宏 (已搬遷) 新店位置

我好鍾意食日本菜,無論是刺身還是料理都無一放過😂我朋友知我咁鍾意食日本野，尤其係鰻魚，於是帶我黎呢間鰻魚飯好出名嘅‘宏’開餐Menu款式不算太多，但一心黎食鰻魚嘅我睇見Menu就變得貪心了😝發現‘迷你三彩丼’啱晒我等左一陣，食物就到。嘩！賣相十分吸引，三碗的份量都係一樣大😆😆首先，吞拿魚蓉飯的吞拿魚份量很多，味道也算不錯，可惜沒有太大驚喜另外，昆布蕎麥面雖然賣相比較簡單，但可能昆布量很多，材料雖然簡單但卻很鮮味，清淡得來十分舒服最後，都我接我嘅吞拿魚啦龍龍的鮮味，清淡得來10分舒服最後，到我至愛嘅鰻魚飯啦！鰻魚肥美多汁， 同飯比例剛剛好，一流👍🏻👍🏻👍🏻👍🏻下次我再食，一定會叫大鰻魚飯😍

鱈魚飯套餐有五件item鱈魚切成片，炸過再裹上燒汁一次滿足三個願望，香，脆，鮮，蘿蔔仔好新鮮，欣賞你！跟餐既蕎麥湯麵，海帶很多，麵體可以稍微硬一些期待已久的甜品我哋揀咗抹茶味卷蛋，裡面的抹茶忌廉並沒有很甜，反而抹茶味道濃烈再次欣賞你！沒有露面的earl grey，飲過之後唔覺得佢賣茶葉有咩出奇係一杯治愈人心的earlgrey跟餐仲有沙律(我沒有太注意它，抱歉)一個餐有咁多件頭，158加一，食得開心，俾得甘心

今日Lunch The one 宏 睇呢度D帖而來配角-饅魚蛋包飯 兩舊饅魚 加d滑蛋 一碟白飯 淋d超市饅魚支樽汁加埋果小碟生菜栗米仔 收你158蚊主角-抹茶蛋卷 送既系一口過的蛋卷仔跟餐變大塊+20蚊 先講味道 我閉目而嚐 有抹茶味 甜甜地既抹茶蛋卷平時面包鋪十幾蚊一盒6件既差不多不過少左用抹茶粉去整 我相信系貴左系呢度餐茶 用茶包 但系幾好飲服務 個日本女人經理 幾有禮貌 目測無5張都4張尾總結蛋卷認真無傳説中咁'把炮'只系面包鋪無得賣 一舊價錢=面包鋪5-6舊 不過味道不失禮我對食野己無慾無求 但試完不是想象中的驚奇杯茶值得一讚 好飲

再到「宏」，品嚐的同樣是炸豬扒咖哩飯，味道一樣好！豬扒炸成金黃色，香脆！扒身鬆軟，不會死實，而且炸衣薄，不會吃得滿嘴都是炸粉，上菜時炸豬扒仍熱騰騰冒著煙，非常吸引！咖哩汁的份量足，用作拌飯剛好！美中不足的是咖哩汁中沒有太多的雜菜，有點失色。米飯採用日本米，米味香濃，口感軟稔，佳！

今次黎「宏」主要的原因係因為想食佢最出名的綠茶蛋卷 放工後，相約友人到位於the one 5樓的「宏」食晚飯 點知⋯ 比我想像中有一點出入 我點了一份套餐，包括： 沙律一份、小碗鰻魚飯、 小碗吞拿魚碎飯、小碗海藻烏冬、高級斯里蘭卡紅茶、小蛋卷，共（$168）但略嫌吞拿魚碎不夠新鮮。另一份套餐則有：沙律一份、小碗海藻烏冬、和風牛肉丼，共$148。和風牛肉丼感覺很似中式牛柳粒 但入口尚算不錯👌🏻套餐的蛋卷可選：香草味/綠茶/黑芝麻。我和友人選了：綠茶和黑芝麻味。意想不到黑芝麻味竟然有驚喜幼幼的芝麻粒，入口很滑，而且入口芝麻味很濃，十分好吃！ 由於蛋卷真的很出色👍🏻 但套餐的味道卻有點失望。因此，建議可試「宏」的蛋卷和其他甜品，熟食可不用試。

