孖寶小廚

营业中

休息中

餐點多選擇！是一間具有街坊風味茶餐廳！早午晚和下午茶也有！1時巳經可叫下午茶，好正！今次同事叫外賣，我order菜遠排骨炒河，鑊氣夠！大大份！排骨肉質鮮嫩！有咬口！味道不錯，菜也好爽甜！

行開筲箕灣就去東大街搵嘢食，都係想食雞髀薯條之類，就walk in去咗呢間茶餐廳，因為深信茶餐廳d薯條好食d！一份當然叫雞髀薯條+凍鴛鴦，睇到餐牌有魚柳包（兒時在茶餐廳食好好味），另一份就叫魚柳包+凍奶茶。炸雞脾有點深色但去皮後d肉都軟d，凍鴛鴦咖啡味比較濃唔錯。魚柳包個包係脆豬包，個汁似係碎蛋沙律醬，魚柳就比想像中細咗d，魚柳邊炸得燶咗d但好脆，因有期望，魚柳唔厚，個包硬皮，醬汁似係碎蛋三文治d醬，整體同兒時食d唔同，魚柳包平平，但攞番d分數就係薯條最正，熱辣辣加茄汁，勾起兒時的味道。凍奶茶都唔錯。眼見有兩枱客叫菠蘿油，可能唔錯。地方算乾淨。

東大街嘅孖寶小廚，做街坊生好多年喇。我長年都係幫襯兩味嘢嘅啫，就係南乳齋煲同埋紅燒豆腐煲，幾乎每次去都好滿意咁出返嚟。佢嘅南乳齋煲有好多料，有茄子、粉絲、菇、菜豆腐，樣樣都爆得好香口感好好，薈返個南乳汁落去已經非常惹味，而且我係撈汁派，南乳汁撈飯一流。有時想食豆腐多啲，就會嗌紅燒豆腐煲。啲豆腐朔晒汁好入味，而且亦都會有菜同埋有爆香咗嘅冬菇，都係好正，佢哋啲煲仔菜有湯有飯仲有嘢飲都只不過係六十零蚊，抵食又好食，讚👍🏿

Uber比左$60coupon，於是就決定買啲炒粉麵黎食，揀下揀下就揀咗呢一間孖寶第一樣野，三盒嘢食嚟到都仲熱嘅，呢個好重要！海南雞飯望落去個樣就唔係幾開胃，白雪雪咁，又多雞胸，但係食落去油飯有香味，雞亦都幾滑，三種醬汁比齊，合格有餘豬扒炒烏冬豬扒份量夠多，烏冬質感一般，味道幾好三絲炒麵開頭我以為係好似肉絲炒麵咁樣嘅，點知原來係豉油王炒麵咁樣，係會有少少期望落差。不過幾有鑊氣，個人認為都係合格總結來講始終送外賣食物質素會有少少扣分，所以決定搵個機會都係堂食試一試

由於家裡面最近比較少煮飯的關係，所以我經常需要在外面找食肆，找茶餐廳食晚飯。更重要的是坊間大部分港式茶餐廳，真的能夠提供同時有牛肉加雞肉雙併碟頭飯的餐廳，委實少之又少。雖然餐廳餐牌裡面沒有提供牛肉加雞肉雙併碟頭飯，絕對不是世界末日，情況再壞最多都只是需要另外加錢，為晚飯食品追加多一款肉類，或者點多一款小食，再加飲品就能夠湊成一份完整的晚餐。但是我為免有任何不必要的誤會，我寧願在點餐之前，先詢問餐廳裡面的侍應，確認餐廳有關晚餐飯類食品裡面的餸菜肉食安排，合乎我的晚飯必須食到雞肉跟牛肉的最低要求，我才正式決定開始點餐。在光顧坊間一般的港式茶餐廳的時候，想在一碟港式碟頭飯晚餐裡面，找到同時有牛肉跟雞肉可以食的碟頭飯，最好的方法就選擇享用「鴛鴦扒飯」。不過，曾經遇上光顧某些港式茶餐廳，發現有茶餐廳設定版本的「鴛鴦扒飯」，兩款肉類竟然是「雞扒」加「豬扒」，或者是「牛扒」加「豬扒」，當然亦曾經幸運地遇到有「牛扒」加「雞扒」。但是如果有港式茶餐廳，可以讓食客在「鴛鴦扒飯」雞、牛、豬扒三款肉類食品裡面，自由選擇其中兩款的話，這樣對於食客而言，或許會是最好的結果。後來我在「筲箕灣東大街」的港式茶餐廳「孖

