好蔡館

营业中

休息中

尋日掛住食之唔記得影相😂😂😂😂好蔡館跟之前食評一樣 我訂8:15 分枱，收電話的姐姐已經吓，8:15分 （語氣表達唔得嫁），但都接受，好啦8:15分。位置其實距離另一間人氣抵食好味打冷店相隔兩條街。旺角地頭既我，係埋單一刻就完全感受到中菜館跟大排擋既分別。店內位置不多，2 張大枱，其餘都是細枱。這樣就解釋到點解老闆會做兩個時段了，合理的。菜式選擇相約地比較多，主打傳統潮州菜，但土生土長的香港人其實都未必識係咩黎。我們5位點了，芥菜炒豬大腸，沙嗲手切牛炒菜心，半隻鵝，蠔餅，冷盤花甲，炒飯，麻辣青瓜婆參，麻辣牛展撈麵。其實份量覺得比較細，所以先後加了3個餸。🤦🏻‍♀️🤦🏻‍♀️🤦🏻‍♀️相對地價錢其實是略偏貴，以這個地點來說。而且份量少所以不夠食便會多點一點。味道其實係出色既，服務態度亦因為我們唔知叫咩餸好而有多加介紹，相對是人情味濃厚💕

昨日同2個FD GATHERING 去試呢間餐廳。7:30入到去無咩人, 本身有D期望 , 叫左蠔餅, 獅頭鵝,鵝腸拼盤,   魚肚上湯菜, 汕頭小雪吞, 3個炖湯味道其實私房菜預期, 比較清淡。但價錢,用料, 份量好大問題除左蠔餅正常外~ 以為自己叫獅頭鵝+鵝腸拼盤, 原來係獅頭鵝(小字)鵝腸。魚肚上湯菜 收$168,份量小, 而且魚肚似低價豬皮。其中2個炖湯係時價$88, 用料只值$40比較細吃女仔可能吃完剛剛好, 一餐清淡私房菜。但定價偏高、份量少、素材普通如果你年輕力壯真係唔好去吃, 有男仔都唔唔好去, 一定吃不飽‧

媽媽帶我地一家人去左呢間到食晚飯。一間好簡單的小店，但意想不到的好食。首先個胡椒豬肚湯，一飲落去胡椒味好濃烈，成個人暖晒,豬肚仲好爽口好好味呀！之後個滷水拼盤，個汁唔錯甜甜鹹鹹咁，仲入晒味添😋仲有個蜆肉撈飯😍yummy ...一個人食份量可能大左小小，不過可能鹹鹹地好夠味，我唔覺唔覺可以一個人食晒。另外唔可以唔提佢的魚蛋湯麵，個魚蛋超彈牙！我見隔黎檯有炸蠔餅好吸引，不過家中有人感冒所以無食，下次一定要試😋😙

同舊同事食飯，四條佬，有咩好得過食潮州打冷。舊老細表示睇中間潮州菜館，當然順佢意，拿拿臨打去book枱。點知菜館老闆話分兩場，一係6:30pm一係8:30pm，咁巴閉，一於book個6:30pm睇下係咪真係咁多人食。遲左少少到，好彩有舊同事已經準時攞左枱。舖頭細細，目測都有八成滿，果然有料到。菜館老闆喺我地點菜時已經推介左幾碟撚手小菜俾我地，既然大家懶得諗，一於黎個潮式omakase。先黎每人一盅胡椒豬肚湯，胡椒味夠香而唔會太辣，豬肚亦好爽口，唔錯。煎蠔餅係潮州菜館必備菜色，呢度嘅蠔餅亦整得唔錯，大大隻蠔放入口。沙嗲牛肉炒芥蘭，味道ok。蒸花蛤雖然細細隻冇乜肉，但見到師傅排得整整齊齊咁上碟，值得加分。蒸立魚同清水鴨就稍為失色，特別係清水鴨略為過咸。另外四個人share一碗蜆肉撈飯，加少少紫菜湯一齊食，又幾清甜。甜品叫左兩碗芋泥同兩碗綠豆爽，芋泥有驚喜，綠豆爽就不過不失啦。食完，果然要準時交枱，因為下一枱客已經恭候中。四條麻甩佬，潮州打冷，吹下水，咁就最開心。

經常路過荔枝角道都見這位處較静的食肆。終於今晚有機會一试其小菜。餐廳不太大祗有十多張枱但似乎大部分已訂松座。坐低後叫了 舞秋風 一客蘿蔔炆魚及蒜炒蕃薯苗。蘿蔔炆得很入味但炒棻稍為咸了一点。再叫陽春麵及老板介紹的鲜牛肉撈麵。後者十分好味及牛肉很嫩滑。加点辣椒油食更野味。見有其他人叫的鵝紅十分特色於是我也叫了一客。老板教我潮洲人食法先加白胡椒粉後加醋。食法很特色及好味道。最後更叫了一個芋泥作甜品。很滿意這晚餐及一定會再來试其他食品。

