就這樣給他摘下來了😫

今日番工叫外賣 因為想飲下湯就叫左冬瓜蠔仔泡飯 因為係叫外賣原本都驚唔知會唔會送到番黎就淋晒 如果原來佢有分開裝湯同飯雖然碗湯賣相唔太吸引 但呢個真係好食！推介大家試下 冬瓜吸左啲湯好入味 蠔仔都好好食 蠔仔湯有蠔既鮮甜味係入面絕對會再食

今日屋企做節媽媽間中都會訂太興盆菜返嚟一齊食今日卒之俾我趕得切影相😝呢個盆菜入邊啲種類非常多有豬手，魚蛋，蠔市，西蘭花，芋頭，燒肉，髮菜，鮑魚，蘿蔔，粉絲，冬菇，雞同鵝，花膠......等等等等而且擺盤又幾靚👍🏻唔知道媽媽訂咗邊一個份量因為真係有好多食唔晒😅我覺得個豬手同魚蛋都幾好食仲有啲鮑魚都OK同埋唔算好細隻亦都有咬口味道不錯👍🏻不過提提大家唔好滾咁耐同埋啲粉絲真係扮得好似魚翅🤣🤣

心血來潮事件簿(21)😋係做嘢之前，本尊突然記起好耐都未去過太興食野，於是就打算入去食個下午茶🤔左思右想之後本尊決定要左個重量級三文治同點左杯久違嘅冰鎮奶茶🤤依個三文治同平時係出面連鎖餐廳食嘅無太大分別，配料主要都係以芝士、火腿、蕃茄同菜為主，份量都算大，一個人食可能太多都唔出奇😂味道尚算不錯👍但係最值得推薦‼️嘅就係太興嘅冰鎮奶茶，依個簡直就係太興嘅招牌飲品，飲過唔同嘅奶茶，到最後都會覺得依個會係最好飲，奶茶好滑同甜度都適中，賣相仲要好特別，係每次黎到都要必叫😎+$3就有啦😍真係好抵飲😍今日本尊就介紹到依到，不論去邊間太興，本尊都好特別推介奶茶😎希望大家鍾意👍

大圍餐廳選擇眾多，這家太興門市不算小，但即使已開放二樓，無論早午晚亦不時見到門外短短的人龍，足見大圍街坊對其喜愛程度。就個人來說，曾到訪沙田、葵芳、旺角、上環和機場等分店，也始終認為大圍店的食物質素較佳且穩定，員工大多親切友善，有工作效率。環境方面，人流以致客人大部分時間都需要跟陌生人搭枱，還好地面全是卡式座位，感覺不太焗促。餐廳已開業數年以上，基本清潔是有的，但廁所則光顧多次依然不能接受。說回食物，早餐供應的也是一般茶餐廳食物。炒蛋 - 份量剛好，蛋的生熟、滑度也接近心目中的完美。多士 - 大方的厚方包，烘得剛剛好。火腿通粉 - 加了椰菜絲錦上添花。奶茶 - 無論冷熱質素都十分穩定，由於用奶關係，以致不需落糖，也隱約嚐到苦以外的口味，舌頭一碰便感受到一份厚滑，茶底微微偏澀，味道回甘。凍的有少許偏甜，若點冰震的不能少甜。

太興不時都有喺報紙登新產品，附上coupon，都幾抵食!最近就推出左泰式風情嘅新菜式「金不換醬油回香雞」(堂食半隻$40)，見到facebook有人買左，賣相不錯，於是就去買番隻來試下先!外賣下午4點開始，憑coupon可以減$10，即是全隻雞都係$68咋真心抵過普通燒味舖和酒樓。隻雞拎出來都暖，香味十足，豉油用杯另上。直至等到晚上開餐，再番熱，都仍然好味如果連皮食，會比較咸。附上的豉油，竟然是甜甜地，應該跟雞皮的咸味有分別，所以沾一下都會平衡到。雞肉嫰滑，不會有太多肥膏，很讚!

每次去太興食下午茶, 都差唔多次次都會食呢個鮑汁雞翼撈公仔麵, 再加杯熱奶茶(或者冰鎮奶茶)~ 不過呢, 其實呢個撈麵水準其實唔係好穩定, 有時個汁會調得冇咁香....有時又會太鹹...有時成個麵又會太濕....但有時撞啱個汁啱味就好好食, 就好似今次咁~ 今次個鮑汁味道調得剛剛好, 味道唔會好鹹, 又好香, 而且啲汁嘅份量都剛剛好, 唔會好乾, 又唔會好似食緊湯麵咁~公仔麵口感煮得彈牙, 好好味, 如果啲麵份量可以再多啲就更理想! 另外, 三隻雞翼大大隻, 都醃得幾入味, 而且口感唔會太軟腍, 食落肉質仲有少少爽口. 伴碟仲有兩梱小棠菜~ 太興啲奶茶就水準幾穩定~ 茶味濃奶味香~ 賣飛佛啊!

