姚姚酸菜魚 (希慎廣場)

营业中

休息中

麥皮媽十分喜歡食酸菜魚，今次終於去左食姚姚酸菜魚，原來佢係內地係人氣店嚟！店內以Tiffany Blue 為主色調，滿滿嘅可愛感！嚟到姚姚酸菜魚當然必點招牌酸菜魚🐟剛巧撞正有半價酸菜魚嘅優惠，唔使唸即點！我哋叫左少辣，盤底有火爐熱住，酸菜係用上正宗水東芥菜，食落爽脆又入味，魚片嫩滑無骨，份量好多，兩個人食都好足夠！加多碗白飯超好送飯呢🥰仲點了北京烤鴨(半隻)，包埋椒鹽鴨架！烤鴨半隻份量都不少，配有蔥絲、青瓜絲、蘿蔔絲、烤鴨甜醬、砂糖，全部都齊備！烤鴨皮夠薄，烤鴨又夠香脆，配埋自己喜歡嘅配料包起，口感豐富又美味！仲點埋個涼拌萵荀絲，清新爽脆👍

一次過食到酸菜魚同麻辣香鍋 超級滿足🌶️ 酸菜魚$288/2人份，雖然本身冇包任何寬粉或者芽菜，得酸菜同魚片 不過份量都算多 尤其係魚算係比得慷慨，叫左少辣 辣度舒服又唔會過酸🐟 另外麻辣香鍋就$48/鍋底 最少要叫5款配料以上 推介大家點鮮茶樹菇$38、雞軟骨$50、千葉豆腐$40、魷魚鬚$50、花菜$38、豬耳$50！調味夠晒鹹香 唔算好辣 本身自帶好多炸花生 所以都好香口 適合同好多朋友一齊食 可以叫好多款配料share🤭

平時要返大陸先食到嘅酸菜魚，而家喺香港都可以輕鬆食到啦。姚姚酸菜魚次次經過尖沙咀海港城分店都大排長龍，今次約埋friend喺銅鑼灣到食飯，決定一定要試吓。▪️招牌姚姚酸菜魚|2人份|加《萵筍|百頁豆腐》▪️招牌瑤瑤酸菜魚，二人份量都超巨型。上枱真係嘩一聲。麻辣程度方面喺落單嘅時候可以自由選擇。今次我就揀咗少辣同埋少麻。酸菜魚魚塊大大塊，肉質都好滑👍🏻另外外加嘅萵筍同埋百葉豆腐份量都唔少，兩個人一定夠晒食。▪️北京片皮鴨半隻▪️呢個北京片皮鴨半隻份量都好多啊，配菜顏色鮮艷，好靚丫。而且今晚食嘅片皮鴨肥瘦適中，包埋所有配菜同埋醬汁一齊食真係好滋味。▪️椒鹽鴨架▪️北京片皮鴨二食，鴨架炸到脆卜卜，連骨都咬得開，椒鹽口味惹味非常。餐廳位置用餐寬敞，酸菜魚份量都好大，另外我見佢仲有其他小食同埋鍋裏可以選擇，Jami都推介有興趣食酸菜魚嘅大家可以去食下呢間。

越來越多國內的品牌，來到香港開設分店，今晚便有來到這間酸菜魚專門店。半價酸菜魚（二人份）$144，另加了一份萵筍片$35，雖然是半價優惠，不過魚肉的份量沒有減少許多，味道亦一樣，魚肉鮮嫩可口，加上湯底的鮮味，果然是這裏的名物。大盤花菜$103，椰菜花帶點椒香味，廚師以半肥瘦腩肉帶起了椰菜花的味道，加上花椒油的香味，非常有四川特色。椒麻皮蛋$72，皮蛋是黃金皮蛋，加上辣椒油的香味，果然是一道不錯的餐前小食。茉莉香橙$45，向橙味道十足，酸酸甜甜pizza開胃。新鮮水果烏龍茶$51，百香果的味道十足，酸甜味道適中，加上新鮮的生果，是除了飲品之外，餐後的甜品之一。彩虹烏龍冰粉$72，冰粉是四川特色，加上顏色鮮艷的配料，味道層次豐富。

