好煮意

营业中

休息中

好少嚟上水呢邊食嘢，趁今日天氣涼涼地，食返個藥膳滋補嘅食品。朋友介紹呢間餐廳醉雞唔錯的，舖頭都算大，座位寬敞，服務員待客友善。✨招牌藥膳醉雞米線 上枱熱辣辣，藥膳湯底濃郁，有木耳和紅棗，醉雞都有5至6件，雞肉嫩滑，唔會鞋口，食得出有藥材和花雕酒味，藥膳湯底放入米線，米線索曬啲湯滋補又好食。✨鮮蝦雲吞雞湯河粉一碗有5粒雲吞，手工包製，虾仁和豬肉比例啱啱好，皮薄餡多，每粒都脹卜卜，雞湯湯底鮮甜，河粉順滑。✨青檸梳打青檸梳打酸酸地，味道清新。✨凍菊花蜜菊花清肝明目，唔會太甜。

昨日一個人在上水行街～行街中途見到一間好似好吸引嘅車仔麵店就入咗去食下午茶😅新加坡喇沙湯米粉米粉本身柔軟滑嫩，配料中的蟹柳和蔬菜🥬芝士丸、腐皮帶來了一些嚼勁，咖喱湯辣度適中，有一定的香氣和奶油感。它的味道鮮美，辛辣中帶有一絲濃味🥰飲品配凍檸茶餐廳環境好寬敞～座位比較闊落😂小巧舒適、休閒輕鬆和乾淨整潔的。它們提供一個舒適的用餐場所，讓顧客可以放鬆身心，品嚐美味的米線🍜值得一讚服務員以熱情友好的態度迎接顧客😇

N年都唔會去一次既新界北難得今日有機會嚟一趟就食埋個中午先返歸自己一個既時候多數都係搵啲粉麵店食碗麵就搞掂，今次依間既性價比都幾好值得一讚配料最少揀三款價錢另計，揀左餐牌上推薦既雲吞同腩肉，仲有最嗦汁既響鈴卷湯底真心值得一讚椰奶味夠濃，食落又有香茅既香氣，最滿意係食得出個辣度，唔會比椰奶蓋過左麵底揀咗油麵，麵底分量都幾多，多到最後食唔晒啲麵雲吞大大粒，裡面係鮮蝦豬肉餡，每粒都有大大隻蝦，而且夠新鮮可以食到蝦肉既爽口腩肉同預期中完全唔同本身以為係出面米線鋪個啲滷水腩片，但實際係類似韓式個款白切肉口感軟淋，味道微鹹好有肉香仲有返咁上下厚度，唔係薄片響鈴就唔洗多講個湯底咁正，吸晒湯汁既響鈴就梗係無得輸

馬會道吸睛門面小店呢間麵店用落地大玻璃 簡單木系既設計 同附近食店形成極大對比 非常吸睛一入到鋪 已經聞到濃烈嘅藥膳味 🥰所以一定要試佢地既招牌藥膳😋😋招牌藥膳醉雞麵好濃烈既藥材味 個人覺得好香😍😍😍湯底鮮甜 有紅棗雲耳作配襯雞肉重花鵰味 而且份量幾多可以連湯飲既湯麵👍🏻冬天食 食完身體會保持暖和 滋補芹菜木耳豬肉餃之前未食過呢個配搭既餃子 但原來味道好夾😍芹菜味道無想像中錦重 搭配木耳絲增加口感每粒餡料滿滿 蘸醋更惹味麵底各揀左米線同米粉感覺上似加底既份量 食唔曬😝臨走前叫左外賣生餃 韭菜同粟米豬肉番屋企再續滋味😌😌店舖環境明亮整潔臨近晚市見到頗多人黎打邊爐 以食物質素同份量黎講 係性價比非常高的小店👍🏻

冬日滋補·暖意起·藥膳醉雞湯麵「好煮意」屹立於上水多年，當中藥膳醉雞非常有口碑🏅細細個已經係舊店食起，近年搬咗去馬會道，新店闊落舒適，空氣感十足，能夠容納更多顧客，更推出左新品火鍋🍲🍴招牌藥膳醉雞麵皇牌推介👍🏻 店家以真材實料熬製，藥膳湯底非常濃郁，遠遠已聞到陣陣藥材的香味！當中花雕酒的味道也很突出，與藥材味道好融洽🍶而雞肉都幾嫩滑吾乾柴，記得配上秘製辣椒豉油，夠哂惹味，加$10仲可以轉雞髀位添🍗湯底入面有埋紅棗、木耳，亦可以按個人意願配上蔥花🍴鮮蝦雲吞雞湯麵雲吞手工包製，皮薄滑口，粒粒飽滿，入面餡料有蝦肉和豬肉，食落爽口彈牙🦐湯底用上雞湯，好鮮甜，揀左米粉為麵底，索哂雞湯的精華！🍹飲品有多款飲品選擇，跟餐只需加$10，今次揀左無糖青檸梳打和涷柚子蜜

