好日子皇宴

营业中

休息中

本人今日2024年6月26日下午二時十八分連同三位朋友於此酒樓吃下午茶。由於是下午茶時段入座，所以我們便詢問（扎馬尾的藍衣職員：職員A）提供下午茶點心紙，職員A回應：「沒有下午茶點心紙，用正價紙填左也是下午茶價錢．．．．」我們就照職員A講法入了單。當我們下午三時三十一分預備結單的時候，我們發現單據的銀芽肉絲炒麵下午茶價是$50，但卻收了正價$78。櫃台職員堅持說：「你們是正價紙入，所以收正單價錢．．．」即是與職員A所提供資料的是虛假陳述。我們要求職員A澄清，她卻情緒失控地喝罵我們，態度惡劣並反口說沒有這樣說。後來一班職員介入，其中（金髮藍衣職員：職員B）堅持說下午茶紙於入場時與正價紙一同發給我們，我們把事實說出來：「入場時沒有收過下午茶紙，下完單才有職員把下午茶紙放在枱面，請你們查看CCTV….」職員B卻說我們口同鼻拗要報警處理。我們等候警方到達調停後，警方回應不介入其中，個案只作備案，並勸我們投訴上公司及消費者委員會處理。從未試過有如此不快的用膳。

優點：價錢平，有120分時間，有游水蝦，有脆肉鯇，交通方便缺點：環境一般，服務態度差，經常漏單，叫一張單得一半份量上到枱建議黎食要有心理準備，食慣日式放題嘅人唔去好d，會食到一肚氣。叫兩樣冇一樣，叫一樣就直接唔上枱當冇收過單。

又係放假飲茶嘅時候，由於阿媽又嚟咗我屋企，所以又同佢去飲茶，佢就鍾意啲比較古老嘅茶樓，可能係回憶嘅一種吧佢特別鍾意食以前舊式嘅糯米包，所以呢間懷舊嘅茶樓就令到佢有滿足嘅感覺咁確實佢嘅糯米包係做得幾唔錯嘅，糯米飯唔太油膩，香口，臘腸都幾多嘅，皮亦做得煙靭鳳爪札之前真係未食過，其實真係好似鴨腳扎，但係就轉咗做鳳爪，份量都幾大，最好食係腐皮，鳳爪亦都做得唔錯，入味同幾爽口。黑椒牛仔骨好濃味，整得唔錯，但係幾肥膩同埋食完好口渴

今日放假就同媽媽去咗屯門市中心飲茶，茶樓留底好矮環境亦都比較細，員工好少但有禮貌，有啲懷舊茶樓嘅感覺。叫咗個都幾難食嘅白灼，魷魚牛柏葉生菜冇味，冇味，冇味同埋冇味。最好食，竟然係生菜魷魚同牛柏葉拿到冇晒味，同埋質地好霉🤢潮州粉果可以，外皮煙韌，啲餡都幾好味，有粉葛口感幾爽身，調味幾有細個時候食嘅味道山竹牛肉係好食嘅，唔係滿口麵粉嘅感覺，一路食都覺得幾有口感，因為加咗啲牛筋，亦都加咗香草令到牛肉減少肥膩帶點清新嘅感覺

打邊爐小食有驚喜豬手雞腳咸淡適中，有淡淡薑味👍🏼魚皮脆而不咸👍🏼魚、手切牛、滑牛、蝦可以一再encore! 普通肥牛就不了，肥多過牛（底個碟）😅蔬菜櫃擺放整齊，飲品不過不失*7點打後$178+1 ，建議7點前埋單$158+1✨由一坐底，員工同客人係麻雀區已經嘈到拆天，即使打麻雀既客人離開左，聲量依舊高漲，中間一度嘈到頭痛直到兩個鐘走個陣仲痛緊🌚多位員工更加冇戴口罩周圍行 總結： 如果大家接受到邊頭痛邊食 ，都可以一試，食物加分，員工扣分，打和🙂super 🫲🏻🫱🏻

