安利大排檔 (已結業)

來到筲箕灣東大街 當然唔少得去 ‘’安利‘’ 魚蛋粉食番件😋 每次必食的鮮油奶多🧇最喜歡是大大塊牛油🧈😍片頭切腩撈粗🍜切腩一點也不韌👍再加多一杯凍檸茶🍋🥤已經大滿足了😋☺️

朋友推介安利每次黎東大街覓食，點都會見到長長人龍系安利門口！今次有幸有朋友推介佢由細食到大嘅粉麵鋪🥰切腩四寶撈粗 $62黎安利，點少得試佢個招牌撈粗💁🏻‍♀️自家製既魚旦魚片，雲吞，牛丸同每日新鮮嘅切腩，搭配爽口嘅粗麵。重點嘅切腩軟腍吾嚡，魚旦魚片旦牙無咩腥味，雲吞亦爽滑，牛丸雖中規中矩，但好有牛味！牛筋腩河 $46另外試埋佢個牛腩河，腩汁濃郁，牛筋入味爽滑，但牛腩稍為嚡口💁🏻‍♀️雖然朋友稱食物無以前咁有水準，但對我第一次嘗試黎講，佢既自家手製配料真係值得一試！

秋天到去行下山，行完肚餓到瘋掉，立即去返筲箕灣食野。決定衝去安利大排檔，實在太肚餓，喪點，點了炸醬撈麵，魚片頭魚蛋撈粗和西多士，當然再點邪惡的忌廉紅豆冰。以前未食過中式炸醬，比我想像中唔同，原來好好味！和麵撈勻，超夾，下次去到麵店都會再食。西多士都是下午茶時段必點，好食沒有太特別。紅豆冰真材實料，不會過甜，好味。

假日等位，一家三人入座，點知入到去先知佢俾張【1-2】枱，貼邊，即係得番L位枱我，想請問點坐三個人落去食麵？🤷🏻‍♀️🤷🏻‍♀️張四方枱細，前後又逼，總之任何人見到都會呆左⋯無可能呢個係【3人位】⋯⋯見狀，告知員工想轉枱，旁邊員工清潔緊一張4人枱，我地話想轉去個張，點知員工話「留俾下一張4人枱」，叫我地坐個張 2人枱，仲話：「出面咁安排就係咁，唔關我地事，你自己出去問」🤷🏻‍♂️🤷🏻‍♂️再另外有個伙記拍拍膊頭，叫我地：「幫幫手，坐到架」⋯⋯其實個L枱點坐三個人？🤷🏻‍♀️叫第三個人對住個尖角食野？仲要兩個大男人，食麵雙手提起2個人都嫌逼⋯⋯仲要我地三個點塞落去？？🤷🏻‍♀️🤷🏻‍♀️🤷🏻‍♀️最嬲係，所有員工都唔幫手當睇唔到，同門口派位個個講，佢都態度唔憂做少你一個客咁！😡食飯食到咁受氣，呢間野為左賺到盡要客人逼到唔make sense 都叫你坐低，真係唔幫襯都把就！！😡😡我見前面對情侶，間餐廳派左個【一人位】枱，叫佢兩個塞係咁逼嘅空間食⋯⋯兩對手根本縮埋先食到⋯😒做生意唔好做到咁啦⋯⋯⋯其實叫後一張4人家庭，係外面等多一陣先就可以了。門口安排位個男人，其實叫佢拎籌都係十問九唔認，明明聽到當聽唔到。

個人覺得唔值得排隊！慕名去試，叫咗個切腩撈粗切腩又韌又嚡口、粗麵又有鹼水味、湯底又鹹過龍。我平時食嘢好少加調味料，要加醋、辣椒油、另外再加上湯先可以。上次去到見到太多人放棄咗食咗另一間，今次都唔係等得太耐，等咗10分鐘左右姐！去食牛腩麵都唔會諗住坐得特別舒服都，都夠位坐，正常啦！本身天生怕凍，夏天去都覺得冷氣夠冷氣夠！服務都算正常！好快落單！好快有嘢食！總結，唔建議慕名去排隊！普通食個快飯都可以嘅！

