太興 (瑞生樓)

营业中

休息中

之前o係報紙見到有張4:00pm 後,o係太興買金不換醬油回香雞一隻,平$10.00o既優惠劵,趁尋日(13-6-2018 Wed)放工後冇雨落就走去買啦,一隻都幾大隻,顏色都幾深,而原價係$78.00.買完拎住搭車,嗅到佢香香地同微暖,返到屋企,急不及待要打開食吓先.皮滑有肉汁,味道幾濃,飲吓啲汁,飲到有酒味.不過我食完飯後好口渴.而老公都大讚好食.我o地上次幫趁係10個月前o既事(o個個食評: https://www.openrice.com/zh/hongkong/review/%E4%BB%BD%E9%87%8F%E5%B0%91-e2846790)

六姨今日生日，所以中午去了百貨公司買份小禮物，夜晚同佢食飯時送俾佢。可惜遇正百貨公司廿八週年，大減價，人山人海，幾經艱辛排隊俾錢走人。來到附近的連鎖餐廳，諗住可以快食，點知又係要等位，等食，香港實在太多人。有位坐之後，已經立即叫嘢食。我叫咗椰香咖哩牛腩飯配熱奶茶，家姐就叫瑤柱金菇炆伊麵配熱奶茶。奶茶好快上到。味道保持一般的水準。咖喱牛腩飯隨之而上。聞到咖喱夾雜著椰奶的香味。牛腩炆得腍，好得!咖喱汁撈飯好正，唔使十分鐘就KO咗碟飯。不過，家姐就慘慘。碟炆伊趨了幾次都未有，等咗成半個鐘先出到嚟。終於有得食。家姐鬧鬼: 睇落個伊麵好簡單啫，點解要搞咁耐??算啦，食嘢啫，唔使勞氣……。

今日時間有啲趕，所以去咗連所經營餐廳，實行會一會 my hero。要會一會 my hero，代價係要自己斟水。無選擇食招牌嘅燒味，原因係價錢唔平。都係食 “午餐精選” 抵食啲，包餐飲。叫咗【瑤柱金菇炆伊麵 $57】和【椰香咖喱牛腩飯 $60】，餐飲兩杯都係熱奶茶。【熱奶茶】出場至快。茶香，夠滑，但係唔夠熱。可能淡奶係唔熱的，將佢加咗落去熱茶之後，就會搞杯奶茶唔夠熱。唔緊要，趕時間，啱飲㗎喇!【椰香咖喱牛腩飯】牛腩、白飯分開上。一大碗白飯 cup 落隻碟上面，以份量來計，絕對滿足到我哋。碗椰香牛腩好多汁，好有椰香味，唔辣。撈落去白飯一起食，都幾好食。其實，單係呢個汁，無須牛腩，都可以食到一碗飯。【瑤柱金菇炆伊麵 $57】整體嚟講都好味的，但係搵極都搵唔到有瑤柱囉~埋單百鬆啲，算係咁啦。最後，俾我發現到，原來咖喱牛腩有罐頭賣，22蚊乍。可以買返屋企，第日加餸，正!

野食唔算太差，但員工態度極差。由落單到出餐都係，落單態度散漫，講左一輪之後先攞落單紙出黎叫我地重複多次；落完單之後有個飯等左成15-20分鐘都未出到，追左兩次都係敷衍了事，員工「哦」左之後自己去食飯。

如果出走一排，返到香港掛住食嘅港式風味嘢，你會想食乜？我心水係燒味。首先上檯係跟餐嘅熱奶茶。可能天氣凍掛，今次嫌杯熱奶茶唔夠熱。講開又講，平時佢地嘅冰鎮奶茶都值得推介嘅。雙併嚟講呢其中之一必點叉燒，食落都鬆化但可以再燶邊啲啲。但係啲油雞就。。斬得太碎，啲雞骨堅係碎，完全無啖好食一咬就係碎骨。係把刀有問題定刀功有問題？食雞都有創新食法，就係食到啲牙罅攝晒骨呀🙈米粉好地地唔得嘅🤭食到一半發現有條毛髮。哈哈哈哈。太有趣嘅午餐，盛惠hkd64。

