娑羅婆納印度素餐廳

营业中

休息中

𝘚𝘢𝘳𝘢𝘷𝘢𝘯𝘢 𝘗𝘶𝘳𝘦 𝘝𝘦𝘨𝘦𝘵𝘢𝘳𝘪𝘢𝘯第一次試印度素菜，估唔到都有啲驚喜，又不失印度菜嘅精髓🤓Cheese Masala Dosa ($80)最推介嘅係呢個芝士薄餅，面頭有芝士，餅入面就有啲薯仔同洋蔥等等嘅餡料，仲配搭左三款醬料，有椰子、扁豆同蕃茄醬個人認為唔加醬都好食😋加左的話印度風味就更突出Pano Poori ($55) 卜卜脆嘅脆米球應該係度印嘅小食，米球入面有薯仔同鷹嘴豆，倒入醬汁一齊食，完全做到外脆內軟嘅口感凍食係意料之外，但醬汁帶點微辣，越食越惹味Dum Aloo Kashmiri ($78)呢個燴薯球嘅醬汁好岩配naan 食，食落又有啲似butter chicken 嘅味道，不過呢個係素嘅薯球入面有啲腰果同豆，而薯仔本身燴得好淋，加埋一齊食口感豐富😌Garlic Naan ($25)呢度嘅naan 口感煙韌綿密，帶有蒜蓉嘅香配埋Dum Aloo Kashmiri 嘅醬汁一齊食就perfect 啦Mango Lassi ($35)淺黃色嘅芒果乳酪，芒果味算重，口感唔會太杰，飲落酸酸甜甜，用黎解辣就岩哂😉

上個星期去完食過一次正宗印度菜，真係食過番尋味即刻有朋友就問我可唔可以帶佢去重慶大廈食一次，但朋友係素食者，驚好多食物唔岩食所以今次就同朋友去珍珠皇宮既姊妹店食多次美味既印度素菜SARAVANA 雖然係家庭式經營的印度素菜小店，餐廳裝修簡約懷舊，但店員服務殷勤有禮，充滿異國風情小店提供印度咖喱、印式燒烤、特色烤餅、小食及甜品等素食食品食品方面ahi Poori : 外層係脆卜卜的酥球，肉層係薯仔、鷹嘴豆、乳酪、辣椒粉及印度香料，味道少辣，香脆醒胃，要襯熱享用Paper Masala Dosa : 賣相吸睛，好大卷既餡餅，加入薯蓉、瑪莎拉醬、椰子醬及傳統辣湯，非常惹味Mixed vegetables curry : 什菜咖哩味道濃郁帶少少辣，內有粟米、青豆、青椒、紅蘿蔔等什菜，再加上用蕃茄雕成的花朵，精緻美味Dum Aloo Kashmiri : 係特式燴薯球，味道偏辣，薯球入便燴入多種材料，口感豐富，醬汁配埋 Naan 一起食超惹味Yellow dal fry : 印度炒黃飯質感特別，有少少似米仔飯的黃豆飯，味道特別Naan :  用烤爐烤焗熱辣辣，鬆軟有空氣感，配埋咖喱食味道一流Ma

平時去尖沙咀就去得多, 重慶大廈真係第一次去。 入到重慶大廈1/F, 原來有好幾間印度餐廳。行過有間印度素食，見最近食得太雜，就食下齋清吓腸胃。原來已經開業15年，餐廳裝修簡樸懷舊，店員服務非常周到。有南印同北印度菜可叫到，比較正宗嘅印度餐廳。North Thali $90配上芝士辣味醬、黃咖喱醬 同 白色汁去點牛油烤薄餅同脆脆鹹烤薄脆。Paper Masala Dosa $70非常巨大卷狀型的薄餅, 體積超過個鐵盤。估唔到卷餅入邊仲有咖喱薯仔粒。太大條食唔晒。 Aloo Paratha 薯仔餡千層夾餅 $22非常惹味嘅薄餅，麥餅皮非常鬆軟，兩塊麵粉做嘅薄餅，中間夾住咖喱薯仔蓉、香草及香料。食落去好似食緊咖喱薯食，非常惹味。唔使點咖喱汁都已經好夠味。Masala Uttapam 印度雜菜鬆餅 $65薄餅比較冧身，食落似蔥油餅嘅味道，比較淡味。 薄餅上鋪滿唔同嘅素菜，非常健康。Mango Lassi $35 外觀淺黃色嘅芒果乳酪，芒果成份重，好香芒果味。飲品酸酸甜甜，好開胃。 Masala Chaas $35有肉桂味、薑味嘅熱奶茶，唔澀。薑有助行氣活血，幫助血液循環唔好、成日手動腳凍嘅女

