好彩海鮮酒家

营业中

休息中

次次黎親好彩都會嗌秘製欖角排骨煲仔飯。要嗌要快手，因為好受歡迎，好快賣曬，所以我一坐底就嗌。咁受歡迎因為佢夠熱而且d飯夠乾，唔會「腍bat bat」。排骨蒸得夠熟唔會紅。欖角好香口。呢度嘅冷氣溫度適中，令人坐得好舒服。侍應服務不錯。有專人負責斟水，見到食客要添水都會用最快速度幫手斟滿個茶壺。

好彩有很多分店，但荃灣的食物質素就很一般。加上酒樓侍應的服務態度真是令人相當失望，遞一張點心紙沒有人回應，叫了一個28元的蒸鮮魷，只得4件，而且超級細件，侍應竟跟我說是正常份量，令人難以接受，牛肉角味道不錯，外皮香脆又唔會厚身，相當足料，值得一試。芒果班戟卷內有很多芒果，忌廉份量剛好，價錢超值。服務態度跟蒸點份量有待改善。

今日打去想book母親節位，個男人一聽電話就好差語氣話：「自己拎飛啦。」 我再追問多個問題，都未講完果陣，佢就已經cut左我線。what??? 我有無聽錯？ 個客未講完，你作為酒樓員工係度cut線。順帶一提，book唔到位要有心理準備，佢留勁多枱比熟客，你拎飛既話隨時有排等丫。今時今日仲咁既服務態度。。

接待服務態度極極極極極極差，比錢買難受，本身book左8點半，跟住到左9點都仲未入得，就問接待:請問仲有幾時有位，佢話未有枱，我心諗:吾係應該book左枱有晒時間比位人嫁咩？(因為佢分左2段時間想做兩枱客，第一段時間係8點半前 ，第二段時間係8點半後)等都吾係問題，問題係如果第一段時間冇限時你就吾好同人講可以book枱啦，然後個接待同我講: 我地吾好意思叫食客埋單走人，(但係就好意思叫我地book左枱的客食住西北風等)，咁姐係人地冇時限地食緊飯但就可以比人book枱食飯? 然後見到好多客可以直接入去吾洗等位，姐係點?原來d枱比晒熟客，比晒熟客你就吾好叫我地呢d吾係熟客book枱啦，又要欖住d客但又要吾比枱人，呢間野我永世都吾會再去，接待態度又差。食物方面: 叫左個龍蝦伊麵 ，大部份都係蝦殼，伊麵得個雞碎咁小，5個人都吾夠分

荃灣好彩，從小吃到大的酒樓，今天老友相約下午茶，地下樓層等位，攞到位時，店員比攞位紙你取枱，已立即詢問你飲甚麽茶葉，安排相當有效率。下午茶時段，店員會問你撘枱與否，如不介意撘枱，立即有位。一張大圓枱，撘枱已有四pair , 所以落單時候，清楚告知店員，以免出錯。香檸小黃花$25~最近盛行的氣炸鍋相當吸引 ，和朋友討論開，她即時建議點這條香檸小黃花，她說油炸香口，她形容這條是薯片魚，灑上點點檸檬汁，為油膩中帶來清新，筆者認為她只是自欺欺人，但吃落又真是相當美味可口脆卜卜，$25這價錢，好過自家製作。迷你薑蔥叉燒撈麵$40~份量少少，適合兩個人吃點點，但可恨是濃味非常，略嫌㕑子重手，鹹得利害。點心拼盤$24~四款點心各一粒，還有兩個飽點，難怪眼見一支公食客多的是。只得辣椒醬由於看見點心拼盤中，有粉果出現，於是問點員取其辣椒油，但店員回答只得辣椒醬，於是問，粉果何解沒有辣椒酒，她竟答，如閣下點”潮州粉果” 的話，我們是會配辣椒油，但你們點的是特惠價點心拼盤，就算點心內有粉果，也只得辣椒醬，辣椒油是不能提供。筆者心想，辣椒油真的如此矜貴？整體來說:酒樓面積大，下午茶時段都容易有位，價錢合理，唯

今日中午跟老豆去荃灣廣場買野，下午茶時間，特意去附近好彩酒家試下，因為未試過，一入去，想唔到好多人等位，見到有條樓梯先上到去飲茶，但都見有好多老人家等位，仲有位傷殘人士，咁想想點上去，原來有部手動電梯，是需要職員特別安排及開動，約等左20分鐘，有位就上去，上到去叫左好多點心，都好平，其中令我好驚訝既，竟然係叉燒湯麵，竟然只需$10，仲要無限數量，味道仲要比一般好，好抵食，並且發現好多都是熟客，眼見到好多部長都有跟好多不同客人聊天，證明除食物外，服務都係重點之一。

