好呷台灣火鍋

营业中

休息中

敘福樓集團除咗好出名嘅牛角、牛涮鍋，前排開咗新系列喺旺角，主打台式火鍋！店內播住台灣歌嘅純音樂～另外一入到去就留意到一部自動機械人，運輪用過嘅碟返廚房，都幾得意！邊爐有4個set可以揀，越貴就食到越多款式，除咗係肉嘅款式同種類，仲有啲特別少少嘅鍋物，而level 3同level 4仲會有海鮮𠻹~ 我哋兩次都揀咗level 3～ 晚餐時段係可以食120分鐘㗎，比牛涮鍋耐啲～•🥢 湯底有啲較台式嘅選擇：麻辣鴨血藥膳鍋同酸菜白肉鍋～ 不過之後加湯就得雞湯可以揀，同埋要自己喺自助區拎湯加🙈📸 好呷麻辣鴨血藥膳鍋 - 呢個鍋無想像中咁辣，唔食得好辣都挑戰到😌 鍋入面有好多香料/藥材籽，要留意住加湯，唔係好易燶，鴨血正常，仲可以refill幾好～另外呢個湯底附人參沾醬嘅人參味好濃！📸 好呷酸菜白肉鍋 - 個湯底好夠酸，入面除咗有腩肉片同酸茶，仲有好彈牙嘅粗粉絲/薯粉😋 估唔到呢個湯煮耐咗都keep到酸味，淥菜/蜂巢豆腐超正👍🏼📸 香濃沙茶豬筒骨鍋 - 真係好濃郁好夠味，仲有啲花生粒，淥完嘅嘢食基本上都唔使點醬🤣•🥢 鍋物 鍋物可以scan QR code落單/去自助區拎，QR code落單嘅其實都

冇得飛台灣，太掛住台灣火鍋，吃到飽🤭其實香港近年都開左唔少出名嘅台式火鍋店，但都唔係主打吃到飽，而今次介紹嘅呢個就係任飲任食。～湯底揀左清甜椰子雞鍋+麻辣鴨血藥膳鍋兩款湯都好夠味，但佢嘅麻辣係冇辣到揀，對於食得好辣嘅朋友，可能唔辣，但個椰子雞湯，好出色，好香椰子味，好清甜，食到最後陣椰子味都仲存在，勁👍🏻～台灣小食，台灣腸，滷牛肚，鹽水雞，鹽酥雞，滷肉飯，鹽酥豆腐，都幾好食，但可惜冇最想食嘅手抓餅🥲～飲品方面，都係會有一樽樽嘅茶飲同汽水，紙包飲品，最特別係任飲珍珠奶茶同香芋珍珠🧋

🇹🇼The Hap Taiwan Hotpot 🍲 is a new restaurant in Mong Kok which specialises on Taiwanese hot pot with signature spicy duck blood soup🦆, all-you-can-eat hot pot ingredients, night market Taiwanese snacks, desserts, Taiwanese drinks🍸, etc.The restaurant offers 9️⃣ types of soup, such as the spicy duck blood soup🦆, pickled cabbage and pork soup🐷, the Shacha pork soup, nourishing ginger duck soup and so on. Moreover, the restaurant’s secret ginseng sauce and spicy chili sauce 🌶are highly recommended,

質素好令人失望忍唔住上黎寫食評 一心諗住牛角集團開新台式火鍋就去試下 平日夜晚都幾多人排 金卡會員都由6點幾等到7點半左右第二輪先入到去 6個人叫左晚市$298套餐有2個鍋分別叫左椰子同藥膳湯底 湯底普普通通無咩特別但食物質素真係唔太掂 熟食方面味道唔好食而且唔熱 只有台灣腸叫好D火爐料佢分左QR code落單同自助拎 QR落果d就係肉類海鮮果d 自助就係丸同蔬菜類QR落單果d都算黎得齊同就快到 牛質素比唔上其他台式火鍋放題特別牛小排好薄好薄 但豚肉反而比牛好丸類食左幾粒質素都唔算好食左幾粒就無再拎 QR落單魚滑都好馬馬地 飲品方面 食之前以為會有提供8種所有手搖飲品但入座後先知只有2種每期會變 飲品係放左係雪櫃同冷泡茶一齊 手搖飲品好甜好難飲 冷泡茶同其他放題一樣無咩特別120分鐘放題 食左1個鍾到已經唔想食 提早拎雪糕食完就埋單走人呢個價錢對比起其他台式火鍋黎講 佢算好差食物質素唔掂 服務質素都馬馬收盤速度好慢好彩金會員唔洗等好耐 如果唔係會更加失望

