契爺鮮入圍煮

营业中

休息中

「契爺鮮入圍煮」2014始創花膠雞湯火鍋，大廳餐枱部份卡位式設計、非常闊落，另外還有包廂設計、私隱度高，以香港火鍋店嚟講算係坐得好舒服！揸車嘅就泊紅磡黃埔天地聚寶芳停車場，消費滿$200已經有免泊車優惠二小時，做埋黃埔天地會員仲有額外一小時！🔥濃厚半隻雞煲花膠湯『完全唔腥、滋補養顏、一口氣飲曬成煲湯』🔥本地手切肥牛『有咬口、一啲都唔蘇』🔥沖繩活水鉰豚梅花捲『唔薄身、口感一流』🔥台山桶蠔『大大件有6隻咁多、超肥美、食到你飽』🔥招牌6寶拼盤『蝦丸、牛丸、墨魚丸、水餃雲吞、韭菜餃每樣兩粒起、大大粒非常抵食』🔥什錦蔬菜籃『皇帝菜、娃娃菜、生菜都非常新鮮，一啲渣都冇』🔥靚淮山麵『幼身又掛汁、配雞湯一流』🔥鮮入圍煮孖寶『手打芝士鮮牛肉丸6粒、芝士爆醬一絶，鮮味肥鵝腸爽口到不得了』🔥巨大手打香水檸檬茶『大杯到拎唔起、飲都飲唔完』揸車出入：👍👍👍👍帶小朋友：👍👍食物質素：👍👍👍環境舒適：👍👍👍👍CP值...😋：👍👍👍彩蛋：早鳥時段19:30前結帳及離座、全單6.8折、另加折扣後10%服務費及醬料費$15/位 | 黃金時段18:30-20:30、全單7.8折(星期一至四)/全單8折(星期五六日及假

一家人難得齊人食飯 就緊係要打邊爐啦！一來我哋全部都鍾意打邊爐 二來又可以坐耐少少傾下偈～所以今次專登搵左間特別啲嘅邊爐鋪頭！呢間主打花膠雞鍋嘅鋪頭啱哂同屋企人食！我哋就叫左個龍穿鳳金裝套餐 首先會有三款前菜 分別係涼拌海蜇 香煎鱘龍魚腩同一滴入魂酒糟鴨舌～雖然只係前菜 但每款都好出色 勁快就比我哋夾唒🤣之後就有個黑魚籽加拿大象拔蚌刺身拼盆 象拔蚌爽口彈牙 配埋黑魚籽嘅脆 我哋又係食唔停🤣終於入正題！上左花膠濃雞湯湯底之後 店員會幫我哋剪開隻雞先 我哋可以食左雞同飲左雞湯先 個雞湯好甜 配埋花膠 超養身啊！飲湯後就係火鍋的時候了，肥牛是必要的，這款牛也是絕頂好味，牛脂分佈也不錯，餐內仲有6款自選火鍋配料，魷魚，牛柏葉，即炸響鈴等等😂🤣 特別想講的是有手揸檸檬茶，特大杯呀👍🏻大家都食到好滿足😌

呢個花膠雞湯隱身黃埔住宅區，唔係住喺附近嘅朋友帶路都唔知呢度有一間抵食又高質嘅火鍋店⭐️朋友話佢之前同屋企人食過都覺得好食，所以今次就帶我過嚟食🌞今次我哋食龍穿鳳金裝套餐每位$398/兩位起，勁多嘢食好飽食唔晒，完全覺得份量夠三個人💫🐟刺身拼盤有北寄貝、帶子、希靈魚同象拔蚌，全部都好新鮮。🌊頭盤每人兩件鱘龍魚腩，估唔到都好大嚿喺香煎咗，肉質幾好。另外仲有爽口涼拌海蜇、一滴人魂酒糟鴨舌辣辣地好惹味。🌟花膠雞湯有半隻雞同埋一舊大花膠喺你面前剪開，放任何材料入去之前飲一啖湯真係好鮮甜💕建議先放海鮮，飲落個湯會更加有不同層次。☀️白鱔雙拼🦐海鮮有蝦有蜆，全部都好新鮮彈牙冇沙。🥩本地手切肥牛口感煙韌，好重牛肉味，記得唔好煮咁耐。🥬時今蔬菜雙拼🍜淮山麵口感煙煙韌韌。💫火鍋六寶拼有牛柏葉、牛骨髓、水魷、自家製蜂巢冰豆腐、炸響鈴、炸西班牙黑毛豬午餐肉，全部都好食。