2017年11月12日，11:58，我們一家4門口等位，等了約010分鐘，有位副經理葉錦雲說有位，叫了我們進內，我們已坐下一張4人枱，侍應也給了我們水杯，我把水杯也添了水，突然，奇怪事情發生了。。。那位副經理葉錦雲突然跑過來，興沖沖地說我們不能坐這裏，說這枱要給之前等位的人，要趕我們出外面等，有枱再叫我們進來我們已坐下5分鐘，當然不滿意，於是客氣地和她理論，但她態度惡劣，一副沒有處理錯誤態度，她是如此的懊慢，對客人如此的無禮，香港是禮義之邦，有此服務態度，難怪被周邊地方迎頭趕上。大圍太興門口沒人排隊，真係每況愈下，服務態度強差人意，難怪越來越少人幫襯了。太興僱用這些人做副經理，真係賣幾多廣告都補唔番，以一定不幫襯，也強烈建議其他人不要再幫襯大圍太興!想服務比零分，但openrice 系統限制唯有比1分

基本上早餐都會去光顧茶餐廳，今日時間充裕，朋友提議去太興，太興環境當然比茶餐廳舒服，可以享受一下我們的早餐。早餐的種類都很豐富，就連糯米雞都有😋。（$35）頂級午餐肉滑蛋公仔麵，其實說好了就是餐蛋麵吧，不過絕對比茶餐廳好吃，先是午餐肉有兩塊，稍微煎香了再浸在湯上散發出油香味，然後滑蛋的確很滑沒錯，又滑又軟，加一棵菜，湯底亦不會很重味精。（$33）雪菜肉絲湯米粉，沒有餐牌中的賣相，不過亦吃得出有肉絲和雪菜，湯底浸到有雪菜的味道，很好味。（$35）自家製糯米雞，大大塊的荷葉包著，很足料，裡面有肉有冬菇，加上裡面的醬汁，好味道！凍像（+3）⋯冰震奶茶是太興有名的，奶茶的而且確是香滑的，冰不加在裡面不會把奶茶溝淡了，好喝！價錢其實跟附近的茶餐廳差不多，以食物和環境相比都略勝一籌。

嘩!木桶外型吸引草蟲花好多雞肉多好香(即整，要等20分鐘左右)雞肉鲜嫩，木耳吸收了雞汁(惹味，爽口)黑窩上枱(熱辣辣)正!!!醬汁不太鹹，腐竹，豆腐吸收了醬汁(好入味)冬菇好軟身，魚柳肉質鮮嫩豆腐吸收煲裡醬汁(好惹味可口)紅豆冰(奶比較重)不算太甜奶茶(茶味濃)好味的晚餐

雞煲: 見佢幾十蚊咁平, 又中意食雞煲, 即試LA, 點知原來唔係出面用火慶住果D 雞煲, 只是用瓦煲載住GE 小菜, 仲要好細兜, 入面D 雜菜仲多過D 雞, 雞件又唔係靚GE部位..... 計番價錢又唔係好值.... 不過辣辣地, 都算惹味GE。黑椒燒鴨:呢個價錢只是半百, 但都有半隻鴨! 抵食市 好香黑椒味! D 皮脆脆的, 又唔怕太咸, 惹味! 鴨GE部分都多肉, 唔會只是得D 骨/頭頭尾尾。

鍋物(有爐供應)雙火設計，熱力平均d胡椒魚肚雞煲嘩!好香胡椒湯味魚肚煲得軟身，吸左胡椒湯(好惹味)雞肉鮮嫩红豆冰(必試)cream 幼滑，红豆軟身(奶+糖分量剛好)好飲過茶記菜粒炒飯炒飯炒得乾身(唔油膩)蛋，菜粒，肉鬆平均分佈飯粒上(足料)

上星期在太興吃下午茶試過這份"重量級三文治", 所謂重量級三文治, 其實即是公司三文治, 不過這份三文治確是物如其名地幾夠重量級的, 因為每件都大大件, 入面非常足料, 有厚厚的滑蛋, 生菜絲, 蕃茄, 沙拉醬, 雙倍火腿, 芝士, 雖然配料跟其他公司三文治無大分別, 但這份真係整得好食, 而且賣相都好吸引! 我看見三文治上枱時, 附近的食客也有望過來呢當中的多士是剛烘過的, 拿上手還熱熱地, 滑蛋也是熱的! 食到第三件肚子已經覺得飽了. 價錢忘記了是四十多元, 包熱飲, 這個質素和份量下價錢是合理的.

難得到太興，點了馳名的燒味飯，還可以配搭特色飲品。選了叉燒配豉油雞和熱咸青檸。燒味和飯擺放得精美，有少許配菜，不錯。燒味肉質香惹幼嫩，雖略嫌醬汁較少，但卻是相對健康的取捨；白飯香編柔軟。而熱咸青檸的確味濃潤喉，可將之再善用。五十多元一個下午茶飯餐是中高價格，但有其水準和質素，是特色的配搭，值得嚐試。

自從食過一次太興的鮑汁雞翼撈公仔麵後，每隔一段時間都會掛住佢既味道！今日撞岩下午茶時間，又去回味下先。今次公仔麵煮得剛剛好，質地彈牙，鮑汁不會太多或太少，份量剛剛好夠撈晒個麵，抵讚！不過公仔麵的質地都唔係太穩定，有時會偏稔身，視乎當日廚房手勢和自己運氣吧而鮑汁是否真的是鮑魚汁，我就冇考究了，淨係覺得個汁幾香幾好味又唔會太鹹，撈埋公仔麵食好夾就係囉～上面仲有三隻雞中翼，唔算太入味不過肉質都嫩滑，而且大大隻！還有兩棵小棠菜伴碟，感覺冇食咁多肉咁跟餐仲有杯泡沫咖啡，都幾好飲，冇乜苦澀，不過我就唔小心落左兩包糖所以有點過甜，一包都夠晒了。