孖寶 (已結業)

雖然上水小店都唔少，但西餐之選就比較少。今次同男朋友去到唔太起眼既橫街入面既孖寶食個西餐。我地星期一晚8點左右坐低，入面已有唔少客人，食既中途都仲有客人黎到，睇黎我地真係無揀錯餐廳。餐廳環境暗暗地，靜靜地係情侶同朋友傾下計食個飯唔錯既選擇。難得有餐牌揀既字體係有心機揀，令我對食物增添左份期待（職業病🙈）仲有連男朋友都讚既插畫🤗店員可能見我地第一次黎，向我地推介左德式豬手同埋豬鞍架，但係我地一眼就Scan到隔離枱既牛扒太吸引，我地點左美國1855安格斯肉眼扒，再點埋我地既大愛墨汁海鮮扁意粉。野食好快到，先到既係墨汁意粉，一上枱，明明係放左係男友前面，但我係自己個位已經聞到好好好香！差啲相都唔影就食左先，上枱之後仲吸引！墨汁包圍每條意粉，意粉真係黑過墨汁啊😂，意粉有彈性，而一上枱就聞到既香味應該係來自大蝦，入口之後大蝦香味不喊！好味啊！呢個意粉應該會成為我地下次再黎既膽拖之選！後到既牛扒賣相都好吸引，用木板上，再加上各種顏色鮮豔同埋炸到橙黃色既既薯粒，視覺先食！我地點左5成熟，肉既鮮味係我地意料之外，佢地揀既部位真係揀得好好！男朋友話邊邊既膏係比肉更香！仲有不得不讚既係呢個牛肝菌汁，無論點

係北區好難搵到一間好食既西餐 ，今日竟然俾我誤打誤撞搵到一間高質西餐廳。 平時其實成日行呢條街，但一直無為意有間咁既餐廳，到今日搵西餐食先留意到佢，就入去一試。 舖頭好舒服，店員勁有禮貌，介紹唔同既是日推介，見我有選擇困難更主動上前介紹店內主打，見到佢仲會同唔同客人傾計，感覺好溫馨，好耐無遇過咁既小店。 店員推介左幾道招牌菜，手打牛肉漢堡、羊仔柳、德國豬手（但太熱氣） 最後都點了羊仔柳，好小聽，有點期待。 7:30前點主菜餐湯及飲品送， 仲有意大利香草麵包做餐包，好有高級西餐廳既feel. 南瓜湯好滑好creamy 睇得出店主落左心機。 香煎牛脷，好大片，配埋黑醋沙律菜，相當唔錯 ，牛脷好爽，唔同出面既感覺。 尼哥斯沙律，讓我想起尼哥湖水怪， 配搭好新奇，醬汁應該都係自家製，有甜甜蜜糖味，食得出廚師花的心機，想問佢拎支自家製沙律秘方番屋企整。 吞拿魚超新鮮高質。 主菜羊仔柳，七成熟配牛肝菌汁 ， 果然好嫰口， 入口即溶，店員仲好細心咁拎左薄荷醬，配埋真心好正，配菜同樣相當有質素，薯仔用牛油忌廉煮過，平時我唔食薯仔，但佢咁煮好入味，好小可清晒所有配菜。 不得不提是日推介：蟹籽蟹肉忌廉意大

成日都係孖寶食早餐，趁節日同屋企人去試下晚餐食物方面，餐湯唔錯，麵包有專登先行烘過，雖然略乾，但誠意十足 主菜有驚喜，我點燒豬鞍充滿肉汁，配菜亦豐富，二百蚊以內有此質素已經好好。唯一係跟什菌醬不太配，下次可以另選其他醬汁同行有人點了羊扒，叫六成熟有六成熟，味道唔錯，仲附上薄荷啫喱，可以一試另外有墨汁意粉，意粉質地正常，分量亦十足，墨汁我冇深究，唔識評論唯一係燒比目魚比較一般，份量也略嫌較小我叫了抹茶鮮奶作餐飲，抹茶味濃，仲有靚拉花。另外因爲是日係父親節，餐廳送比每位爸爸一枝藍妹，確實有驚喜！至於服務就真係令人難忘，亦令我決定打食評：餐廳空間有限，但員工經常高聲講野，不乏呼喝客人既場面，令到餐廳長期都好嘈，對比早上時段，同樣既一流，夜晚可能會嘈一倍員工唔太理會客人感受，雖然係節日，預計人流多或者人訂枱，但我地六點 walkin，有職員竟然要求我地六點九交枱。除非唔容許我地入座，否則食個晚餐一個鐘都係基本啦，後來係我地要求下，職員先願意接受七點交枱P.S. 七點半前埋單可以免跟餐價($28)，主菜免費加湯同餐飲。