身為牛角fans見佢開左新野都想試，好彩金會員優先入座去到等左左十分鐘，如果唔係真係唔抵，揀lv4,$368一位點知食左一個鐘都已經想走，和牛好普通好簿，好易散，滾兩滾揾唔返，牛小排正常，羊肉其實幾好食，但又係散到揾唔返鮑魚唔太新鮮無乜味，珍奶得返芋頭珍奶又好失望較好食嘅野有牛骨髓，地瓜球，鹽水雞撈，台灣腸，蟹柳（已經盡力數)無冷氣，食物無乜選擇點一兩次已經想收手，無咩特別，唔駛特登去試不過佢個鍋抽氣設計幾好總 結：失望

新開張的好呷主打台式火鍋及不同夜市小食放題除了經典台式養生湯底、許多特色又新鮮的火鍋配料外還有過二十款台灣小食和仼飲手搖飲品~ 個人喜歡他的配料都新鮮和有特色以下列出的品項都是滿推薦的！雖然甜品和飲品都偏甜店內環境有夜市特色的簷篷 也有複古的花印玻璃𓁏 4款任食套餐晚市價錢由$238至$368限時120分鐘包了輕奢華頭盤——手切牛外裙肉、鮑魚、蠔、蝦、蜆、鱔，每款質素都不錯⁎ 𓇠 湯底 𓇠 ⁎﹆麻辣鴨血藥膳鍋：台式麻辣易入口﹆牛奶木瓜美顏鍋：非常鮮甜鴛鴦鍋 +$50 (送自家人參沾醬、麻香辣醬)⁎ 𓇠配料𓇠 ⁎﹆任食澳洲M5和牛肩胛肉、魚類和海鮮﹆噴汁香菇湯包、魚籽蝦滑⁎ 𓇠 台灣小吃 𓇠 ⁎﹆鹽水雞、台灣腸、滷牛肚、滷豬肚、麻香辣味爆米花⁎ 𓇠飲品甜品𓇠 ⁎﹆手搖：黑糖珍珠奶茶、芋香珍珠奶茶﹆無糖冷泡茶：有白桃烏龍、桂花烏龍、茉香綠茶﹆好呷綜合紅豆湯：有仙草、迷你芋圓、芋頭蓉、濃濃紅豆湯

琴日去完 試左158個set 真係好一般 真係要試伏建議60分鐘就夠 一入去個地下痴laplap 凳個度仲有幾滴水 d葱配料個邊有d蟲仔飛黎飛去.....-.-然後出面d小食基本上全部凍 個炸芋波 鹽酥雞同番薯條陣味都ok 其他真係難食 個豬肉質地都好食 但係d配料 叫個d雞滑全部都好難食  食埋個紅豆湯 得個甜字 寧願食d cheapcheap雪糕  杯紫色野飲又係得個甜字 好大陣水味 食左半個鐘已經mo野想食.坐係度hea等夠鐘 其他火鍋店都好過呢間好多.未試過未夠鐘已經想走 新開都做到好差真係難得

食物方面一般般 甜品方面冇自助雪糕區 埋單嗰陣會有一杯movenpick雪糕 剩係得綜合紅豆湯 紅豆湯入面啲芋圓嘅煙靭 幾好食 呢度食物嘅選擇比較多 牛肉方面正正常常對得起個價錢 但係湯底方面冇乜驚喜 鴨血湯入面啲鴨血幾好食 同集團嘅火鍋店入面呢間算最唔好食 應該淨係會食一次 其他都可以食完又食 如果同一類型嘅台式火鍋店 會有更加好嘅選擇 唔係放題會好食過佢都係差唔多價錢最後 食乜嘢唔係重點質素都唔係重點 最重要係同邊個一齊食 祝所有人有情人終成眷屬

