好包 (已結業)

🔸香蒜椒鹽無骨雞翼包🔸蜂蜜無骨雞翼包🐥🍯首先要讚下佢個自家製意大利法包好好味😳好鬆軟又有咬口。平時食Burger比較多，採用呢款拖鞋包既舖頭好少見，好特別！香蒜椒鹽冇炸過，但都做到好惹味，個包仲有啲沙律醬、生菜、洋蔥同青瓜，所以唔會食到乾爭爭。至於蜂蜜味，雞翼好入味同嫩滑，醬汁非常豐富，連個包都有好多蜜糖！無骨雞翼配個包都幾夾，啖啖肉😝🔸 菠蘿青檸蜜氣泡飲、西柚氣泡飲🍹無骨雞翼包可以再加配特色飲品，兩杯都好唔錯，都飲到有果肉，唔算好甜，消暑解渴😋

佐敦無骨雞翼包！最近見到有唔少社交媒體介紹呢間新開嘅小店，主要售賣無骨雞翼包，小店環境比較狹窄，有一張枱企位，街外有張櫈，主要做外賣生意，雞翼包款式得三種，仲有豬腩包同大啡菇包選擇，大約等十分鐘就可以攞到外賣。蜂蜜無骨雞翼包$40- 今天需要一點甜，食物嘅味道十分切合呢個主題，蜜糖雞翼煎得香脆可口，意大利軟包口感鬆軟煙韌，蜜糖滲入麵包裏面，每一口都食到淡淡嘅甜味，三隻蜜糖雞翼醃得入味，比起椒鹽應該冇咁熱氣，平時食雞我都會去皮，今次忍唔住食晒，可想而知呢度雞翼有幾好食，不過雞翼包定價偏高，希望遲啲會出唔同口味吸引顧客。菊花薑蜜$10- 菊花味道比較淡，蜜糖味重啲，有淡淡的薑味，用來解渴都唔錯。

早前聽朋友介紹， 又話呢間舖頭好出名，又話新店喺佐敦重開，經過所以就去試下。🤔咁首先聲明，其實本人都幾鍾意食包，而呢間餐廳就用咗自家製嘅意大利Ciabatta麵包，淨係聽個名都覺得幾有噱頭。🤣相片嘅左手邊係佢哋最出名嘅豬腩肉包😋無可否認，透過慢煮方法，令到豬腩肉嘅肉質質保持良好口感。呢一個包搭配咗佢哋特色嘅酸甜醬，酸甜嘅味道有助中和油膩感，唔會太罪惡。😈你問好唔好食嘅話，我會覺得好睇個人因素🤔如果你係接受唔到甜、鹹、酸三種味都夾埋一齊，咁我就建議你食其他包。👍🏻豬腩肉包 返尋味指數: 3.5/5 分------------至於圖中有手邊嘅包，就係蒜香椒鹽無骨雞翼包。一入口要讚一讚，雞肉好嫩滑而且雞油味香。但當我咬多兩啖時候就發覺一個問題，就係蒜香同椒鹽嘅味道冇比我想像中咁出...😱🤯平時食飯最重味嘅蒜頭，竟然喺呢一度變弱咗，令我有少少失望。🙈🥺當時我有同店主交流，發現問題可能係因為冇利用到一種醬汁作為蒜香儲存嘅媒介，導致雞油嘅香味蓋過咗蒜頭嘅味道。🤔所以，如果呢個包能夠配搭一種充滿蒜頭味嘅醬汁，應該會更上一層樓👍🏻蒜香椒鹽無骨雞翼包 返尋味指數: 3/5 分-----------整體

行開佐敦，知道呢到新開，特意黎試下。本身都中意食雞翼，而雞翼加包呢個配搭未試過，仲要去埋骨，所以都幾期待！舖頭擺設都有心思，門口都有椅可以比客人坐下，新開感覺d野都乾淨企理。叫左香蒜椒鹽無骨雞翼包，幾欣賞職員用包裝紙包得幾好，食既時候唔會整污遭手，幾貼心。而個包係類似法包個種，比較硬身既，幾好口感。但雞翼感覺味道比較淡，同我想像中既香蒜椒鹽味道有d落差，好似唔入味咁。另外加購優惠叫左杯菊花蜜，唔甜，味道偏淡。