今日去左呢間位於上水嘅Twins Bistro食晚餐，睇中呢間野嘅原因就係呢個餐牌嘅圖畫，好喜歡呢個風格嘅畫風，所以就入左去喇。入到去裏面，裝修都好靚，寧靜、舒適，又係拍拖嘅好地方。德式豬手配蜜糖芥末醬外層做到又脆又煙韌，而豬手的肉質嫩滑，味道唔會鹹，好怕d豬手好鹹，但呢度味道非常好。配上蜜糖芥末醬，甜甜地，唔會辣但好香芥末味，將豬手嘅肥膩度減低，一定要試安格斯牛肉芝士漢堡漢堡size都唔細，包面有烘過，做到外脆內軟。而牛肉肉味濃郁，煎得唔會過熟，肉汁豐富，配上生菜，番茄同厚厚嘅芝士，一層又一層咁疊加，真係流晒口水。醬汁酸甜，非常開胃，成個漢堡嘅層次好豐富 ，好滿足。呢度飲品款式好多，樣樣都好想飲。最後豬揀左呢個抹茶牛奶，心形嘅拉花，又係IG 放閃嘅好時機。濃濃嘅抹茶香，配上香滑嘅牛奶，甜味自己控制，由於冇抹茶嘅苦味，豬會喜歡就咁飲，好香牛奶味。嘅餐廳，有機會要再黎

上水可謂是自成一角的地方，餐廳主要集中火車站附近。但沒想過這個很多大陸人及藥房的地方，竟然都有高質西餐廳，而且價錢親民，算是對上水人一大福音。餐廳名字「孖寶小館」，主打西餐。意粉、意大利飯一應俱全，價錢亦只是幾十塊。而且加$28可轉套餐，有餐湯和餐飲。是日餐湯是蘑菇薯蓉湯配餐包。餐湯賣相精美，蘑菇味濃，加上薯蓉口感up⬆️，口感軟滑，高質主菜上枱前，先叫一客炸薯條配黑松露醬做前菜。黑松露醬為餐廳親自調較，松露味好突出！配上香脆薯條香口又惹味主菜豬手份量非常巨，足夠2-3人分享。外皮非常香脆鬆化，豬手肉不會烤得太乾，肉汁仍保留到！$168有這個質素的確令人驚喜另一主菜墨魚汁海鮮扁意粉亦很不錯，首先海鮮好新鮮，虎蝦大隻又彈牙。意粉有咬口，加上墨魚汁提鮮，$92抵食最後以大大杯凍檸茶作結，兩人埋單才$300多，好抵食！以後一定會多去！

孖寶小館餐廳佈置以簡約為主，坐位舒適，值得－讚是服務員態度很好，禮貌十分好，非常重視客人感覺同口味。先送上餐湯同餐包，餐包係香草包同一條脆脆麵包條，味道很好，香草味幾特別。80Z安格斯牛肉芝士漢堡，一上菜賣相已經好吸引，芝士得剛好，漢堡麵包哄得外脆内軟，牛肉漢堡扒係自家掣的，口感JUICY，一D都唔乾，7成熟，味道濃郁，加上芝士、蕃茄同洋蔥幾樣野一齊，食落口感豐富，還配上了薯條及沙律菜，薯條炸得香脆，沙律菜新鮮，配上少少黑醋，非常醒胃。德式豬手配蜜糖芥末醬，豬手已經切好，方便不用自己切，外皮香脆，豬手肉軟滑，味道不會太咸，俾好多德國餐廳煮得更出色，加上特別調較既蜜糖芥末醬，味道更豐富滋味。今晚既晚飯經驗很好，店長為每檯客人耐心介紹食物，服務員真係細心有耐性， 我個人非常欣賞這種熱誠服務態度，加上價錢好抵食。

因為就快搬入上水，呢排就嚟密左上水視察環境。估唔到呢個除左大陸人同喼既地方，竟然仲有一間隱世水準西餐廳餐廳環境走工業風，侍應個個好有禮貌 我地叫左兩個主菜，轉左set有餐湯同餐飲餐湯係蘑菇薯蓉湯。望落去好有高級餐廳感覺。個湯口感好滑，加左薯蓉多左口感，好味！除左兩個主菜，我地仲叫左個炸薯條配黑松露醬。係老細口中得知，呢個醬係由師傅親自調配，而且好受客人歡迎！而的確除左黑松露味好濃，仲好creamy主菜豬手份量十足，外皮脆卜卜！肉質鮮嫩！無唸過呢個價錢咁有水準！配蜜糖芥末醬特別match另一主菜同樣出色，意粉有咬口，虎蝦同帆立貝大大隻！配上鮮味墨魚汁成功俘虜我，最緊要大大碟，好抵食呀！

