好媽媽台灣館 (已結業)

真正台灣味道 太子美食好介紹 好媽媽台灣館 香酥大雞排 皮蛋凍豆腐 牛肉麵 滷肉飯今次要介紹既係台灣餐廳位於太子區,地鐵站出口走大約6分鐘左右即達簡單D講就係金鳳大餐廳旁邊,應該最多人識店鋪提供多款台灣風味主菜,小吃,燉湯食過之後發現,水準好高,接近台灣食到既味道價錢又親民大件夾抵食一次吃不完,可以下次再吃過  香酥大雞排 $39皮蛋凍豆腐 $38好媽媽滷肉飯 $23台灣牛肉麵 $59鳳梨苦瓜燉雞湯 $45蚵仔大腸麵線 $38 台式炒米粉 $48 菜脯蛋PIZZA $48台式奶茶 $16 一杯 就是台灣媽媽的味道 台灣滷肉份量十足,附有半隻滷蛋白飯香甜飽滿,配上半肥半肉既滷肉 滷肉半肥半肉,吃起來甘甜有肉汁,拌勻白飯吃味道極佳 滷蛋做得出色仍保持到溏心,滷得很入味呢!很有台灣既味道!相信食譜係用返台灣人既! 蚵仔,比蠔細,味道濃,但必須要煮熟吃食材調味料都盡量用返台灣產食到非常接近當地既味道 蚵仔小而飽滿,鮮味配上麵線與湯汁,一口吃下令人著迷 大腸食起來有彈性,滷得香又濃 皮蛋凍豆腐豆腐用來貨,但夠滑夠豆香,再加青瓜絲,皮蛋粒配上由醬油膏調出來既醬汁與番茄粒吃來味道豐富有層次,醬油味好

中午經過都有幾個人排隊，就決定試試。入到去覺得環境幾雅緻，枱面上仲貼左一啲令人窩心嘅句子，有媽媽feel。麵線大大碗，蚵仔幾鮮味，大腸鹵得好入味，好好食，令人失望係成碗麵線偏向鹹，最後食剩下大半碗。由於個大腸幾好食，我地決定叫多一碟大腸小食加一杯台式飲品，只係加多22蚊。必食推介，菜脯蛋pizza，岩岩上碟好熱，香味四溢，表面好似炸過，食落少少脆同有蛋香味。另外我地叫左個套餐，滷肉飯跟雞翼同半隻鹵水蛋，鹵水蛋同雞翼味道係正常，唔算突出，滷肉飯我反而覺得唔夠鹹又唔夠汁，之前係台灣食嘅滷肉飯會鹹啲同多汁啲，旁邊有少少酸蘿蔔青瓜解下膩。飲品方面，一杯珍珠奶茶，一杯芋香奶茶，兩杯都覺得太甜，可能因為台式飲品都係偏甜，個人覺得少甜會好啲。價錢就OK，食左咁多嘢係154，所以中午都幾多學生幫襯。

原本係去隔離金鳳食飯，不過就勁多人等位，咁又趕時間返工，所以去左呢間食個快餐。第一次來呢度食飯，印象都唔差，一個人有卡位坐，唔駛同其他人搭抬坐，舒服😌睇個餐牌，午市便當都好抵食啵，仲有學生優惠價，岩晒附近返學的生哥。我就左A餐 “台灣腸炒飯”，仲包埋杯野飲，抵食👍🏻雖然個炒飯看似好簡單，不過要炒得好食，呢間都算炒得唔差，起碼唔會炒得太乾，亦都唔會炒得太濕到一pat野咁，配合埋台灣腸一起炒，好食呀😋套餐仲可以加錢追加小食，我就加左花枝丸，不過麻麻地勒，外熱入面仲有啲凍，可以不用加。套餐加埋杯野飲，$30幾蚊算不錯的選擇👍🏻