最近經常到重慶大廈食正宗印度菜，今次試了另一間主打印度素菜的餐廳。知道印度是全世界素食人口排名第一的國家，印度有兩三成人口都是素食者，所以素食在印度非常流行，款式更千變萬化，絕不單調。今次去到娑羅婆納印度素餐廳，娑羅婆納是印度智慧之神，餐廳內裡裝修簡樸懷舊，富特色，全店免收加一，價錢都幾合理。大部份食物都提供了三款醬汁，椰子醬、扁豆汁和洋蔥番茄辣醬。芝士煎餅Cheese Sada Dosa $60Dosa 是將米漿倒入平面的鍋子上，再用一根Ｔ字型的工具，將米漿快速的畫圓、攤成薄薄的一圈，等米漿逐漸變成棕色時，將整個餅剷起成三角形。今次加上了印度芝士，含鹽非常低，入口温和，提升了口感。番茄鬆餅 Tomato Uttapam$65Uttapam 乍看之下有點像 Pizza，但它既不是麵粉皮也不是用烘烤製成，而是用稍微有點厚度的濃米漿，放在平板上煎成的，上面還會鋪些香料和番茄碎，口感似美式鬆餅。印度麥餅 Chaptai $12印度麵粉中加入水和鹽，然後搓成團狀，接着用擀麵棍推壓碾平成圓形，沒發酵的烤餅，餅皮厚度較薄，口感較為紮實，帶著天然純粹的麥香。芝士波菜蓉Palak Panner $70

🍴Pani poori脆米球：印度菜必吃小食！脆卜卜米球釀入薯仔、鷹嘴豆，倒入薄荷醋好fresh好醒胃。🍴瑪沙拉薄餅：薄餅包着香料薯蓉，食用時可沾3色醬食用，白醬有椰奶同腰果，適合唔食辣既人。紅醬有蕃茄同cream，帶小辣。🥘蕃茄芝士腰果煲：呢個咖哩幾惹味，有腰果泥、茄膏同cream，製成醬汁，沾薄餅一流👍🏻。芝士好似硬豆腐又唔羶，幾好食！🥠雜菜鬆餅：食落似葱油餅，因為餅上有洋葱🧅碎同香葱，唔沾醬都夠味。🍹芒果乳酪：芒果🥭成份幾足，如果減少少甜更好。味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

去重慶大廈食咖喱就食得多，素菜咖喱就真係未食過。朋友食素介紹我食一間好味素印度菜，話包保我覺得無乜分別。食完發覺原來印度菜唔食肉都好多選擇，食素嘅朋友又多一個選擇啦🫶Bubu推介🔥👍 瑪沙拉芝士薄餅 𝘾𝙝𝙚𝙚𝙨𝙚 𝙈𝙖𝙨𝙖𝙡𝙖 𝘿𝙤𝙨𝙖 $80之前都有試過呢款前菜，今次貪心啲加埋芝士🧀 以米漿加豆蓉製成脆卷餅，再加上芝士、薯仔同洋蔥等餡料，再加上香料，好惹味🔥 配上三款醬汁，我自己就覺得唔洗加醬汁都好夠味。👍芝士菠菜 𝙋𝙖𝙡𝙖𝙠 𝙋𝙖𝙣𝙚𝙚𝙧 $70有睇開我都知我食印度菜一定會嗌呢一款🫶 菠菜蓉加上香料同芝士塊，呢一間嘅芝士菠菜同樣好香好滑，相對地比較重味，配埋Naan食啱啱好😻👍 蒜蓉烤餅 𝙂𝙖𝙧𝙡𝙞𝙘 𝙉𝙖𝙖𝙣 $25即叫即烤嘅Garlic Naan，送上枱已經聞到好香嘅蒜蓉味，咬落就食到濃濃蒜蓉同香料味，無論就咁食定係配咖喱都好好味。📍娑羅婆納印度素餐廳 尖沙咀彌敦道36-44號重慶大廈105室