在尖沙咀上班午餐的選擇的確比其他地區多，位於 The One 的宏有午市套餐，價格由 $79-$128 不等，選擇也不少，有蛋包飯、冷麵、炸豬排飯、 豚生薑燒飯、鱈魚排飯、炸雞排飯等套餐，平均加上服務費大概 $100/位。高級斯里蘭卡紅茶根據餐牌，這杯就是高級斯里蘭卡紅茶，嗯，沒有什麼特別的。但是店員也會主動過來加添熱水，算不錯。照燒雞肉套餐 $88我們一桌人分別點了炸雞、冷麵、 豚肉、 照燒雞肉等不同款式，各款賣相都不過不失，沒有哪一款特別突出。我點的照燒雞肉味道也不錯，但如果你問我跟連鎖餐廳那款比較，這裏的性價比太低了。 抹茶小蛋卷 套餐+$10 套餐+$10可以加購小蛋卷，+$20可以選擇大蛋卷，有原味、抹茶和黑芝麻。身為抹茶控當然不用想了，之前宏在佐敦開店的時候，已經對它的甜品久仰大名了，當然要一試。果然味道真不錯，蛋卷鬆軟，忌廉也香滑。點套餐的時候一定要加購蛋卷來試試啊！總結就是即便是午餐的性價比也不高，但是十分推薦甜品，難怪好像專注甜品的時候人氣比較高。

係門口睇menu時俾講日文經理既笑容吸引左入去食，見openrice d食評講到鰻魚咁好食就諗住叫一份黎試下啦叫左個醬油烏冬set, 烏冬好味夠彈牙，叉燒都好淋，99蚊有埋熱紅茶同埋大蛋卷，真係幾抵食咖哩蝦天婦羅飯， 個咖哩汁好稀，啲天婦羅蝦好淋，個炸皮好難食，d飯又少期待左好耐既鰻魚，睇個樣好靚，大大啖食落去，點知勁苦，再食真d原來係有好重燶味，反轉條鰻魚一睇原來好多鑊屎。同個waitress講完之後5分鐘就補返另一碟鰻魚俾我地，但個waitress同我地講d黑色一點點唔係鑊屎黎，係鰻魚d皮，我地又要同解釋我地食到好苦，完全係鑊屎既味道。其實食左幾十年鰻魚又點會唔識分d味係皮定係鑊屎呢？！再試下新個碟鰻魚，冇鑊屎味但條鰻魚係凍既，其實我都唔expect佢係即叫即燒架喇，但冇諗過會凍既都俾個客食，我地即刻吐返出黎唔敢食。再同佢waitress講碟鰻魚凍既，佢話要問返個廚，又冇offer 話可以取消碟鰻魚或者换過碟新，依$120真係俾得好唔甘心，因為放都放唔到落口。個蛋卷味道都ok既，但冇其他食評講到咁驚為天人咁好食埋單$371黎講，其實價錢一般，但食物質素就偏差，勸大家都係唔好抱咁大期

睇其他食評講到宏好吸引咁，而且有好多LIKE，於是便相約朋友一試。我點了雞扒套餐，有飯、昆布烏冬、沙津、跟餐紅茶和抹茶蛋卷。說實話，主食令人失望，水準非常一般，而且食物溫度不夠熱呢!宏主打抹茶甜點，當然要試試抹茶蛋卷。幸好抹茶蛋卷的CREAM挺LIGHT，而份量亦不會令人覺得太膩，我反而還想再吃多點呢!另外，隨餐附送的斯里蘭卡紅茶也不錯，聞起來有果香，飲落都唔會澀，好順口。總結，我認為大家還是在這裡吃甜品好了，熱食真的很一般。