是晚同朋友飯聚，聽人講呢間潮州野極為正式於是我呢個架gi能決定要去審視一下潮洲野唔少得既必叫菜式當然係有蠔烙架啦！先黎既一碟真係好好味，蠔夠大粒有海水味，蛋又唔會煎得太燶，岩岩好脆卜卜我敢話係我食過最好食既蠔餅！然後就黎一碟清水鴨，肉質唔會過韌，皮又薄，食落口啖啖肉得黎唔肥膩，！再黎呢碟韮菜鴨蛋比起前兩碟真係有啲失色，冇乜特別，食落唔知同雞蛋有乜分別，又有少少老再黎呢個潮州魚蛋真係好正，浸落娃娃菜度索哂啲湯都唔會變lum,仲係大大粒極彈牙，very good炒粿條都唔係好特別，好似河粉，仲有啲油得滯同埋咸得滯最後黎個潮式粿汁，初頭諗唔知係咩黎架呢，原來係用啲粗粿條同啲鹵水豬肉豆卜同蛋加水一齊煲，然後就會有啲杰杰地既口感，好得意不得不讚店家服務質素好好，聽到我地話凍會主動熄細啲冷氣，又會主動加水

平常經過都未有機會試，週末終於跟母親大人試試六時多入去，只有一枱客人，我們拿著餐牌反來反去，都未有決定，店員都知道我們是第一次光顧，於是介紹了三款食物：清水鴨、蠔餅、蜆肉撈飯。清水鴨是咸的，不是清水煮肉質爽口，蠔餅是我喜歡那種煎法，不是其他的炸到飛起，炸粉比蛋及蠔更多蜆肉撈飯一客幾大碗，我們兩人都吃不完媽咪覺得有點油，但味道不錯的店內都是熟客，不知道是不是潮州人呢⁉️店主標誌著私房菜，炮製獨特的風味潮州小菜，也有潮州炒麵，簡單湯麵也有‼️貴價的有馬友魚飯、烚花蛤

同事成日一家大小泥食，兼且見d送係幾傳統。終於約齊5個人泥食。早兩星期book。到達時兩個人分別問你點樣book。到坐低左，第三個問係咪 （名）book㗎⋯ 點解可以咁既，個鋪得2x個位，兩張大檯，其他全部四方檯⋯ 唔明。叫4人餐就有清水鴨、生炒骨、蠔餅、上湯菜加燉湯連白飯。加多個蒸頭腩。送上小食，係超級少既 jerky⋯ 係肉味，但究竟係咩呢？唔知。跟著上燉湯，係特別and 好飲既。胡椒🐷肚或檸檬鴨湯。 跟著蠔油就係淋果種，唔覺有鴨蛋香。個清水鴨，我唔知有咩咁特別可以做主打。生炒骨有返少少鑊氣，雖然都唔係脆口。 好彩分開叫既魚好出色，否則果幾碗飯死得唔抵。跟著話有反砂芋頭，即刻要。一咬，嗯～ 蒸熟再上糖既？！？！完全浪費左炒糖既心機，可惜可惜⋯

I thought I knew a lot about Chiu Chow cuisine. Compared to most westerners, I probably do. And while I knew that many Chiu Chow eateries in Hong Kong have deviated from their Guangdong roots, they have done so over many years and there can be some standard of authenticity measured by those standards. Like anything else, there are good ones and bad ones and everything in between.The H Kitchen is Chiu Chow cuisine owing its roots and inspiration to Shantou; a coastal area of Guangdong province. A

天氣時晴時雨，很難捉摸，只好時時傘不離身。坦白說，天氣不穩定，吃飯多數選擇系商場較穩陣，但商埸多連鎖式，我多喜歡小店哩！這晚地點在太子，不是很易找，但食物大家都很滿意。這夜就多個潮洲晚飯哩。潮州稷肉卷用生菜包住吃，可以沾上吉仔汁，稷肉內有芋頭同豬肉，很香囗。潮州蠔烙蠔仔很多又飽滿，不會油淋淋。走地鮮味雞 (例牌)家人話脂肪不多，肉質很嫰滑。潮式炒稷條味道比一般的較淡口，炒得很乾身，下了芽菜同蝦肉豐富囗感，香芹也是這菜的靈魂。涼瓜炒手切鮮牛肉鮮牛肉質很好但下味太重手了，過咸。絲瓜魚湯湯程奶白色，非常鮮甜。絲瓜索了魚湯味道，尤其好吃。梅子黑白木耳炒班片都系第一次食白木耳，我覺得較黒木耳淋一點。當然啖啖肉的斑片不可忽視。大家太飽了，甜點也吃不下。但見隔枱的佳餚，心中已撰定下次的食物。