話說牛角集團開左間新台式邊爐，以牛角既名氣，的確吸引唔少人去食，所以一班朋友就提早兩三星期就訂位，去試試佢！訂左7點，職員有講話7點到可能要等多一陣執臺，我地6點50就到左，最後7點10分安排入餐廳罰企，企左10分鐘，即係7點20分先有位坐，好野係值得等既！？我地點左$298既set，有封門柳同牛小排食，要左椰子同麻辣湯底，椰子湯有唔少椰肉，但好似冇乜味，麻辣湯有香料同藥材味，辣味就唔多覺，可能係朋友叫左少辣關係牛小排，有油脂同埋都有肉味，頭兩轉既肉都維持到，之後就愈黎愈肥。。封門柳，肉味都幾重，食到尾都維持到質素台式小食都係其中一個主打，有炸地瓜條，鹽酥雞，蛋餅，香腸，甜不辣，滷味等等，質素似放題食到既級數今日飲品有香芋珍珠奶茶，香芋味幾濃，但過甜，珍珠又太淋，而甜品選擇唔多，有個台式甜品，味道正常冇特別，最後加個 movenpick 雪糕結尾

我唔明點解一間咁嘅餐廳都要排咁耐名過其實用餐體驗極差 間鋪好多位都冇冷氣 打邊爐冇冷氣真係唔知食嚟做咩好似坐喺彌敦道打邊爐咁食物款式非常少以為牛角啲牛一定好好食仲差過其他副牌封門柳又薄又細唔知以為自己食緊空氣湯底質素亦都比其他台式火鍋差明白好多嘢都要自助但係台式飲品都係沖好放喺櫃入邊真係接受唔到仲有其他炸物 滷水食物都要出去拎用餐時間有一半都係行嚟行去最重要最重要加水係要自己加成間舖都冇乜點見過有店員其實個火鍋乾到落底都應該冇人理差呢個價錢食其他好過

🍴ʚ 好呷台灣火鍋 ɞ哇哇哇！朗豪坊新開左間台式打邊爐🍲啊！原來佢係牛角集團旗下台式火鍋店呀！🤩雖然夏日熱死辣辣，但係都超多人打邊爐，我地見佢夜晚日日都爆滿，所以決定食午市！會少d人，我地1:00攞飛，等左半個鐘就入到啦。ஐ —-ஐ —-ஐ —-ஐ —-ஐ —-ஐ —-ஐ —-ஐ好呷提供4個主題，分別有：✿ 吃台中(牛五花)午$158｜夜$238✿ 吃台東(封門柳) 午$198｜夜$268✿ 吃台南(牛小排) 午$238｜夜$298✿ 吃台北(澳洲M5和牛) 午$268｜夜$368午市價錢抵好多呀～ 我地當日嗌左台東主題😆因為我地對牛無乜要求😂主要睇中佢d自助區美食🤩✿ 酸菜白肉湯底因為唔太想食辣，同埋以前係台灣食過酸菜白肉湯底覺得唔錯，所以今次揀左！好呷都做得唔錯呀，酸酸地超級開胃！下次有機會想試下麵包豆腐湯，好似好特別🤩✿ 封門柳肉我覺得中規中矩啦，無話特別驚艷，薄切，牛味都有嘅😂✿ 小食🤩呢間最吸引我地就係小食啦，種類豐富，有台灣腸、滷味、蛋餅、鹽酥雞、鹽酥花枝丸、麻辣肚絲、麻辣豬耳、麻辣木耳青瓜、鹽水雞、地瓜球、爆谷，任君選擇！ 其中我最鍾意嘅就係鹽水雞啦！雞肉都好滑，搭配醬汁

放假同閨蜜👩‍❤️‍💋‍👩去咗朗豪坊行街街，行完Muji出嚟見到間新開嘅台灣火鍋店，即時諗起早幾年同閨蜜去台灣旅行，咁耐冇去旅行決定去懷緬一番，行到門口見到一堆人等緊，即刻去拎張飛，可能Lunch尾聲，等左15-20分鐘就入到座。我哋揀咗吃台北放題（ $268/位 ），試左藥膳麻辣鴨血+椰子雞湯，藥膳麻辣湯夠濃味，但略嫌唔夠藥膳味，最緊要係啲鴨血嫩滑無比👍🏻，椰子雞湯都好鮮品，自助區有勁多台灣小食（ 鹽水雞、鹽酥雞、花支丸、台灣腸、肉燥飯、滷水豬肚等 ），多到唔記得🤣🤣，放題嚟講有咁嘅質素台灣小食真係好唔錯，飲品方面見到有正常嘅汽水和冷泡茶，最驚喜係竟然有芋香珍珠😍仲要任飲，即刻拎咗杯埋位飲，本身因為放題關係諗住杯飲品正正常常都ok la ，點知出奇哋好飲，又有芋香味，正👍🏻我哋點左吃台北嗰餐，仲有一個鳥籠放食物，有海鮮、手切牛肉和台灣菜。好適合打卡🤭總結: 海鮮正正常常，手切牛肉好有肉味又淋，火鍋食材都正常，整體嚟講地方舒適，火鍋以外都有好多台灣食物和飲品選擇，約埋三五知己去打邊爐都係唔錯既選擇😊😊