上水呢個地方對我而言,是好遙遠的地方,據我所知,上水有很多自由行同埋水貨客,而我性格中意探索新地方,今晚路過上水,幸運地可以約到朋友陪我食dinner。孖寶小館在上水的新城路,附近食肆林立,只要查下地圖,好容易去到。一入餐廳,待應好熱情地安排我地入座🤗。打開餐牌，真是好多選擇，樣樣都想食,同朋友商量一下,於是叫左二個set dinner,有湯、面飽同埋飲品一杯,另外加15元有特飲添。香烤羊仔柳配牛肝菌汁香蒜辣椒白酒蜆肉扁意粉脆炸芝士條豆腐黑糖沙冰薄荷朱古力羅宋湯 。用左新鮮蔬菜用心煮，絕對唔係唔係罐頭湯脆炸芝士條可能掛住影相,令芝士凍左,記得唔好相機先食呀,重要的事,會重覆講三次記得,記得,記得要趁熱食呀,如果有埋。溫馨提示。咁我哋就好啦。記得趁熱食脆炸芝士條豆腐黑糖沙冰由於最近天氣酷熱,要食冰至為解暑! 有濃濃的黃豆香味,而且一點唔甜同埋黑糖好夾。 香烤羊仔柳配牛肝菌汁羊仔柳好期待呀,送上檯時,熱辣仲好香添,7成熟火候控制剛剛好,不會煮得太老而且入口鮮嫩,還可以保留香甜肉汁,配埋牛肝菌汁,仲提昇左羊仔柳鮮味。其實它的伴菜仲好正,有薯仔,西蘭花,椰菜和紅蘿蔔。每份餐都是即制一點不馬虎,

工作四圍去，最開心試未食過嘅餐廳，同事們一起，去到呢間，店內8成滿，要等位，10分鐘後有張4人枱，我哋同事要自己問旁邊嘅四人枱（只有一個女仔）介唔介意我哋外面3個人搭枱，佢唔介意先可以一齊坐，呢間食西式早餐，餐牌都幾多選擇，店內西餐廳格局，桌椅唔迫，有啲油畫海報裝飾，黑松露炒蛋+牛扒+薯餅（$37）賣相不錯，黑松露炒蛋雖然好多黑色點點，但無乜松露香味！蛋就炒得幾滑，薯餅香脆乾身，長條牛扒有牛味，但肉質較硬同邊位嘅筋好韌，沙律新鮮爽脆，加少許黑醋汁已經好味！伯爵茶：透明玻璃茶杯好靚，有茶隔，杯蓋就可以放茶隔，而且雙層玻璃唔辣手，伯爵茶幾香濃！同事食：黑松露炒蛋+牛扒+忌廉湯蜆殻粉（$37）班尼狄蛋+煙火腿+多士（$34）歐陸早餐（$31）黑松露炒蛋+煙牛肉：黑松露炒蛋+雞扒+薯餅（$37）班尼狄蛋+煙牛肉+多士（$34）加勒比之夢：凍Cappucino:熱咖啡：凍檸茶：食物幾好味，店員得一個，明顯唔夠人手，食物亦要耐心等（明白唔係茶餐廳）女店員慢慢的，一樣接一樣做，跟自己步伐，有禮斯文的！間唔中試到西式早餐，不錯

是日上水收工，☀️太陽伯伯仍然加油中，我😎唯有搵間餐廳邊迫過太陽伯伯邊等我幸尼。來到新成路有間好吸引我的餐廳，白色雅緻門面招牌叫 TwinS 就這間吧！店內設計都幾簡潔，牆上掛了多幅美食相片，相信主題菜一定會是咸豬手及漢堡飽。 野菌忌廉湯配香草包食落有粒粒野菌啖啖都好有口感😋8oz安格斯牛肉芝士漢堡 $98🍔果然招牌菜，靚仔哥哥好詳細介紹每一件安格斯牛肉是由廚師👨‍🍳堅持親手打造，難怪每口咬落鬆軟厚實，肉味香濃😋M5 紐西蘭肉眼扒 $178有驚喜！只付街坊價錢卻食到高質食材，這還不是算驚喜嗎？😁牛扒咬落牛味濃郁且豐腴🥩，很難想像牛扒有如此幼嫩軟滑，一問之下原來又是嚴格的廚師要求，他確保每件牛扒保持新鮮肉彈故只會存放三日，更會為每件牛排挑起根位，故咬落軟綿不帶根👍！👨‍🍳🙏🏻另外我最欣賞的是連配菜都絕不遜色，薯仔是混有忌廉芝士一點都不馬夫。豆腐黑糖沙冰 $15沙冰飲得多豆腐沙冰還是第一次，香濃豆味非常清香細滑，實屬消暑涼品，妙👍！下次我要試豬手幸尼就話要試羊扒👍👍埋單都是$291 嘩....這個街坊價錢卻食到這樣的食材，沒有抵字只有更抵，今晚總算沒有走錯門口！孖寶的取名原來是來自這家餐廳老

