安娜餐廳

营业中

休息中

唔經唔覺開業已經30年既《安娜餐廳》，在不少人心目中有無可取替既地位，特別是元朗人。在元朗想吃鐵板扒餐第一時間好像只會想起《安娜餐廳》，所以一般來說也要排隊等位。但是可以吃得到自己想吃的東西，排隊也是值得的，不過溫馨提示：服務員既服務態度比較有性格！或者是30年來也是做街坊生意為主，緊記千萬不要以劉華標準去想「今時今日咁嘅服務態度」。扒既水準不容置疑，屹立不倒30年絕對不是這麼容易矇混過關，扒無一定的質素好難維持到30年。

/<安娜餐廳>🍖黑椒T骨($105)🍄免翁牛柳($109)▫️🙆🏻好好好耐無食過元朗依間平價扒房，雖然加左價😂，以前係食開($7x)就有西冷牛扒嘅價錢🙊▫️🤔其實除左一般嘅 羅宋&忌廉湯仲有d隱藏湯，今次試左牛尾&周打魚湯😌👉🏾牛尾湯🐂陣味好似羅宋嘅濃厚版，仲有d肉碎，紅湯蘸餐包係好食d，有無人都覺😂👉🏾周打魚🐟就比較清淡，但有塊咸味梳打餅幾搞笑。入面有d爽彈嘅魚肉，確實唔知係魚嘅咩部分🙊仲有d甘荀蔥粒，不算特別好味。👉🏾今次烘個2塊多士🍞難食到唔想食🤢好腍又乾。我覺得牛油餐包會好食d。▫️🙋🏻T骨係我第一次自己食，平時痴朋友一舊兩舊😂因爲我比較喜愛什扒。🌸泥到真係好大塊，大過塊鐵板添😂😂厚都幾夠厚，絶對夠飽。👉🏾揀左5成熟，配惹味黑椒汁，泥到趁熱辣辣倒上d醬汁，咋咋聲🤤👉🏾T骨厚肉切開內裡帶血紅色，食肉獸👹肉質軟腍之餘帶嚼頭😁我鐘意有d肉帶有筋位嘅口感，爽🙆🏻🌸配菜是永恆的三色豆同薯條🙊比塊巨扒壓住，索晒d肉味同醬汁，特別美味😌🌸🍅亨利茄汁任落唔嬲✌🏽落到人地換枝新嘅比我haha▫️😂免翁第一次食，其實係燒汁有蘑菇🍄🌸同樣是5成熟嘅牛柳，肉質比T骨更軟腍🤤基本上係唔洗點𡁻嘅腍

有好野當然要開心share..😎有記憶以黎第一次入元朗😂行左半日南生圍，腳仔都軟🙈(體力差到一個點🤐)當然一個豐盛嘅晚餐係唔少得嘅😋搵食其間見到勁多車龍(友人說 有車人就係鍾意揸車入元朗搵好嘢食🤔🤔)七點幾已經見到間間餐廳都人山人海😱終於比安娜既扒吸引左我😂😂😂(到底我有幾肚餓🤔😂) 我地一行三人 大家都行左幾個鐘，咁岩見到佢有櫈擺門口就齊齊擔櫈仔坐低等位😂 一路坐一路傾計所以時間都過得好快，大約等左20分鐘就可以入餐廳。入去坐低一陣間，夥計就好熱情咁行埋黎 用同熟客傾計既口吻提醒我地快啲落單，唔係有排等😳肚餓既我地都好快咁揀左想食既野 ..有選擇困難症嘅我揀咗餐廳精選 最出名嘅嘢應該唔會差得去邊啦😂 要咗個紅湯配鐵板黑椒汁牛柳盛惠$117羅宋湯不嬲係我嘅至愛，但係呢個羅宋湯絕對係有驚喜，平時最多只係見到餐廳象徵式落啲肉粒甚至肉絲起湯入面..但安娜係大大舊肉比你😍😍毫不吝嗇蔬菜以至牛肉唔會因爲人流多而煲得唔夠時間就上枱，剩係見到碗湯已經覺得餐廳誠意十足！十分鐘後鐵板就上了...五成熟既牛柳比友人叫既西冷稔滑，份量都好足 大大件，一定滿足到食肉獸們😈 不過略嫌黑椒汁咸左啲🙈🙈有機會一齊要