成日都行尖沙咀，都唔知食咩好，the ONE夜晚間間餐廳都排晒隊😵 但係呢間出名食抹茶甜品嘅宏🍵就冇咩人，所以就去試下佢嘅晚餐☺️ 睇menu俾我地想像中多選擇，冷熱烏冬、刺身丼、鰻魚飯，一時之間都諗唔到食咩🤓 最後要左煙三文魚冷烏冬，見佢有得送出名嘅抹茶蛋卷😆  冷烏冬幾好食，口感煙靭，海藻味就唔係太覺，但有少少似蕎麥麵😋 煙三文魚上碟時捲得好靚，不過其實只有一塊三文魚🙈 份量唔算多，啱晒仲有第二個甜品胃嘅女仔😆  抹茶蛋卷🍵 係呢度嘅招牌，好有品質保證😍 蛋糕軟熟有淡淡蛋香，裡面抹茶mousse 好滑，好重抹茶味😋 抹茶控必食呀♥️

一直都想試「宏」，今日終於一嘗心願⋯⋯結果係非常失望😞1. 蛋糕茶餐 斯里蘭卡紅茶，雖然係茶包，味道香濃。而芝麻卷有淡淡嘅芝麻味。芝麻愛好者表示唔夠喉 🤷🏻‍♀️2. 抹茶卷（大）+宇治抹茶奶基於茶餐只跟紅茶，如果轉野飲要俾該飲品嘅半價（即使紅茶原價$39，抹茶$40🙄）其實有啲搵笨，如果轉餐飲，要俾$59+20=$79；但我散叫都只係$30+40=$70一樣嘅野食，散叫比叫餐平🤷🏻‍♀️但野飲到左後，我原本嘅沾沾自喜大大巴摑落自己度 😑 （雖然打到起泡，視覺效果良好）杯野飲細到呢 😮 比一個正常水杯細，杯口只有一隻食指長杯野好飲都算⋯⋯我唔係好飲到奶味，而且飲飲糖水😑不過抹茶味係有嘅Overall, 我拎$40買Starbucks matcha latte 好過至於抹茶卷，可能期望過高，抹茶味冇乜而忌廉味重同埋可能雪左一段時間，卷面嘅抹茶粉緊貼住海綿層⋯⋯圖為：週日下午冇咩人

閨蜜早幾日約我去尖沙咀行街濕平，即時眼說好呀！中午時候街上人來人往非常迫人，我們轉戰商場一來可以行得舒服啲二來搵嘢食都方便呀！最後我倆選了日本菜，因為這間有好美味既甜品食，一次過滿足晒我哋需要。午市定食有好多款式揀。R11. 迷你三彩丼定食 跟紅茶 送 細香草蛋卷 $168雖然係迷你定食但都好豐富，每樣做得好精緻，沙律配黑醋幾醒胃，海帶湯烏冬，烏冬夠煙韌，吞拿魚蓉飯，吞拿魚鮮甜，鰻魚飯醬汁惹味鰻魚大塊厚肉。R12. 牛肉壽喜燒 $128 跟紅茶而牛肉壽喜燒湯底濃郁，牛肉鮮嫰配菜有豆腐、大蔥、粉絲等配埋白飯一起吃真滿足。紅茶茶底夠香濃。最後到甜品喇，這個草莓卷蛋味超香濃郁，質地軟綿綿好好食。

見到呢間日本餐廳咁多人食，就好奇佢係咪真係咁高質。等左10幾分鐘，終於入到去。個Menu都幾多花款。呢個迷你三彩丼定食完全可以滿足到三個願望。見佢每樣嘅份量都唔係好多，以為會唔飽，但食落其實真係好夠！佢個鰻魚唔會因為係迷你版而得一舊仔，真係每啖飯都可以食到鰻魚嘅香味！海藻烏冬食落就比較清淡，可以中和食完鰻魚嘅味道。之後再食吞拿魚蓉飯，味道幾好，好滿足！加咗$20叫咗宇治抹茶同埋培茶呢個鰻魚蛋包飯個蛋應該有加到牛乳落去炒，好滑好香！鰻魚都係好軟熟，燒得幾好！跟餐除咗沙律同飲品外，仲有一份卷蛋。今次揀咗抹茶味，估唔到佢係咁重茶味，唔會好甜，值得encore！兩個甜品控無論食到幾飽都當然要帶返個甜品！呢個抹茶芭菲份量俾我哋想像中多，面頭嘅餅乾甜甜地，雪糕就好濃抹茶味，mochi 軟綿綿好好味！中間仲有啲抹茶啫喱，好有口感！呢個焦糖布甸芭菲，望落去成個藝術品咁。佢個布甸好香蛋味，士多啤梨好甜，個感覺都好refreshing!