人流唔算特別多 所以唔使等位 😎食物有好多樣化 而且好抵食🍲🥘🍛餐具比起平時嘅茶餐廳 算乾淨🙈另外侍應嘅態度同服務都唔錯 ☺️極級推薦西多士 👍🏻👍🏻👍🏻

今日開工時間遲一點，有時間食個豐富早餐。之前只黎過孖寶小廚食晚餐小菜，無試過佢既早餐，今日試試看我點了早餐B,沙嗲牛肉米粉，腿配炒蛋。我覺得沙嗲牛肉米粉幾大碗，牛肉唔係得兩三件，價錢抵食。

絕大部分時間都係喺到食早餐，每當七點前後嘅時間，好多趕時間返工返學嘅香港人聚集於此，食個快靚正嘅早餐，準備開始忙碌充實嘅一天。最近加咗價，但都一樣抵食，一個早餐沙爹牛肉麵跟餐肉蛋方包，沙爹味不太辣，更遠用新鮮牛肉，份量絕不兒戲，個麵係用出前一丁港人至愛，侍應姐姐會比埋調味位同麻油包比你，如果覺得有需要可以自己落。個方包中間搽咗牛油，如果覺得dry可以用餐肉蛋夾埋一齊食，一個三文治就咁誕生。除咗早餐，佢哋嘅晚餐小炒菜式都好好味，最緊要係材料充足，師傅嘅手勢絕不馬虎，各位經過呢頭可以一試。

每一次黎食野其實都係下午茶時間 都係為咗黎食呢度嘅西多士呢間嘅西多士其實已經食咗好多次 暫時個人覺得係筲箕灣餐廳整西多士最好味嗰間賣相就正正常常 麵包係炸到金黃色 恰到好處，亦都見到因為麵包浸左蛋漿再炸而成嘅蛋花，再一塊正方形嘅鮮牛油就放咗喺上面，放一陣你會見到塊牛油因為西多士啱啱炸起嘅熱力而慢慢溶化當塊牛油差唔多用晒嘅時候就落糖漿，呢度嘅西多士係炸得啱啱好，而且浸蛋漿既分量亦啱啱好，唔會令到麵包淋哂第一啖食唔好落咁多糖漿先，會食到外脆而鬆軟嘅麵包又會食到蛋香味，再加上牛油嘅香味同埋糖漿嘅香甜混係口入面，再經咀嚼最後花生醬濃濃既甜味係就係口入面爆發，一個傳統茶記西士就係咁樣誕生左！

平時都係叫開孖寶的外賣，第一次走入孖寶。1:30已經開始下午茶時間，真係好好呀，連星期六都有當然都係叫平時食開既免治牛肉飯，再加魚柳包配薯條。一個傳統茶記碟頭飯，生蛋放係中間，老埋免治牛肉醬，每一啖都好好食，最重要係多汁，令每一口白飯都有醬汁包圍。好少係茶餐廳會叫魚柳包，感覺平時要食既都係去連鎖快餐店😅每一啖咬落去個包都係脆，當然要魚柳係雪藏嘅但係食得出佢有調味過，完全冇雪藏味道，再加碎蛋沙律醬。如果你問我呢個魚聊包用心程度有幾多，我會比8分。

孖寶，呢個名一聽就知係街坊茶記！身為東大街嘅街坊，梗係要搵返間主場外賣飯堂開餐。其實茶記最重要係快，靚，正。。呢間其實有做埋小菜，厨房炒粉麵，味道品質都唔錯，所以一向都有好多街坊捧場！最正嘅係佢嘅下午茶，由下午2點就有得食，仲有好多選擇。。🐯就最鍾意食佢嘅窩蛋肉醬飯！味道就係80,90年代傳統快餐店嗰種，但呢間個肉醬做得比較無咁甜，啱哂個人口味。另外再加多個炸雞肶🍗薯條。。可能係外賣關係，送到嚟個皮已經唔脆，雖然其貌不揚，但食落都唔乾柴，啲雞肉都腌得入味，都算可以！雖然好多人話東大街好多美食，每逢週末都有好多”識食之人”專登入嚟做排隊黨，迫滿哂條行人路，為求食返碗”出名”嘅什麼腩粉麵。。但個人認為，寧願食返間地道街坊茶記仲好，起碼唔使排餐死！

這天和朋友去筲箕灣逛下，  途經東大街， 因為行到又攰又肚餓，所以便進入了呢間“ 孖寶小廚“吃下午茶抖下！  看到餐牌， 下午茶供應時間係1:30pm to 6pm. 1:30pm 就有下午茶食，又幾不錯，因為好少咁早就有下午茶供應！                                          下午茶時間都幾多人， 好彩剛剛有人離座，有一張卡位， 我地可以坐得舒服啲！  下午茶有14款選擇， 奉送咖啡或茶 。我同朋友揀咗乾炒牛河同埋炒貴刁， 一杯凍檸茶和一杯凍奶茶！ 等咗五至十分鐘， 我哋就有得食啦！ 兩碟嘢都炒得幾有鑊氣 ， 不過就比較上幾細碟， 可能係因為下午茶緣故掛！ 乾炒牛河都幾多牛肉， 牛肉幾大塊同都淋， 加埋牙菜和洋蔥，味道ok！ 另一個炒貴刁 , 有牙菜、豬肉絲同蝦仁！ 雖然外表辣，但一點也不辣，味道不過不失，ok的！    至於兩杯野飲，也是ok的，而且都幾大杯！                                                               我哋五點入去食，坐到六點鐘左右，便紛紛有人進來吃晚飯，餐廳都陸

