奇趣餅家

营业中

休息中

遊走旺角，遊下遊下遊到花園街。醒起好耐無食紅豆燒餅，特登行去幫襯！$5一個紅豆燒餅，仲熱熱地架！咬一啖，依舊既味道！糯米皮軟熟，少少煙韌。表面仲有啲炒香左既芝麻，加埋紅豆餡，好正！

豬籠餅只在中秋前才有。小時候很喜歡在大人買月餅時看到的那個如玩具般的漂亮盛餅容器。市面除奇華有賣竹的版本外，今天就在花園街的傳統餅店【奇趣】找到。還是有傳統版本出售。不買那個籠，只買餅也沒有很貴。如要傳統豬籠只可買小豬餅。因為其他款size太大只可放花籃。餅是月餅皮的料做的。沒有饀。沒有很甜，口感比光酥餅乾，有點像乾硬版光酥餅或沒南乳味的雞仔餅，或更似英國的shortbread! 店員說餅是可存放一段時間的，乾乾的質地大概可減低因有水份而發霉的風險!不竟這是季節限定，買個來試一下也無坊!

奇趣餅家最出名莫過於燒餅喇！有原味 $4 同豆沙 $5每次經過都必買原味燒餅！今日轉下口味！買嚤囉酥試試先 $5個皮味道幾好。但好易散！餡係有啲似香蕉糕加椰絲！都唔錯喎！不過都係燒餅岩食啲😂

話說前幾天見到有foodie介紹了奇趣的燒餅，剛巧那天晚上我媽就買了奇趣的椰撻回來，於是隨口說了句下次可以試試他們的燒餅，結果昨晚回來就看到餐桌上放着幾件奇趣燒餅，超暖心的呢～圖中：紅豆燒餅（$5）因為留了做今天的早餐，所以吃的時候已隔了一晚，咬落是軟軟而香口的糯米皮 放久了依然不失甄韌，糯米香面頭還有白芝麻增加香味。皮不算很厚，一咬就吃到豆沙。餡豆沙餡也算挺多而且均勻，喜歡它不會好甜好濟吃兩個剛剛好飽飽了～新鮮出爐一定更好吃，已決定下次要親身去！Ps 椰撻也很好吃喔～

又係去親太子都必去嘅奇趣餅家我真係好鍾意食中式嘅糕點我諗各位中式糕點愛好者 奇趣餅家應該都唔會唔識 哈哈.紅豆燒餅.奇趣燒餅•可能係全香港最好食嘅燒餅❤️去親奇趣都一定要買燒餅!!!奇趣燒餅真係做得好出色 超曬班食落口感好軟糯 又帶點煙韌🤤煙韌控一定一試難忘 食過返尋味好彩的話 出爐熱辣辣 仲會外表微脆 入面軟糯.其實今次第一次食紅豆味之前一直都只會食原味 一向都唔太喜紅豆不過自此愛上紅豆味!!!!紅豆餡微甜 最怕死怕嘅紅豆餡 但佢甜度岩岩好軟滑嘅紅豆蓉加埋煙韌燒餅 係夾的.當然原味燒餅都同樣出色🤤我宣布 自此每次幫襯燒餅每隻味都各一哈哈哈 死未

從小到大對光酥餅都係無法抗拒⋯⋯而現在你想買光酥餅都有一定的難度。因為肯賣光酥餅的店家已經越來越少，十年前在大型超市都仍可找到它們的蹤跡，但現在真的買少見少還記得小時候那些個光酥餅十分大個，吃一個就等於一餐飯今日閒逛旺角，看到很多人在這間餅店排隊買紅豆餅，紅豆餅我興趣不太大，但再看看才發現原來現有光酥餅賣，而光酥餅是一口size一口size不用強迫自己一次吃下一大個，可根據自己食量來吃。光酥餅很香、很鬆軟！甜度適中！待我吃完這包會再幫襯

行下金魚街時經過呢間歷史悠久嘅餅店，見到一盆盆嘅懷舊港式糕餅叫我埋去食，當時有諗起老公鐘意食摩羅酥就快手去買。老公嘅摩羅酥：老公話個餡料好味，亦都足料，如果係暖嘅仲好。甜老婆餅：好耐冇食老婆餅，冬瓜蓉餡夠甜亦多，皮十分酥，但都係如果係暖就好了。5蚊各一件算平了。但職員態度就有點差。