終於跌到10度以下🥶梗係要去食啲驅寒暖胃野平時去上水都係排另一間醉雞店咁啱發現依間醉雞米線有邊爐打！食落好有驚喜！🔶上等藥材花雕火鍋湯底 $68勁抵食！有桂圓、杞子同紅棗，藥材味唔重，酒味好出，飲完一碗湯即刻暖笠笠🥰🔶農場鮮雞（小）$98雞件大大舊，由佢地喺煲入面滾，食到最後都仲係嫩口，唔會柴，正！🔶手打墨汁墨魚丸雙拼汕頭牛筋丸$60「墨味好出！」一咬落去忍唔住讚嘆出聲🤣 手打丸彈牙唔會淋/太實，包住粒粒墨魚，推薦！汕頭牛筋丸入面係有肉眼可見既牛汁，爆汁之後有濃濃牛味，嚼勁同鮮嫩並存❤️🔶鮮蝦雲吞(拼芫茜餃)$38芫茜餃好足料，真係食到芫茜既清香🥰識欣賞既人會好鍾意雲吞既蝦同豬肉既比例都ok🔶超強吸湯炸腐皮王 $38店員見我地一心想飲花雕湯，就推薦我地要啲吸湯小食，另外仲有芋絲、響鈴、山根嗰啲🔶唐生菜$35洗得乾淨又新鮮份量2人食都好足夠🔶菊花蜜 $22味道幾濃，清清甜甜，打邊爐既下火之選🔶百香果茶 $22 唔會冰多過茶，有果甜味唔會過膩唔知店舖前身係咪甜品店？裝修新淨，白色為主，坐得好闊落，仲有樓上個層會回訪🥰

天冷時節要補身，專誠到上水的好煮意食藥膳。我點了招牌藥膳醉鷄米線配凍菊花薑蜜（少冰）$55。好欣賞這藥膳湯底香濃，帶著淳厚酒香，雞肉鮮嫩，份量十足，值得推介。配搭的木耳爽口，紅棗（已去核）真窩心，米線幼滑，最後連湯都飲清！

好友話上水好煮意，環境乾淨企理，坐位舒服，服務周到。我們點左招牌藥膳醉雞米線$55，湯底酒味香濃很清甜，有大大件雞五塊，雞肉嫩滑索左藥膳湯底更美味，配紅棗、木耳更健康，米線爽滑，冬天女士進補最啱，我飲晒成碗湯，超好味👍👍👍鮮蝦雲吞雞湯麵$44 （5粒），🥟脹卜卜餡料足，蝦仁和豬肉味道鮮甜，餃子皮很滑，油麵爽彈，湯底清甜好味😋😋😋飲品：菊花薑蜜$10，薑味濃。菠蘿青檸蜜$10：清甜好飲。

路經上水，見到呢間舖裝修好簡潔好乾淨，就坐低食碗麵 🍜我叫左招牌藥膳酥雞米線（轉雞髀）：係北區天氣咁凍😂我即刻飲啖湯先🤤湯底好甜好正👍🏻連D紅棗都一樣咁甜，好似食緊水果咁❤️果然係店舖招牌菜 雞件亦大大塊，啖啖肉，肉質鮮滑唔鞋口👍🏻強調建議一匙湯夾埋米線咁食👍🏻真係好好味🤤我朋友就叫左另一款👍🏻鮮蝦雲吞雞湯 +油麵。 佢都話個湯好正👍🏻好好飲 雲吞又大粒，有大地魚粉，夠鮮味，蝦仁彈牙👍🏻店舖仲有生水餃同雲吞可以買走👍🏻果然係自家製 有水準嘅出品👍🏻❤️

不知所謂 越嚟越難食 藥膳醉雞米線 啲雞煮到老到柴咁啲湯冇乜味 剩係得酒味越煮越難食 未搬舖之前好食好多依家衰到連鳳鳴居日本都比唔上最過分係 啲餸份量少到可憐叫份炸魚皮 夠膽淨係比小過10嚿魚皮我$35炸魚皮 錢唔係咁樣賺法下話以後都唔會再食 呢段說話都忍咗好多次 今次終於忍唔要特登申請個Account 上黎負評佢平時唔係見冇人唔使等 真係都唔會走入去隔離鳳鳴居 開舖咁耐以來都仲keep到質素依間嘢真係轉鋪之後就瀨晒嘢難食份量又少

女人要進補，最緊要襯早👧🏻👩🏻入冬後，每天都面對手腳冰冷🤲🏻🦶🏻的問題，是時候補一下身子了💪🏻今天來到上水的《好煮意》，這裹有很多招牌菜式，我就選擇了招牌藥膳醉雞麵🐔🍷和新加坡喇沙湯麵🍲🍜🐽 招牌藥膳醉雞麵🐔🍷（$65）藥膳湯底非常的香濃！入口微甘偏甜，帶淳厚的酒香，雞肉吸收🧽了藥膳的甘甜，突顯了雞肉原來的鮮味🐓而且份量十足，雞塊大大件，數量多，性價超高👍🏻👍🏻🐽 新加坡喇沙湯麵🍲🍜 （$72）這個喇沙湯底椰奶味🥥🥥比較重，中和了喇沙的辣味🌶️，同時令湯底更濃厚😋😋我加了魚腐、牛腩、炸腐皮王、手工鮮蝦雲吞，而牛腩🐮🐮口感軟淋，脂肪和瘦肉層層分明，入口牛油脂充斥著口腔，一絕🤩🤩