同朋友嚟開呢頭附近做義工，去之前約埋一齊食個lunch。咁啱經過好媽媽台灣館，幾年前小妹同朋友食過次晚飯覺得又平又好食，今次喺門口見到個lunch menu又幾啱食，就信心滿滿咁拉咗朋友入去仲推介佢一定要試下呢間台灣菜😂我地一人叫咗一個lunch set，四十幾蚊一個餐係抵食嘅。滑蛋豬扒飯呢個滑蛋豬扒飯同我地想像中有啲出入，煎得唔錯嘅豬扒，配上水狀好稀嘅蛋碎🤢眼見朋友面有難色，頭先仲大大力推介話好味嘅我唯有率先試啖。好彩味道係正常嘅😂但係蛋水真係賣相唔掂，睇見都🤢🙈香酥骨鹵肉飯本身仲覺得帶咗朋友嚟呢到中伏唔好意思，但當我個午餐一上枱，賣相更差更驚嚇嘅時候，小妹當堂有種鬆一口氣嘅感覺，因為原來我個餐仲伏😂即刻內疚感去去走😂不過奇妙地，賣相恐怖，但味道都唔差。雖然鹵肉珍貴地只有幾粒，但都食得出好入味，而且入口鬆軟得嚟唔油膩。香酥骨炸得老火咗啲，同埋少肉多骨，啱哂鐘意食熱氣嘢，又唔想食咁多肉嘅我😂******************呢到嘅午餐係抵食嘅，味道正常，只係賣相驚嚇，唔係外貌協會嘅朋友想試無妨。

黎到太子搵食, 鎖定咗呢間好媽媽, 去到門口見到成堆人, 原來係排緊隔離舖既金鳳 開正係間金鳳間隔, 你再好食, 真係好難吸人流😓入到舖頭, 內部係有心機裝修過, 最鍾意佢枱面上既字語, 可以講番食物心底話, 愛黎影相呃LIKE一流👍👍 位同位之間都有足夠距離, 內部算係得得舒服, 但唔明點解電視係播新聞台, 唔係應該煲劇送飯架咩?🙄先講同學唔突出既科目: 芋香珍珠、炸雞扒及滷水拼盤 芋香珍珠未似街邊舖咁甜到瀨屎, 珍珠咬口還好; 雞扒🐔未有豪大大咁大塊, 炸得唔會太乾, 保持到肉汁, 唔駛點鹽都夠味; 滷水盤豆腐唔夠味, 大腸同雞翼都太淋, 但個牛肉🐂又非常出色, 筋肉分明, 入味又保持到個質地唔太淋, 咬落去都仲FEEL到牛肉一絲絲 個牛肉應該放番係牛肉麵度, 唔係拼盤囉, 就好似將愛恩斯坦或者高錕先生放左係文科一樣, 有啲浪費😒講番拿A科目: 菜脯蛋批薩同台灣炒米粉 PIZZA🍕🍕賣相正, 上枱用左木板塾, 加埋把PIZZA圓刀仔點綴, 成件事升呢左一格 圓刀仔碌過PIZZA🍕🍕面, 菜脯香衝出黎, 竟然唔係討厭既咸香, 而係同蛋味混合一齊, 似西班牙奄列既蛋同洋蒽個份香味直衝腦

一開始本身排隊攞籌碼排隊等金鳳，但係由於太多人見到隔離好媽媽玻璃門黐住金剛小儀嘅相，就抱住期待嘅心情去試吓啦，心諗應該唔會中伏嘅。。。。一開頭嘅服務態度都OK嘅，但係直到我哋坐低嗌嘢食開始有個戴眼鏡長頭髮紮馬尾嘅女人就幫我地落order，服務態度差；仲好串串共添！話就話成間野嘅設計都OK，坐位都尚算舒服，但其他嘢都好唔掂囉！話就話$50，1個滷肉飯套餐係好抵，但嚟到之後令人大跌眼鏡，心諗：我加多幾蚊雞去食101唔好？賣相差、啲飯林到好似爛飯、仲要一啲伴菜都冇？！唔通金剛小儀都係食呢啲？我friend就叫咗$72嘅三杯雞套餐，佢附送埋一杯台式飲品，但係啲珍珠硬到好似冇煮過咁！要用力咬先咬得開，碗飯都照舊係爛飯啦！我friend食咗半就唔好再食落去啦！之後我friend見到Menu有蚵仔煎，就叫咗個，點知中伏！如果冇醬料嘅存在，我真係食唔出仲有其他味囉！同台灣嘅蚵仔煎完全好大分別！啲生蠔仔完全冇味，淡茂茂！成個蚵仔煎非常之多汁，好多水水！啲色水仲好雞蛋金黃添，完全冇煎過嘅金黃色今晚餐飯真係不得了！除咗裝修OK，其他我都不予置評！PS：我食完即刻肚屙啦！我friend返到屋企個肚都囉囉攣啊