最愛在旺角掃街！好多人掃街都是魚蛋、燒賣、炸雞、魷魚⋯⋯吃貨的我，提提大家，路經花園街附近，一定要掃埋奇趣餅家！識這間餅家的人，一定識佢嘅紅豆燒餅！但其實餅家除了紅豆燒餅外，更有不少隱世美食！是日首推：香蕉糕$15/5件，香蕉味夠濃，夠新鮮軟諗，無得頂！望埋個價錢，真係食幾多都唔怕窮外帶必備，每次必買2包！細個甚愛吃乾酥餅，今時今日鮮有地方有得賣，榮華、奇華賣的太貴又不太正宗！這兒的$10大大包，又香又好味，唔會死甜，一口一個，愛死佢！總評：下次經開，必定會再去買野，性格比高，十元八塊盡是美味！

今早路經此店，聽說燒餅不錯，試試看。$5差不多有手掌心般大，薄薄的，表面蓋上白芝麻，仍是微暖，應該剛剛烘起。與其他店鋪出品比較，燒餅表面不算太油，糯米皮偏向軟熟，口感軟綿綿的不太韌。至於紅豆蓉餡軟滑，分佈尚算平均，啖啖都食到豆蓉，甜度也適中，加上芝麻幾香口。整體而言較一般餅店多了一分柔軟，也勝在即制新鮮熱辣，但未至於齒甲留香。亦可能油膩感較重同飽滯的燒餅始終不是我杯茶，而老店往往吃的也是風味與情懷。

🍘豆沙燒餅$5拎上手仲係熱 明顯剛岀爐😋咬落脆脆地 配上煙煙韌韌 軟綿綿既糯米皮口感一流😙仲有啲白芝麻脆脆地 令個餅更香😛入面豆沙唔會太甜 份量岩岩好底有啲白芝麻脆脆地 亦為個餅增添唔少香味☺️

平時路過這邊總會前來這店，店前總不乏客人。豆沙燒餅好正，可惜今天1時45分來到的時候還沒出爐，那唯有下趟再吃吧。 之前也喜歡買光酥餅，但早幾天爸爸才買了奇華的光酥餅，所以我不想吃 了。那就買爸爸和我也喜歡的合桃酥吧，$5超級鬆脆！棋子餅$18/4件，也很好吃，餡料足，味道夠。

呢間野尊賣一啲傳統既糕餅小食光酥餅 雞仔餅 香蕉糕 合桃酥等等好多都只係幾蚊就有交易仲有啲一袋袋賣既牛耳仔 蛋散😍------------------------------我買左一個豆沙燒餅$5 拎上手仲係熱架糯米皮煙煙韌韌 軟綿綿 dap真啲係有糯米香🍡入面豆沙唔會太甜 份量岩岩好底有啲白芝麻脆脆地 亦為個餅增添唔少香味☺️肥姐個條街有間叫明華餅家 佢既豆沙燒餅都好食個皮比較厚 比較甜 睇大家喜好啦😉------------------------------細個係街市買 係用個好大既鐵兜裝 透明膠蓋住一蚊一個 肥妹放學要食五個做下午茶架😛

幾乎每次去旺角都要去買返個燒餅食。每次都好多人。中意食無餡嘅燒餅。夠哂煙韌。超愛呢種口感！之前$3個~今日去加左價$4!紅豆餡$5, $20有5個！見好多人都5個5個咁買！其實加幅都幾大😂

終於有機會再經過旺角食番細細個嘅時候成日食嘅雞仔餅，再食番兒時嘅味道！雞仔餅我買HK$25,兩個人都有排食喇。雞仔餅細個時嫲嫲成日買俾我食嘅，印象中都係細個嘅時候好食d，依家都係好食，不過就同印象中嘅味道有d出入。佢係軟身嘅雞仔餅， 依家都好少地方有得賣喇！買野嘅時候聞到好大陣香蕉味，下次要買埋香蕉榚先！

呢間花園街入面嘅奇趣餅家,門外總係堆滿食客.售賣嘅唐餅都係佢哋自家手工製,晌而家嘅香港真係愈來愈少見.紅豆燒餅係佢哋嘅招牌貨之一,另外仲有原味,不過我每次都只買有餡嘅.拎返去途中仍然暖暖哋,燒餅表面有啲白芝麻晌度,同埋有少少油份,應該係用嚟防止癡底.糯米皮煙韌軟熟,中間紅豆蓉餡均勻微甜,焗得非常香口.呢次仲買咗另一款傳統唐餅嚤囉酥,佢哋嘅出品外型有啲似皮蛋酥,又有啲似小餐包.同平時食嘅中式有餡酥餅唔太一樣,佢外皮嘅口感鬆化到好似菠蘿包嗰層脆皮咁,中間包住嘅椰蓉餡甜度啱啱好,食完都唔覺得膩.