細細個係上水番學夜晚耐唔耐都會去下d 小店打邊爐其中一間就係好煮意佢地邊爐出色，湯底，靚牛perfect matchlunch 都有d 藥善雞湯米線果d,都係用番佢打邊爐個湯底依家佢開新店，住市區都要入一入我食番個回憶今次想試下個新加坡喇沙湯麵因為menu 都改變左好多湯底係有小小辣，不過係舒服嘅油麵，索汁同掛汁腐皮王，都係用黎吸汁，新鮮炸起秘製香辣牛肚，超惹味牛腩都唔錯豬皮都吸汁凍菊花蜜解一解辣好煮意地址: 上水馬會道180號地舖

假日入去北區行下，馬會道唔再迫人，“藥房”執左9成，行步路都舒暢啲😌🔅係馬會道搵到呢間可以食粉麵，又可打邊爐既舖頭。🌟花雕醉雞米線🌟花雕湯底酒味都勁呀，雞件大大件，米線亦好彈牙。🌟雲吞麵🌟雲吞大大粒，餡料又足料呀，蝦肉同肉餡各佔一半，包得好分明😋🌟飲品 - 熱薑蜂蜜＆凍柚子蜂蜜🌟粉麵電9埋杯特飲就岩岩好了。食完行去對面運動場跑步消化番👍▶️如果打邊爐的話用番呢啲食材都岩📝粉麵既餸+打邊爐既生意一齊做又幾合理😂

餓餓地路過呢間餐廳，環境光猛開揚，天氣涼涼地，見有膳醉雞湯粉食，於是入去試下😋呢度嘅麵底有多款可以揀，除咗有正常嘅米粉、河粉、米線、油麵等之外，仲有我最鍾意嘅粉絲😋🥢招牌藥膳醉雞粉絲$55湯底非常濃郁，有藥材及酒嘅香味，飲落感覺好滋補；雞肉酒味濃郁，好似食緊醉雞一般，雞嘅份量都唔少；粉絲食到最尾一啖都非常爽口，索埋個濃湯非常好味，最後連個湯飲哂😋🥢韭菜豬肉餃湯米粉（5粒）$44餃子餡料充足，韭菜量多，食落juicy清爽味香，餃皮Q彈；米粉爽滑，而且份量都幾多🤩🥢秘製小食香辣牛肚$48質地Q彈爽口又唔韌，非常入味，但濃而不鹹，仲有芽菜墊底，索埋個汁好好味😋柚子蜜及菠蘿青檸蜜$10食完咁好味又滋補嘅藥膳醉雞，飲番杯冰飲都幾爽🌶🧄蒜蓉辣椒醬自家製產品，超香蒜蓉及辣椒味，但係又唔會好辣，點餃子一流環境簡潔，坐得都幾舒服，服務都好好

#foodiezo食在上水 #foodiezo新界篇講起雞米，第一時間就會諗起鳳鳴居，咁啱好煮意又同佢隔幾個鋪位，又有雞米賣🤨 好奇下google吓佢哋有咩關係，原來本身兩間鋪嘅老闆都係認識嘅😌 鳳鳴居未有鋪頭前就係喺好煮意試業🙂 而好煮意其實係做雞煲嘅😆 都真係息息相關😌 唔怪得一入門口店員就問我係打邊爐定食麵🤣 見到晚市都有兩三枱打邊爐，一大班人可以食多啲款嘅嘢都唔錯☺️—————————————————————🐔招牌藥膳醉雞麵 $65話明招牌，唔試唔得喇😆 今次叫咗粉絲，索湯最試到真功夫🤓 藥膳湯飲到好重嘅黃酒同藥材味，湯底偏甜嘅，唔洗驚會有藥材嘅苦味呀！飲飲吓仲會帶回甘🤭 見到湯面都帶有雞油，證明真係用雞熬湯，唔怕味精🤣 啲雞好滑，唔係用雞柳👍🏻 而係用雞件，浸到每啖雞肉都有酒香味🥰 味道難免同隔離鋪比較，我真係覺得無咩分別🤫 -🥟鮮蝦雲吞雞湯麵(5粒) $54一睇個名仲以為係雲吞雞🤭 心諗50幾蚊有雲吞雞食唔係咁抵呀嘛🫢 結果係雲吞同雞湯+麵，笑死🤣 的確喺香港呢個價先叫合理🤣 雲吞皮薄，餡都包到漲卜卜，鮮蝦好爽☺️ 仲要有5粒，加埋米線都幾飽🤣 雞湯就好清淡，食完濃味清清哋都