📍 契爺鮮入圍煮 - 紅磡中秋節團圓，必定打邊爐🍲呢一個晚餐係必須的！團團圓圓，一齊烚吓烚吓🙆🏻‍♀️祝各位中秋節快樂❤️✨ 開胃三小食
涼拌海蜇、香煎鱘龍魚腩、一滴入魂酒糟鴨舌✨黑魚籽加拿大象拔蚌刺身拼盆首先嚟咗開胃三小食，仲有刺身拼盤，夠晒新鮮，厚切刺身新鮮肥美，肉質柔軟，魚味濃郁。✨花膠濃雞湯湯底先飲一口湯底已經超驚喜，濃厚的充滿雞湯香氣，飲落好有花膠湯的黏口感覺，鮮美養顏花膠雞湯🐥一路打邊爐一路護膚，濃郁滋補嘅花膠，搭配滑嫩鮮甜嘅雞肉，香濃豐富嘅口感層次🍲✨鱘龍魚頭拼魚片口感真的很棒🤲🏻非常新鮮，又很脆口，烚完真係好吃😋
✨手切本地肥牛打邊爐點可以冇肥牛，牛味濃郁，相對比較肥，厚薄適中，份量亦都唔少🐮
✨時令雙蔬-蔬菜新鮮，有唔少選擇，生菜、娃娃菜等！✨稻庭烏冬-打邊爐必備🤭✨白牛柏葉、炸魚角、爽脆黃喉、爽滑豬皮、午餐肉，打邊爐必備的六寶，全部食材都好新鮮，而且好爽口😋自家製炸響鈴-想講超大舊，烚完好似手巾咁吸晒啲湯🍲

中秋節家庭聚餐,因第一次去這餐廳,帶著未知好不好吃的心情,結果全部家人都食得好開心有肉有新鮮海鮮,花膠雞湯底出色龍蝦及海蝦特別新鮮,一定是活殺才有此質量物有超值餐廳裡的職員十分有善招呼處到,環境也很干淨值得一提是7：30前結帳有6.8折,十分化算

餐廳位於黃埔區十分之方便，地鐵也是瞬間可達、餐廳環境佈置十分明亮，加上座位十分舒適適合朋友的聚會.這個套餐十分之吸引包括有前菜及各式各樣火鍋配料可供自由地選擇.火鍋的盛宴中，每一道菜品都以其獨特的口感和風味，讓人流連忘返。象拔蚌及帶子刺身拼盤鮮味十足.涼拌海蜇，作為開場的小食，以其爽脆的口感和清新的調味，瞬間喚醒了味蕾。海蜇的鮮美與調料的酸辣完美融合，讓人在品嘗中感受到一種清新的海洋風味。酒糟鴨舌，則以其獨特的酒香和鴨舌的嫩滑，讓人在品嘗中感受到一種別樣的滋味。酒糟的醇厚與鴨舌的鮮美相互映襯，讓人回味無窮。而接下來的花膠濃湯雞湯火鍋，更是將這場盛宴推向了高潮。花膠的鮮美與雞湯的醇厚完美融合，湯底濃郁而不膩，讓人在品嘗中感受到一種奢華的享受。火鍋中的食材也是豐富多樣，無論是蔬菜還是肉類，都能在湯底中汲取到足夠的滋味，讓人欲罷不能。鱘龍魚鮮味十足，令人回味無窮.手切牛肉，作為火鍋中的主打食材，以其鮮嫩的口感和獨特的紋理，讓人在品嘗中感受到一種原始的肉香。每一片牛肉都經過精心挑選和切割，保證了肉質的鮮嫩和口感的豐富。稻庭烏冬，作為這場盛宴的收尾之作，以其獨特的口感和清新的調味，讓人在品嘗中

