孖寶 (已結業)

孖寶小館 (上水)上水新成路109號地下黑松露鵝肝意大利飯好重黑松露味 而且米飯分明鵝肝size中等 不算大塊煎得好香口 鵝肝味入哂飯到大蝦夏威夷pizza一黎到心諗咁大塊既 係咪黎錯原來真係呢個size 一開6 每塊都佈滿左大蝦肉 蝦肉彈口配埋千島醬 超級易入口 炸魷魚圈食得出係即炸 因為上枱時好熱食落外皮係脆既 而且份量都幾多下芝士雞翼呢個重點要推薦真係好出色 雞翼肉質好滑入面既芝士好香 可以拉到好長而每人都有個餐湯同餐包呢到好特別 有餐包配餐條另外最後會有個甜品 食得出係自家制既

之前同男朋友都黎過一次，一直都想同屋企人試下，今次終於得閒試到喇。上次試左安全既牛扒同意粉，都相當滿意，今次信心滿滿意下新野！屋企人見到是日推介已經揀好左，試下鹽燒油甘魚配蜜糖柚子汁，係我地上水呢啲水貨城真係好少西餐肯做龍脷柳以外既魚架，hahaha。另一個就揀左烤黑豬鞍架。餐湯同飲品好快就到，南瓜湯好甜：）先到既係屋企人揀既油甘魚。份量十足，而且鹽燒完之後，咬落仍然有肉汁，加上厚切既份量，咬落口感好滿足，再加上旁邊既蜜糖柚子汁，我同屋企人都好鍾意。後到既係黑豬鞍，從圖中可見到，一樣份量十足，表面微微金黃，望落非常吸引。不得不提既係佢地用心既薯菜，係上水西餐主食好食已經難得，仲要連薯菜都做得咁有心機，一定會再幫襯呢間小店。

係上水呢個周圍都係連鎖食店同藥房嘅地方可以悠閒咁食個優質早餐，黑松露炒蛋好滑，跟餐有沙律餐包仲有貝殼粉或者薯餅，真係好飽肚！仲有餐飲要鮮奶唔洗加錢真係好難得！下次會再嚟試吓個egg benedict!

我已經食過好多次，通常周未想平靚正剧個扒都會黎呢間，午飯時間要排隊先有位，好在等左唔係好耐就有位了。鋪面地方唔算好大，但座位好闊落，坐得舒服，我同朋友都主要黎食扒，所以各自點了兩個扒餐share。個餐跟湯同麵包，我地都點左羅宋湯，酸酸甜甜中帶微辣，好醒胃。然後，紐西蘭肉眼配黑椒汁黎到，扒面熱得有點焦香，我地要求七成熟，所以切開仲有肉汁滲出，切一塊牛扒配黑椒汁真係惹味非常，而且牛扒好嫩滑又厚，足足有七安士咁大塊，午飯價錢黎講可以話性價比高呢，而個人鍾意黑椒汁配飯。之後就係美國厚切穀飼豬肉眼配燒汁，個朋友跟意粉，豬扒唔好擔心要全熟所以會好鞋，事實係好多汁好嫩，厚切勁大塊，好有驚喜，值得一提，有時其他餐廳意粉只會白烚冇味，靠個汁吊味，呢間就用蒜蓉炒香加調味，好食又飽肚。飲品我今次不得不推薦花茶系列，平時飲花茶一杯都幾廿蚊，呢間跟餐就可以選花茶，好健康既選擇，我目測全場8成多都係選花茶，加上佢選擇多，真係吸引，我就點了玫瑰花花茶，一個透明杯裝住，食飽飲杯花茶，消滯又暖胃，真係好貼心。

前陣子同老公去左試嘅西餐廳，十分有驚喜！我地當日點左兩個餐：德國豬手同黑毛豬，當餐送到來時我們都O了嘴，真係好大份呀，我地食唔食得晒架食物大份唔多講，味道都好唔錯，上水有質素嘅西餐廳真係一隻手數得晒，但好似呢間甘，又好味又大件嘅真係好難得！講返食物，我地叫嘅黑毛豬真係超多肉汁，好淋，入口即溶甘！而德國豬手亦都好有水準，皮脆肉嫩，完全個騷味，雖然有啲啲熱氣，但食到停唔到口！餐飲方面，老公點左桂圓紅棗茶，我點左檸檬水果茶，清清地都好好飲，會再光顧！

係時候又要約朋友去食飯，黎到上水呢度經過一間西餐廳，門口見到環境唔錯，就入咗嚟試。環境舒服，食物選擇都多，可以叫set或者單叫食物。餐湯係南瓜忌廉湯，質地好濃稠，食到啖啖南瓜。我哋叫咗一個夏威夷大蝦pizza， 個Pizza都大，係薄批款，一切開啲芝士好多，可以拉絲。一放入口好juice ，醬汁好開胃，加上配料都多，每一件都有大蝦喺度，口感豐富。之後，再叫咗一個肉眼扒七成熟，可以有唔同嘅醬汁揀，我哋揀咗肉肺菌汁，牛扒熟度啱啱好，切開食落去仲有少少牛肉汁入口，仲好細心咁有芥辣可以自己點黎調味。最後到嘢飲啦，叫咗一杯熱朱古力，好驚喜地仲有埋拉花，甜到啱啱好，再加埋面頭嘅鮮奶同拉花，口感仲豐富。呢度環境同食物都幾好，侍應嘅服務態度都唔錯，成餐飯都食得好舒服，啱晒同三五知己嚟食飯傾計