聖誕節期間既工作天，中午12點半去到都無咩人，單拖食個quick lunch叫左午餐2號，轉蒜蓉汁，即係蒜蓉牛扒意粉+紅湯羅宋湯微辣，香濃，料足！有五六件牛腩咁正既羅宋湯響邊度搵？多士香脆，配湯一流意粉係炒過既，唔似有d西餐廳用熱水「白烚」，有誠意至於塊牛扒就ok啦，五十零蚊既跟餐牛扒，ok 啦少少un，都食得哂既非常喜歡呢d舊式扒店，唔好迫我去大快樂、大家活呢d連鎖野食扒ok?呢間店既職員態度不會似其他老店咁差，都算nice!希望你地keep住！！！

雞扒 ok 唔會"鞋恰恰" 都幾大份 唔乾身牛扒都一樣唔錯 好味嘅 啱啱熟 豬手系炸過 入面有少少粉紅色 以為好嫩身 又難切 又好咸 咸得好死 最唔好食🙅🏻入面好逼好窄 滿晒人 侍應手腳快 入面完全系茶餐廳feel 唔靚嘅 好才我同朋友坐車廂位🙆🏻

心血來潮想食安娜，所以就去咗。安娜已經好耐歷史，價格一直較貼地，而味道係對得住個價，所以都keep住多人食。今次中午两個人去食，一個要全餐$55，一個要特餐$48。分別在於全餐有雪糕同配菜，特餐冇。

食牛扒呢我就最鍾意5成熟，半生熟既牛扒最多汁又有趙口。其實幾年前食安娜已經愛上左，因為勁大塊又厚肉，個陣我仲記得係七十幾蚊，而家已經要一百二十八蚊，越來越貴。值唔值就見人見智啦～

之前星期日黎過，但排隊勁長龍 放棄了上兩個星期六突然想起又順路於是就出發黎安娜餐廳由於早去5：45pm，不用排隊直接就有位坐，勁開心。我地兩個人叫咗兩個鐵板(西冷+filet mignon)老公叫咗5成熟filet mignon，以前都係係外國食，今次第一次係香港呢種懷舊餐廳食 比我想像好味 推介我自己怕生於是叫咗7成熟既西冷如果可以揀多次 我會毫無猶豫食filet mignon😂另外由於奶敏感 但又想飲朱古力類飲品於是叫咗杯凍唂咕走奶 唔夠濃，不過都合格

幫我落單既係個老老地既男人，佢行緊埋黎已經係甘叫我地講要咩，樣子好唔耐煩好似吹我地甘，之後講左個食物名佢又聽極都聽5到甘，唔知係咪我地講得細聲啦，之後好肯定甘重複個名佢又口up up甘，感覺佢好唔熟個餐牌，後來到講飲咩個陣佢問我轉5轉套餐，我答佢飲凍0茶，之後佢個樣__到好似我得罪佢甘擰側塊面過左幾秒佢好用啲勁差態度話我問你轉唔轉套餐呀...有湯有包有野飲仲平過就甘叫個野飲，我心諗係咪on🐶如果仲平過就甘叫野飲緊係轉啦😓但令我諗到呢啲野既係因為佢啲態度真係好差我先會諗到甘，落完之後個fd都即刻話真係比佢由頭串到尾，成餐飯都食得勁5舒服，第一次會甘。

琴晚同男朋友收工去食，佢食過牛柳覺得ok 咁我又試下啦，去呢啲餐廳冇預期咩服務，但真係衰過澳牛囉話說我地同另一對男女搭檯，4個人都係牛柳餐，我嗰份最遲上，一上到嚟我切開已經覺得點解唔係七成熟，不過都唔緊要，照食啦，切到第二舊發現肉質好白，仲一層層咁，擺明係雞肉，咁我就同男朋友講，另一對男女聽到都話係雞肉，於是我地就搵職員問，問咗三四個人，佢地一嚟到睇都冇睇就話係牛肉，態度極差，仲話唔係牛肉唔通係豬肉咩，我地嘢都未講完就轉身走咗去！呢間餐廳嘅員工同老闆都好有問題，講真我都唔覺得真係好好食，好普通，佢地啲態度好似我要求佢比我食咁，完全不知所謂！如果未食過嘅朋友我覺得唔洗去試，根本同其他懷舊扒房嗰啲冇分別，唔好去受氣！

