太興 (富榮花園)

营业中

休息中

中午時間食飯, 好耐冇來而間太興食, 裝左修, 靚左大間左少少坐位都多左。這間太興午餐都有好多選擇, 不過都幾貴, 平均都要$50蚊一個餐。平時係太興都係食燒味多, 今次我揀左個茄茸魚片頭海鮮湯鴛鴦米+老火湯 (紅蘿蔔紅蘿蔔合掌瓜豬骨湯)。老火湯~夠熱, 湯料都好多, 味道比住家飲既偏咸左少少, 不過比起普通茶餐廳, 算是好OK茄茸魚片頭海鮮湯鴛鴦米~大大碗, 好多番茄同魷魚, 但得3隻唔大唔細的蝦, 除左魷魚同蝦就冇其他海鮮了, 最重要係我食食下先發覺點解冇魚片頭既 一定係廚師太忙唔記得左落...不過我冇追究, 因為反正咁大碗都夠哂食。湯底味道夠濃, 好有茄味, 番茄都好新鮮, 鍾意番茄的朋友一定鍾意, 有好多魷魚, 不過有D韌, 唔夠彈牙...蝦尚算新鮮有D肉, 鴛鴦米, 米粉軟硬適中, 與粉絲比例恰宜, 唔錯。論色香味整體上都不錯的

簡單的一餐晚飯，就在這間「太興」解決。吃的是最簡單的燒味雙併飯，本來我們是想叫燒鵝的，可惜舊的燒鵝正好賣光，新的燒鵝又未上架，唯有捨鵝取雞，兩夫妻一個叫來「叉油雞飯」一碟，另一個則叫來「燒肉切雞飯」一碟。兩碟燒味飯的飯量並不太多，太座雖然夠飽，我卻覺得份量少了些。而在燒肉、叉燒和油雞三者當中，叉燒和油雞是較好的，燒肉則只是普普通通而已。這裡的「九吋芝士老虎花竹海蝦」正在做推介，只售$28，看來好像蠻抵食的，也叫來一客試試。這開邊上桌的「九吋芝士老虎花竹海蝦」的海蝦的確有九吋長，肉都夠多，但肉味和芝士味都不夠濃，加上以南瓜片墊底給人的感覺怪怪的，而且南瓜硬而不腍，即使不吃也不是損失。這兒的食物水準雖然不算很好，也未算十分差，但服務方面可真不行。首先，當這兒的一位女侍應做錯了一點事，被經理責罵的時候，那經理和女侍應其實就在我們的身邊，那經理完全沒有理會旁邊客人的感受，顯得他似乎有欠專業。此外，我倆的飯吃來淡而無味，雖然我其實早已感到有點奇怪，但也不以為意，但到了最後埋單的時候，我才發現帳單裡竟寫著走汁。天哪！怎麼會無中生有的？我們明明沒有叫走汁的，為甚麼竟會這樣？難怪那些飯會淡而無味了。那

今晚凍凍地走去食熱鍋,去到太興,之前都食過一個花膠素翅雞鍋,味道不錯想再叫來食,點知今晚來到已經無咗呢款,,咁就試咗另一個,咁岩又新推出叫咗個健美魚骨湯海鮮鍋,加套餐,淨睇幅相,賣相相當吸引,當時諗應該不錯,點知...熱鍋來到後,先講賣相,以為自己叫咗蕃茄湯,魚骨湯並不是奶白色,而係橙紅色,有無魚味可以話無乜,呢個鍋同幅相個鍋簡直二樣野,但味道尚算ok,唔知係咪蕃茄平呢,勁多蕃茄,反而海鮮就唔係太多,有魚塊,帶子,蟹柳,墨丸等,不過就細細件,由於太多蕃茄關係,海鮮味道完全被湯蓋住,食唔到鮮味,只食到蕃茄味,

簡簡單單的一頓燒味晚飯，地點就在離家不太遠的「太興」。其實自己都很少幫襯「太興」，因為覺得它的食物價錢不算便宜，但好吃度只是一般，所以這次竟然幫襯它，實在有點難得。兩夫妻吃的是同一樣的東西，燒味雙拼一樣，油菜一樣，連餐飲也是一樣，這天的我倆可是夾得可以呢！我們的燒味雙拼飯是「燒鵝拼燒肉飯」，兩碟飯的燒鵝都是燒鵝髀，真夠運！不過雖然有幸兩隻都是燒鵝髀，啖啖肉，鵝的質感也可以，但還是比自己較多去的深井陳記稍遜一籌。至於燒肉方面，雖然不是腩位，但兩分肥、八分瘦的燒肉質素還算不錯。兩碟油菜我倆不約而同都沒有要菜心而要了西生菜，淋上蠔油後的西生菜，作為燒鵝和燒肉的陪襯，實在適合不過。加上味道偏淡，應該沒有下味精的例湯「冬瓜瘦肉湯」，這頓晚餐已足堪裹腹了。埋單結帳，一百元也不夠找數，還需要加多兩元，以一間燒臘茶餐廳來說，實在說不上便宜，但這間始終是已成了名的「太興」，來得這裡吃飯，也預計得到會比一般的街坊茶餐廳昂貴了吧！

