太興 (翠怡商場)

营业中

休息中

天氣炎熱， 喺青衣海濱長廊行過， 除咗可以享受海風同埋美麗嘅環境 ，附近都有 平食， 從青衣城 行出 一路向右 去到青衣碼頭大約十分鐘左右 就會見到太興....坐低見到已經係下午茶時間當然唔執輸， 就喺餐牌上 搵一個平時小食嘅 叫了一客。大約十分鐘左右 夥記就端上 鮑魚冬菇撈麵， 外貌唔錯好吸引 狠狠地 吞嚥幾口， 真係發覺可能外表好靚嘅嘢 食落就未必好理想， 撈麵好鹹 ， 可能醬汁調配太粗疏食唔到鮑魚嘅香味， 不過只係50蚊仲有嘢飲我都唔敢要求太多喇。

假日沿住青衣碼頭行，行到翠怡商場有太興，好耐無食太興燒味，一於入去回味下先🤩估吾到宜家太興出左下午茶，以前一向覺得太興燒味比較貴，可能因為市況差左，出左輕食下午茶，38蚊就食到燒鵝瀨！🤩🤩⭐️燒鵝瀨粉，蜜桃特飲雖然賣相麻麻地，但食落好香鵝味，皮香肉滑，點d酸梅醬食一流👍可惜瀨粉太少，食2啖就無。。男仔食一定吾夠飽🫠⭐️花生醬甜奶多士可以選粗粒花生醬或香滑花生醬，自由度高，未試過餐廳有得甘比我選😂😂👍用心制作，等得比較耐

每逢週末指定早餐太興係我地既首選扎肉肉碎米辣辣哋配埋多士煎蛋熱即磨咖啡大滿足😌婆婆至愛雪菜肉𢇁米腸仔多士熱奶茶老公當然食返隻糯米雞啦大大隻好足料喜歡坐𥦬口卡位無敵大海景爽

家庭飯局最岩就係封太興聚餐，因為家人比較鐘意食小菜，所以近近地去呢到食，臨近冬至餐廳比較靜冇乜人唔駛等位就好快入座，二個人食嗌左二碟仔小菜就開餐😂就揀左北菇豆腐青衣魚腩煲、上湯杞子浸西洋菜！北菇豆腐青衣魚腩煲：$99份量一般，價錢中上，食物質素其實豆腐唔硬身，魚腩炸得鬆脆但係層皮炸得比較硬，味道一般，配個飯比較細碗，呢個價錢嚟講算係偏貴上湯杞子浸西洋菜：$56呢個菜反而有質素，湯比較清甜，配合西洋菜其實都幾好食，啱晒清淡嘅人

今晚太興有七折優惠，排咗大半個鐘終於入到去。西蘭花炒青衣魚球無味，廚房係咪用曬啲鹽🥲魚肉尚算實淨，唔會一夾就散開，但全碟都無味，唯有拎啲豉油點。雙拼飯（叉燒+燒肉）估唔到七折的質素高過平日😂兩款都好靚，燒肉大大嚿又脆卜卜，叉燒又唔會乾瘦。呢間青衣分店啲叉燒好多時瘦到似柴，今日竟然不錯。金銀蛋肉鬆扒時蔬又係無味，不過呢碟無味就可以原諒，扒時蔬本身都係比較清淡。沙嗲肥牛粉絲煲同我想像中有啲出入，我以為係乾身的煲仔粉絲，但原來係濕的，整體還可以，但無乾的香口惹味。整體嚟講七折十分抵食🤣

每次食太興早餐都會食到一肚氣🙄一直都覺得太興嘅冰鎮奶茶好甜，茶膽係唔錯嘅，但真係好甜！ 所以每次都會叫職員轉加冰🧊，感覺會味道淡D,顯得無咁甜！而每一次職員都好晦氣話淨係得冰鎮，冇加冰。每一次我都會話唔會冇，係可以咁做。 跟手轉另一個職員就話可以😒青衣翠怡花園呢間嘅某職員就係咁晦氣😒😒😒

早餐11:30截單，見還有10分鐘才到，裡面有幾張吉枱，以為可入座。女職員話未執枱，結果在外等了12分鐘，期間仍未有人執枱，只做外賣和收銀，難為食客在外乾等。入座職員話截載了早餐單，溝通後才比落單。誰知早餐到來，卻落錯單。今天職員態度很有問題，詢問少少嫌你煩，食物真的不錯，態度有待改善！

公司午餐，難得今日沒有人排隊，四個人就坐左入去。餐牌都係一般港式茶餐廳的食物，不過價錢就普遍貴10蚊左右。尤其係個雙拼的燒味，71蚊，感覺有d貴。叫左個豬排雙蛋飯，算係良心價，63蚊包杯冰鎮咖啡。首先講下個豬排飯，塊豬排幾厚，有時大塊有時細塊，而今日的運氣似乎唔係咁好，有d細，不過食落無雪味，而且唔會好鞋，咬落仲有d肉汁，算係中上。而d飯唔會好軟，口感好好，仲帶有米香。其實佢係貴得有道理。至於杯冰鎮咖啡，雖然無得少甜，但真係好香，而且由於係冰鎮，唔會越飲越淡，唔錯唔錯。美中不足係無得少甜，有d追唔上香港人追求健康的步伐。