如果要去筲箕灣找吃的，不知道是不是大多數人會和我一樣想到東大街？安利大排檔 - 是筲箕灣東大街一間吃粉麵的馳名老店朋友說她每次過來都會吃這間，我的話倒是還沒有吃過呢話說這間冷氣超足！我由地鐵站行到東大街整個人超熱，坐了一會已經覺得很涼快。可能是因為上餐速度很快，所以即使客人很多還是不用排隊等位！朋友說每次來都要吃的是 - 鮮奶油多士 ($14)烘底多士很厚身，襯著吃還很脆口。中間夾著厚厚的牛油，十分邪惡！我們還點了 - 西多士 ($28) 同樣都是厚多士來。炸得剛好，吃落香脆又不會覺得油淋淋。一大片牛油加上煉奶是我喜歡的組合！不過要說到這間馳名老店最多人吃應該是 - 切腩四寶撈粗 ($62)粗麵吃落鹼味不重，可能因為本身個醬汁夠濃夠惹味。四寶有很彈牙的魚蛋魚片、牛丸有普通和加了黑椒兩款、雲吞也很足料！半肥瘦切腩的肉味很濃，口感頗有嚼勁。整體不錯，份量也不少。但配的那個湯實在太鹹，喝了兩口就放棄了。

成日見到網上面好多人介紹安利嘅「切腩魚片撈粗」同「鮮油奶多」，我終於有機會去試吓啦😋 我以為安利咁出名，可能會似澳牛咁要食光速餐。原來都唔係，伙記有禮貌，而且地方比一般茶餐廳乾淨。雖然要搭枱，但係都唔太迫（同小朋友一齊就另計）我慕各而去嘅「切腩魚片撈粗」果然冇令我失望！牛腩好腍，又唔肥；魚片彈牙；粗麵爽口冇鹼水味，不過豉油味唔太濃。我加左D醋同辣椒油就啱晒自己口味。跟麵嘅上湯出奇地好飲，飲完唔會口渴。「鮮油奶多」塊牛油真係好厚！我本住肥就肥，食咗先算嘅心態去食。但係可能期待過高，我嘅結論都只係塊牛油好厚😅煉奶唔夠多，麵包又唔係好香。下次唔會再嗌。另外叫咗杯熱奶茶。茶底香濃，花奶味亦好足，係一杯好飲嘅港式奶茶。

東大街台柱港式粉麵店，次次睇完Menu都係㨂番佢地個招牌馳名切腩四寶撈粗，唔係一般粉粉麵店既蠔油撈粗，佢地係用豉油王撈粗，味道冇蠔油咁濃反而覺得好食，配埋切腩、魚蛋、魚片、牛丸同雲吞，啱哂多心想試哂唔同配搭嘅人。再加埋佢哋個魚皮同鮮油多士就大滿足，炸魚皮真脆卜卜加埋佢個湯食唔停口，多士比一般茶記厚，外層烘得香香脆脆食落麵包入面又軟棉棉配埋凍冰冰鮮牛油，一口氣食哂。近日佢地係中環開副線分店，相信開業初期又會成人龍店。

少有地咁嚟到筲箕灣、今次係食飽咗先過嚟，上次喺中環街市都食過一次！味道都唔錯嘅！今次就嚟到筲箕灣東大街一間歷史悠久嘅店舖買料返屋企自己煮麵食啦！買咗魚蛋，同埋炸魚皮，仲有魚片啊！購買當日，由於夜晚仲未有返堂食，所以就買返去自己煮，首先啲炸魚皮，炸得非常之脆，仲要好有魚味！當晚又食唔晒，所以留咗少少第二日食，放咗入雪櫃！第二日拎出來，仲keep到水準，well done！魚蛋魚片都非常彈牙！ 咬落去個口感都好正！都幾有魚味！食得出有心機打！well done！下次要試吓堂食先

每次去筲箕灣，都必食安利，但係每次都唔記得自己食過邊間, 一條街有兩間，一間排隊，一間可以攞飛，亂衝亂撞，去左間攞飛既，等左約10分鐘，有位，不過坐門口點了切腩魚片撈粗$54🍜粗麵麵質十分好，彈牙，切腩唔肥，魚片依舊美味，最出色就係個汁，好好味，完全食唔出佢點樣整，有啲似腩汁加豉油，配埋古法辣椒油，呢個撈麵真係無敵魚蛋魚片米粉加腩汁$42🍜，凍檸茶$22🥤呢個睇落去普通嘅魚蛋粉，一啲都唔普通，呢個兒時既味道，有錢都食唔到，加埋啲腩汁，不得了！ 腩汁味香濃，魚蛋算係真材實料，配埋個舊式米粉，必試古法辣椒油，有茶味既檸茶，要encore! 💯總結： 茶記魚蛋粉來講，唔算好實惠，但勝在食到兒時回憶，已經是無價💰！ 員工有禮貌，低讚下次會試招牌牛油多士！