尖沙咀重慶大廈聽就聽得多，但原來裏面都有唔少特色菜，今次就特登入去食佢嘅正宗印度素菜，原來素食都可以咁好味😋佢個餐牌有好多都未見過，雖然有圖，但好多菜式都覺得好特別同好奇，好想試下😍._.🌶｜Paneer chilli ｜🌶見佢係Special睇下佢有幾Special先💕佢嘅配菜有好多，好濃味嘅菜式，主要以素食豆腐為主，配料好多好有咬口，而且一啲都唔辣👍🏻·🍅｜茄汁牛油燴芝士球｜🧀呢個嘅茄汁醬好多，裏面有硬身嘅芝士磚塊，味到好夾，一啲都唔膩，而且配埋薄餅咁食真係好特別又好食😋·🫓｜馬莎拉薄餅｜🥔呢個一上枱不得了，好大塊卷起咗嘅薄餅，好薄身，裏面都有配料架，滿滿嘅咖喱薯仔，就咁食已經好好食✨佢旁邊仲配埋三款唔同嘅醬汁俾你點，三款醬都好好食👍🏻·💚｜Pani Poori｜💚呢個波波數量都算多，size細細粒可以一啖放入口🙊中間果個汁可以倒入個波波裏面，一開始我見識少，覺得啲汁倒入個波波到會漏出嚟，所以就住就住🤣點知原來唔會，仲可以倒好滿，咁樣好好食🤭食食下會開始辣得好過癮🥵•🍃｜Masala Chaas｜🧊紫蘇葉配酸奶嘅沙冰，酸酸地，紫蘇葉味好出，鐘唔鐘紫蘇葉嘅味道就見人見智啦✨·🥭｜Ma

好多時都係路經門口，今次真係入來重慶大廈搵食😜唔好比大廈門面呃左，其實入面一啲都唔可怕，好多nice guy教我地搵路🥰之前朋友介紹呢間素食印度菜，所以今日特意預約過來試下，入到去未坐底店員已經安排我地有卡位坐👍 可能見我地兩個女仔想傾計比個舒適位置餐牌上都有好多款式選擇！當然我朋友已經推薦食薄餅，話係其中一樣出名食物😆最後我地order左2個主食，再加2杯飲品🔆瑪沙拉薄餅 $60🔆雜菜炒飯 $75🔆Mango Lassi $35大家來試一定要叫薄餅，因為入面既薯仔餡料加埋外面既脆薄餅，真係好好食，唔會太咸，仲要有香料既清香味道！配埋三款不同醬汁，其實一個主食已經半飽👍加上佢一上碟,塊餅好大塊, 有我隻手脾咁長另外炒飯裡面的米都比較特別，係長幼身的，食落易入口，當中有個好似yogurt既醬汁可以撈落去，口感好特別，因為加上去似減低左個辣味，呢個食法我都係第一次👍👍最後，要講埋杯Mango Lassi, 本身唸住會好伏，但估唔到好有驚喜😎唔甜之餘仲好香既芒果味，勁滑，真係值得推薦

🍪【#尖沙咀】娑羅婆納印度素餐廳💥重慶大廈隱世美食 開業15年印度素菜💥.🍪 第一次入重慶大廈食嘢😳！今次發掘呢間印度素菜餐廳，家庭式經營達15年，南印同北印菜都有。南印菜著重辛辣料理，多米飯菜式; 北印菜菜式口味較温和，且多配搭麵餅(如我鍾意嘅Naan!😍)。餐廳好熱心介紹咗幾道菜俾我地食☺️~~~~~~~~~~~~~🥔 香料薯仔椰菜 Aloo Gobi $70 (4/5)👍🏻推介！薯仔切成小粒狀，煮至軟綿綿😋連同椰菜沾滿惹味香料，送麵餅食一流😆.🧀 芝士菠菜 Palak Paneer $70 (3/5)菠菜蓉配茅屋芝士，菠菜蓉好幼滑又冇草青味，芝士食落似硬豆腐🤣有淡淡香味。味道整體較淡🫢，偏健康。.🍽 印度可麗餅 Masala Dosa $60 (3.5/5) 巨型可麗餅係打卡首選📸！啱啱煎好嘅大烤餅，一定要趁熱食♨️！入面夾住薯仔，都幾飽肚😙配搭三款清淡易入口嘅醬。.🍽 炸脆鬆餅 Chana Poori $15 (4/5)✧炸到好大個波好得意🥰！外皮好脆好香口🤤唔錯。.🍽 奶油脆餅 Paratha $17 (3.5/5)✧好似台灣蔥油餅😋，由酥皮層疊成，不過偏結實冇咁鬆軟。.🥭 芒