到朋友屋企附近食飯 見到呢間餐廳食物唔錯 價錢合理 環境寬敞 就選了這間作晚餐選擇不算多 但精簡 令人好易選擇新鮮紐西蘭藍青口配忌廉汁-藍青口新鮮已經夠鮮味 忌廉汁好香好濃 配埋洋蔥粒 非常有口感 忍唔住一口接一口咁食黑松露雜菌意大利飯-好有驚喜 意大利飯煮得剛好 唔會太淋太硬 雜菌數量多 基本上令一啖都食到雜菌 滋味十足醬燒芝士豬肋骨-份量不小 啖啖食燒得岩岩好 配埋薯條真係一流豆腐黑糖沙冰-用豆腐做飲品好小見 所以試下 估唔到好fresh 豆香好濃 襯番小小黑糖 有陣香味又唔會過甜 綠茶牛奶-綠茶味香濃 飯後飲一杯令人暖暖的 唔會過甜 飲完好滿足朋友試完都話做得好出色 會再帶屋企人幫襯

同中學同學一齊番上水食晚餐🤗聽講新開左間好食既cafe 就去試試海鮮risotto蝦好味 risotto都好有鮮味不過白色個舊野好un 同冇咩味🙈玫瑰花茶好香好清新～飲完即刻覺得個人健康左😆下次黎可以試下佢既burger😋

上水啲物價越嚟越貴越,但餐廳食物質素反而每況愈下，要搵一間有食物質素, 而價錢又合理嘅餐廳越嚟越難。 呢間cafe嘅價錢話唔算好平，但係勝在食物質素唔錯，再包埋杯意式即磨咖啡或花茶，抵返晒。 套餐包埋餐湯，蘑菇湯飲落味道唔錯，蘑菇切得好碎， 飲落充滿蘑菇嘅味道。 兩杯意式即磨咖啡都沖得唔錯，有濃香嘅咖啡味。上邊嘅係玫瑰拿鐵，飲喝淡淡玫瑰香，芬香撲鼻。 下面係榛子咖啡，榛子味道好出。 紐西蘭肉眼扒配黑椒汁，叫咗五成熟，肉質幾淋幾嫩， 食落唔覺韌，有成七安士，大大塊夠曬飽。 意粉唔係平價嘅意粉，幼身得黎質感偏硬，意粉充滿香草味。美中不足係黑椒汁，唔夠黑椒味，如果在重未啲就更好。 香草燒春雞配燒汁，燒春雞肉質鮮嫩，尤其係個雞髀位 更加嫩口又有肉汁。雞皮燒得好香，好惹味。燒汁做得比黑椒汁更出色，更有味道。

星期六最好同家人食餐好，孖寶小館係我偶然行過見到餐廳名好有趣，望入餐廳坐滿人，好奇心驅使我入去食，然後發覺食物結論係快靚正，如是者食過幾次，今日又黎擦過！我最鍾意食榖飼豬，食落好嫩滑，厚度絕對夠，所以口感好實在，切開中間見到剛好熟透又唔會過老，而燒汁我好多時都要另外再加，我都好欣賞燒汁同個扒配搭，如果用黑椒汁反而太重味，個意粉亦都好入味，用蒜蓉炒香，大人小朋友都好適合。另外一提，佢地餐湯，南瓜湯非常好味，好重南瓜味，又滑又夠濃！餐廳服務員真係細心有耐性，因為我地帶住小朋友，一開始已經安排較多空間既位置，提醒某刀具留意唔好整到小朋友，最後又會問下我地對食物既意見，十分欣賞他們的工作態度而且價錢真心好抵食。

今日黎搵朋友, 朋友帶我黎到呢間西餐廳食晚飯, 坐位不算多, 好彩我地都有位者, 哈哈….朋友介紹了吞拿魚沙律$88, 賣相吸引, 呑拿魚沾了黑椒微微的煎香, 沙律菜新鮮, 還加了薯仔&雞蛋, 好豐富.80Z安格斯牛肉芝士漢堡$98, 一上枱好吸引, 芝士得剛好, 包皮也哄得乾脆, 牛肉口感JUICY, 一D都唔乾, 幾樣野加埋一齊食口感豐富, 還配上了薯條&沙律菜, 薯條炸得香脆, 會食上癮, 哈哈…..另外仲有呢個德式豬手配蜜糖芥末醬$168, 豬手碎上, 好方便不用自己切, 外皮脆脆, 味道不太咸, 點埋呢個蜜糖芥末醬十分夾, 哈哈…配菜又有我地最鍾意食既薯條.我地還+$28有餐湯&餐飲, 餐湯係忌廉磨菇湯, 用磨菇打碎而成, 好濃郁. 另外一人叫左柸咖啡嘆下先.