早前看到朋友分享這間西餐廳，今天由大埔回屯門取道上水，就前來一試。尼哥斯沙律🥗$98甜甜的醬汁很特別，之後問店員得知是用蜜糖加芥末子做的，沙律材料除了有主角吞拿魚，還有櫻桃蘿蔔，鵪鶉蛋，車厘茄，沙律菜等，最初看到menu上的圖片，由於呑拿魚是紅紅的，還以為是生的，原來是沾上黑椒然後煎的，吃的時候中間仍是暖暖的，有點入口溶化的感覺，連一向不喜歡吃魚的男友也大讚及吃得比我多，之後店員告知原來呑拿魚是選用AAA級的😍安格斯牛肉芝士漢堡🍔$118店員極力推介，份量很大，厚厚的漢堡上鋪滿香濃的芝士，漢堡肉質嫩滑，從店員口中得知原來是廚師特地找來安格斯牛肉碎，再以手打方式打至起膠，非常用心，還有薯條及黑醋沙律菜伴碟👍大蝦夏威夷薄餅🍕$98男友喜愛吃pizza，四選一點了這款，看似平凡，但吃起來竟有意想不到的驚喜，醬汁極美味，集齊酸甜䶢的味道，還以爲是大廚特別調配的醬汁，想不到原來只是千島沙律醬，配上新鮮彈牙大蝦，還有菠蘿等材料，口感豐富，這配搭實在無懈可擊😋加$28轉餐有餐湯及餐茶南瓜湯🎃 - 香濃味美👍什果薑茶🍵 檸檬什果 🍵很特別，以乾果及一些傳統香料如南非葉 丶豆蔻丶花椒丶八角等冲出來的茶，

位置雖然不在最方便既位置，但其實徒步亦行不遠，上水火車站過去約十分鐘，上水係好繁忙而孖寶小館就係一處寧靜的地方。裝修，餐枱，用具等都乾淨企理。員工友善，整體比人舒服的感覺。食物質素唔錯，價錢相對便宜抵食，平民化的價錢。值得推薦。但小館地方不大，相約朋友2-4人一枱較為適合。小館環境簡單整潔，舒適，宜輕鬆進餐，不宜大吵派對。想打卡影相或者不太滿意，但想清靜地吃一餐平民美食，同幾位朋友小聚，實在是難得的好地方。給予好評。

好耐冇嚟上水，呢度好多鋪頭都唔同曬去到舊區，除咗行街，就順便搵好嘢食咁啱呢日係白色情人節，所以就想食西餐見到呢間孖寶小館啲嘢食都幾啱口味，所以入咗去試下呢度環境舒服，幾有情調好多嘢都想試，正頭痛唔知揀咩好，店員就好主動咁畀咗啲提議我哋見佢嘅推介都好似唔錯，就跟咗佢嘅建議落單薯仔煙肉湯配香草麵包個湯薯仔味濃， 除咗香草麵包，仲有啲麵包脆條用嚟點湯食一流意式海鮮意大利飯呢個飯幾濕潤，加咗啲茄汁嘅味道，酸酸地幾開胃仲有相當豐富嘅海鮮放喺面，好好味香烤羊仔柳呢個係其中一個我幾滿意嘅菜式，因為啲肉好淋又唔騷仲配咗兩款醬畀我哋，有牛肝菌醬同薄荷醬，兩款都同羊肉好夾德式豬手豬手嘅皮好香脆，啲肉好煙韌，而且一啲都唔咸除咗蕃茄醬，仲配咗蜜糖芥末醬無論係點豬手定係薯條都好好味喺度食覺得最舒服嘅係，啲店員嘅態度好有禮貌而且食物質素唔錯，連平時對食物挑剔嘅屋企人都覺得滿意相信下次再嚟上水都會再嚟呢度食飯

