安娜餐廳

营业中

休息中

一向服務差，現連品質更差！要四成牛柳，给了十成牛柳，同個負責人講，他竟然話因有鉄板，所以熟咗少少啫！未講完已經走開了！這樣的服務態度及品質，绝對沒有無下次幫襯！😣😣

作為元朗人九十後,次次經過安娜門囗都勁多人等位,今日下午心血來潮諗住黎潮聖一下「懷舊老扒房」,好好彩竟然唔駛等位,一推門口就感受到個果殺氣一班四、五十歲既叔叔姨姨待應,我同男友就比安排坐四人雅座,唔駛兩分鐘馬上就有人一齊「搭枱」今日叫左個黑椒牛扒意粉餐(包左一杯飲品,餐包,湯)主菜最唔得,以為鐵板上,點知膠碟,重點係D意粉,好似粗麵,煮爛哂,牛扒大部分都係根位,根本係食唔落,咬唔到!!!!!!!!!!!!!!!!!!!!!!!!!「懷舊老扒房」90s真係接受唔到,質素冇,人情味見唔到,食唔飽!絕對再冇try try既機會

住在元朗的人一定食過安娜雖然安娜不是大fit的扒但這裡就有一種情懷跟友人分別點了白湯和紅湯白湯就真的一般沒有料的白湯反而紅湯極好 料就有十足有菜 有紅蘿蔔點了洋蔥豬扒十分一啲都不硬很鮮嫩洋蔥味是舊式餐廳那種口味淡淡的洋蔥味另外點了一個鐵板餐牛柳很「軟身」肉味很重

有云，出左名就臭串。呢個情況就同同區既一d出名既糖水店一樣。不過食物好味，無計。去到，唔洗等，因為眼見d人食完就即走。原因，迫，吵。去到既時候，WAITER用3秒，執枱清潔，即問：「食乜？」但其實佢未俾餐牌我，俾完，2秒後，又問。大佬，第一版都未睇完！之後佢就"吱吱"聲，黑口黑面。同左一PAIR COUPLE 搭枱，一個手掌位隔離已經係第二枱。我就點有個西冷，女朋友就點左個豬手。由於鐵板既關係，來到渣渣聲，係幾有趣。西冷食落無我要求既生熟程度，明白既，要快嘛。不過肉質都無雪藏味，還給我一點點安慰。豬手，其實個人來講覺得幾好味，唔會大痴住D骨，又易咬，唔會好似食香口膠咁樣。同埋D汁好黏，感覺充滿骨膠原，女士好適合，連我都覺得好味。不過其實最吸引既都應該係，餐廳擺設，好鬼死鐘意佢張綠格枱布。不過，都係食一次，就夠了！

因為朋友們都是2月份生日，所以想一起聚一聚慶祝，聽人介紹這裡的牛扒很好味值得一試便來。約7點多的時候店舖客人不多，我們剛坐下便每人點了相同的7成熟牛扒，一位友人說以前來過吃所以要了5成熟，共5個西冷黑椒牛扒，另外還點了兩碟意粉，落單的女侍應便同我們講定"意粉待會你們一定吃不下"。先給每人上一碗白湯，湯還未喝完，牛扒就已經好快咁上到，所以湯先擺一邊，快快把黑椒汁倒上牛扒。有薯條配菜伴扒，可能每批扒質量不一(?)5人當中有3人的扒好"UN"當中包括我，咬到咀嚼肌有點累。雖然我平時不是素食人，但覺得一次吃下一整塊牛扒真的有點吃不下還怕食滯，而且沒什麼感到美味的味道可言。到8點外面已經開始有排隊的人了，店員不停加快速度上菜收碟，不得不說他們好像想快點收完你枱上所有碟即使你還未吃完已經開口問"還要不要？"，令人邊食邊有壓迫感，想快快吃完好讓出位置給門口的人。而兩碟意粉只是烚意粉完全無味道，但不想浪費食物，於是加上大量茄汁在意粉中調味才能把它吃完。看到這麼多人在外面等位，我們都不好意思再坐久，雖然剛來的時候，我們還問"可以買蛋糕來切嗎?"店員說可以才進來的，誰知最後吃完牛扒時蛋糕還是放在側旁的椅子