我和同事一心諗住想品嚐太興既迷你盆菜, 所以去了富榮花園的太興餐廳, 見到迷你盆菜 $98, 另加$15便有白飯+例湯, 該位職員話個盆菜二人會夠食,所以便叫了一份迷你盆菜和 $15的白飯例湯, 我地唔知不能夠再叫多份 $15的白飯例湯,當再叫時, 該位職員便說: 冇得咁叫, 後來我再問, 如果白飯, 例湯散叫是幾多錢,她便露出不太耐煩的表情, 便說白飯$7, 例湯$15, 我地聽後便說咁就要啦, 她無啦啦說, 咁你地即係想點呀? 當時, 她的態度和表情都不耐煩, 我再向她說清楚, 她轉頭就走了, 當時感到有點無奈和氣憤, 她的態度不好, 我見該位職員的名牌叫:羅x 慈, 我們一邊食盆菜, 一邊望到她對其他客都參差, 男的客是有些禮貌, 都見到她叫人做野, 不知是否leader, 反而其他職員的態度都OK.至於個盆菜, 就一麻麻, 燒肉唔夠淋, 食物唔夠入味, 唔知是否因有點不高興而影響了味覺! 份量勉強夠二人食.例湯, 都OK!Total: $135(本來想叫多個乳豬例牌, 但最後都冇叫)

叫了一個雞扒飯嘩好失望d配菜好似有d異味,係嗅覺果種塊雞扒又放係d配菜上面整到又有果陣味重有個例湯真係湯,咩肉都無都叫有d肉,肉絲幾條仔應該無下次了

最近去了旺角個面反工上班前一定要食D野所以走左入去太興點左個午餐肉雞蛋公仔面加冰震奶茶佢個面好香,又用出錢一丁,D面好正但係屋企真係做唔到個個味道冰震奶茶唔洗講啦,好滑,但甜左小小

可一試,咖哩牛腩飯45$套餐又有野飲,又有飯,又有湯佢d湯幾靚,味道ok咖哩牛腩飯,都幾好食又可叫加飯唯一是價錢貴左d重有牛筋比牛腩多.....絕對足夠吃飽

呢間開咗好耐都未去過,誤打誤撞之下走咗入去,未入去之前都知太興比較貴,但估唔到小菜套餐都要六,七十蚊,唯有揀個四十幾蚊嘅晚餐.瑞士汁牛肉炒河 -- 味道不錯,汁很甜,河粉幼幼的,很易入口,牛肉亦算淋.豉椒排骨炒河 -- 排骨夠淋,亦算大舊,骨同肉的比例適中,亦唔會太多油.個餐仲有個湯,是晚係鱆魚蓮藕湯,個湯非常非常熱,亦頗大碗,幾有湯味.

魚媽媽唔似小金魚鐘意出街搵食，好難得佢有日問我"太興d野係咪好好食"，見好幾日都無返屋企食飯，今日下午就同魚媽媽試下太興。其實我之前都無食過太興，只係聽過朋友話佢d燒味ok，但價錢就頻貴。不過難得魚媽想食，都試下啦。咁啱富榮花園有間，good~唔洗魚媽媽行去魚街~~去到大約2點左右，人唔多成間舖大約仲有1/3係"吉"枱，任我地揀想坐邊張都得。坐低見佢有d套餐，一場嚟到太興無埋由唔食燒味，最後我地二個人叫咗：燒味雙併飯(乳豬 + 叉燒) ：乳豬皮都仲脆，但唔熱之餘仲肥咗少少，再加上連乳豬醬都無，呢點要扣分，至於d叉燒就唔錯，夠鬆軟又唔係全瘦(如果乳豬d肥過落去叉燒度就完美啦)，不過顏色方面唔係我平時食開d鮮紅色，而係深紅(黑黑地)，再扣少少分。瑞士汁牛柳濕炒河：小金魚一向都鐘意食瑞士汁雞翼，見佢呢個炒可又有瑞士汁又有牛柳啱矖我的心水，碟炒河都好快上枱，一碟好黑"蚊蚊"的炒河。味道方面d瑞士汁甜甜地都幾好，不過d牛柳有好重的黑椒味，至於個河粉有所有炒河的通病===>油，還好佢係濕炒河同佢有落瑞士汁，好似無咁油，但係食到最後都係好油同滯。其餘我地仲叫咗個油菜，分量ok，只係可唔可以比

最近到西九龍外勤工作，下午就近去了這間太興吃午飯，選了非常午餐系列的黑檄雞扒腸仔飯，包例湯或飲品，我耍了一杯凍飲要加三蚊，店主絕不吝嗇給了大半杯冰，而雞扒腸仔飯的雞扒雖然味道都算唔錯，但很薄身及細塊，男人吃多數不夠填飽肚，最好的只是醬汁以小兜另上，這個非常午餐系列定價由三十多至四十多元一客，在這區作為一間街坊茶餐廳來說，實在偏貴了一些，難怪環境唔錯都那麽少客人呢！

