學記麵家

营业中

休息中

其實有時候問香港人最鍾意，又或是去完旅行一排，返到嚟最掛住嘅食品係咩，就會彈出各類港式美食，不過我覺得，其實都係個情懷緊要，好似你睇吓之前尖沙咀嗰間豬扒雞翼麵，即使它都算是熟食市場，不過，價格貴，質素低下，很難會令你覺得吃得快樂。你又睇吓呢度元朗擊壤路熟食市場，即使完全沒有冷氣，好似連風機都冇，夠熱，仍然會有人間中等位。雖然質素比起以前已經低咗，因為之前我很喜歡吃它的牛腩撈麵，即是不算太過喜歡吃港式那些粗麵或是幼麵，不過它的撈麵亦都做得相當好，夠蛋彈牙好爽口，牛腩份量多，而且肥瘦均勻。 這次再來，發現牛腩都是偏向柱侯牛腩那種湯，味道當然冇咁討好，不過，份量都叫多，食得飽你，而且氣氛一絕，作為午餐或是吃壽司之前打個底，都算唔錯嘅。而家嘅柱侯牛腩，牛腩味道普通，柱候就像有點是有點甜又有點鹹嘅味道，我叫了多蔥，味道還是可以接受。不過而家未到30度，在現場吃都已經有點汗流浹背，相信到了夏天30幾度，應該會更加酷熱。

同老婆入元朗搵波鞋。就搵下有咩粉麵鋪。我地好少入元朗。MARK 咗呢間。泊入元朗廣場。行出來就見到。啱啱有位就坐低。落單婆婆幾隨和。叫咗一碗牛腩墨丸河，一碗牛筋雲吞米，菜芯腩汁。菜係爽嘅無黃。墨丸雲吞正常。牛根唔鹹，牛腩好淋好香。河粉一著一著完全無斷而且啱啱好有趙口，仲有少少掛到湯嘅。個湯底口味偏鹹者會覺淡，個人反而覺得比外面一般腩湯底，少咗份死鹹，多咗份清甜，好好入口。埋單走人婆婆都傾計語氣同我地傾兩句問我地飽唔飽。感覺幾街坊人情味。頭先寫食評前見有其他朋友們寫門口連位員工態度好差。呢間學記係開放式鋪頭無正門的，唔知係唔係混淆咗另一間學記。仲有一位話好鹹河粉好碎。人地遭遇我唔在場唔敢講。我自己食到嘅就完全相反而且質素唔差。

做完Facial後本來想吃酸辣粉的我抽著一袋二袋預備做冬晚餐的材料來到店門口時，關了門！😯肚子好餓呢.往前走到這裡的大排檔原來有一間是食粉麵的一位年老在吃粉麵的老婆婆放下筷子走前來但這裡沒有我想吃的酸辣粉，便離開了行幾步後想到：「酸？」用紅醋便可以了紅醋配河粉，酸味味的是幾好味然後我回頭坐下.點餐後有食客說這裡的牛丸好好味老婆婆說這裡出名牛丸牛腩，但雲吞都好味.我便點了牛丸牛腩河要配香口的辣醬、再配酸的紅醋，必然選擇食河粉了！這是我的喜好☺️.一碗熱騰騰的牛丸牛腩河上枱..為免辣醬被熱湯散開，我將辣醬蘸在牛腩上突然忽發其想地一口吃下蘸滿辣醬的牛腩嘩！竟然唔辣野味又好夾到牛腩的質感味道好正啊😍然後，我繼續加更多辣醬來蘸牛腩食🤤本來沒有點的牛丸，原來十分十分的彈牙最後成碗食曬，湯都只係剩返少少🤏🤣..那位婆婆看我食到無剩有禮又充滿笑容地走來說：「係咪好好味呢？睇你食到無曬就知了！我們這些水準，在外面賣HK$50（現在是HK$40），好多人黎食ka！」雖然戴著口罩，但也遮掩不到她的笑臉！.然後我再點一包很少飲的細維他檸檬茶嘩！凍冰冰、酸味味的！好滿意！她再搭傘說：「我都好鍾意配一包，酸味味的，

係元朗做完嘢，想快食再返公司做嘢，途經見到學記，襯住未落雨之前嚟個速食，叫咗個牛什米，湯底香濃，牛什嫩滑且淋，而且牛什份量唔少，個人認為元朗最好吃。只是街邊舖，落雨比較麻煩，同夏天比較熱。

由細到大食既雲吞麵❤️配佢既辣椒油同大量醋已成習慣😳佢既雲吞真系世一 鮮蝦爽口彈牙 餡料好足夠❤️食到佢加左大地魚粉系雲吞入面 所以好香😳次次都叫雲吞麵或者雲吞牛腩麵麵香又彈牙 配埋醋食一流😍辣椒油都好正 仲會買佢既辣椒油同雲吞返屋企煮🤤炸魚皮亦都經常叫 大塊又脆口🐟所以次次心郁郁一想食番以前既味道就會特登走落元朗食☺️☺️味道唔會失望 但感覺份量就比以前小🤐

元朗有幾間牛腩麵，呢間一定要去。千祈唔好睇外表。內涵最重要。去到一定要食牛坑腩拼水餃，牛腩汁湯底夠濃。水餃夠爽口，大大粒。每日早上即日新鮮包，加多碟蠔油菜心，夠哂飽。