Aloo Stuffed Paratha $35想講呢個真係好好食，薄餅整得好香口，牛油味好香濃，裏面有好多好多既咖喱薯仔，同nann既感覺好唔同但非常好食，好葡萄北印度人日日都有呢個做早餐。Masala dosa $65呢個來自南印度既捲餅真係好大份，三個人食都好飽，本身以為係nann果類，點知原來係用飯去製成既，非常爽脆，裏面仲有啲薯仔，配上咖喱蔬菜好好味。Chole Bhature 呢個薄餅就係黎自北印度，捏開一塊配上咖喱薯仔好搭配，如果你想味道再突出啲，可以點埋少少香草醫，fresh得黎好香口。

有一日經過尖沙咀想食素菜，就開openrice搵左依間Indian food🤣⋯⋯先講餐廳環境比較普通，唔會太印度，但入面啲人就9成都係外國人，根本聽唔到有中文，啲菜式就比較單調，來來去去都係不同汁換來換去咁點咁食，主食可以揀包或飯。

第一次走進尖沙咀重慶大廈，要搞到似店並不容易，一到重慶大廈內所有人都是非華裔人士，你會收到熱情的招待，所有的對話與男士也會Hello Hello Hello來招待你，而你頭也不敢看他一眼，只有顧自己要尋找的店小，而今次光顧的印度素食餐廳，價錢實惠幾十蚊就有交易，很平民價錢，要試特色印度口味素菜，可以試試，而且可感受到人在香港，而感受到身在外地的感覺，說實在的環境尚算清潔，職員有禮有善，很本土印度文化，走進印度餐廳，香港人就是異類，食物落單靠手指示以及英語落單，印度口味香料十足,之前也光顧過別的印度餐廳，因為不是素食餐廳所以只有幾款少量嘅印度素菜，此店使用香料層次豐富吃過應該會再幫襯

此舖在重慶大廈樓上，行上樓梯，一印度人指往其隔鄰在固定時間會提供素食的封閉式印度餐廳，不過都係幫趁呢間時時提供素食的好。午時去到只見此店為兩邊相對的開放式舖位，印度裔老板娘在收銀枱和數南亞裔男店員在一邊的廚位，另一邊是一堆長方形枱和櫈，環境寬闊寧靜，成邊只有我一人入坐，用英文溝通我點了North Thali, 似乎客人主要是南亞人，餐是很印度味道，食唔慣印度咖哩的辣，我連續地用枱上的鐵水壼添水落膠杯飲解辣。快食完時，約一點半後，見其實又唔係得我一個客，因為跟住見一中國男子來點咗個炒飯，跟著又見一錫克教包頭男子與兩三南亞裔男子來，還說less spicy。大概我們下次去吃印度餐識得講這句話應該會好些。

這間餐廳就在我公司樓下, 所以經常幫襯的, 只是總沒有寫過食評 ~ 那天下午我突擊返公司巡一巡 .... 經過餐廳, 便買一盒 Palak Paneer 來吃 ~Palak Paneer 菠菜芝士 $50菠菜煮得夠蓉, 店方自製的印式芝士 軟綿又有咬口感, 汁底夠濃稠, 味道奶滑香濃, 重荳蔻、茴香味, 味道跟我在印度吃的相近, 並沒有像坊間的印度餐廳般去遷就本地人口味 .... 因此味道正確, 亦相當不俗 ~相信沒有太多的本地人會幫襯這店, 因為環境地踎, 而且通常只是印度人/尼泊爾人幫襯 .... 巴基斯坦人也不會來的, 因為餐廳的店主是印度教徒 ~(( 這店只出售素食 ))本篇完 ~