今晚同同學食晚餐，同學就話不如試下呢間。黎到之後打開menu，又幾多款式。之後我地就叫左幾樣野食，。首先係呢個豆腐，唔知係自製定係買，豆腐既表面有盒裝豆腐既紋理。不過豆腐都係幾滑，加上佢既醬汁、同埋配料酸酸甜甜，，都幾好食架。呢個係炸花枝丸，唔算好脆，但都係熱辣辣，同埋夠彈牙，味道就係正常花枝丸既味道XD。我地叫左台灣牛肉麵同埋呢個蚵仔麵線，蚵仔好甜，而且麵線連埋湯汁一齊食真係好好食，好鐘意呢個。另外，台灣牛肉麵都好好食，一直都覺得台灣牛肉麵既湯底係可以飲晒佢，真係好香。最後就同張枱影個大合照喇。我叫左珍珠奶茶，奶茶味好香、我幾鐘意，真係唔錯。另外同學都叫左2杯野飲。其中一杯係青蘋果綠茶，隻色好鮮綠，味道唔自然，不太推介。另一杯係紫薯特飲，紫薯味唔夠濃，而且可能走左甜所以無乜味。總括黎講，呢度既食物質素有好有唔好，如果可以睇左食評先叫黎食，相信會有個更愉快既體驗！

一日容易又放lunch~係時候又去發掘下新野來試~然後我行到去荔枝角道, 發現原來呢度有間台灣野我仲未食過,所以就試下佢~一入到去就見到呢幅牆壁上的裝飾~我覺得好靚好得意呀, 好似COOKINGMAMA裝修都幾新穎, 感覺好舒服~而我覺得最可愛嘅係, 佢D枱, 每個位上面都有1個咁嘅貼紙~句句說話都唔同嫁~但都係台灣tone嘅一d逗趣說話~有趣調皮呢! 令人睇到不禁會心微笑一下午餐menu~ 有2個$3x都有交易呀!加多$5仲多個貢丸湯!仲可以加$10追加各款小食~而我就叫左好媽媽滷肉飯拚海苔鹽酥雞, 配熱茉香奶茶($38),另外再加個貢丸湯(+$5)。好媽媽滷肉飯拚海苔鹽酥雞, 配熱茉香奶茶($38),貢丸湯(+$5)好媽媽滷肉飯拚海苔鹽酥雞好豐富呀!有半隻滷蛋~有少少醃菜,然後就係滷肉飯~旁邊仲有新鮮滾熱辣炸出來嘅鹽酥雞!隻蛋好入味~ 個蛋黃仲有少少溏心~滷肉飯都好好食~ 肥美的豬肉切成細粒,加上香濃的醬汁,用來送飯一流!令人忍唔住一啖接一啖咁食~鹽酥雞嘅份量都唔少, 有5粒~熱辣辣, 新鮮炸起的~外皮鬆脆~ 好食!但就真係搵唔到海荅嘅蹤影喇貢丸湯 加$5嘅貢丸湯~ 有2粒貢丸~貢

四颗星，好妈妈台湾馆还是很赞的，有机会可以尝试一下！ 太子地铁站出来大概十分钟即到，店仔不算大，环境一般般，不过出品就oK。在門口看到小儀、金剛來過就進去試試，蠻便宜的，味道ok，内里环境不大，墙上都贴着“好妈妈”形象的卡通，有那么一点点像Cooking Mama的感觉。墙上也写着「好妈妈」的故事由来，原来真的是为了纪念老板逝去的妈妈的味道，挺感动的。  整体来说，好妈妈台湾菜馆​​整体味道还行吧，不过不失，很家常便饭的味道。吃了肉躁鸡扒反+冬瓜茶，鸡扒太油了，像免费似的。不过很大一块，比我脸还要大。冬瓜茶挺好喝的，甜甜的冰冰的。总体还是ok的。贡丸汤普普通通，丸子加聰。总的来讲，这个价，这种出品，性价比高，有八大推荐菜可选择。有机会再来。

某日同朋友傾起拒有個同事00後 (千禧寶寶呀😌)拒講哂粗口xy$&@%我話洗咩咁激動😌我地九十後係好老架喇想當年我地年代瘋魔一時既，就係台灣既歌手😍點解話我自己係台灣媳婦！？因為我都好熱衷台灣既文化架！我老公咪周董囉😆💚哈哈今晚就去左食老表介紹既台灣野(家鄉野)係太子黎講唔算難搵，不過係橫街鋪頭唔大 正正食晚飯時間，我地一坐低，二十分鐘後就坐滿本身想散叫但發覺散叫既野食當晚有套餐(變相更抵)不過因為當日有d唔舒服，所以就無飲台灣野既代表: 珍珠奶茶🙈飲左紅棗桂圓茶野食味道唔錯真心推介果個菜脯蛋🤤(如果你係蛋控更加要叫)有機會會再黎👍🏻