鮮入圍煮嘅鍋底以花膠雞湯而聞名，當時旺角係第1間店，今日嚟到黃埔呢間 — 契爺鮮入圍煮🍲個「龍穿鳳」套餐都好抵食，每位$328，有愛爾蘭蟶子刺身😍仲有我好鍾意食嘅「酒糟鴨舌」❤️先嚟開胃三小食，有酒糟鴨舌、海蜇、雞泡魚干‼️鴨舌有酒香，同時亦有花椒香，令味覺好有層次😋海蜇勁好食，唔係比次等嘅海蜇頭，海蜇身係好食好多，口感非常QQ爽彈❤️「特濃花膠雞鍋」完全被呢鍋金湯吸引左，一開始都擔心會唔會係雞油嘅關係，但再睇真啲，表層冇乜油👍🏻飲左一啖，真係會被個雞湯驚豔到🤩雞味鮮甜濃厚，忍唔要飲多2碗相信隻雞係走地雞，肉質有彈性，但又唔會好鞋，而且皮下脂肪唔多，雞味特別濃厚，yummy yummy‼️花膠唔算嫩滑果種，但勝在好厚肉，點都會可以滋補下「愛爾蘭蟶子刺身」平時真係好少會食到蟶子刺身，一問之下，原來愛爾蘭蟶子係可以當刺身咁食的果然非常爽甜，唯一扣分嘅係wasabi非常嗆喉～～「沖繩黑豚梅肉」食呢個set 好岩我，有我鍾意食嘅豚肉，豚肉片厚薄好適中，有咬口得嚟又夠嫩❤️「鱘龍魚三寶」

一家人食野就係最開心，今日食火鍋套餐熟食火鍋都有，個個都食飽飽😃「龍穿鳳金裝套餐」 這個豐富套餐不得了🤗「涼拌海蜇」「香煎鱘龍魚腩」「一滴入魂酒糟鴨舌」 開胃三小食，酒香入哂鴨舌，是好味的冷盤，而魚腩煎至金黃色，十分香口呀🥰「黑魚籽加拿大象拔蚌刺身拼盆」好期待的象拔蚌，新鮮無比呀，好爽趣！仲加左黑魚籽😚「花膠濃雞湯湯底」到今日主打了，未打火鍋前先飲湯，主理人細心為我地剪雞，雞肉滑嫩呀😁 仲有塊花膠真係堅大塊呀😍😍終於開始火鍋喇😂🤣 但已飽左7成😄「鱘龍魚頭拼魚片」 大大碟魚片，而且厚肉！「手切本地肥牛」肥牛脂肪平均，用來做火鍋實在太正了👏🏻「任選火鍋配料六款」 我們揀左新鮮炸響鈴及魚皮，都十分鬆脆呀🥰 大愛呀！其餘係枝竹，魷魚，牛柏葉，款款都係火鍋必備呀「時令雙蔬」 火鍋點少得蔬菜😄

前排上一家人一齊食飯，姪女點名要食打邊爐，我哋就搵到呢間食花膠雞煲好出名嘅呢間，因為我哋六個人就叫咗龍穿鳳金裝套餐首先送上嚟嘅係開胃三小食，分別係涼拌海蜇，香煎鱘龍魚腩，一滴入魂酒糟鴨舌。海蜇酸酸地十分開胃，而魚腩啖啖肉，油香十足，鴨舌入口有酒味，一隻一隻咁食超上癮而每滿六位就會將象拔蚌刺身拼盤升級做1.5斤加拿大象拔蚌，上面配上少少魚子醬，超級新鮮啊，象拔蚌口感超級爽口，全家人都爭住食唔使5分鐘已經食晒終於到重頭戲花膠雞鍋，店員會幫我哋將雞剪咗一塊塊，再加上花膠，然後再讓我們喝湯，之後才是火鍋環節～花膠雞湯超級濃郁，而且雞肉嫩滑，一啖接住一啖飲，好補！終於到火鍋環節，六寶拼我哋就分別揀咗牛柏葉、水魷、黃喉、炸魚皮、自家製炸響鈴同埋鮮枝竹，首先所有食材都超新鮮，水魷超級爽，炸響鈴炸魚皮同埋鮮枝竹都吸晒所有湯嘅精華，令味道更上一層樓手切本地肥牛超重牛尾，而且脂肪同肉比例啱啱好鱘龍魚頭拼魚片（黃油魚），魚片夠晒嫩滑最值得講一定係個生蠔，成隻手板咁大隻，又係勁鮮甜，個個都想再encore🥹🩷淮山麵平時出面好少有，都10分推薦大家叫最後我哋仲額外嗌咗杯香水檸檬茶，$25超大杯一齊share嚟飲

