孖寶 (已結業)

今天假日想著去以往常光顧的小館吃個午餐，Menu內都是熟識的餐點，點了肉醬意粉及Rose latte (熱），先到的是意粉，真的很快便上碟，但意粉的質感像即食意粉而且還碎碎的（美極品牌即食哪種），和以往好像不大相同。接著來的是飲品，最失望的是那杯Rose latte（跟餐要+15)，驟眼看好像是用機沖出來的，因與以往的樣子不同，喝下咖啡味淡（超熱），只喝到甜味，很想叫他們可否加多個shot俾我......我記得以往是手沖很好喝的。

上水區的西餐小店不多，決定再幫襯孖寶！驚喜地，剛好轉了餐牌，水準又再提升了！1. 蜜汁雞翼 (非常推介)一碟有六隻，好抵食而且秘製蜜糖汁甜度適中，出面未試過咁特別的汁！好好吃呀！2. 帶子牛油果意大利飯（非常推介）第一次食用牛油果整的意大利飯，好驚喜！味道好清新！而且帶子好大隻呀！3. 洋蔥圈炸得岩岩好，不會油立立！而且分量多，又有少少沙律菜！好味！4. 加拿大黑毛豬 熟度剛剛好！而且肉質鮮嫩多汁！店員好細心講解如何烹調，非常有禮貌！有水準而且環境好！推介！

首先小編在這裏吃了個早餐，然後發現食物質素和價錢都不錯，性價比高，所以在下午茶時段和第二天也再來多次。先說他們的早餐，早餐是沒有菜單的，小編要的是貝殼粉配三文魚、沙律和松露炒蛋，配送餐包和熱飲，要了杯玫瑰花茶，這裏總共大約$32。食物很夠熱，貝殼粉的質地不會太軟身；三文魚的煙熏味很突出；沙律菜尚算新鮮；松露炒蛋就有點過熟；花茶很香。而下午茶就與友人一起來，要注意一下，下午茶時段(2時30分至5時)是不配即焗麵包和餐湯，要在午餐時段(11:30至2:30)才會配送。因為小編看到餐牌上的午餐和下午茶下面的一行小字寫着配有麵包和餐湯，但在菜單的最下面又寫着下午茶時段是不會配送的，所以覺得可能會有客人有機會看不清楚。回題，要了兩個套餐：煙三文魚凱撒沙律($48)，三文魚只有2小片；麵包粒很鬆脆；沙律菜很新鮮，這個餐完全不會飽肚，性價比就有點低。跟餐要了杯茉莉綠茶。第二個是黑醋汁雞絲扁意粉($38)，奇怪地來了的是普通意粉，而不是扁意粉；意粉和雞絲的份量是正常；黑醋汁不突出，這個餐性價比算是中上， 這個價錢不要求有多美味，勝在便宜又飽肚。跟餐要了杯奶茶，很香。第二天，小編又再來吃早餐，這次就非常

上水原來都有休閒舒適既西餐店，仲要距離火車站只有5至10分鐘既路程。同朋友經過上水吾知有咩食，點知撞到呢個裝修特別，服務態度主動，加上人客吾會過多既餐廳，真幸運!約朋友係到聚下真係吾錯!當然要介紹翻啲食物質素喇，我個人建議夜晚可以食佢既dinner set ，有個特別又入味既湯，配埋加上香料既包，先讚好!令外加左個小食， 魷魚洋蔥圈配他他醬 ，香口，鮮，開胃，正!當然有主食喇，今次我同朋友選擇既係加拿大黑毛豬胺同肉眼扒，豬胺真係好腍，加上啲肉汁，配埋個牛肝汁，推介推介!真係好配，吾搶味又食到肉汁既香!至於肉眼扒，個人建議5~7成熟，岩岩好，因為佢一定吾會過韌，加上佢嫩嫩既肉同汁，真係個得性價起高!價錢平民，質素高級，呢個肉眼扒真係一啲都吾失禮。放心，主食中有一啲鹹鹹既薯仔，又香又好食，吾點汁已經夠曬味!所以一定夠飽。套餐仲有一杯野飲，見到有花茶既選擇，雖然我冇試，不過都覺得幾特別，推薦!值得回頭，性價比高既餐廳，真係吾好錯過，環境服務食物都好高質!讚