好耐無去過太興，咁啱屋企人話要開飯，七點就來搵位，好在平日唔算太多人，假期就多人到唔想等。對上一次來想點八寶飯，點知燒肉燒鵝賣晒，食唔到耿耿於懷，今次來第一時間問定有無八寶飯，落定order。呢個八寶飯有齊叉燒、燒肉、燒鵝、切雞、紅腸、墨魚、熏蹄、咸蛋咁多樣燒味，一次過試混晒，啱晒想試晒咁多樣燒味但又唔想咁多份量。加埋飯同湯的套餐都係$51。比一般的燒味來講係貴左少少，好味道又值返晒。 豉椒排骨炒河 - 都ok，河粉炒得淋淋地，黑椒味略嫌不足，排骨d骨太大舊。 菠蘿咕嚕肉 - 煮得啱啱好，個咕嚕肉的粉唔太多，伴碟的菠蘿好大塊。 o者o者芥蘭煲 - 將o者o者雞的煮法用係芥蘭係幾得意，上菜時一大煲，好夠熱，可惜悽落有d苦，本人唔太鐘意果陣味。 冰鎮奶茶 - 次次來都會飲的，杯奶茶係完全唔放冰係杯內，而係用一個膠兜裝住d冰，再放個杯係一堆冰中間，咁樣就做到唔會溝淡的奶茶又會涷的「冰鎮奶茶」，飲落都幾香滑架！

打風通常都行唔得遠,只可以係太興食飯...望住個餐牌,晚市套餐都幾貴,最平,$48但唔好食,其他都要五六十蚊甚至更多,比附近食肆貴幾成!於是點左個$38客飯,但係並唔係套餐,即係只有一個送配一碟白飯。點左蕃茄炒蛋牛肉飯,飯同送分開上,個送好多汁,全部係蕃茄汁,飯都好多,應該多過一碗,所以用汁撈飯係唔錯!蕃茄份量都唔算小,但係蛋炒得太細碎,而牛肉都係十片以內,不過炒得燶燶地,同埋唔係好有牛味,可能係蕃茄/茄汁味重卦。不過,味道尚算ok,所以我一個人都食晒成個客飯,可以接受啦!

我寫呢個食評主要係評佢地既好服務話說前日, 星期六, 奧運有咩都食過哂喇, 又唔想行去大角咀o個面, 好喇, 來到富榮睇下有咩好食, 講真, 冇咩, 老公想食燒豬, 好去試下啦.可能因為同奧運o個面o個d 食店比, 我又唔覺得佢貴wow, 如果食慣富榮o個面o個d 食店, 可能會覺得呢度有d 貴.1個雙燒味飯+1個湯+1飲品+1油菜=$44呢個價我覺得ok, 野食方面都唔錯, 不過我想講既係每次有待應送菜到我地桌面, 佢地加句"慢用", 真係次次都講, 我已經覺得佢地好有禮貌, 之後我想將d 冰倒走, 見到個亞姐, 剛剛收完d 豌,我叫佢等等, 話我想將d 冰倒入去, 佢話" 好呀", 之後我加句"唔該哂", 佢既然話"唉呀, 唔洗咁客氣"wa, 天呀, 我真係好感動, 即刻贊佢地服務好, 番到屋企同我亞媽講, 佢話好似佢地law 咩服務獎, 係既都唔出奇, 因為呢種服務態度真係好少見, 值得一贊!!!!!

打九號風球一晚,好大風呀!屋企無飯開,樓下只有麥記、太興、米線舖營業,於是小牛落左去太興買外賣…叫左兩個小菜套餐,分別係金銀蛋魚腐浸莧菜同埋栗子火腩,可惜兩個都只係配白飯,唔連湯又唔連飲品。金銀蛋魚腐浸莧菜好好味,個湯/汁竟然入晒d送既味,可以用黎撈飯食! 莧菜夠多,無筋,唔錯; 金銀蛋份量足,皮蛋同咸蛋都好,不過如果鍾意好咸既咸蛋,或會覺得唔夠味; 魚腐都有八件之多,不過整得好淋好淋,同豆腐專門店就當然無得比,魚味唔突出,有少少似食魚肉燒賣果d魚肉既感覺,不過算啦!栗子火腩份量好多,尤其係栗子,由於小牛唔係點食栗子,所有栗子差唔多由雪儀包辦,食左成幾十粒,到好夜都消化唔晒!但係又真係得幾好味!火腩都係意外地好,連平日唔係太好火腩既雪儀都可以大件大件咁食,因為個汁夠香,火腩唔多肥膏,真係唔錯!不過呢一味送係有點油膩,同埋食完之後幾口渴,但純以味道同份量黎講,係食得過的!