今日去上水試下一間由朋友介紹嘅西餐， 餐廳環境幾有氣氛， 每張枱上都有小蠟燭， 座位闊落， 坐得舒服，乾淨。食物嘅種類都有幾多選擇， 意粉，意大利飯，薄餅，扒類等等。是日餐湯 (煙肉薯仔湯)平時食西餐都好少機會會試到呢隻湯， 個湯都幾重薯仔味， 另有少少嘅煙肉香味， 配餐湯除咗有香草包之外，重有 breadstick .黑松露卡邦尼意粉係用咗扁闊麵嚟做， 醬汁有煙肉，洋蔥 ，黑松露。 個醬汁好creamy， 充滿煙肉嘅鹹香，加上黑松露，好食。8oz 安格斯牛肉芝士漢堡因為店員落單時推介漢堡肉係自己叫安格斯牛肉返嚟做成，所以試下，上到枱有d驚食唔曬，因為個漢堡包好巨型， 要薯條同沙律菜伴碟， 沙律菜有啲黑醋汁調味。 個漢堡包主要有芝士，漢堡肉 ，蕃茄，紫洋蔥，生菜， 個包焗到脆身， 芝士就溶喺漢堡肉上， 個漢堡肉夠厚身， 切開有肉汁流出來，好有牛味， 漢堡肉入面嘅肥瘦比例都幾好， 因為如果瘦肉嘅比例比肥肉多， 食落就會好鞋， 但呢嚿肉一啲鞋嘅感覺都冇。香烤羊仔柳配牛肝菌醬同漢堡包一樣份量十足， 淨係配菜都有好多種烤蘆筍 ，車厘茄，西蘭花，椰菜花，意大利青瓜和薯仔，另外有薄荷醬提供。食羊肉

今日係第一次試呢間餐廳在午餐時間，食物質素一般，因那個豬扒實在是十分硬，而且完全沒有味，花茶還算OK，另外朱肋骨也是很一般。因我有時間，所以同朋友多啲時間食嘢傾計，傾左一個幾鐘，個女店員就問我啲嘢收得未？咁我未食晒我答未收得啊。跟住佢哋好似已經係咁望住我，過多10幾分鐘，佢又過嚟問我食完未，咁我好明顯未食完，咁我又答佢未食完，跟住過多10幾分鐘佢又過嚟，好似不停喺度催你快啲走咁，我都知我食得耐，但係你都冇話限定食幾耐，啲嘢已經唔係話特別好食，70幾蚊一個午餐亦都唔算特別平，俾人傾多兩句都唔得，呢間野唔會有下次囉

黑松露雜菇意大利飯，個飯好香，又夠熱！肉眼扒，叫左5成，結果來左係10成，同個服務員講完，佢態度好好，話即刻重煮一份，講哂唔好意思，態度幾好ps.餐湯係紅湯，偏鹹。

孖寶小館一直在我的開飯檔案想去收藏內，收藏多時，記得有次飯局朋友說: 上水有意外驚喜，於是記下食店名稱，以便不時之需，上水路遙遠，想相約飯局專程到來，真的有點困難。今日由於工作關係，終於走到來上水，待完事後，已中午過後，看看開飯網頁，仍在營業中，沒有落場時段，於是過來揾食一下⋯⋯地點在新成路，鄰近藥妝店街，所以相當容易找。大大個黑板餐牌，用不同顏色粉筆寫著午餐/下午茶餐的內容，不但清楚，更容易明白。到食店時已是下午2:30pm , 食店唔算多人，但當筆者坐下來後，熟客相繼到來。很喜歡食店播放著一些英文舊歌，而且音量適中，靜靜的又不會太大聲，在進餐時聽著音樂，感覺舒暢。牆壁上張貼著很多招牌菜式，晚餐時方便點菜。正值是2:30pm ，剛剛咸淡水交界，所以筆者可以選擇午餐或下午茶，看著餐牌，其實只是相差$10 ，只要加十元便有餐湯和餐包，由於第一次到來，而且又肚餓，所以筆者選擇了加十元滿足一下。南瓜忌廉湯配餐包~落單之後，不用十秒便端上檯面，驟眼以為湯會唔夠熱，殊不知又幾熱喎！濃度適中有質感，好味。香草餐包~麵包方面還有兩款，分別有半支餅乾條和一塊香草包，如果麵包可以是䁔的又或是熱的就更完美

同閨蜜兩個都係住上水，約食飯想搵個靜靜地既地方，食個晚飯傾下計～見到上水開左咁多新餐廳都未試過，今日就決定試下呢間～孖寶小館～我地係平日夜晚8點左右食，餐廳都坐滿，見到之後黎的客都要等一陣位。平日都爆，感覺餐廳幾受街坊歡迎我地兩個女仔，同行朋友病左，所以試唔到burger 同扒餐，但見到隔離枱個羊扒又大份又厚，下次一定要試下今次叫左一個 藍芝士雜菜意大利飯 同 墨汁海鮮意大利麵 ，配做餐有埋餐湯同飲品食物質素幾好份量都夠大份，我地兩個女仔都食唔哂～個飯都好夠芝士味～餐湯係煙肉薯仔忌廉湯，好好味重附埋麵包條和香草麵包，食落似自家制，好soft~

><樓上仲有位坐 靜靜地幾好不過就辛苦店員要行樓梯送餐餐包除咗有香草包 仲有麵包棒 前菜頓時變得豐富餐湯就係雜菜湯拿破崙闊條麵($58)其實就係蕃茄醬辣肉腸火腿闊麵個味道又係酸酸地 好似同餐湯個味重疊咗如果餐湯可以有多個選擇會比較好餐飲揀咗earl grey雙層玻璃杯 有個茶隔隔開咗茶葉下午茶時段平10蚊 冇咗餐包餐湯><><><><><><><><><><><><><><孖寶小館 Twins Bistro上水新成路109號地下