嗌左個黑椒牛柳同豬手。黑椒牛柳6成熟，好juicy、好好食😍😍不過啲薯條就林左啲。個豬手太咸，同食金華火腿基本上冇乜分別😅😅啲肉都好散。另外尼度啲茶好苦，羅宋湯啲牛肉太韌，忌廉湯就幾吾錯。尼到環境相當擠迫，周圍都幾大陣油煙味，但系服務都幾好，waiter都好有禮貌。整體上都滿意嘅😄😄

係厄朗整完夥都八點幾啦~曉餐時間同媽媽食曉餐午餐食過一次 味道果D已經忘記左叫左二個西冷扒餐 ($98/個)個餐有執烘過既包 就咁食有D乾 但脆脆地 浸湯食岩岩好有餐湯 我要左個忌廉湯 媽媽要左個羅宋湯個湯我覺得幾好飲 羅宋湯入面有幾舊肉 我試左舊又OK WOR ^^個扒我要黑椒汁 好大塊 差D食唔曬 仲有杯餐飲D侍應做野好有效率 你一食完 放底餐具就即 : 仲要唔要, 唔要就即收走...態度方面 只可以話客人太多 佢地有好多野要做 比較心急 差唔算差 好又唔算 ...唔知點講 環境方面 裝修懷舊  位置我坐入門口個位感覺好逼 我出同入都要人起身讓位比我先出到...好多客人 好嘈 ....就係咁啦, 但下次晚餐時間我未必會再去PS : 我同媽媽係食緊扒果陣話 對我地二個黎講 叫個晚餐再要個扒餐份量就岩啦`(以上只係個人感覺　＆ 意見 ) 

聽講安娜好出名，於是就特登入去試下，外面的舖面好特別，十分吸引。我地叫左個西冷扒餐，前菜係牛油多士一塊，烘得幾香脆，點羅宋湯一齊食剛剛好，羅宋湯味道濃，菜料也足的。主菜黎啦，個牛牛鐵板幾得意，見到隔離小朋友幾鍾意個鐵板。西冷牛扒切落去還算容易，可能因為佢落左好多鬆肉粉吧，因為個汁都蓋不住鬆肉粉強烈既味道。至於個伴碟既薯條唔錯，十分香脆，蕃茄也十分香甜。最後就係分享下杯野飲啦，我叫左凍鴛鴦，其實真係幾有趣， Anna扒房真係一間茶餐廳式既扒房，但係性價比認真差咁d，下次再去食第二間美食啦

安娜是元朗的舊式扒房, 常常都會見到有人等位, 生意好得很, 即使在網上食評不理想, 也不影響一眾街坊光顧的興緻。今晚友人相約食飯, 提議吃安娜, 雖然常在元朗活動, 卻久久未曾光顧安娜, 也就去吃吧。店內充滿懷舊風味, 既可節省裝修費用, 又可保存舊式風味。臨近聖誕, 亦都添置一些classic的裝飾, 增添節日氣氛。座位的確是坐得蠻擠迫的, 也必然出現搭枱的情況, 大家要將就一下。服務方面, 沒有大家說的那麼差, 正常吧。隨扒餐附送的多士微微烘過, 脆而不燶, 自行添加牛油進食。可選羅宋湯或忌廉湯, 羅宋湯較吸引我們, 有豐富蔬菜, 好足料, 亦都好濃味, 少少辣。我們叫了牛柳餐及西冷牛扒餐。牛柳六成熟, 切開見到粉紅色, 肉質好嫩好易咬, 亦有濃濃牛香, 估計該有落鬆肉粉, 因為那軟腍度確是不太自然。而西冷牛扒感覺較為「實淨」, 同樣牛味香濃, 兩個扒餐都份量十足, 女生可能吃不完。配上的薯條、蕃茄及雜豆, 表現合格。餐飲叫了熱檸茶, 可以消一消滯, 味道是一般餐廳標準。

一向服務差，現連品質更差！要四成牛柳，给了十成牛柳，同個負責人講，他竟然話因有鉄板，所以熟咗少少啫！未講完已經走開了！這樣的服務態度及品質，绝對沒有無下次幫襯！😣😣