又是東大街攻略，友人蒸魚癮起，想吃蒸魚，聽他說附近有幾間的蒸魚都不錯，但價錢稍高(約$70-78套餐)。後來他發現有間外觀很善通很典型的茶記"孖寶小廚"有孖寶餐，便挾著浪子前來。孖寶餐即係二人餐，要兩個人食先抵食，而且不單是蒸魚咁簡單，仲有金銀蒜荷葉籠仔蒸某某飯。才不過$115包湯包餐飲。浪子心想一間茶記竟然咁有心思整一些茶餐廳不常見的套餐，又確係值得一試，便陪友人到這裡"尋寶"。其實除了這個套餐，一般茶記的小炒，碟頭飯，常餐等都是存在的。不過浪子覺得這個套餐較特別，所以就只影這個餐牌。餐牌有底面兩邊。如果叫蒸魚套餐，白飯是另上的，可選擇的小菜就較多和面值較高。叫籠仔蒸飯，可由白鱔，班片，鮮魷和海鮮揀一款，再在下面的小菜四選一。我們選了紅燒豆腐。等了約15分鐘，兩個餸都是即叫即蒸的，十分新鮮滾熱辣。先講金銀蒜籠仔蒸班片：金蒜香，銀蒜味濃，完全不似茶記出品的貨色。班片當然不是貴價石班，但魚肉蒸得頗滑，不失魚味。飯底勁厚，絕對不止兩碗份的份量。神奇的是他們無落鼓油，卻有蛋白。原來白飯是撈了蛋白的，吸收了魚和蒜頭的味道，成了一碗十分出色的有味飯。紅燒豆腐是不折不扣的素菜。一條肉絲都沒有。份量

是日來到筲箕灣與身邊人辦一點事，但女友遲一點才來到於是是但但尋找一間茶記吃個中午飯，也不會想得太多。行到東大街不愁沒有東西吃，不過只是想到那一間食店，而且以茶記居多。由街頭行到街道中間，有間名為孖寶小廚，就求其是但走了入去。行到入去，店舖較為正方，而且完全是茶餐廳格局，有卡座和可以坐六個人的長枱，而對著的正是水吧和廚房位置，可以看見水吧的侍應工作情況。餐廳以小廚為名，當然以炒小菜為主，可是又有午市套餐，一個人當然以簡單為主，，兩個人就可以叫餸食飯呢！侍者先送來一碗羅宋湯，羅未湯色澤對辦，有紅蘿蔔和椰菜等，味道有酸甜，但是亦有微微的辛辣味道，是可以接受的，而湯面沒有油脂，可見是較健康的。燒汁雞扒煙肉飯是較少見的菜式，雞扒和煙肉併在一起，實在少見，雞扒較死實，未見鬆化也未見滑溜，但是都有點噣勁，煙肉則較腍沒有脆感覺，雞皮的油脂也相對較少，也不見得很脆。熱奶茶較好，甘醇度適中，回甘味也不俗，茶與奶的比例也算是適中，沒有影響了茶味。是日午餐的味道較為港式，也是典型的茶記味道，不過整體都算不俗，可以值得一試的。而服務都幾滿意的，行動都幾快捷及勤力。

喺東大街逛左差唔多20分鐘都諗唔到食咩，見到孖寶小廚個set lunch有焗飯，連埋湯+餐飲，$38（原來外賣要加$1，比錢時先知），咁就試吓啦！番到屋企打開個袋，嘩！好大盒！佢係用圓形既錫紙兜，唔係一般茶記既四方形盒，所以size係大好多，唔怪之要差唔多$40盒咁貴啦！「焗芝士白汁石斑飯」：白汁幾香，唔會太咸或太淡，但汁既份量就可以多番少少，因為咁大盒，自然要多D汁撈哂D飯啦；面頭既芝士夠多，起碼有1/3盒係鋪左芝士；墊底既蛋炒飯炒得好好，夠乾身而又粒粒分明，唔會炒到好油；石斑（即係魚柳啦）係煎完再放上飯面攞去焗，都有兩大塊咁多。除左個飯，佢個奶茶都做得幾好，好香奶味同夠滑，飲到最尾又唔會有D茶渣粉沉底；個紅湯都好足料，但又左D！$40唔洗就食到飽飽，好滿足啊