菊花蜜 $18如果買包的話可以用$10換購價去買蜂蜜既飲品 咁今次就揀咗比較清既菊花蜜 飲落都夠凍好涼爽 啱哂係舖頭門口等完野食熱辣辣飲🥵 不過野飲偏甜 如果甜度降低啲會更出色✨評分: 7/10🌟蜂蜜無骨雞翼包 $40呢個包由店舖個時係元朗開到宜家係佐敦重開終於食到 一拎上手熱辣辣 大家打開既時候一定要打平拎 唔係就會漏哂啲蜂蜜出黎了🤧 個包搽咗蜜糖 食落都有啲🍯味 而雞翼都夠多汁同淋身 加上冇骨好方便😆 不過就唔係好食到個蜂蜜味 味道偏淡 整體黎講一般🧐評分: 7/10🌟秘製慢煮豬腩包 $40呢個包同樣好多汁漏哂出黎 而三舊豬腩肉啱啱好就到個包既大小🤣 個包食鬆軟又香口 而且有生菜作餡料 可以解一解油膩感 不過個豬腩就偏韌同乾身 有啲難咬 比想像中冇咁出色🥲評分: 7/10🌟———————————————————————好包 (佐敦)佐敦吳松街131-137號嘉和大廈地下B2號舖

見到網上有人推介呢間新開既「好包」以無骨雞翼🐣為主打作為雞翼控既我難得同朋友經過忍唔住立即要試試鋪頭行簡約路線 可以打下卡包主話 每日只做一件事 就係食好包大約等左5分鐘就有熱辣辣既包出爐同朋友些牙兩款包試試（P.S. 包主好好人幫我地切開）‼️OMG! 🌯青咖喱無骨雞翼包 ($40)個包包主自制 好鬆軟 彈彈既個汁唔算太辣🌶夠晒味道雞翼 滑捋捋 足足有3隻 另一個 就試左慢煮豬腩肉包包 ($45)個秘制醬汁好正本身其實好鬼驚好肥不過入面既蘋果片中和左個豬腩肉既油膩感同埋d肉都唔算好肥好食既 （我都係鍾意食雞翼多d）我地試埋🥤西柚梳打飲 ($25)因為天氣太熱頂唔住⋯扮下健康 入面d西柚全部都係包主自己整有果肉 Wow夠晒特別 隻色又夠chill 🏖 打卡一流 總括而言食完的確好想再食⋯

知道佢重開，專誠再過嚟食多次重點係唔使去到元朗咁遠試左香蒜椒鹽無骨雞翼包 同 秘製慢煮豬腩肉包前者仲係咁香咁惹味，椒鹽味好重，味道我覺得適中唔會有好鹹嘅感覺。後者就第一次試，如果喜歡豬腩肉嗰陣油香，應該會幾中意！我個人就比較推介雞翼包，因為重點係唔使剝骨又有口感呢兩年唔小餐廳同小店都捱唔住，反而呢間夠膽疫市重開，仲選擇九龍，估計對出品有一定執著。再加上多左幾份本土情懷同人情味，總覺得係應該珍惜同流存下去…😊事實上，今時今日要做到堅持將雞翼去骨，都真係唔容易小店值得支持

第一次寫食評，估唔到就係比左佢。原諒我無影到相以前係元朗想食好耐，一直都無機會，的起心肝去食既時候已經無左隔咗幾年之後，竟然係佐敦開返，咁咪試下囉我就食左2號包，蜂蜜無骨雞翼包加配西柚梳打水。講左杯野飲先，夏日熱辣辣飲係好爽，唔會太甜，凍冰冰飲落肚真係正。但如果係用泰國勝獅果隻梳打水仲正！蜂蜜無骨雞翼包，岩曬我呢啲懶人。好多蜂蜜，好似唔駛錢咁，不過又係唔會太甜，食完一啖會想快啲咬多啖。收銀姐姐見到我兩個人仲會主動問要唔要切開一半，加分！下次黎會試下1號包，香蒜椒鹽無骨雞翼包！加油💪