今日(12-8-2017 Sat)同老公買餸前食早餐,行經o既食肆都好多人,我o地最後決定o黎呢o度食,等o左5分鐘至有位,但原來一直都有,只係收鋃同入面職員冇溝通,但o個位o岩o岩o係廚房門口,所以都幾熱.坐低研究o左好耐,老公決定要$34.00o既自家製糯米雞,點知賣晒.我就要$34.00o既香煎雞扒拼香草腸配鬆脆多士,加$8.00要鹹檸檬七喜.之後老公改要$34.00o既頂級午餐肉滑蛋公仔麵,飲凍奶茶.但o左7分鐘,老公o既頂級午餐肉滑蛋公仔麵先到o黎,之後係我杯鹹檸檬七喜到o黎, 鹹檸檬係一隻,所以好夠味,冰亦都夠多,所以都好夠凍.再等多陣,我o既香煎雞扒拼香草腸配鬆脆多士到o黎,香草腸味道唔太濃又唔太鹹,舒服;雞扒上面o係黑椒汁,唔辣反而有啲甜,我唔係幾鍾意;雞扒唔厚;多士冇烘過火,口感亦正常.而老公o既頂級午餐肉滑蛋公仔麵呢,同以前o黎過一樣,咩鬼頂級午餐肉,咪同普通o既差唔多;而滑蛋就真係好滑;公仔麵我就冇試到.而佢杯凍奶茶呢,滑同茶味係有,但奶味重啲.食完個餐後,覺得唔係好夠,於是叫多個小食補充,老公揀$25.00o既鮮油西多士.就叫呢個啦.又等o左7分鐘,西多士至到o

大家不要幫襯荃灣千色廣場附近果間太興，員工人手不足，店員包括一個較高級的員工態度其差，因為我一個人所以我同個員工講我去洗手間唔該幫我睇住d野，佢聲都唔講句，點知個厠所維修咁都唔同個客講！落單差不多十幾廿分鐘才有野食，我只是叫燒味飯，洗唔洗切咁耐，人地隔離遲過我來起碼十分鐘都早過我有得食，我咪話佢！連水杯都是自己拎！落左單叫菜心，我問個員工仲無有，佢話菜心無哂，佢自己行左去，唔係問下個客幫你改番呀咩？我因為人有三急佢間店厠所又壞最後用左七分鐘就食完仲快過等的時間！菜最後當然無來！味道其實還可以，不過員工的態度真的太差！

自稱manager的女高級主任、服務態度十分差；無耐心聆聽之餘，同顧客大聲呼呼喝喝、無禮貌；並且更同老人家吵；根本不稱職。如果大家想食飯受氣比錢嘅話、此家係第一之選

和寶貝上完課，寶貝跟我講想吃叉燒飯。然後，想到附近的太興，就去看看有沒有位子。原來不只寶貝想吃叉燒飯，我也想到了可遇不一定可求的乳豬，坐下立即詢問有沒有叉燒乳豬雙拚，然後，幸運地再次遇上了。本來我們只是想跟著午餐的雙併飯點叫，但因為侍應的「誤會」，整件事最後變成了乳豬飯 + 叉燒，連凍飲埋單$86，好貴。食物在合理時間上桌。服務態度一般，桌上依然有可以淥熟人的熱水瓶，放餐具櫃桶今次竟是無筷子用。相對上次在大埔廣場感覺「營養不良」的叉燒，今次的叉燒算是肥瘦分明，乳豬皮香脆，只是蔬菜的份量絕對不夠，同時乳豬肉的醃味略淡。

趕時間快餐 lunch+tea通常去太興, 佢地既奶茶確係比三大連鎖快餐好飲, 還不斷有新菜試推出, 今日竟然有蒸沙巴龍躉, 連飲品只賣 $79, 又唔洗加一, 平試無痴牙。******************************奶茶 (跟餐)奶茶比三大連鎖快餐茶味濃得黎較滑口, 出品亦較癒定, 近期三大的奶茶有時好難飲, 濃得黎飲完口都嚡埋。瑞士汁牛柳炒河 ($53/tea set)個瑞士汁醬油不錯, 甜甜地, 用黎炒河幾好食, 又無干炒牛河咁邪惡, 河粉也滑溜微彈, 牛肉絲好多, 份量幾大碟, 食到你飽飽的。清蒸沙巴龍躉 ($79 /lunch set連飲品)我地 tea time 去, order 時無留意供應時間, 服務員話呢個係 set lunch, 我話……我媽子佢老人家好想食, 之後佢幫我入廚房問廚師可唔可以 special case…… 得左, 今時今日有咁彈性又貼心既服務, 好抵讚, 謝謝。講番條沙巴龍躉, 約一斤重, 跟普通酒樓煮法一樣, 豉油調得幾好味, 鹹度適中, 龍躉就蒸得過了些少火喉, 背部肉質嚡了, 腩位及尾部則肉嫩肥美。

屬於無飯主婦一族嘅我😁湯水真係唔多。咁啱見唔使等位就入去呢間食，見呢期推廣土薑松子雞$80隻咁抵就叫左一隻，加多個星洲炒米粉及原盅杏汁豬肺湯。本身對杏仁味麻麻，但係呢個湯飲落去好香好滑😋😋唔覺有味精味，good👍星洲炒米炒得好好，好乾身。唔同出面炒到油淋淋，可能用咖哩粉關係，但係咖哩粉份量可能用多左，味道過濃有苦澀味。松子雞本身應該帶有沙薑味，不過味道偏淡食唔出，但係肉質嫩滑，唔喜歡食雞胸的我都食左幾件😁😁以$80隻整體都還可以

