好叉好味 (多寶樓) (已結業)

之前行過見到鰂魚涌，見到裝修中，今次行開附近去買返公司食，中午食飯人多，等咗一陣先買到，下次都係OpenRice 訂餐，方便少少，唔洗等咁耐，入到去店員都好nice，介紹咗唔同口味，有叉燒或烤雞，最後揀咗柚香叉燒菜飯，用杯裝夠特別，有別於傳統燒味店，柚香甜甜酸酸幾開胃，叉燒和飯份量亦夠多，足夠飽肚，上面有隻流心蛋，蛋汁流落飯正👍，下次可再試其他味道，原來仲有黃金同辛麻味，都好似幾正咁喎😋😋😋

之前成日聽同事講哩間叉燒好得意，又好多味道，附近都食到厭厭地，就試下幫襯下，Lunch time真係好誇張排曬長龍，等左20分鐘左右就到手，都唔算等好耐（真係好多人😅），第一次試焦蜜叉燒菜飯，但包裝已經好得意😍，一杯杯禁樣好方便，打卡一流👍👍坐低左一打開好surprise，隻蛋係燶邊流心蛋，D叉燒切到一粒粒，賣相好吸引😍，好鐘意佢一啖可以食到飯、肉同蛋，口感好豐富。D豉油係甜嘅，落落D飯度有濕潤感，唔似傳統叉燒飯，覺得年輕一代會好受落。份量對我嚟講好夠，食到第二層都飽飽地。我已經食左幾次，叉燒係香港人味道，無得輸👍😁

係鰂魚涌做野,見到哩度都有隻豬仔,係上次上環果間好叉好味既分店,店入面好大咁喎,好多豬仔呀XDD正要返買飯返鋪頭,又試下新店先,咦,依家有雙拼飯喎,不過我都未食返豬,都係食雞啦,依家雞都多左口味,有柚子烤雞同黃金烤雞,睇下個鐘,差不多三點,好,今日唔食飯,食個烤雞潛艇先,係潛艇,唔係洗頭艇XDD跟手幫同事買左個焦蜜叉燒菜飯少飯,拎到返鋪頭都成九個字啦,睇下個飯有冇變型先~隻蛋都好靚喎,叉燒大大粒,篤爛d 蛋叉埋d 飯先,今次哩個個飯少過我上次上環果個,但同事話佢ok,唔鍾意多菜=.=跟住到我隻烤雞潛艇出水啦黑媽媽既飽,係竹炭包,上面佈滿芝麻,d 沙律菜多到飛曬出黎,揭起塊包睇,係原塊雞扒,仲有d 炸蒜,因為太大隻,切開兩件先,雞扒好厚身,好正呀,好想一啖咬落去,但係箍緊牙拉左橡筋做唔到,都只能摵細細舊食,個麵包其實同都係正常味道XD不過我焗左成個鐘,焾左D 啦,雞扒唔會好乾,沙律菜好多,仲有沙律醬係雞扒同菜之間,如果即刻食應該好好食.哩間新店D 店員睇落好細個,應該學生仔PT?都好呀,起碼學識整野食,唔洗咁港孩煮個麵都唔識嘛.

個日見冇乜人排隊就買左一份辛麻味嘅叉燒！我買左細份，打開之後得半桶，但係兩個人食都好夠！重點黎啦！佢話就話係叉燒，唔好理佢個辛麻味先！佢食落係一啲都唔似叉燒嘅！我覺得佢只係烤過嘅肉或者似BBQ 左嘅肉之後茶蜜糖！就係咁到個辛麻味，食落去夾嘅，但係就同想像中嘅辛麻味唔同！因為佢點都夾雜住啲蜜糖嘅甜另外個肉嘅肉質係有啲硬嘅，就唔似平時啲叉燒咁淋身！如果問我會唔會再買依間嘢黎食，我唔會再買，試過就算！唔係話佢真係咁唔好食，但自己唔係咁岩食同埋佢成個杯底下面個層係勁多油！

今晚唔想煮飯，知道開左叉燒飯，回想起之前西灣河金蛋好正，所以見到其他分店的食評覺得好正，所以對於呢間店其實都好有期望。早幾日都試過買，但因為無晒叉燒同菜飯，所以都買唔到。今天放工又係諗住試下，問店員仲有無，佢話得番沙津/白飯，但仲有差燒。咁就買左2個$58x2的叉燒飯。本身都真係好開心，因為居然買到，但返屋企打開真係超級失望，叉燒只有約15小粒（1粒約不大約1cm3左右），同圖片差太太太太太太太遠。同埋圖片有2層叉燒，最後得面頭果層😢 入面都係沙津菜，同有3-4粒車厘茄咁。叉燒沒有烤焗香味，凍冰冰，大部分都係得番筋。老實說，感覺都幾差下，因為我覺得如果其實賣晒唔夠叉燒，佢唔應該賣比我，我真係寧願唔買。🥲真係掛住西灣河的金蛋既叉燒⋯應真係可一不可再。下次都係去大家樂買叉燒算 😑

跑完步，經過鰂魚涌多寶樓，發現開左間好叉好味，日後就吾使去其他地方買了，二話不説就買外賣回家吃，呢間叉燒真係好正，肥瘦適中，又有多種味道可選擇，我個人喜歡焦蜜味叉燒菜飯😋😋😋

平日lunch time經過嘅時候都好多人排隊今日特登下午2:00嘅時候去買，竟然都仲有人等緊，心諗以為真係咁好食咁多人排隊。滿心歡喜買咗返屋企食，點知啲叉燒又瘦又乾又硬，完全冇焦香嘅味道。明明主打係買叉燒，但係啲質素竟然咁普通，真係令人大失所望。個份量對我來講都OK，但係如果係男人食就真係完全唔夠。真係一啲都唔好食，更加唔值呢個價錢，以後都唔會再幫襯。如果我要食叉燒，我寧願行遠少少去燒味舖買叉燒飯食。

作為一件叉燒， 起碼要有紅潤的外表，有焦香味道， 吃落要蜜汁的香甜， 但這家店自命「好叉好燒」， 全不知好在哪一方面？ 而且價格不便宜， 份量也少， 真的是不可一不可在， 吃一次也嫌多。 第一眼被它吸引的外表迷倒， 自覺會是高質出品， 也期望有相應的份量打開一看， 看到半熟煎蛋， 也加了不少分， 因為個人十分喜歡吃流心蛋但揭起煎蛋一看， 她們的主角「叉燒」， 心不禁沉了一沉首先以為要加外加錢（比普通叉燒貴$4）， 她會是除了用蜜汁醃肉， 還會用辛麻醬一起醃，原來只是醬淋叉燒面。而另一方面，這是叉燒嗎？無論是 色澤上， 外表上， 也不可稱之為叉燒， 只可叫比較肥的豬梅頭肉件看似滿的「叉燒」 原來只有一層， 又是實物與圖片不附的例子。吃過這層「叉燒」， 下面全是沙律菜，和2 粒車厘茄。可幸的是， 她的沙律菜車厘茄算新鮮。可恨的是， 她要貴$4 才吃到的「辛麻」醬， 不麻也不辣， 與普通辣椒醬無異。而「叉燒」本身也不入味。， 連表面基蜜汁味也不足但平心而論， 如果她不自稱為叉燒， 她作為一件豬肉件來吃， 是不太差的。一來肉質不嚡，二來沒有豬羶。 但作為一件「叉燒」她既沒有紅燒油潤的色潤， 味