疫情影響下，好多老店都只做外賣🥡，去開筲箕灣東大街忽然好掛住安利嘅鼓油王撈麵！好彩安利老舖仲有堂食！拿拿臨入去食過快lunch！有D食物都係堂食先好好味😋！🥩清湯切腩魚片撈粗 $54 清湯腩如常咁好味！牛腩質地非常軟嫩完全唔Un！啖啖肉冇肥冇筋唔痴牙！魚片彈牙香口，配埋香甜同麻油香嘅醬油撈粗，粗麵唔重規水味仲幾爽口！冇得彈！ 🦑魚蛋墨魚丸撈伊麵$58 唔知係咪撈伊麵嘅關系麻油同醬油特別香濃！魚旦爽口， 墨魚丸彈牙，撈伊麵帶點煙韌煮得啱啱好！雖然邪惡但係我最愛嘅配搭！

呢間係每次經開筲箕灣都必食的💯💯亦都係網上好多人推薦架🤩今日咁啱係呢頭做野同埋難得今日唔算多人又可以過嚟食我最愛嘅崩沙腩啦餐廳店內都算乾淨而粉麵嘅款式都多 價錢親民👍我今日就叫左崩沙腩魚片撈粗每一件崩沙腩都好爽口彈牙肥瘦亦都剛剛好肥嘅部份入口即溶 腩肉新鮮軟腍 非常出色中意食牛腩嘅人士一定要黎試吓呢間嘅崩沙腩啊🥳而魚片就係第一次試嘅一樣都係無令人失望😛夠曬爽口大家可以放心黎試下呢間麵店啊😆

崩沙腩豉油撈粗$48:麵質爽口，呢個麵加左佢哋自己特製嘅豉油，味道可口，食唔出有太大陣鹼水味，好味👍🏽崩沙腩肥瘦適中有少許根位，唔柴口，一定會再叫呢個😬炆牛腩米粉$38:湯底夠晒濃味，加埋多蔥，配埋啲米粉食，再加埋辣椒油，啱晒啲重口味人士👍🏽👍🏽👍🏽炆牛腩同清湯腩相比，清湯腩會好食啲，不過如果就咁叫清湯腩米加腩汁，個湯冇咁濃，所以如果配米粉食，我一定會叫炆牛腩米😌鮮油奶多$16呢個名物，喜好甜品嘅你一定要嗌😆😆兩塊厚厚嘅多士夾住中間一大片嘅牛油，再加埋煉奶絕對係脂肪嘅來源😏咬一啖你就會知道咩係冰火兩重天😂😂啱啱烘熱嘅多士，再加埋凍嘅牛油😍😍堂食嘅話，真係唔可以唔叫🤣外賣嘅話就唔好叫啦，牛油會溶哂，加埋塊包會變到柴皮同埋唔熱👋🏽👋🏽👋🏽👋🏽Cp 值及夠飽: 女仕嘅話一碗就夠，男士嘅話要碗半先夠，相比起其他粉麵檔，佢係貴啲嘅，但有質素嘅保證，不過食完會口渴，食完之後要飲返多啲水啦😝翻啅:筲箕灣有其餘兩間出名嘅港式粉麵，但我次次去，九成都會食安利大排檔，最啱自己口味🙂

又係膽固醇萬歲日子🤣本來好好地食個魚蛋粉就算點解唔太滿足，硬係覺得爭啲嘢🤣所以叫咗個非常邪惡鮮奶油多士🤤厚厚牛油🧈+煉奶真係人間美食💙 💰$14 老娘覺得𝐂𝐏值極高

筲箕灣東大街有兩店安利，同是主打魚蛋粉麵… 是兄弟店還是姐妹店呢？我沒有深究。而我吃的是在廟旁邊的安利大排檔。魚片撈粗$44鮮油多$14凍鴛鴦$21真的不錯！魚片外脆真的不得了；麵質剛好，不會太硬或過淋；美中不足的是另上的湯叫了三次才送到。對了，撈麵一定要配上辣椒油。離開時我加購安利的辣椒油呢！很多客人點了鮮油奶多（即牛油+煉奶）。我對煉奶一般喜好，所以點了鮮油多，再自行配上砂糖。從未吃過這個食法的你一定要試試啊！厚多士烤得熱烘烘，再放上冰凍的牛士，自行添加的砂糖也被弄得半熔，一口吃下去是多麼有口感啊！