團年飯有咩好揀？今年叫定盤菜同家人食！貪佢大堆頭，多嘢食得嚟又好意頭，最好嘅就係食完唔駛洗唔駛煩 同事推薦下揀咗太興，確實700幾蚊係幾抵下嘅！預先訂好，仲有張現金券回贈！當慳咗餐飯仔！ 當日四半就去咗拎，不消1分鐘就拎完，安排得幾好拎到番去要加番附送嘅兩碗味似南乳味嘅汁，之後再整番熱就開得餐！ 由於人太多未能每樣餸都試到，而有食到嘅都一一列出！蝦：有8 - 10隻，蝦肉實而無味鮑魚：有6 - 8隻，有啲「鞋」同韌 素翅：份量太少，好難夾起，只有點驟之用西蘭花：菜無吸收到醬汁嘅味道花膠：好似發完之後直接放入盤到噤，無咩味冬菇：味道還可，但size太細魷魚：唔太老，幾好食墨魚丸：盤菜中最好食嘅，彈牙有魚味燒肉：皮同肉分開晒，而且好多都無哂皮，真啲好失望，連自己招牌嘅燒味都搞成噤總括嚟講喺所以野都唔夠味，食物又乾食，真係平野無好

尋日(26-9-2015 Sat)中秋迎月買餸,買乜餸?男友尋晚唔o係o度食飯,得我同爸爸兩人食,食得幾多?男友叫我買現成o既餸,吉之島同百佳o既都一般,買燒味啦,要燒鵝下庄吧.o黎到,問問收銀燒鵝有冇下庄賣?佢答有同指我去斬燒味o個邊.我就同師傅講要燒鵝下庄,佢撳張飛俾我,銀碼係$110.00.俾完錢等,師傅斬好後遞俾我同收我張飛,亦有講聲多謝.由於拎太多o野,所以倒瀉o左唔少燒鵝汁,到夜晚食喇,皮唔脆係預o左,不過都幾鹹,亦食得出佢係鵝,不過真係貴o左啲.服務:師傅o既態度竟然好過收銀.

今日去咗太興食下午茶，食咗頂級午餐肉滑蛋公仔麵，用嘅係＂出前一丁＂所以特別香濃好味，煎咗嘅午餐肉份外香口，滑蛋真係夠晒滑溜，雖然份量比較細，但其實啱啱好，全部食晒，唔使浪費，配埋青菜，的確係茶餐廳代表。食完麵，再飲番杯熱咸檸水，幫助消化之餘，夠晒生津滋潤。朋友就食咗火腿通粉，兩片火腿鋪咗喺面，賣相唔係太吸引，如果切絲會更加好味，而且湯底亦比較淡口，實在有D失望。其實，我每次去太興下午茶，都只會食餐蛋公仔麵。

到太興當然要點出名的燒味。點了燒鵝例牌，指名不要鵝的頭頭尾尾，而侍應和師傅亦識做，這碟的燒鵝多肉，還有少少燒鵝脾　 雖然沒有「鵝頭鵝尾」，可惜這隻鵝發育不良。指的不是這隻鵝沒有肉，而是太瘦，沒有脂肪　(鵝同女人一樣，太瘦都系唔好 )  。 燒鵝要有點油脂才惹味。這碟燒鵝吃下去時有點乾，除了因為缺乏脂肪外，另外亦燒得太乾，只是靠淋上去的燒鵝汁調味。最後吃燒鵝脾時，又乾又硬。時蔬炒牛肉欣賞菜心夠翠綠夠新鮮，炒得亦不過火。牛肉相比下較遜色，整碟只有數塊牛肉，而且味道有點淡。但女友覺得剛剛好，吃過濃味的人可能不會習慣。多春魚煎蛋餅整體味道ok，多春魚ok新鮮亦多春 (=.=) 。但總覺得配搭怪怪的，以前聽過魚春蛋餅，魚春與蛋一起煎，而這款的多春魚變了「多舊魚」。感覺為了煎熟多春魚，而令到蛋餅煎過火，有點硬。另外總覺得木魚碎與蛋餅及多春魚格格不入。飲品方面，跟餐order了柚子蜜及凍檸茶。凍檸茶茶味十足而柚子蜜酸酸甜甜又暖胃。下次到太興還是應該order 餐廳的超牌菜, 例如菠蘿咕嚕肉、西蘭花牛柳粒等。Fusion 的菜式還是可免則免。