可以話係幾失望嘅一餐，原本見啲foodie介紹好似幾好咁，點知大失所望我地係平日嘅12：30到無咩人唔洗排隊直接入去食環境方面整體乾淨，除左有一枱客超嘈外餐廳都幾舒適，至於餐具方面有少少食物殘渣痴喺碗邊真係有少少唔衛生嘅，不過我地自己清潔左就算，都唔想煩到店員見食評話香芋奶茶好伏唔信邪拎左杯試，真係成陣香精味，啲珍珠好似未熟咁，可能因為雪左硬硬地，未至於飲唔落但真係無必要拎黎浪費其他飲品方面試左茉香綠茶，有少少澀但茉莉花幾香；蜜桃烏蜜桃味飲落怪怪地但朋友話可接受，個人口味唔啱；桂花烏龍幾清香，推薦；麥仔茶飲落甜甜地好似有少少朱古力味幾得意幾好飲碗綜合紅豆糖水得兩粒芋圓，有一舊芋泥，一堆碎碎仙草同紅豆，整體偏甜但可接受，仙草味道幾好可惜太碎太少，芋圓同珍珠同個問題，硬硬地，芋泥偏實無咩甜味偏乾身，估計無加其他嘢係純芋頭蓉肉類方面雞肉係滑嘅帶少少皮同脂肪可以一試湯底偏溫和無咩辣味牛肉方面嫰牛肉可能醃耐左定唔知點，煮完都係紅卜卜，食落似落太多粉咁豬肉意外地ok，但真係只係ok，不過不失，唔會好鞋，有豬肉味牛肉牛味可以話幾乎無，而且相比之下豬肉反而更勝一籌炸物方面可能我食嘅時候仲算新鮮，地瓜條

由app攞飛開始至食完都是失望而回係app攞完飛，餐廳叫號app是不會自動更新號碼，要人手reload 先睇到叫到幾號，當過左號碼要排補飛枱，排補飛枱簡直是安排混亂，都唔知點安排，排到亂七八糟，問個職員，個職員講完都完全唔合理，而食物質素更是差，以為是牛角集團的牛一定是好，可惜是相反，牛同豬都不能一片片地夾起來，要一堆堆夾，非常差，湯底賣相很好，但味道冇特別，其他台灣小食不過不失以這樣的價錢，完全不值，希望是新開，會有改善的空間

本身諗住近近地 想去沙牛大 但1個人拒絕招待任食餐咁唯有專登落MK去另一間Remark咗 又係有麻辣湯底嘅'好呷'食今日星期五 諗住都唔會點多人啦點知12點幾1點到都等咗成相對嘅100分鐘(等100分鐘食100分鐘放題雖則實質上只係食咗1粒鐘)排飛比晒啲S票嘅會員優先入 等到有點氣餒專登乜七都冇食離食放題企到暈暈地XD 好在等多兩三個字終於到我喇點咗最多選擇嘅台北餐 278+10%麻辣甲血藥膳鍋 但的見唔到有鴨血又食唔到有藥膳只有多到好似唔洗錢嘅麻辣籽 真係唔怕佢唔麻不過我覺得哩個麻辣好過 上次去嗰間"馬祖"我睇咗張枱係邊就已經出咗去拎野不過已經冇晒珍奶 剩返一堆珍芋奶 完全係台灣超甜精口味拎完野飲再拎即食食物 啲爆谷得返幾粒冇人fill(雖則多數係啲林晒嘅口感 冇興趣去食)跟住有啲滷水野 有我至愛牛肚 之後仲有涼木耳台灣腸就係來貨的味道 甜不辣同卷餅就麻麻地其他無興趣嘅即食食物 就冇夾拎完 個湯底仲未離 就出去拎 辣椒&蒜茸&豆底豉油 (佢個豉油係唔同啲 幾好味)同蔬菜類嘅野 都係嗰啲野啦 選擇唔多始終仲要帶罩 要行出行入拎菜真係冇咁方便(上次間"馬祖"除咗飲料醬料 乜都會送到枱比你