好耐冇食過酸菜魚，見到希慎廣場呢一間主打酸菜魚嘅餐廳就決定一試～ 呢度除咗酸菜湯，仲可以揀水煮或者蕃茄湯，亦都有雙拼嘅選擇，好啱一班朋友食飯！✿ 姚姚酸菜魚 2人份($288)魚片份量足夠兩個人食，湯汁濃郁但味道偏酸，反而酸菜唔會好酸幾適中。可以另外加配料，我哋就揀咗加寬粉($38)，煙韌加埋索咗湯汁，好食😋✿ 北京烤鴨半隻 ($188)烤鴨幾驚喜，油脂甘香，烤得剛好，肉質食落都仲好嫩滑。整體份量都好夠食，鴨皮較多油，夾埋鴨肉同配料包起食無咁油膩😋 隨烤鴨附上配料有青瓜、韮王等，呢度幾貼心嘅係每張包皮都隔住一張牛油紙，包皮唔會癡住☺️ ✿ 茉莉香橙($38)依杯有陣陣鮮橙香味，有啲橙肉，飲落酸酸甜甜幾解膩😆✿ 新鮮水果烏龍茶($48)水果茶主要係百香果同橙味為主，唔會蓋咗烏龍茶底嘅味道，而且都比好多水果肉 (菠蘿、西瓜、奇異果等)

收工約咗朋友去希慎食晚飯，帶咗佢去內地人氣酸菜魚品牌「姚姚酸菜魚」，除咗酸菜魚仲新加新菜式😋姚姚酸菜魚配北京烤鴨二人套餐 $448🪿片皮鴨片皮鴨皮脆肉嫩，配料有包括砂糖、填鴨醬、青瓜、京蔥等。片皮鴨肉質細嫩，唔算太肥，鴨皮亦烤幾香口，配上餅皮，卷住一齊食口感極為豐富，仲有埋鴨脾，拎住啖啖肉食🐟酸菜魚拼宮保田雞酸菜魚叫左小辣，精裝版魚片份量都唔少，酸菜味道適中，酸菜頭口感唔錯宮保田雞口味好新鮮，岩哂怕辣嘅朋友，配埋蒜頭炒更加惹味🌶️椒鹽鴨架熱炸香酥又美味，送啤酒一流🥬手撕蓮白菜 $68另加蓮白菜，比較薄脆，乾炒口感脆嫩🎈姚姚酸菜魚 (希慎廣場)🎈銅鑼灣軒尼詩道500號希慎廣場13樓1301號舖

星期日食咗個二人餐：酸菜魚+片皮鴨（半隻）+炸鴨架酸菜魚唔夠熱，雖然碟底有蠟燭慶住個碟，但係無作用。片皮鴨啲包皮太薄，好快凍，鴨太油。炸鴨架，唔俾仲好！所謂鴨架即係胸骨，無肉食，感覺似廚餘。好似簡直浪費食物… 唔會再去。

姚姚酸菜魚算是改良版酸菜魚，保持了酸菜魚的鮮嫩外，湯底不會很油膩，也不會特別辣，很適合在香港吃😋🫶🏻我和朋友們都很喜歡💕中午有套餐，比較划算、而且份量十足呢🙌🏻招牌酸菜魚滿滿一大碗，香味撲鼻，讓人食慾大增。淺嚐一口湯汁，酸爽開胃，再品一口魚肉，鮮嫩爽滑，沒有魚骨，可以放心大口吃魚肉😍，除了本人喜愛的魚肉外，湯底中的酸菜我也喜歡😘，味道鮮明，保持了脆爽的口感，回味無窮套餐還有麻辣牛展、頭抽時蔬、新鮮手打檸檬茶，我還加了涼拌萵筍絲，清爽解膩，冰冰涼涼🥰👍🏻