想支持小店經營嘅話，去上水舊墟就啱喇。今日就約朋友去孖寶小館，試下依間西餐正唔正😁😁餐廳入面，有塊大黑板寫滿哂人氣精選，幾有心思孖寶小館嘅款式都好整全，有成11款頭盤同小食但係由於太肚餓，就無試到，直接叫左3個main course🤤🤤兩個人叫一份pizza, pasta 同肉眼扒，簡直係大滿足！開波黎個南瓜湯同香草包都好唔錯，個湯完全無青草味好濃！足料，讚！Pizza叫左意式風情薄餅，最正係超濃郁芝士味，有齊車打，水牛同巴馬臣芝士。仲可以拉絲🔥🔥如果鐘意偏薄餅底，就perfect 👍🏼最正係 紐西蘭肉眼扒5成熟剛剛好，入口肉汁就湧哂出嚟，肉味夠濃 肉質都夠冧。點埋牛肝菌汁 肉味重甜左🤤🤤🤤至於，墨魚汁海鮮扁意粉都ok，但我個人重口味，如果咸d就更好味，自己加下Pepper吧~大蝦肉爽，仲有其他海鮮😋今次就無試頭盤，但係見隔離枱叫左香煎牛脷，賣相都好吸引！下次試先！飲品方面，紅棗熱飲都ok ah，個杯係好貼心嘅設計，保暖又唔驚熱親手仔

今日同阿仔走到上水，呢區除咗新式商場， 大型連鎖店，藥妝店，行入少少，感覺唔同晒，走入舊街，唐樓地舖發現有間西餐廳，即管一試餐廳一邊牆作為黑板，貼滿menu，仲有寫上粉筆字。播着英文歌曲，坐得幾舒服寫意一人一個set lunch，包餐湯，麵包，飲品。 香草麵包加一條餅乾，睇得出花過心思，香草麵包幾清新。香煎三文魚意大利飯份量十足，三文魚含有omega3，對腦部發展相當重要，阿仔真識揀。三文魚煎得好香，魚皮香脆，裏面仲保留肉汁。意大利飯唔會話好硬，濃濃的忌廉配上洋蔥，蒜，雜椒，味道香濃。紐西蘭肉眼( 7安士)配黑椒汁揀咗七成熟，跟飯。意外驚喜，肉眼煎得好香，鮮嫩多汁，肉質細嫩。呢度set lunch可以配花茶，但係呢幾日真係太熱啦，我都要叫番杯凍檸茶，阿仔就跟咗杯梳打。舒舒服服食咗個lunch

放工後陪男朋友去上水攞野，諗住順便食埋飯，所以一早就上OpenRice 睇下有無乜野餐廳推介？發現尼間都幾多正面嘅comment，於是就決定一試！ 餐廳外同附近都有好多錶位，楂車去嘅朋友泊車都好方便見到本menu就知道又係最煩惱嘅時候，打開一睇，尼度食物選擇都唔少！今次就打算試一份扒同一個比目魚，加上19:30前order main course 就送餐湯、飲品，都算幾抵！是日餐湯：忌廉南瓜湯配餐包扒方面，我地叫左紐西蘭肉眼扒五成熟，可惜over cook 左，肉質麻麻再嚟輕煎比目魚，份量足，肉質都算嫰滑，但味道一般！餐後我點左杯Rose latte，賣相唔錯，重有淡淡玫瑰香，竟然係尼餐飯嘅亮點本身都好支持小店，尼度重有好大進步空間，希望佢地努力改善食物嘅質素！

唔睇openrice都唔知，原來上水係無乜西餐廳選擇，所以重重覆覆地我同1個朋友又去咗孖寶小館食dinner佢個精選晚餐係抵既，可惜咁啱無一款啱食，所以唯有散叫啦。叫咗個小食，黑松露醬配薯條，幾十蚊幾平又大碟，唔錯喎，不過食完啲醬如果要再加就要$10，我們見淨剩唔算多薯條，就沾免費既蕃茄醬就算啦主菜就食$88既香蒜辣椒白酒鮮蜆肉扁意粉，少少辣OK惹味，我就略嫌收油收得太多，搞到意粉有啲爽身，如果加番少少白酒就無咁乾啦。蜆的數量都滿意既，擺盤都靚，平民餐廳黎講算唔錯啦

今日同朋友去食，諗住網上個個讚好以為唔差，點知一試就中伏😥叫咗一份肉眼扒，叫佢五成熟點知佢嚟咗七成半熟，一食落去好難入口，肉質乾身而且冇肉汁，再加上淡而無味嘅燒汁，簡直令人氣憤😡薯菜嘅薯仔一夾就爛，而且難食，菜用水煮完全無味，成個餐冇一樣好食仲有個湯，南瓜湯，但唔知點解會有發臭左嘅芝士味，極難飲。我個朋友試完都話好差，食完餐飯好似冇食過咁，之後再去麥當勞再食。呢餐飯每人$200，但我覺得去大快活食仲好過喺呢度食。