突然好想食意粉，就喺朗屏附近搵下，行過見安娜門口好多人等位，諗住好好食㗎咁多人等，又未食過，就諗住試下啦。首先攞位先，大約等咗十分鐘，等候時見門口個姐姐叫飛時已好串，心諗，嘩，咩態度。到入座啦，座位好密，我兩人被安排坐6人枱，拍住坐，已經唔係好滿意，見大部份人都食扒餐或晚餐。我點咗個豬扒會意粉，朋友就點咗個牛肉飯（兩個都加10蚊跟餐）。首先黎多士，多士簡直薄切，忌廉湯冇味，羅宋湯一般，到個豬扒意，豬扒超實，total有兩塊，但食咗半塊，真係咬唔落去，意粉就超林。朋友個飯，牛肉嗱到超林，唔好食。凍奶茶味道好怪。哩餐飯食到超冇心機，兩個都食唔哂，食唔飽。仲要畀加一服務，完全冇服務可言。唔會再幫襯

今日有朋友入黎元朗探我，問有咩好介紹⋯聽屋企人講「安娜」不錯，所以就帶佢去試試了⋯首先去到都係等左一陣間就有位了，但佢地既服務質素就認真麻麻..食方面唔試由至可，一試把幾火⋯朋友order既牛扒三文治...朋友覺得個包同塊扒好薄...同佢期望既有出入...味道都麻麻地...冰、檸檬多過茶既凍檸茶:茶淡而無味...啲冰太多令到好難篤爛檸檬黑椒牛扒意粉:可能因為煮定...所以意粉有點凍...啲汁有點"杰"...牛扒有點韌...但佢個黑椒汁有驚喜幾辣下同野味...跟餐羅宋湯:此湯不錯好野味...都有幾多蔬菜...跟餐既多士:呢塊包都係薄到喊...no good 真心覺得俾屋企人老點左...

元朗探朋友, 佢帶我地試下呢間老餐廳, 據說平時排隊要排好耐, 當天我地冇所事事 6:45 pm 到逹, 門口竟然冇人排隊, 朋友話我地走運了... 黎到呢類老舊的餐廳, 當然要食佢既鐵板餐啦! 朋友仲指明一定要飲紅湯, 事關湯料十足, 果然係正, D香又夠香濃, 仲有少少牛腩肉添! 不過就唔係配餐包, 係配方包, 呢度爭左少少. 我地叫左2個鐵板餐, 一個肉眼扒, 一個係西冷, 呢度D扒都几巨型, 淋汁果下好夠鑊氣, D煙好勁....咁當然咁既價錢都唔會係咩靚牛, 西冷牛味比較突出但較靱, 肉眼夠淋就爭左D 味... 我地8點左右離開餐廳, 門口果然大排長龍, 勁!

去到..一個女服務員行埋黎問食咩...我指住個午餐朱扒 講..我要朱扒呢個....佢就一句頂埋黎..講出聲丫....ok..忍你....之後佢問飲咩...女朋友就問佢...有無xx 丫...咁..佢又係好串...你照叫啦.唔洗問我...無我會話你聽嫁啦...態度非常之串!!!未食都已經咁...個餐咩味已經唔重要...仲要我個餐黎仲雞扒比我...我記得個lunch牌係無雞扒選擇..雞扒果個係有雪糕果個套餐黎...我就問第2個服務員...點解唔係朱扒既???佢望左一陣..就話..係雞扒黎...但我叫朱扒啵...我無叫佢換過...佢話..差唔多姐..雞扒都好食嫁...就係咁...好地地我又唔係無禮貌..食到一肚氣..我星期一至星期日都會係元朗搵野食...呢間野態度好差..可能價錢唔貴...呢d老地方...係有特別既風味..特別既特色

餐廳馳明黑椒牛枊但試過後覺得佢太淋，似係用粉「嗱」得太勁。朋友叫咗個T骨，唔係menu套餐果度，要另外叫。個T骨喜出望外，有牛鮮味同埋唔似牛枊咁淋。最後奶茶好飲，環境一般，要搭枱，坐得唔舒服因為梳化扁哂已經。

原本今晚諗住食既西餐廳竟然放假, 但因為想据扒既原故, 亳不猶疑就黎返呢度~~今晚真係好多人, 我地要搭檯之餘, 仲要坐得勁迫.我地諗都唔洗諗就叫野食, 其實每次黎呢間, 都幾乎係Order果一兩樣.黑椒西冷 + 黑椒牛柳先黎一份多士, 兩邊都烘得脆卜卜, 我一定用晒成舊牛油既, 肥都係咁話, 因為塗滿牛油既多士係最好味的~~羅宋湯, 入面好足料, 夠酸, 夠濃, 夠茄味~話咁快就黎喇! 塊扒完全可以蓋過個鐵板.扒下有薯菜, 不過通常都被汁浸到過淋...肉質夠淋, 唔會太UN~叫左七成, 只少都唔會熟透晒~~份量好夠, 女仔黎講, 應該會食得較吃力吧~~~