睇到'馬家開飯' 的介紹，於是相約朋友一試！首先地理上不在大街，要花時間搵一搵，店內較細小，座位狹窄！食物大部分都近百元一碟，份量太少，尤其反沙芋，更索價$128！點左清水鴨（例）， 炒粿條，鹵水拼盤，蠔餅，魚旦浸青菜，反沙芋味道較住家，唔太咸，蠔餅較吸引，香脆可口，蠔好新鮮，其餘同一般潮州食店無太大分別！食左一個鐘頭多，所有碗筷已被收走，過多一陣發出逐客令！朋友聚會就不建議，因為坐得唔舒服，又不能慢慢傾計，食物又唔算特出！

平食明星飯堂！蚵仔粒粒都大大隻！好蔡館招牌菜蠔烙以半煎炸的做法，炸得很鬆脆，漲卜卜，而且蚵仔粒粒肥美飽滿，超大粒！再以正宗潮州食法配上魚露胡椒粉，充分帶出蠔的鮮味和鴨蛋的香！另一招牌菜鹹檸檬燉鴨湯，清澈檸檬味配上鴨的香味，味道很獨特，值得一試！二百蚊有找就食到明星飯堂，絕對性價比高麻辣牛展：以秘製鹵汁醃製而成，牛展爽口有嚼口鹹檸檬燉鴨湯：清澈檸檬味配上鴨的香味，味道很獨特之餘，而且非常滋陰潮洲蠔烙：蠔烙並不是以外間酥炸做法炸成，而是用煎的做法，老闆話這才是正宗潮州蠔烙蚵仔粒粒肥美飽滿，而且數量不少，十分足料潮州棵汁：以米漿及米條製作，中間放上滷汁、豆卜、滷蛋、滷豬腸、滷豬肝等，等同鹵水拼盤的材料，由於製作棵汁工序繁多，現在已經賣少見少，要食就真係要快潮式鹵水拼盤：包括鹵蛋、豬肚、豬腸、豬腩肉、豬腰，全部都鹵得入味

我諗大部份香港人對潮州菜嘅認識都可能只係打冷，但今次竟然發掘到呢間正宗潮州菜，真係不得不同大家分享下！係一個星期日嘅晚上，爸爸提議去呢間潮州私房菜食飯。店舖地址容易搵到，但又遠離擠擁嘅太子站，算係旺中帶靜。我哋啱啱好四個人，所以就叫咗個四人餐試吓。眼闊肚窄嘅爸爸仲叫多左幾樣餸添～首先當日嘅盅頭燉湯無提供螺頭燉青欖，改而選擇左糊椒豬肚湯。每盅裏面大概有三至四條豬肚，幾條白菜，胡椒味偏重飲落時十分帶勁! 絕對唔係普通味精湯～順帶一提，套餐上菜速度算係非常快，湯飲到一半嘅時候已經上咗三碟餸，雖然已經同老闆反映左，叫套餐我哋都明白嘅～餐前小食：豬頭粽原本係潮州獨有既送酒小食，食落去柔軟而有彈性，充滿肉味而略帶點甜味。套餐裡面我地揀左清水鴨，雖然用鹵水煮成，但唔會過鹹。肉質都幾嫩，但係最impress我嘅係個鴨皮。雖然爸爸再三叮囑我唔好食塊皮，但係食咗一舊之後真係停唔到口，塊鴨皮係煙韌有咬口咖~~~香芒中蝦相比之下較為遜色，可能係個汁我哋揀得唔好啦，不論係顏色或者味道來講香芒味都比較假。不過有細心咁去除咗蝦尾嘅部份令到可以成隻吞都唔錯~生炒骨，聽說睇一間餐廳既水準就係睇佢煮生炒骨好唔好食！皮脆肉

其实味道唔算好食，我系潮州人，粿条同粿肉=双角 我都系食住大ge，味道确实麻麻，但性价比来讲真系鬼到FXXX，一份韭菜花加虾干加鱿鱼干混埋一齐既小抄，价钱系228！！最后评价，后生仔女，一次唔会再返转头！

想食新潮時興嘢, 旺角往往會係首選, 但如果想食穩打穩紮嘅潮汕美食, 我就會嚟太子喇, 平時食潮洲嘢去大牌檔打冷, 好不熱鬧, 反而好蔡館的路線走家常風味, 環境舒適愜意。 是次侍應推介了潮式粿汁, 個名好有趣, 本來仲心諗唔通潮洲人鍾意飲“果汁”?原來粿汁係潮洲人嘅例牌早餐, 類似很稠的粥水, 但製作花盡心機, 汁中嘅粿角，亦都係用米漿蒸成，跟河粉極相似，把滷水腩肉、豆腐 雞蛋、豬肝等配料撈勻吃，每啖都充滿米香鹹香, 質感又綿又滑。而且唔會有千年滷水嘅油膩感覺，食得出係用新鮮製滷水汁，唔經唔覺, 一個人食晒成碗喇!!!另外同場加映清水鴨, 據講係用上米鴨, 肉質特別嫩滑, 而且調味嘅葱油唔會過咸, 著重突出鴨嘅肉香, 同一般食嘅滷味不能相提並論。