話說好包喺元朗開嗰陣一直都好想試到佢結業都未食到見到近排佢係佐敦重開咗真係即刻要走去試新舖位於佐敦吳松街地方較細 得張立食枱同外面嘅一張bench主打無骨雞翼包啱晒我呢啲懶人🤪另外仲有兩款夾包蜂蜜無骨雞翼包嚟到當然要一試招牌無骨雞翼包🤤當日去嘅時候咁啱有幾張訂單而且又好似唔係太夠人手又係即叫即整 所以都等咗15分鐘左右先有得食🥲個包都幾大自家製意大利拖鞋包搽上牛油煎到好香質感軟熟又唔乾真係好香牛油味中間夾住三隻無骨雞翼偏細隻啲雞翼塗上蜂蜜煎香外皮脆脆帶蜂蜜甜味又唔會覺得太膩 好似食緊燒雞翼咁 仲要係無骨！啖啖肉 外脆內嫩 超爽皮🤪不過可能啲蜂蜜汁太多食到最尾成個包好濕但個包係好食嘅冇令我失望！下次試下椒鹽雞翼先🤤

以前無去唔到元朗幫襯，"好包"居然開左喺佐敦，即刻樸去試食。舖頭夾左喺兩間賣衫舖中間，有少少難揾，我行過兩次先揾到佢入到舖頭原來係立食嘅，無位坐嘅，因為已經有人食緊，咁我外賣啦。我試左1號香蒜椒鹽無骨雞翼包同4號秘制慢煮豬腩肉包，椒鹽雞翼包明明無汁，咬落去d雞翼真係好juicy，雞翼出面脆裡面多汁 至於個豬腩肉包真係好驚喜，以為食落口會好漏，原來一d都唔會，仲同個汁好夾，鍾意佢啖啖肉得嚟又唔會咬唔斷d肉每個包加$10就有杯嘢飲，價錢都算ok一定會再去試埋其他味

之前同行元朗食過好包覺得好正 諗住再去點知唔見咗近排上社交平台先知佢係佐敦開返即刻狗衝去食🤤蜜糖無骨雞翼包依然屈機個包外脆內軟好有咬口👄無骨雞翼就完全係食肉獸最愛啲雞翼煎到金黃色仲要勁多汁一咬落去即刻爆雞汁超Juicy💦個感覺有小小似去台灣食刈包咁完全係幸福嘅感覺🥰今次搬咗去旺區無咗個open area不過就有返個堂食位門口都有櫈坐可以用嚟打卡希望佢哋係港島開分店唔洗我次次都要過海🥲

近排聽講有一間已結業元朗小店喺佐敦重開。難得經過佐敦，就同大家試下味！新店嘅位置係位於吳松街，裕華百貨對面，舖面雖然唔大，有一張細Bar櫈，不過裝修簡約，感覺幾舒服😌。好多顧客都係為「雞翼包」慕名而來，因為所有雞翼都人手拆骨，食落啖啖肉😋！雞翼煎熟後灑上大量炸蒜🧄、椒鹽粉，好惹味！而麵包🥯係佢地自家製意大利Ciabatta麵包，食落口感同雞肉差唔多👍🏻，咬落煙靭，而麵包內裡塗上牛油🧈同芥末，食落都幾香幾開胃！天氣咁熱，我就叫左杯菊花蜜，飲落幾清甜潤喉，中間好似夾雜住少少🤏🏻薄荷味，味道份外清新！小店自創既「雞翼包」，雞翼食落香口多肉汁，麵包🥯口感唔錯，夠哂吸引！價錢方面，只賣$40其實唔貴，份量又夠飽，各位「食肉獸」不容錯過！！

特登安排左一日下晝食呢間好包，見佢好似新開，好期待佢個大啡菇包（後尾發覺原來開左好耐，係其他位置搬過黎既），所以更加期待！做左咁多年應該幾好味😅😅首先，麵包包皮應該唔係個個會鐘意，我自己麵麻麻地，佢有啲似subways個包，彈性好多，但乾之後，生菜係煮過既生菜🤣 唔係沙律菜 生食個種，覺得少怪怪….🤫1. 豬腩肉包料：腩肉 蘋果 菜個包細細個 細個手掌腩肉好肥，鐘意食脂肪既人 可以食下🤣😂個蘋果就….😅🤢 搞到個包酸酸地 又唔係好夾咁亦唔會令到個包變得濕潤 好似多餘左2.大啡菇焦糖洋蔥料：大啡菇 洋蔥 芝士 菜大啡菇一啲都唔大😂 應該叫小啡菇焦糖洋蔥 正常 有菇既水份令到個包冇咁乾身一個正常既包3. 洛神花蜜 +$10臭，臭，好臭。已經唔想講太多再有下次一定唔揀呢間