母親大人表示唔想下廚，所以夜晚就來左太子試呢間台灣店。一坐低，店員就好快遞上餐牌和茶。我們點了蚵仔大腸麵線和三杯牛柳粒定食套餐。麵線先來，蚵仔既份量比我預期中多，起碼都食左7粒以上，食落口雖然唔係話十分鮮甜，但係都夠哂大隻！不過個湯就較為稀左少少。三杯牛柳粒套餐的份量亦都夠哂大份，牛柳粒食落口係唔韌的，至於雙式前菜同甜品就不過不失啦。我都幾中意杯香芋珍珠，未飲之前驚佢會太甜，飲落口又有少少驚喜，不太甜也！

最近突然想食台灣野，朋友帶了我去太子［好媽媽台灣館］🍚🍚去到睇到餐牌就覺得好驚喜，定價不貴，$30左右已吃到個足料滷肉飯不用被連鎖式餐廳限制真好！滷肉飯用上半肥瘦豬肉，仲加左少量梅菜，好香口好想撈多碗飯食😬😬滷水蛋亦好夠味呢！木耳拍青瓜小菜份量都不少～必點開胃小食！香酥大雞扒 炸得香脆可口，放左陣都唔會變腍～內裡雞肉仲保持嫩滑估唔到太子有食台灣菜既小店，平價又食到有水準既滷肉飯只是略嫌面積太小，搭枱機會頗大😌不過都值得再來的！

與閨蜜聚餐，緊係要周圍試唔同地方的菜式。成班朋友食台灣菜，又好似係第一次。但係今次的評論又真係幾好味喔一班人食野真好，可以叫多幾樣野食，真係好幸福！8大必食推介為主，我地都叫左4樣：好媽媽滷肉飯，內有醃蘿蔔同糖心蛋。滷肉超好味，大大碗，撈飯食吾停口。醃蘿蔔係點綴，因為滷肉食得多會滯，醃蘿蔔可以中和一下。滷肉入口即溶，沒有油膩感。蚵仔大腸麵線，用左台灣面線，面煮到夠淋，夠大碗。大腸都煮得夠淋，十分入味。皮蛋凍豆腐，醬汁夠濃味，同原本無味既豆腐配搭一流。豆腐上面係皮蛋，側面係蕃茄碎，成個菜式不會太寡。中湯係陰花鳳梨苦瓜雞湯，很甜，十分滋補，完全沒有苦瓜的苦味。另外，我地都叫左以下食物：塔香鹽蘇雞，新鮮炸出來，夠脆夠熱。雞肉夠嫩，一口咬落，熱辣辣雞汁隨口流出，要注意燙傷舌頭。甜不辣，係麻薯質地，煙煙UN UN，有口感。蚵仔煎，外脆內嫩，好香蛋味。野飲緊係要Order台式芋香珍珠奶茶啦，飲落不太甜，珍珠夠咬口，好香芋香味。全部食物正宗，有台灣味道！價錢便宜合理，值得一去。美中不足的是，店鋪鋪面不大，坐位有啲逼。

入到餐廳，大把空位，一條男人婆驚死坐晒佢啲位咁！叫人坐埋一邊！點野食諗多一秒，個死男人婆就串串貢咁，‘未諗到可？’即刻想轉身走人！完全零零耐性悔悔氣氣！野食水準只可以用說，如果你好愛食味精！即管去！一定無下次！

平時𣎴是中餐就西餐 有次經過荔枝角道就試下依間台灣野啦 。印象中上次去台灣, 它們的魯肉飯好似有秘製醬汁魔力, 用來撈飯都可以食到一大碗, 抱有希望可以試得返依種味道。餐廳唔算大, 午巿時分店內人數不多 , 即刻已經有卡位。它們有午巿set 亦有散點 , 多數都不過一個碟頭飯價錢。今次試下佢地既招牌魯肉飯, 可以搭一款餸，送珍珠奶茶。發現份量有點少, 鹵肉嘅份量同菜汁不足以完成一碗飯, 實在建議可以多少少餸。而鹵肉亦不過不失，而配菜有我喜歡的酸瓜，好爽and開胃，半熟蛋也不錯！珍珠奶茶唔係街邊溝糖水嗰隻 🤣餐廳佈置比人感覺好有台灣情懷, 尤其把故事大大隻字寫在牆上, 把它讀完可以感受到好媽媽背後嘅故事。以快餐廳的角度來看是可以再一次光顧的，畢竟性比價不俗！另外溫馨提示餐廳冷氣比較涷, 下次記得帶件外套仔 👕