今晚要到上水工作，再次到「孖宝小館」，上次食午餐已經是半年前的事。在餐廳留意有很多熟客光顧，待應跟他們聊聊天，細心招呼，介紹食物，充滿親切感！同事都是牛魔王，見到餐牌有「牛」一定不會錯過，而我就選擇意粉。南瓜湯配香草麵包及餅乾條凱撒沙律，新鮮的沙律菜，青新可口！紐西蘭西冷扒，厚厚的牛扒，七成熟，肉嫰牛味濃，特別選配牛肝菌汁，美味極了！伴菜有薯仔，西蘭花，椰菜，蕃茄仔及翠玉瓜，足夠的蔬菜，均行飲食。墨魚汁海鲜扁意粉，材料有青口，虎蝦及鱿魚。意粉有蒜香味，整體味道非常好😋😋😋！不過，食完墨魚汁意粉令到滿口黑😆😆😆😆，非常攪笑！大大隻的虎蝦，非常彈牙。雞蛋布丁甜品，作為一個晚餐终結，大滿足。晚餐時段，每張枱上放上小蠟燭增添氣氛！

上水人多Gip多，要搵間可以靜少少既餐廳都唔易。今次星期六午餐唔算多人，餐廳環境都Ok，野食方面不過不失.Roasted Thick Cut U.S. Grain-Fed Pork Chops w/ Gravy@豬肉眼配燒汁 （lunch $78)豬排厚身，個人覺得煎耐左少少，略過熟，但可接受.Creamy Risotto (Lunch$62)I like this one!Creamy and seems have baby scallops! Tastes good! 足料，食落似係落足Cream 同芝士！芝士控表示喜歡💕野飲可選花茶，雖然係茶包，不過算唔錯。.不過餐湯略為失望，應該係粟米湯，但無咩味，偏淡。.

試想想係上水區除左藥房、連鎖式快餐店，竟然仲有一些用心經營既餐廳，係好值得慶賀。今次一行8人黎到呢間西餐廳食晚飯，由於店面細，所以我已經一早book定位，由於我地多人，我地食左好多唔同既野，個牛扒、rips、豬手係超級大份，超抵，但由於同行有小朋友，、所以牛扒叫左佢煎9成熟，個人覺得太熟了，有點浪費左，但rips、豬手仍然保持水準，好香好脆，食完下次會想再去食，而每樣主食都會送薯角，係多到食唔晒。最後8個人食左一千多D，係抵到爛，如果你早過7:30到，佢係會送餐包、餐湯比你，真係好抵，以小店黎講，係製作用心，平靚正之選。

趁下午茶時到訪此店，點了西冷牛扒，還可選配飯，意粉及薯菜。先講牛扒，肉質很嫩滑，沒有筋，肉汁十分很鮮味我選了意粉，它竟然是我致愛的蒜蓉意粉，十分可口。小店座位約20個，環境舒適，裝修簡單但很有格調。

是日咁啱要去龍琛路體育館打波，於是放工後就約埋波友喺上水食埋dinner先去做運動。好耐無嚟過上水覓食，所以就誤打誤撞咁入咗呢間「孖寶小館」，睇個名以為係茶餐廳食小菜同碟頭飯，點知睇個menu先知係西餐，個名又真係改得幾特別😂👍🏻咁我哋就散叫，叫左尼哥斯沙律、80z安格斯牛肉芝士漢堡同bbq精選薄餅。尼哥斯沙律：開頭唔知係咩黎，原來係吞拿魚，吞拿魚不吝嗇，有好多塊，有黑椒包圍住，好惹味，沙律菜新鮮，加上蜜糖，十分醒胃！80z安格斯牛肉芝士漢堡：調味恰到好處，牛肉唔會好鹹，而且肉質鮮嫩，一啲都唔韌！特別一讚，包皮烘好鬆脆，塗上牛油，外皮芝麻極香！bbq精選薄餅：即叫即整，熱辣辣，皮脆餡料足，餡料鋪滿成塊薄餅！環境方面，座位舒適寬敞，帶埋一家大細嚟食都好適合，我食飯就最怕同隔離枱痴到實一實，同前後枱又背對背貼埋，所以呢間餐廳係坐得好舒服👍🏻服務方面，店員有禮，亦會主動介紹餐牌上嘅重點食物，令食客有賓至如歸嘅感覺！我7點到餐廳，佢仲提我地，原來逢星期一至五，晚上7點半前叫食物，會免費加餐湯，好在快落單，感覺好抵！

同朋友係上水區約食西餐千辛萬苦揾到一間，非常高質素！特別推介：羊仔柳七成熟， 肉質岩岩好！美味！第二推介：Pizza用左三色芝士（水牛芝士、車打芝士和巴馬白芝士），非常香口！價錢又非常合理！正！另外叫了炸尤魚配他他醬新鮮炸起! 正！上水區 高質西餐！會再來吃！