爸爸生日， 老人家指定要去老地方慶祝 生日， 平時已經係飲茶常客，食極都唔厭 ，今晚我哋book咗間房，訂咗一圍十三人的 餐單，當中包括: 大明蝦廚師沙律， 好大碟的鮮果沙律配上美美 沙律蝦 份量 十足 多子瑤柱甫， 瑤柱大大粒，而且用咗豆苗做底 好好味呀！油泡響螺片， 螺片爽口而不靱， 再用 芥蘭莖伴碟，好正！彩椒炒海參， 呢個餸反而一般，彩椒 冇甜味， 我又唔係太鍾意食海參。螺頭雞燉大散翅， 散翅份量足足24兩， 真係正到暈， 全晚焦點都係呢煲雞湯翅蠔皇生扣四頭南非鮮鮑魚， 都係一個字，正！！清蒸東星斑， 呢條魚蒸得恰到好處， 魚肉滑一滑其餘菜式包括生扣鴛鴦雞，鮮蝦小餛飩，原個菠蘿焗海鮮飯，椰皇燉鮮奶， 迷你紅豆酥， 最後則是生果拼盤。 老爸食飽心滿意足，祝他老人家身體健康，年年有今日！

已有兩年多沒有來呢間老字號酒樓飲茶了，前面的報紙檔沒咗門口空間大咗，但仍然好多人拿飛等入座，足足等了一個小時二十分鐘，才有位仲要搭檯，一行三人終於有位了，隔離有位茶客，他們是這𥚃的座上客，介紹了好食點心給我們例如小籠包，燒腩仔可惜服務員說賣光了。小食點了青芥末海蜇，好爽口夠涼，少少攻鼻，但ok的。芋蝦角，芋頭好冧蝦好爽兩煮配合得天衣無縫！雖然衹得兩件，過火少少，但都好味！芋絲煎薄餅，餅邊好脆，好食，這款餅不是其他酒樓咁加些少心思（芋絲）。跟著十多分鐘就到下午二時的下午茶，好抵食，早知晏啲來啦！好多點心，叫了三款粉：雪菜肉絲米粉，好味的湯沒有被米粉索哂；叉燒瀨和燒鵝瀨，湯夠熱，鵝皮好脆，好有鵝味，叉燒看來瘦咗啲，以為乾爭爭，但估唔到咁好食，一啲都唔鞋，好香玫瑰露，覺得從未食過咁好食。上湯豆苗餃味道一般，夠熱。最後點了蜜餞鷄翼，好鬆化的蜜糖皮，唔硬，鷄肉好入味。糯米雞的糯米好黏好煙韌。鮮山竹牛肉球，好軟𣺉𣺉配喼汁一流！好味！ 仲有其他想吃，留待下次再來吃吧！

星期日同屋企人去飲早茶，好彩洒樓已經好耐冇去，因為通常都要排好耐隊！今日阿媽話早啲落街去攞位，所以大家又排排坐飲早茶，真是不夠孝順其實每次來我都會欣賞佢條樓梯，因為真係擦得好乾淨，我以前係見到一個老伯伯好細心喺度做清潔，心想老闆都幾好人，重肯用老員工！好彩啲點心係幾出色,價錢唔係太貴，水滾茶靚，叫咗好多點心，全部清哂！但係有啲唔記得影相添！阿媽最愛佢嘅鹹魚肉片飯，我就比較喜歡潮州粉果皮薄諂靚加埋個無敵潮州辣椒油蝦餃燒賣叉燒包同鳳爪都10分出色！

好彩價錢感覺好像平了。叫了一枱點心，鳳爪，雞包仔，叉燒腸，牛肉腸，帶子餃冇乜帶子，馬拉糕，蝦餃，金錢肚，烏冬鮮魷，芥蘭好甜，迷你雜菜煲，豉油皇腸粉滑同香，涼瓜餅好夠涼瓜味……潮州粉果好足料，我鍾意。砂鍋綿花雞原來係迷你鍋。幾香同入味，春卷也夠脆口。黑松露燒賣唔肥，幾特別。牛仔骨都惹味的，又是砂鍋上，夠熱。叉燒OK，唔肥，甜甜地好香同夠淋身。羅漢齋炒麵分開上的，感覺幾好，d麵唔會淋晒。福建炒飯幾多料，好味道，燒肉都脆，唔算太肥。芒果布甸心形的，好靚，味道OK。