已經去到大年初十🈵今日小弟開工大吉🍊生意興隆🐲市面都係靜英英🌀為咗令自己快快進入作戰狀態💪🏻收工約好兄弟食個酸菜魚🐟提醒自己要正式進入開工模式💢好兄弟準時到達🚶🏻坐定定立即點餐藤椒無骨鳳爪🐥作為前菜真係一流👍🏻藤椒麻麻辣辣🌶️酸味味😋開胃醒神😃麻醬雞絲粉皮🐔麻醬超級香♨️粉皮雞絲好滑🤤青瓜處理得非常好👍🏻唔會出好多水酸菜魚🐟今日主角出場😍而家做緊半價優惠🙌🏻但係絕對冇偷工減料💯份量非常足🈵魚片超級多兼且非常滑又冇骨🦴酸菜多到食唔晒🥬靚湯再加一碗白飯真係無敵😭紅糖糯米糍粑🧆呢個甜品真係必點嘅菜式😋外脆內軟🫦每人三件都唔覺油膩彩虹烏龍冰粉🍲最後來一個烏龍冰粉🌈用烏龍茶加入冰粉🧊清香解辣👅冰粉上面鋪滿芋圓紅豆提子乾黑芝麻花生碎🥰在淋上椰奶🥥一個人自己食晒一碗都唔過分😆兩個人食👬🏻四樣菜式都咁出色💖埋單都係四百幾蚊💵絕對支持留港消費💰唔需要過關逼車趕上趕落🚈

講左好耐既姚姚酸菜魚🐟終於比我食倒啦😹餐廳幾闊落，坐得夠舒服，同樣用番尖沙咀店既裝修，用Tiffany blue既顏色做主調，營做海洋既效果咁.👁‍🗨二人份姚姚酸菜魚(7.5/10)💲288(原價).➰離姚姚酸菜魚就緊係要食佢既酸菜魚啦😂呢日見佢仲做緊二人份量既酸菜魚半價優惠，非常抵😮點餐果時可以自己係app度揀選辣度，由少辣到大辣不等，麻度酸度同樣可以揀，因應番自己口味去落單😎呢日叫左少辣少麻試下效果先😂出度離少辣真係岩我口味，只係有極微既辣味，連吾食得辣既我，認為下次可以挑戰下中辣🤫可能都會接受倒🤣至於麻度同樣係非常接受倒既範圍，都係可以試下麻多一度🤡酸菜酸度就揀左正常，呢個酸度岩岩好，入面既魚肉都幾嫩身，薄薄一片完全冇骨，份量都算多，如果想豐富啲，可以加錢加啲配料，不過我呢日吾係太餓，就冇加到了🥲.👁‍🗨姚姚脆奶(7.5/10) 💲 58.➰外皮薄身鬆脆，冇咩油膩感，炸得幾乾身🤓鮮奶甜甜的，外脆內軟，一個人食幾條都仲得😂不過記住要趁熱食先好食😜.👁‍🗨刀拍青瓜 (7.5/10) 💲58. ➰同樣可以揀辣度，但係就冇得走辣既，照舊叫左少辣，食落ok，係我接受倒果隻辣既範圍😂青瓜爽口

🐟半價酸菜魚—$144✨用陶瓷盤上菜，盤底一直有細火燒住，確保魚可以保持溫度🤤✨魚肉唔腥，嫩滑無骨！！✅湯底加左酸菜同藤椒粒🤩辣辣地好惹味！（9.6/10）🐷黃金脆炸小酥肉—$78✅新鮮即炸🤤炸得好香脆✅粉唔會太厚，加埋少少辣粉真係食唔停口！（建議中辣以上會惹味啲！）（8.4/10）🐔姚姚雞翼（4隻）—$68✅炸得香脆🤤脆卜卜！✅肉質中規中矩，不過不失（7.8/10）🐄巴掌肥牛—$58✅鮮嫩爽滑👍🏻唔會好難咬（8.3/10）🍜寬薯粉條—$38✅感覺係酸菜魚配料必加🤩好夾！✅好有咬口🤤（8/10）🥠鮮豆皮—$38✅同粉條好夾🤭✅偏長身，香港較少食到嘅配菜！（7.5/10）🥬上湯菜心—$58✨好驚喜！佢配料好用心，將菜心連皮蛋、咸蛋一齊夾埋！！口感層次豐富，好正🤤（9.8/10）🍺蜜桃白啤酒—$76 （3支：買2送1）✅易入口！勁似mocktail🤤解辣一流！（8.4/10）——個人評評分❤️：8.8/10性價比💸：8/10環境📷：9/10回頭🤓：會總結：酸菜魚真係必試🥰同埋個人偏心個菜心🤭好正！環境舒服，藍色格調為主👍🏻