安娜呢個名聽左好耐都未食過，尋日同男朋友興起去食，大約五點左右去到，好少人所以唔洗等， 坐卡位都幾舒服，餐廳裏面好懷舊嗌左一份黑椒牛柳(五成熟)同菜遠雞球飯 忌廉湯都幾稀 味道好淡 個麵包好好好脆 薄薄地 加埋啲牛油 好食阿！個雞好滑，汁同菜就普普通通都係個啲味牛柳好鬆軟  個黑椒汁一倒落去  香味出曬黎 嗌左五成熟岩岩好 少少生 好味！一個set有餐湯、包、牛柳、餐飲 大約$100價錢親民合理 會有下次成日聽人講嗰度啲人態度好差 唔知係咪人少所以都無乜話態度差 都okay既

開左幾十年到而加仍然好多人等位，係一間扒餐大多要八十蚊以上，包括餐湯、多士、餐飲。去呢度真係要飲羅宋湯，好足料真係有牛肉粒，而且酸酸辣辣好開胃仲有多士係即叫即烘，脆卜卜同其他餐廳既餐包有好大分別雖然扒餐係唔包括飯或意粉，但淨係食扒已經夠飽，扒既份量係十分大而且一塊過又厚身，唔似一般餐廳兩塊既薄扒另外，星期一至四都會有晚餐大約五六十蚊，有扒配飯或意粉、焗飯等等，有餐飲餐湯之餘仲有雪糕或啫喱做甜品，認真扺食不過每日晚飯時間都一定會有好多人等，如果想避開繁忙時間慢慢嘆既話就要早啲去啦，大概六點半開始就會越來越多人

因為有同學係元朗人入開元朗就緊係要食好野啦我同學就帶左我黎呢間anna restaurant因為呢間係元朗都幾出名,所以7點過d就黎到好好彩唔駛等位睇出面就好似幾有情調咁但一入丁去就會知道好逼我就叫左個fillet steak,洋蔥汁,7成熟叫左唔夠一分鐘就送黎多士個多士略脆,都ok既之後唔夠幾分鐘就送左個羅宋湯黎個羅宋湯都幾有料但我個fd飲剩少少時就收左佢個羅宋湯你會feel到間野好想你快d食完快d走同埋我個fd好無奈重頭戲黎啦汁略少,配料有三色豆同french fries配料我會寧願係corns only,因為三色豆有雪味塊steak一切係7成熟既因為會見到有d紅紅地色但steak其實都幾'un'不過叫做大塊但我個fd個塊就有好大舊肥膏最後就叫埋個野飲唔夠30秒就送到黎整體黎講,野食同價錢係ok既但個atmosphere係冇乜情調個tempo真係好快但如果只求食steak呢間係唔錯既choice 

本來滿心歡喜由九龍入到元朗同大哥一家人一行六人安娜餐廳吃晚餐，等叫位時門口女侍應已經粗聲粗氣，算數，唔想破壞氣氛。我們共叫左4個鐵板扒餐，2個咖喱飯。很自然是餐湯先上，我們便喝湯，喝湯中途，突然有一位講野好大聲嘅男侍應生走埋嚟話：你地叫的只有4個係有餐，有2個沒有，餐湯要另外收錢我地覺得好突然，湯係你地攞埋嚟，又話要收人錢，好過份我地而且重有一碗係無飲過，叫佢收返走，男侍應好大聲咁話：我地收返都係倒。好似係我哋唔啱咁，嘅然講到咁，咁我話咁你咪收囉！重要我小朋友叫的忌廉湯有螞蟻，我小朋友即刻成碗湯都無飲咖喱豬扒飯，豬扒沒有咖喱味，好似d豬扒煎好，再淋d咖喱汁上面咁重要，一吃完唔夠一分鐘，即刻有侍應問你係咪唔要，收走。然後你再唔走，佢地就不停埋嚟執枱。。。好討厭，直到迫到你走為止我肯定：我以後一定唔會再去安娜餐廳吃飯