如果在荃灣西飲荼，不外乎去荃灣廣場頂樓那四間酒樓(潮江春、鴻星、新斗記、斗坊)，平日還好，如果適逢假日，每一間按定飛仔，輪流左右穿插，分分鐘由11排到12點，才會有一間中獎入座，不知道是否昨晚吃過聰明豆的關係，我想起可以一試好彩酒樓，價格相宜之餘，又不用咋肚痛去酒樓排長龍，結果好好彩只須排三張枱左右，就獲安排用膳。地下是接待處，一樓才是用膳所在地，看到這裡的點心紙，又令我想起當年的會考：選擇題答卷，是須劃數字的，菜式選擇不太多，印象中不過四十樣，所以上上下下左左右右看過了，點了以下菜式：古法雞油馬孻糕($15)：未做過廚的我，難以想像古法是甚麼蒸法，總之不太甜，頗為好吃。淮山藥膳雞腳($36)：色欠奉，味道不如街外好吃。津絲勁蒜蒸鮮魷($28)：雖說勁蒜，又不覺有很重的蒜頭味。叉燒包($16)：經典叉燒包 鼓沖蒸美國珍寶鳳爪$16：蕃茄絲瓜米線：味道一般。日式青芥辣鮮蝦長春卷(頂)：吃到長春卷，終於知道這間酒樓叫好好彩，因為好好采給我吃到這裡的春卷，春卷一點，我忍不住手，叫了兩碟。補充資料：星期一至五 小點$13.8/中點$16/大點$20/特點$22/頂點$26/茗茶$9星期六 小點

剛剛的父親節，9:00am 開始等9人枱，前面有2張枱排緊，過了兩個鐘，條龍完全冇郁過，咁大間酒樓，難以相信兩個鐘冇一圍人走(之後我們轉去荃灣廣場潮江春和稻坊，2間分別於15分鐘內已安排到位)，另外每逢年初一早上去好彩，都差唔多要等2個幾鐘，上到酒樓，見到跟本有多張吉枱，每逢節日內部要hold枱，咁唔好派籌比人要人白等啦! 或者索性專serve自己友，無必要開門呀!

上個星期六，應承同阿爸阿媽去飲茶，佢哋話想試下呢間 “荃灣好彩海鮮酒家”， 佢哋話平時一早就已經排曬長龍，所以我決定早啲去!估唔到七點零鐘去到，都已經要等6張枱!呢間 “好彩” 我哋都係第一次，因為好怕排隊!欖角排骨飯，馬友肉片飯，煲仔飯飯粒好乾身，馬友很惹味，排骨都好新鮮叉燒餐包熱辣辣，叉燒半肥瘦。什錦炸春卷很鬆脆，裏面材料以蔬菜為主，絕不肥膩。蔥花炸兩，炸兩很脆，腸粉很薄。呢度嘅侍應及經理，特別醒目唔似得其他荃灣區部分酒樓，想搵一間呀水落單都難加上整體環境感覺乾淨企理，所以下次要排隊，我都會再次幫襯

好味就好味～ 抵就抵～ 我可以話係平靚正。但服務就嘔血囉～（1）等位： 唔係熟客就等位等死你咁囉～ 拎飛正常排隊等1.5鐘，佢d熟客就一個二個唔排隊，接近有位就俾佢地先，隨時俾幾張枱熟客先叫一張飛。有次我望住個熟客入門口，同個職員say個hi就問係唔係入去拎位，個職員竟然話「係呀，你入去叫佢地俾位你啦」，到佢食完我都仲等緊位～絕對明白要serve 熟客，但唔好離譜得咁緊要。（2）竹筒：佢地一定要客人插d點心紙入去個竹筒，就算個收點心紙職員在你旁邊都一定要你插張點心紙於筒佢才於個筒拎張紙。明明在旁邊都要叫你插張紙入去先肯收？（3）叫職員俾辣醬，叫5次都唔會理你（4）奇怪分工：應該指定每人只可做一類duty...唔係收點心紙的人就死唔肯收點心紙，唔係收返d點心籠的人就死唔肯收..

好耐冇飲茶啦，其實我地成日經過呢度嘅，見佢係度咁多年，一直都想試下，今次終於有機會啦未入座之前，已經等左四五個字，好肚餓呀第一樣點心呢就係呢道炸芋頭啦(全名唔記得左)，少少糖漿包住細細粒嘅芋頭，甜度適中，仲有輕微拔絲效果，係今餐最好嘅一道第二樣來嘅就係點心拼盤，由於餐牌冇寫，所以我地係來到先知有咩食架一黎到見到個賣相已經覺得麻麻，好似蒸太耐咁，結果食落真係，有啲失望呢接著落來嘅呢樣，真係好失望，因為作為咁平常嘅一道菜式，食落竟然有少少塑膠味，可能同腸粉用料有關吧菜螃蟹餃：潮州粉果：叉燒腸粉：唔錯，皮簿又夠滑豉汁蒸鳳爪：普通，有種擺耐左翻蒸嘅感覺環境方面就唔錯嘅，枱與枱之間唔會好迫，都幾舒服嘅！呢個係收單筒，將啲寫好嘅點心紙擺落去，好快有人來收，唔駛自己舉手，呢個方式都幾好！餐廳價錢係荃灣黎講係屬於中上嘅，唔係好貴，但亦唔算平 整體來說，食物質素真係麻麻地，加上整體服務環境都只屬普通，飲茶來講同區有唔少更好嘅選擇，相信日後應該都比較少機會再來呢度飲茶啦