雙拼𝟮-𝟯人套餐 姚姚酸菜魚拼番茄魚•片皮鴨（半隻）
•椒鹽鴨架•爆打青瓜檸檬茶•紅豆烏龍冰粉•低糖紫米豆漿成個套餐睇價錢已經覺得好抵，除咗有一大份酸菜魚係雙拼味道👅之外仲要加埋片皮鴨🦆仲要有埋頭盤嘅鴨架同埋飲品甜品因為我自己唔係好食得辣，所以就揀咗蕃茄魚拼酸菜魚自己個人覺得蕃茄味係比較入味而且加埋粉絲做湯底食落去超入味酸菜份量都好多而且🐟肉質都幾鮮嫩係幾有驚喜頭盤嘅鴨架都做得好入味👍🏼但係成個套餐真係太大份所以都爭啲食唔晒•片皮鴨雖然話就係半隻，但係份量都好多，而且除咗皮之外仲會有唔少肉夾埋配料嚟食都唔錯片皮鴨嘅皮又薄有趣燒得都唔錯以食酸菜魚餐廳嚟講有埋片皮鴨質素都真係幾好！

香港都有好食既酸菜魚ga💙今次就去左食 姚姚酸菜魚💙呢間大家應該都唔陌生，香港都有多間分店。藍綠色環境佈置個間就係啦💙今次食左佢既酸菜魚，必食牙💙幾岩香港人口味，可以自己簡辣度同加好多配料，唔會過鹹，酸菜魚冇骨好滑嫩好開胃😋配飯一流👍🏻上枱時下面有火仲會熱住上，一直保溫住唔怕凍左。孜然椒鹽鴨架，好香口，我地仲外賣帶左返屋企食。另外，都食左北京片皮鴨，皮好香脆又野味💙夾埋配料食好襯好好味😋份量都幾足夠。咕嚕蝦球都好好味好開胃，裡面有蝦球同大蔥酸酸甜甜😻我地勁鐘意食😋😋多多桃膠椰奶：健康又美顏，女仔黎食都要叫返杯🥰🥰📍銅鑼灣軒尼詩道500號希慎廣場13樓1301號鋪

今日就同朋友去咗姚姚酸菜魚食飯餐廳主要係藍綠色既裝修, 仲有signature既吉祥物, 除咗酸菜魚, 仲有其他特色川味菜式我地就叫左必食嘅酸菜魚, 酸菜魚一路熱住, 保留住個溫度, 仲可以選擇唔同嘅辣度, 我地就揀左小辣, 湯汁偏酸, 仲有淡淡麻辣香味用咗新鮮嘅鱸魚,冇咩骨啖啖肉, 魚肉入味, 酸菜爽口, 另外加入嫩牛肉, 牛肉口感滑溜麻醬雞絲粉皮粉皮好嫩滑, 面頭超多麻醬🤣滕椒無骨鳳爪鳳爪幾入味, 入口爽脆, 加咗醋調味, 更加開胃紫蘇牛蛙份量都唔少, 牛蛙用左粉漿包住炸到金黃色, 加咗紫蘇葉, 更加香口

如果想食酸菜魚🤔我通常會去「姚姚酸菜魚」💁🏻‍♀️.姚姚酸菜魚拼蕃茄魚+巴掌肥牛🍲鱸魚魚片冇骨，嫩滑鮮美🐟湯底酸爽開胃🤤加上大量酸菜同蘿蔔🥕番茄魚酸甜中帶鮮味🍅粉絲掛滿湯汁🍜巴掌肥牛食落比較有咬口🐄肉味算重😗.頭抽西生菜🥬微鹹頭抽更突出西生菜爽脆鮮甜😛.紅豆烏龍冰粉🥣有花生🥜小丸子🤍提子乾🍇紅豆🫘冰粉滑嘟嘟😋帶陣陣烏龍茶味🍵必點👍🏻.手打檸檬茶🥤檸檬汁完全同茶融為一體🍋酸甜清新💦.鮮奶紅茶凍🧋奶茶加上爽滑紅茶凍🫖略嫌紅茶凍茶味唔夠🥺