元朗耐既朋友應該冇人唔識呢間粉麵檔,麵檔於元朗巴士總站同元朗廣場中間屹立幾十年,而且係夏天冇冷氣之下,仍然可以爆哂場,食物既質素可見一班,而家最鍾意食佢地既五香牛腩炆得夠淋,而且遠遠都聞到呢朕鹵水香味,黎開元朗既朋友一定要試下~

食嘢好多時講求好食之外，仲要講求高性價比。呢間店都可為一間元朗之中高性價比嘅麵家。麵店喺元朗廣場隔離，係一個好似大排檔咁樣嘅門面，彷彿好似入咗電視劇咁，行過街邊叫小二嚟一碗陽春麵嘅感覺。感覺比較老字號，雖然夠但係一啲都唔污糟，有feel。今次點左一個牛腩雲吞麵。先講湯底，中規中矩，偏向濃味。再嚟麵底，份量適中，不過以我呢啲大食積黎講當然越多越好啦 餸嘅部份，牛腩夠多，好冧好香，肥瘦亦都適中，唔會有渣。已雲吞都有三大粒，皮薄餡靚，調味適中唔會過咸，唔會過淡。下次再試其他再評過！

一早想食清啲 同屋企人一行三個人 諗住食依間粥店 點知門口個店員勁無禮貌 有位都唔肯比人坐低 話無位要係門口等 由於疫情關係 明白因為我地三個人 係會需要時間安排兩張相連座位比我地 所以亦理解需時 但係等咗一段時間 當見到門口附近有兩張相連枱 由於當時無其他人等位 於是再問佢 我地可否坐那兩張相連枱時 點知佢竟然發哂脾氣話自己好忙 唔得閒安排我入坐 跟住就繼續做自己野 但係亦都唔肯比我地先坐低 我真係好唔明白 我地有個老人家 見到有位 又無其他人等緊 點解唔可以比我地坐低先呢？ 我哋又唔係要求佢立刻服務我哋 而且我地係一早11點幾去惠顧 又唔係佢好繁忙既時段 點解都可以如此去對待客人呢？今日香港面對緊咁嚴重既疫情同經濟問題 竟然仍然存在這樣既服務態度 絕對係服務行業嘅害群之馬 嚴重咁影響緊香港嘅服務行業同名聲 希望依店既主持人會嚴肅跟進一下

今日係乜嘢日子呀！啲舖頭間間都唔開，唯有求求其其食一餐就算，學記麵家人流都唔係好多，似乎牛什河好出名，先來一碗，再加多一支大可樂。唔🤔唔🤔唔🤔，老老實實味道真係非常麻麻，只係覺得好咸，啲河粉好碎🤦‍♀️。平時都見到人山人海㗎，可能係位置方便啦🤷🏻‍♀️。

尋晚8點約咗去元朗賽馬會健康院睇醫生， 去之前就係附近簡單食個晚餐，上次都嚟過呢個擊壤路熟食市場食過粥，今次想試下呢間麵食～老闆娘既招呼令我覺得幾窩心，好有媽媽既感覺😂最近胃口細咗，所以淨係叫咗個牛腩河～牛腩同湯底都幾香八角味，牛腩煮得幾淋，仲搭左兩條生菜👍 河粉正常唔會太油～望落細細碗但食落都幾飽，牛腩份量俾得好慷慨👍見佢有個餐貴六蚊就多支支裝汽水，夜晚冇咁熱都還好，如果下午烈日當空應該冇辦法喺呢度食野😅

元朗學記可能好多人都聽過了，在商場food court有時都會見到，其實那一間學記才是正店呢？元朗廣場隔離這間學記，其實都不知食了幾多年了。在商場側門一出就聞到她的牛雜湯香味，有些麵檔都係相似湯底，但會有內臟的臭味，但這間學記當然沒有啦今次吃了一碗水餃麵，真心講，水餃和麵也不及10幾年前了，只有以往的7成。不過一個人在這裡靜靜哋食麵，看著店內的舊筷子、食客、街角的途人，感覺優悠，也想起以前孩童時放學食麵既情景。

元朗老字號麵家，E間麵店真係夠晒懷舊喺鄭元朗市中心元朗巴士站對開冬菇亭大牌檔依種大排檔真係夏天熱冬天凍，呢幾日又唔係太熱就諗起過嚟食碗牛雜佢唔係特別大碗但係就係有一種好舊嘅味道我成日都覺得佢嗰種好舊嘅感覺係黎自佢嗰對好舊嘅冇筷子佢哋啱啱煮得好琳好有味道麵質啱啱好湯底充滿牛味真係值得一試

一直留意左好耐，元朗學記牛雜麵！終於食到，完全冇失望，湯底濃郁，食完不會口渴！細細地一碗，加埋$8汽水，正呀！元朗可能經歷7、21和7、27，街上人少了一半，行街可以慢慢享受了！

住得元朗耐，我相信學記麵家無人無聽過，細細個喺元朗廣場隔離冬菇亭食，食到依家周圍開分店，好多商場food court都有，甚至遠至澳門都有，真係巴閉。如果喺元朗食牛腩麵，我嘅首選都係學記，因為牛腩淋而不韌，腩汁香濃，再加上自製辣椒油真係好惹味，不過麵底份量係比較少，所以一般男士食一碗真係未必飽。至於環境分面，冬天坐下室外就無所謂，熱日炎炎坐喺度真係食到汗流狹骨，所以依家都比較喜歡買外賣，但買得外賣要記住分湯！