今晚一行四人去 紅磡 黃埔天地 聚寶坊   主要想食 花膠雞鍋.餐廳面積大,  有很多大圓檯, 服務員給我們編了卡座, 好舒適, 冇局促. 他介紹本月份有特別推介, 龍穿鳳金裝套餐,每位$ 398 (2位起) , 我們 4人點了4份.服務員立即送上餐前小食, 兩個是涼食:    一滴入魂酒糟鴨舌, 及兩碟 涼拌海蜇. 涼拌海蜇,  Q彈好食.    鴨舌含酒香, 真正 啖啖入魂. 另來了第三個小食, 香煎鱘龍魚腩, 煎得香口吾油膩, 營養價值高.自費飲品種類很多:  有汽水,  清熱飲品, 烏龍茶.............及啤酒買二送一.    價錢吾貴. 小食過後.  時令海鮮刺身拼盤來了,  夠新鮮:   有北寄貝, 厚肉帶子, 希靈魚, 黑魚籽加拿大象拔蚌.  厚肉帶子,  大件鮮甜無比.  北寄貝,  巨型又新鮮.  象拔蚌口感爽, 伴上黑魚籽更鮮美. 享受完刺身食品.  大家 熱熱身, 行去自助醬料間,  自取調味料, 準備食火鍋. 服務員替我們開動電磁爐, 放上花膠濃雞湯,  金黃顏色好吸引,  雞肉好嫩滑.隨即把花膠放入湯鍋,  花膠大大塊又厚肉.    他替我們把花膠及

呢個龍穿鳳金裝火鍋套餐真係幾特別，由開胃小食到火鍋配料都好豐富。$398/位，兩位起。先有開胃小食三款：涼拌海蜇嘅口感爽脆，調味咸咸地。香煎鱘龍魚腩煎得香脆，魚味濃郁。一滴入魂酒糟鴨舌就更加特別，鴨舌質感爽口，酒糟味道濃郁。之後到刺身拼盆盤：有北寄貝、帶子、希靈魚同蟶子刺身。火鍋湯底花膠濃雞湯湯底係呢個套餐嘅亮點之一，湯底濃郁，有半隻雞及花膠，入口暖胃。火鍋配料鱘龍魚頭拼魚片同手切本地肥牛。魚頭同魚片都好鮮味。肥牛片牛味香。火鍋自選六寶拼，揀了響鈴、芝士腸、牛栢葉、午餐肉、炸魚角同黃喉。響鈴吸湯，牛栢葉爽口。另外仲有時令蔬菜。最後嘅稻庭烏冬，煙韌有彈性，吸滿湯底嘅精華，飽了。呢個套餐食材豐富，加上自助區有火鍋醬油同水供應，令整個用餐體驗更加方便。