今日十一點去，叫左4樣，咸水角，皮蛋肉片粥，炸兩，灌湯餃咸水角，都算有啲暖，唔多油，皮厚餡小，係呢間垃圾茶樓出品黎講算還好。炸兩， 個腸粉皮係幾薄，食落凍冰冰， 我以為係哈根大師新出嘅腸粉味雪條； 貌似開檔捲定，有單拎去叮翻熱都懶。 我終於知個炸兩似咩， 佢似元朗糖水舖嗰啲芒果河粉嗰啲河粉， 佢應該包芒果唔係包油炸鬼成件事就fit曬。皮蛋肉片粥， 你當係街市熟食檔十蚊一碗嘅皮蛋瘦肉粥你就會覺得佢係正常， 起碼佢應該仲有叮熱過。 係上菜嗰個姐姐落勁多胡椒粉🤣🤣灌湯餃， 入邊啲免治豬肉，蝦應用咗好多食粉， 成嚿嘢食落去都唔知食咗啲咩。 師傅可以考慮下向分子料理界發展。咁我同個好肥嘅阿姐講話碟炸兩凍冰冰食唔到可唔可以幫我拎去叮， 佢就應覆我一係取消一係換嘢，廚房好忙唔得閒幫你叮。你地做單唔係咁求其就唔洗換喇。，ok我咪取消佢囉， 我都同佢好清晰好大聲咁重複咗三次呢個係單叫， 冇跟任何套餐呀冇做乜孖寶之類。 佢都係活在自己世界冇聽到我講咩，仲要問我第四次。 去到第四我已經有啲燥，我同佢講已經重複咗第四次啦。 最後我都係要搵第二個 樓面幫我double confirm 多一次有冇取消個炸兩先解決

一家人飲早茶過左黎呢度搵位蝦餃,鳳爪,牛肉球,奶皇包 排骨,燒賣,皮蛋瘦肉粥 煎糕,炸兩蝦餃皮夠薄,夠大隻又蝦肉爽甜燒賣大隻肉鮮彈牙,排骨份量多,啖啖肉幾好食又入味牛肉球夠大粒,彈牙爽口有馬蹄粒鳳爪惹味皮夠軟淋 奶皇包夠大隻有咸蛋黃香流沙餡蘿蔔糕煎得香脆 有臘肉粒皮蛋粥夠綿密又多料屯門屯隆街2號屯門時代廣場南翼地下26-27號舖消費$200

大家好！請問大家有冇去屯門市中心(好日子皇宴)飲茶？真係飲到一肚火😝😝我見有個叫肥妹嘅樓面，每日等開工前都將口上戴過嘅口罩放係檯面，恐怖程度嚇鬼！我咪用點心紙墊住手機啦；點知中比佢話我好亂用啲纸！跟住佢個「樓面大家姐付小姐」中幫住佢(我解釋原因比她知係多餘嘅，完全唔聽之餘，兩個中即時用鄉下話細声講、大声笑……好明顯係講我啦！)跟住中叫我不如唔好嚟飲啦，飲得咁辛苦！真係好唔開心，飲餐茶啫！但我同佢哋講，間酒樓唔係你哋開，因乜事我唔嚟！😝老闆請著成班咁嘅伙計，眼見淨做熟客生意(乜節都比利是果啲)有朝個男經理中搞笑，有個婆婆一人嚟飲茶，坐張二人細枱，他好不客氣地硬要婆婆搭枱。咁差態度對老人家，婆婆咪話我唔飲喇！個男經理中叫佢唔飲就快啲走🙄🙄記得農曆新年係度買咗3張糕卷，嚟親都話未有貨(最激氣約定都冇，原來樓面大家姐付小姐留晒比熟客)，個男經理中叫我退錢，依啲伙計咪倒米囉！我話一早幫你哋買定糕卷，若我要錢就唔駛買卷啦！有次同男友嚟飲下午茶，係一點至四點，但唔明兩點半有位，一坐落叫完點心就叫埋單，我哋食得好趕，男友問清收銀下午茶時段→無錯吖！跟住先有人行埋嚟話，可以坐到四點，但要先付款，想食多啲