多年前已移民到日本四國的合金哥，我跟他相識已半個世紀了，今天他回香港探親，之後，約了他在尖沙咀 The One 商場5樓嘆日菜，在精挑細選下，宏就是理想之選，因為他對魚情有獨鍾，特別是饅魚，他認為一條上乘的饅魚除了新鮮外，加上厨師的秘汁，在控燒過程的耐心及技術下，鋪在軟綿綿的飯上，就是世上的完美！宏的佈局就是日式大東瀛的特色，令人如置身於大日本的格局，合金哥以為自己仍在四國中，他也被食物飄來的味道大喊:"嘩！ 好想家！"我們叫了以下東西:1.大鰻魚飯+麵: 日本錦盒裝著充滿醬汁的二條又肥又大的饅魚，配上QQ又晶瑩通透約新潟米，筷子已急不及待鑽進去，再放入口中，鰻魚充滿鮮味但不肥膩，魚油香情悄悄地鬼祟滲入飯中，口感和味百倍……好好味呀！2.迷你三彩定食: 吞拿魚蓉碎飯，粉紅色的賣相，已攻陷了合金哥的心靈，他形容打碎了的吞拿魚，更有魚味，與新潟米天生一對，永不分離！而海藻烏東也份外入味，口感十足，淡而清爽！3.抹茶蛋卷: 迷你size，入口如絲的滑，cream 好細緻好甜，抹茶味濃，好甘香4.芝麻蛋卷: 合金哥表示芝麻與cream混合得很對等，全沒over感，芝麻味又濃郁，yummy5.抹

佢為一個抺茶控，點可以唔試下宏？位於尖沙咀the one 5樓，地理位置極方便！出奇蛋都係一次過滿足你三個願望，呢個迷你三色定食一次過可以滿足你五個願望！願望一：吞拿魚茸飯，加埋紫菜一齊食仲好食過食吞拿魚手卷！願望二：蒲燒鰻魚飯鰻魚重大件過啲飯，好似食緊巨型鰻魚壽司咁！願望三：估唔到咁爽嘅幼烏冬面，加上爽脆海苔，感覺清新！願望四：滿滿綠茶味蛋糕🍰願望五：香濃抺茶奶茶全部都係我至愛！叫一個餐就滿足曬d願望！呵呵！點少得叫埋甜品！抺茶軟雪糕芭菲一個芭菲6種材料，抺茶雪糕好味唔洗多講，驚喜係最底果層花生糖！由於地點太方便，下次想食抹茶甜品會再來！

幾年前，《宏》在佐敦店時我已經光顧，搬到the one 後，我一直都有追隨，由其他們的蛋卷及紅茶，水準真是不錯！女人永遠留第二個胃去食甜品，今次一口氣食盡五款口味的小蛋卷，點了一份二人份量的小蛋卷系列$159，包括兩杯斯里蘭卡orange peoke 級數(最高級)的紅茶，五款小蛋卷分別有香草味、草莓、咖啡、朱古力、抹茶，香茸味蛋味較重，忌廉非常滑口富奶香，草莓稍遜色一些，草莓都幾酸，咖啡是用上製8小時的冰滴咖啡，濃郁甘醇，朱古力味的蛋卷也十分濃厚朱古力香，又不會太甜膩，壓軸主角當然是抹茶，味道清新甘甜、芬芳高雅，紅茶是湯色橙黃，味道沒有太重的苦澀，口感都清爽香醇環境都不錯，都寧靜又舒適，與友人來歇息下談天都是不錯的地方。