講起真係有啲唔好意思，同朋友仔 #賀壽 嘅生日飯，#小秘書 居然由八月拖到九月先做到😅 不過有心唔怕遲… 知朋友仔同我都一樣都鍾意 #打邊爐，呢晚就同佢嚟到有 #花膠雞之王 稱號嘅「 契爺鮮入圍煮 」食餐飽😚 餐廳一向以 #花膠濃雞湯 出名，小秘書就由佢哋原址 #旺角上樓舖 食到過埋嚟 #黃埔，可謂係鐵粉😚 佢哋馳名嘅湯底用鮮雞熬製，味道非常濃郁😚 加埋泡好嘅花膠王落湯，每一啖入口都非常滋補❤️ 店內嘅服務員十分好客，主動走來睇吓我哋有咩需要，仲介紹我哋可以試吓新推嘅 #龍穿鳳精選套餐，裡面除咗主角 #花膠龍雞湯，火鍋配料都唔少😚 講到咁正… 就聽佢一次咁多啦🤭🤭龍穿鳳精選套餐2人前 $328（每位）另加一；晚上七點前order飲品，仲會有優惠❤️*小食*🪼涼拌海蜇師傅將特製嘅醬汁撈落一早雪好嘅 #海蜇 裡面，味道帶點微辣，好醒胃😚🐡雞泡魚乾即叫即燒嘅 #雞泡魚乾，咬口煙煙韌韌，十分香口😚👅酒糟鴨舌鴨舌帶點麻辣嘅味道，加埋酒糟嘅香氣，用嚟送酒簡直一流😚可惜呢晚「司機」揸咗車出嚟，唯有以檸檬茶代酒😅又估唔到效果都唔錯喎😚*刺身*蟶子王刺身 - 蟶子肉非常鮮甜，師傅以獨有嘅切工，令肉質更爽口😚

今晚同朋友出了黄埔行街，太久冇去這地方，行到有點累，在附近位找間餐廳吃，行到這兒見門口餐牌食物不錯，大家都喜歡吃火鍋，就入了去，環境寬倘舒適，看了一陣餐牌叫了龍穿鳳精選套餐-雞泡魚乾 (每位半片)  乾身脆口，煙韌彈滑，魚乾味好鮮香套餐-凉拌海蜇  本身凉拌海蜇，待應臨時說剛買晒，轉了炸唐楊雞，炸得雞好脆身，肉質爽口嫩滑，好鮮濃雞香味套餐-蟶子皇刺身  (每位1隻)  透徹白身，好爽滑彈口，特別鮮蟶子海鮮味套餐-一滴入魂酒槽鴨舌  (每位4件 )  少有，細細條，軟霖滑身，一口嘴嚼到，有微微酒香味同鮮香鴨味，另一番口感套餐-花膠濃雞湯  花膠厚身，彈牙爽滑，濃花膠香味，鍋底放入了全隻雞，待應即埸剪，雞身軟霖，好快一剪已剪了一件件，肉身嫩滑，濃鮮香雞湯味套餐-鱘龍魚三寶  一次過吃到三種不同魚口感，有薄片身，有厚片身，片片爽口彈滑，特别濃鮮香魚味套餐-冲繩水飼豚肉片 (每位3片)  少見，豚肉片放在這靚造型盤上，肉片薄身，特别軟霖爽滑，平均分配肥瘦，濃厚鮮豚肉香味准山麵  幼麵身，一煮即霖散開，彈嫩滑口，有微微藥材味，獨特味道感時令蔬菜雙併  片片翠綠，菜身爽脆，好新鮮鮮菜鮮味火鍋六寶拼

這家食店位於黃埔站附近，交通方便。食店的內部環境衛生，座位寬濶，侍應生服務殷勤。 龍穿鳳精選套餐，包含多款美食，每位$328，另收加一服務費。開胃三小食：涼伴海蜇，口感爽脆，有醋味。雞泡魚乾條，熱食，有嚼勁，惹味。一滴入魂酒糟鴨舌，口感爽脆，有酒味。花膠濃雞湯：店員在客人面前剪雞和剪花膠，並建議客人先飲湯後吃火鍋。雞湯很濃味，雞肉不柴，花膠厚身。火鍋：蘇格蘭蟶子，肉彈牙，味鮮甜。鱘龍魚三寶是包括魚頭、魚腩和魚片，鮮味十足。蔬菜兩款，新鮮美味。日本沖繩水飼黑豚梅肉，肥瘦適中，肉味濃。還有淮山麵和自選火鍋配料六款，味道正常。