晚市見到酒樓做緊優惠有九折就打算試一試啦點知質素麻麻地唔通佢真係只做打邊爐生意叫咗隻乳鴿 啫啫雞煲 同海味雜菜煲本身對乳鴿都滿心歡喜 因為乳鴿通常都皮脆肉嫩點知呢隻乾到食緊柴皮咁真係一次就夠海味雜菜煲不過不失餡料都比較多呢個都算豐富 不錯啫啫雞煲 鑊氣十足熱辣辣但係味道有少少淡雞肉都唔夠滑如果醬汁多番少少會更加好味整體來講個乳鴿真係令到我對成餐晚飯大打折扣本身滿心期待食嘅乳鴿變到咁樣真係未食過咁乾嘅乳鴿希望佢哋會有改善啦

尋晚同啲fd去呢度打邊爐送餐職員服務超差，啲野食又麻麻地，尤其係啲肥牛勁垃圾，普通到唔識得講，問佢哋有冇濕紙巾又話冇供應，我同fd講點解隔離枱有濕紙巾，我地冇濕紙巾用，成間酒樓居然冇廁所，要走去商場廁所，勁唔方便

兩個後生女去飲茶。平日唔使等位就入得，仲要唔洗枱。第一次黎好日子，估唔到入面都幾多位，坐都坐得好舒服。不過樓面得兩三個人。 兩個人叫咗9樣點心，食到飽一飽，人均$90。推介嘅有蔥花炸兩腸、all time favourite 嘅腐皮卷同埋懷舊魚翅餃。魚翅餃入面有冇魚翅就真係唔知，不竟只係20蚊嘅貨色，都唔會過分要求。特別講一講個餃餡料十分豐富，有蝦、豬肉、紅蘿蔔、韭菜。根據一名經常係屯門唔同飲茶嘅朋友講，呢隻餃都比較少見。仲叫咗蘿蔔糕、煎茄子、銀針粉、牛仔骨、芋泥包、咖喱蒸魷魚。普遍食物都比較油。 蘿蔔糕冇咩餡，太淡口。芋泥包芋泥份量好少，而且冇芋泥味，失望。整體而言，沒有一個點心好味到令我想再番兜。

6點45分到達，仲有好幾張枱兩位唔比坐，要坐比人四周包圍兼用gas爐。。。。d呀姐態度好差極差。。。。仲話唔坐冇得坐。。。咩態度！以後唔會幫襯。。。。我代你地老闆多謝你地！！

很久沒有在屯門飲下午茶了以前經常來這間好日子皇宴適逢家人今天入來屯門便立刻想起這間酒樓記得這間酒樓的下午茶很多人要很早來排隊攞飛果然 中午一點半到達已經有大約15人在排隊攞飛🍽醬皇金錢肚醬汁濃郁 大約有6件金錢肚配上幾件麵筋麵筋充分吸收醬汁 十分惹味🍽北菇棉花雞大推！ 魚肚又淋又滑雞件很入味 配上蟹柳和北菇整體十分好味🍽瑤柱千絲酥不要期望有瑤柱 其實是蘿蔔絲酥很一般 酥皮不夠酥 蘿蔔也不甜🍽蟹子燒賣皇燒賣大大粒 蝦大隻彈牙爽口🍽宮廷流沙包真的有流沙效果餡料夠香 蛋黃味重 甜度剛好🍽香茜牛肉腸腸粉皮夠薄 亦很滑牛肉餡夠多配上甜豉油十分美味🍽安蝦鹹水角皮很Q軟 但很厚中間沒太多餡料 只吃到鹹味酒樓點心質素頗好不過樓面侍應不足落單等很久加水也要等很久

今晚食火鍋，168加一任食！價錢一般!稻香價錢更平，俾佢好食但超級難食，無野好食！落單經常漏單！浪費金錢浪費時間去食服務態度又差Don’t have next time

服務態度超差，枱細坐得好迫我地一行11人去，張枱勁細，大家要要櫈貼櫈坐，而且不停有人推車仔撞椅背，仲埋怨我地阻定，食物好一般，埋單張單唔岩數無人理，永不再光顧！