奇興咖啡餅店

营业中

休息中

寫左咁鬼多篇食評都唔知點解明明我D相的orientation係正常的但post上來之後就會調轉左..次次report問題俾openrice之後都係咁...唉, 咁唯有繼續係咁啦成日行過見到呢間奇興出面d蛋撻都好似好吸引但係都冇試過~~呢晚行行下諗起呢間野, 就入去試d dinner~~ (哈哈同蛋撻都唔關事)咕嚕肉!!係我的最愛!!好好味啊, 應該係用排骨來整的, 唔會剩係炸粉咁凍奶茶都係好飲的係用碎冰對碎冰的凍飲有莫名的好感同埋呢杯奶茶味道剛好, 唔會太甜/太重茶/奶味好好飲!!!菜心, 淋左腩汁的好味!!沙薑雞同朋友都覺得係驚喜之作哈哈d沙薑汁好濃, 隻雞好入味!!堅係覺得呢間野幾好味雖然環境都係有d迫不過茶餐廳係咁上下架啦

要在沙田區吃蛋撻, 相信大部份該區居民也會回答奇興。店子有些難找, 雖然在地下, 卻被樓上商場大量店舖影響視線。這裡的蛋撻同時提供酥皮和餅皮, 選擇了一件後者, 屬出爐貨色, 熱辣辣, 已經加了分, 不過卻吃不到這裡比別人優勝的地方, 售六元一件, 性價比即時大跌。熱奶茶色澤對辦, 有一定茶味, 不過, 又是沒有過人之處, 加上環境實在擠逼, 是次體驗只屬一般而已。

奇興這個名字對熟悉沙田的人來說, 並不會覺得陌生, 尤其是它出爐的蛋撻... 曲奇皮蛋撻--先前在門外等候入座時, 已經察覺到, 暧櫃內放著的蛋撻, 出爐了好一段時間, 奈何習慣每次要吃過蛋撻才安心, 所以今次也沒有例外, 點了曲奇皮蛋撻, 上卓時仍是微暖的, 曲奇皮有好香牛油味, 皮薄又不易碎, 不油膩, 蛋漿面雖然已經開始下榻, 不過沒有乾裂或出水等跡象, 蛋漿有蛋味, 而且滑溜, 若果蛋漿味甜一點會更佳, 無論是酥皮或曲奇皮的蛋撻, 新鮮出爐的, 都是好吃點, 下次都要看準蛋撻出爐時間, 再吃吧 凍奶茶--茶味濃厚, 茶味和奶味配合, 入口質感滑溜, 甜味適中, 正宗一杯港式凍奶茶早餐包括雞扒, 香腸, 煎蛋, 牛油多士半件--雞扒外層被煎成香脆可口, 內裡肉質不韌, 有肉味, 不過部份近扒邊則煎得有點過火, 有少許乾身和韌口, 至於淋在雞扒上的燒汁, 味道濃郁, 挺配合煎雞扒的味道, 香腸稍為炸過, 有雞肉味, 煎蛋只是一隻失手的太陽蛋, 蛋身比較細, 蛋味一般, 多士尚算烘得脆口, 牛油多少可隨個人口味塗上 迷你雪菜肉絲米粉--雖然說是迷你, 不過份量仍算充足, 材料沒有將價

下午行沙田新城市點肚餓，唔想食集團食物，找到呢間奇興茶餐廳，點了港式經典食品，蛋撻、菠蘿油、熱奶茶。蛋撻分酥皮或曲奇皮(牛油皮)，蛋漿甜味適中、有蛋味，皮底鬆脆，並不斷有新鮮出爐，能保持這水準實很難得。價錢 $5菠蘿油不是出爐，微溫，面層香鬆但不易跌落，麵包軟熟，配合熱奶茶成為其中一個下午茶餐。$ 23奶茶味濃而不苦澀，有奶香。坐位頗逼，要搭台，衛生程度很好，樓面侍應態度不錯，不會趕客。評分以港式茶餐廳為標準。

去到沙田，好多時諗唔到食乜就會走嚟呢度~我一般會望下快餐睇下有咩食....不過一般最吸引我都係呢度D咖哩汁其實我係極度少會係茶記叫咖哩食物，原因２個。１。怕辣。２。怕咗Ｄ螢光色又冇咖哩味嘅咖哩～不過呢度就冇呢個問題.....我敢叫...係我試過係LUNCH HOUR嚟食時，留意最多人叫嘅係乜。居然係有咖哩汁嘅快餐飯.....一試。啱咀型啊喂~~有香味~ 唔太辣，顏色係正常~~~~份量唔太少亦唔太多~~~同時我都好欣賞呢度杯凍檸茶...茶味OK~甜度都適中...冇澀味~幾飽都要食嘅蛋撻...係貴咗D囉....5蚊隻~~但因為佢賣得快....所以嘢嘢出嚟都好新鮮熱辣酥皮唔錯~~~(未算最好~~)