12月31日下午3:30打算買燒腩仔，但是還沒有出爐，還以為沽清了，於是隔了一會再問師傅有沒有燒腩仔。師傅很好人，說請我等等。等了約1分鐘，師傅已經從廚房端出香噴噴的有燒腩仔出來，熱火芮火芮，斬下去是聽到霹靂啪立的脆皮聲，食物十分新鮮。於是除了買燒腩仔之外，再買了一斤叉燒的味道，很甜滑，美味多汁。服務員的態度十分好，令我能夠在節日當中買到新鮮的燒味，感到很開心。而且太興的出品十分出名，所以今日的經歷很開心，值得一讚！👍

現在做特價，只要惠顧$150便可以半價食叉燒，太興燒味一向非常出名，我尤其是喜歡吃叉燒，現正特價當然要去吃一吃。再加上有免費金箔，當然要品嚐一下，但是其實金箔是沒有味道的，只不過是賣相高級一點吧。點了蝦仁炒蛋，蝦仁非常新鮮美味，而且非常大隻，配上炒蛋，簡單得來又好吃。配上海螺燉湯，材料非常足，兩個人喝都非常夠，海螺非常鮮味，健康之選。再點了鹹魚肉餅，鹹魚滲在肉餅中，帶出肉餅的味道，非常惹味，是我的最愛。

超正，往往我們這個年齡層，其實都不太喜歡太興。但是，無論在星期六日的早上，定還是下午茶優惠時段，又或是特價外賣小菜的時段，都見到大排長龍。這次新年，家人又買了太興的盆菜。可能由於先前那一日，吃的盆菜相當之細小，吃到到喉唔到肺，因此這天對於這個盆菜有多少期望。不過，這個盆菜除了大大隻蝦、蠔豉，其他的配料都不算特別，例如是西蘭花、豬手、以及雞鴨之類。我覺得豬手都算不錯，大大件，而且份量甚多，豬皮又不覺得有毛，中間的膠原較多，不覺肥膩，肉以及膠質都相當多，吃得大快朵頤。不過以燒味店來說，它給這樣的雞鴨，就做壞了自己的名聲，不過也是無可厚非，因為雞鴨最靚的部份，當然留給現場食客單點叫燒味的食客吧。因此，我們的盆菜，可以見到那些雞，都是大家平時最不想見到的部份，例如雞胸，大大件雞胸，看見覺得又乾又鞋，一睇就知是餸頭餸尾，放在盆菜底下，又可沖撐場面。所以我一向都說，新年期間，其實叫盆菜，第一，只是因為想節省主人家的功夫；第二，新年期間即使有餸買，都會加價比較貴，即使盆菜不太便宜，都可能比起買餸自己烹調更加便宜。以太興盆菜這個質素，動輒都要幾百元，在平白無故的日子，應該很難會找到客人前來落單訂貨吧。

有事原來有啲野唔到我地揀。岩岩番新工，同事相邀共進午餐 咁當然好啦！行到一半先同我講 不如食太興，當下晴天霹靂，你叫我情何以堪呢...算 一樣老實食評。叫野食果陣 揀左好耐 都好多選擇既。 但係問心真係唔太吸引。本身自己都鐘意食燒味 但係太興燒味實在太貴 5-60蚊起跳 貴起上黎去到80蚊 覺得太過份。所以最後揀左個唔會死錯人既咖喱牛腩飯。結論係普通囉 餸唔係特別多，咖喱唔係特別香。btw 叫左杯凍奶茶少甜，都係唔會有咩特別期望。 唔難食既 但係貴囉。唔使比錢老細請都可以既 但係自己比錢食就無乜興趣啦

今日8號風球，屋企人去太興買咗半隻燒鵝。好似話有$30燒味優惠券，所以好多人排隊。太興燒鵝好耐之前係普通港式燒鵝，但一段時間之前轉咗做煙燻燒鵝，除咗喺餐廳外面行過都聞到一浸濃烈煙熏味之外，燒鵝肉亦都充滿煙味，令我懷疑會致癌，個人亦唔鍾意煙熏味，所以好耐冇食。今日呢隻燒鵝，明顯煙熏味輕咗好多，唔知係咪改良過。燒鵝食落去油脂濃厚，肉唔會乾爭爭，亦都唔鞋唔韌。鵝本身無乜味，點鵝汁後岩岩好。不過盒底浸住好多油，半隻燒鵝都咁多油，都真係幾唔健康。

今晚屋企人唔想煮飯，決定去太興買小菜，依家特價40幾蚊就有交易，都幾多人等外賣，可能大家都懶煮飯又唔想出街食。但藍店真係唔係浪得虛名，魚香茄子一咬落去有條又粗又硬嘅骨，估計係鹹魚嘅骨，真係好危險，如果我食得唔夠小心，或者係小朋友食，好容易咬出一個大窿。涼瓜炒牛肉真係幾苦，苦得來又唔甘，麻麻哋。牛肉反而正常啲，唔會好重鬆肉粉。一間餐廳應該考慮下進食既人既安全，有條咁硬既粗骨羔對大人都好險，何況食既仲可能係老人同小孩。

今天家人買了太興的叉燒和乳豬雙拼，雖然是外賣，但食物的不足卻不是因為外賣而造成的。乳豬的皮比較薄，雖然脆但口感不豐富。吃上去不會太肥膩，肉也不會太韌，味道比較淡，沒有其他燒味店的鹹，整體而言普通。叉燒有燶邊，但肥瘦不均，有些整舊都是脂肪，有些肉質太實，乾巴巴。而且調味汁亦不均勻，有些超級甜，有些味道比較淡。叉燒應該用肥瘦相間的肉來做，這種一些太肥一些太瘦的肉，明顯不及格。以一家以燒味作主打的餐廳來說，乳豬勉強可以，但叉燒令人失望。