星期六做完Facial 一個人多數去翠華 or盈翠lunch,今日就選擇奇興。來奇興我多數是買外賣蛋撻。$5個，有酥皮及曲奇皮選，我個人就較喜歡酥皮。奇興蛋撻是我食過最好食的，must choose item 。今天想食茶餐，所以二話不說就点了炸菜肉絲丁麵(轉丁面+5蚊)，餐肉+太陽蛋+多士半份，凍0茶(+3蚊)。就係咁由原本已經唔平嘅$38茶餐變為$46……有点貴啊！先來凍0茶……正常再來……驚喜……驚喜的是太陽蛋真的太陽，沒有煎到散咗 (一般茶記煎得好求其)。再嚟驚喜的是牛油是另上的 (一般茶記是即烘即搽牛油，這會令件多士變淋)。再來……另一驚喜……驚喜是個丁麵上枱時麵身比較硬(即未完全煮透)。好處是客人食完煎蛋、餐肉、多士後，那碗丁麵就浸得剛剛好了。雖然各食物味道未算突出，但看得出這茶記是用心做的

放工搭巴士返著左 , o係沙田市中心落車 , 要行返轉頭經偉華去希爾頓 , 見奇興門外有人圍住買緊蛋撻 ,見新鮮出爐 , 望一望價錢 ... $ 5 一件 , 都幾貴 , 以前o係沙田返工都間中會買 , o個陣買半打都有野飲送可能出名左 ?? 見佢椰撻呀雞批呀o個 d 都貴晒 , 不過我都預計到一陣行返過黎時身旁o個位越黎越大食小姐會話要食o家喇我地一個鍾意食酥皮一個鍾意食牛油皮~ 牛油皮好香 , 有少少燶邊 , 仲脆脆地 , 好好味個皮唔會太甜 , 蛋漿夠滑而且仲幾重蛋味~ 酥皮咬開可見係一層一層咁 , 口感鬆化 但唔會一咬就散 , 蛋漿甜度適中 , 無過量o既油份 , 食落唔會膩 ## 兩種蛋撻實在係唔錯 , 加上又新鮮出爐 的確係好味道 , 可惜 $ 5 真係幾貴 ....旺角太子大角咀有好多面包店都有 d 好好食o既蛋撻大部份係 $ 5 以下 , 都係不斷有新鮮出爐o家

正是光陰苦短，即使週日滿是空閒，亦不應賴在床上，漫無目的於沙田市中心逛商場，到了將近二時半，就來一個下午茶吧！可惜不是連鎮快餐店，就是市中心的食肆來得人滿之患，幾經思量之下，決定選擇附近偉華中心的奇興好了；在擠迫的茶餐廳中，總算給我找到一個座位，當然搭檯仍是免不了。普通的茶餐廳一間，到此刻還未試過其主餐飯食，意慾也是不大。倒是出爐的麵包餅食有點興趣，看門口的外購忙過不停，應該有點口碑。 說明是下午茶，堂食的熱奶茶還算不錯，茶身帶點濃厚，質感也滑，亦有少許掛杯的跡象，至於屬高層次的「回甘味」，在這裡還是找不上。已試過其雞批及肉卷，記得上之見到的椰撻賣相很不俗，來上一件之餘，招牌的蛋撻還是少不了，每件各承惠六元。所謂蜀中無大將，廖化作先鋒，沒有強勁的對手下，奇興的出爐酥皮蛋撻，算能稱霸一方；有人說過熱燙的出品總差不了哪裡，細心品嚐之下，其實發覺其酥皮也是帶點厚身，以今次這件來說，就是欠了一點應有的鬆化，不過中間的蛋質還是見其滑溜，甜度適中之餘，蛋香味道偏向內歛，今次的出品還是不太滿意，還望只是個別的失手事件。倒是椰撻就真的沒有令我失望，烘出啡黃色的外層，上面還有一粒搶眼的切片車厚子，看墊底

冇茶香嘅奶茶，仲係咪奶茶？淡而無味，莫講話唔滑，茶味亦唔足夠，我覺得好似溝咗水嘅感覺，雖然係凍奶茶，亦不應如此除咗杯凍奶茶，亦叫咗一隻酥皮蛋撻，賣相ok，酥皮略厚，但不失鬆化，亦唔覺油膩；蛋心有光澤，吸引，亦滑溜，但偏甜少少，但我覺得ok，$5一隻，唔貴埋單$21，如果杯凍奶茶可以好d，都唔算貴，可惜……除咗酥皮蛋撻外，奇興亦有牛油皮蛋撻，之前試過，印象麻麻，理應有更好選擇。

千祈唔好去！！有一晚同屋企人經過見到佢門口POST有糖水食 款式都幾多 價錢又平就入去大快朵頤啦點知D糖水難食到不得了唔知係"稀"咁簡單 冇味又冇道 感覺好怪我食野都算求其都接受唔到anyway 千祈唔好去！！

以奇興那細小而狹雜的環境，加上有點油的地面，實在殊不好坐，偏偏到午市或下午茶市卻奇門如市，如沒有若干 Selling point，實在說不過去，相信它們座下的麵包師傅，是興盛的關鍵之一。三時半的下午茶時段，一個人也難以插入位子，要好一陣才能被配坐在角落的一張細檯內，原本想叫一杯奶茶，一份蛋撻和其他西餅麵包，但侍應阿姐卻說二件蛋撻配熱飲，可以算廿元一個餐，結果半推半就給屈服下去，損失的不止是金錢，連胃納也減少了。不過它們弄的蛋撻確有一手，多層式的酥皮十分鬆化，既不會過油，也吃不著一口碎屑，搓皮功夫確有一手；中間的焗蛋入口甚滑，蛋香甜味適中，加上購買者多，流量去得甚快，堂食下可以保持一定的熱度，雖然未能稱上是全港最好吃的出品，在沙田這地區來說，可作不二之選。題外話，九龍城那舊式餅店的蛋撻也屬「出晒名」之列，可惜試過後，個人覺得實了一點，入口也有點油，未免有點過譽，個人口味問題，作不得客觀標準。以前這裡還賣焗雞卷，今躺找不著，改叫大件的雞批一件，沒期望之下可有點水準，牛油皮不硬，入口有點香味，內裡也是滿滿的白汁燴雞肉，整體不差，只是流量沒蛋撻來得那麼快，只能屬溫暖的狀態。見同桌的兩位食客，都

是日過了早餐時間沒有了我叫開既厚多早餐轉為叫雞批+熱茶個雞批真係食到我媽媽聲,幾難食都有呀!個面就勁甜 牛油味又奇怪入面D餡就勁咸 又無雞味最過份係加埋要$20.5雞批單叫$6.5嘩 野飲要成$13.5真呃錢~又難食~真係請比珍~~~真係幾難食都有呀!下次都係要早少少出門口,食厚多!!!!!

是日太太不在家, 回家前就決定先去吃個飯才回去. 在火車上想呀想, 邊度方便就腳呢. 而馬鞍山又冇乜邊間特別想食. 由西貢入也許路途上又太遠太貴. 最後想到沙田. 有一間茶記想試好耐. 地點在偉華中心, 係巴士站行出去就係. 方面我轉車, 就哂腳.係沙田市中心食野, 從來都覺得只有連鎖店食肆. 其實行過D, 係新城市廣場左近的商場仔, 就有一些沙田的老茶記, 服務一批識路之人.一個人, 不叫什麼小菜了, 叫個碟頭飯最實際. 晚市有焗飯套餐. 而且有一個是咖喱焗牛筋腩飯/意粉. 就不如要一個意粉. 咖喱牛腩, 配飯食得多. 呢次配意粉, 仲要係焗. 應真有意思. 而且說明是牛筋腩, 更加令人垂涎三尺.先來了跟餐奶茶同餐湯. 餐湯是金銀菜豬骨湯. 味道非常之清. 飲湯是最容易分得出佢地有冇落味精的. 這個湯顯然是冇. 清淡, 有菜香, 除了骨頭, 基本上碗湯係俾我清左底.焗意粉, 焗到帶點乾的咖喱牛腩, 端過來時已覺得非常之香, 而且, 仲要有層芝士. 焗意粉未到我已垂涎三尺, 現在看見, 直情係口水長流. 收一收口水, 先前拿錯了筷子, 就用筷子食意粉吧. 先撥開上面的咖喱牛腩, 食幾注

去開沙田市中心,又想食個茶餐woo係巴士見到呢間野,所以落車走過去.好少餐woo...最後叫左個沙爹牛通+茶走.沙爹牛通 個沙爹好入味,不過d牛就加工到無晒咬口入口就散晒... 有人鍾意,我就一般.茶走 好茶底係正好濃好香! very good!

有時人在中環，也愛去「樂香園」喝杯奶茶，吃個雜批，在人稱蛇竇的茶餐廳中，偷閒一番。不知在中環以外，有否類以的架步?! 我的答案是肯定的。今天心血來潮，想買些回家作下午茶之用，找不到合心水的食物，卻見到沙田廣場的「奇興」，有人龍排著隊買蛋撻，想以前也是主顧之一，因為其蛋撻真的弄得不錯，不在沙田工作，人心不免靠著外區，既然重遇，那就順道重溫當日的味道好了。二件蛋撻，還加了一件馳名雞卷，十六元的價錢，阿姐還好心地用上盒子載著，真係唔話得，由市中心乘車回到隆亨村，已近廿分鐘的時間，甚麼「新鮮出爐」也已放涼了，其酥皮蛋撻外皮看似堅挺，吃入口倒是十分鬆化，不似其他出品吃到一地都係，中間的焗蛋甚為滑溜，蛋香甜度也恰到好處。說真的，「檀香」的酥皮雖然更加鬆化，卻嫌它太油，九龍城「豪華」的酥皮和焗蛋，又覺得實了一點，「泰昌」的牛油皮，不是本人杯茶(尤其是連鎖化後)，今次這「奇興」的，除了熱度之外，吃得甚為滿意。另有雞卷一件，其油酥皮也弄得十分鬆化，牛油香氣十足，只是餡料不多，中間的白汁物，怎吃也不覺是「雞肉」造的，其餘的問題則不大。據樓下食友所言，奶茶也是得手之物，看來我這條為食之蛇，看來也要入竇一次，