宏 (已搬遷) 新店位置

飯後鬆一鬆，一件蛋糕加一杯熱飲都幾享受。「宏」既是一間餐廳又是甜品店。我記得第一次幫襯時是一間西餅蛋糕店，而今變化大了，種類多了，有鹹有甜，進步了不少。蛋糕套餐最抵食，可選任何三十元或以下糕點配紅茶一杯只五十九元。如單買價錢就不化算了。士多啤梨紅茶散發出果香，不濃不膩。清香的一杯茶。芝麻味卷蛋，餅質軟綿鬆化，優香的芝麻味道慢慢滲入口腔內。忌廉夠綿夠滑，芝麻的焦香表露無遺，簡單的一件大滿足啊！

抹茶蛋糕係宏嘅招牌蛋糕，咁岩朋友生日，就直接訂原個抹茶海綿蛋糕一齊食，一齊開心share，原個都係一百八十蚊，好多都唔止呢個價！原個size都夠4-6個人食，佢啲cream又唔會太heavy，個抹茶又好香好濃，有少少回甘添，咁嘅價錢黎講真係抵到爛啦！下次要試下焙茶味先得！希望都係咁高質啦！唯一不足嘅就係佢個生日牌，唔夠grand唔夠靚！同個蛋糕夾起黎都好似怪怪地，唔加牌可能會仲好添！如果呢樣可以改進下就perfect喇！

這次品嚐了宏的「咖哩豬扒飯」，非常美味！豬扒炸得非常香脆，口感厚實，炸衣很薄，不會吃得滿嘴是炸粉。咖哩飯上菜時豬扒仍在冒煙，即叫即炸，佳！咖哩汁為日本咖哩，不辣但十分香濃，混有牛肉及洋蔥，味道棒，用作拌飯確實一流！米飯選用日本新潟米，充滿米香，而且顆顆分明不欺場！套餐還包括餐前沙律及紅茶一杯，紅茶香濃，充滿果香，即使二度添加熱水味道亦未有變淡，推薦！

宏的甜品卷蛋一向出色，其實咸食都好正架～今次跟朋友來享用晚餐佛手柑沙冰這個味道好少有，而味道酸中點橙味，好清新，好fresh~豚肉生薑燒飯配海藻烏冬 $140，送錫蘭紅茶及卷蛋，另選其他飲品要加錢。海藻烏冬好特別，第一次食，100%純日本國內產小麥粉和含有纖維質海藻製成，相當健康。幼身烏冬質感彈牙，相當可口，令我吃個不停。至於豚肉生薑燒飯，豚肉醃得非常入味，肉質鬆化，燒汁好正。牛肉壽喜燒 $128除了鍋物，配有白飯、日本蛋、錫蘭紅茶，另加$10/20有小/大卷蛋。牛肉片重肉香味，再沾蛋汁食增加嫩滑口感，不錯。而蔬菜也吸收壽喜燒的味道。另加錢點抹茶奶，抹茶味好香濃但又不甜。大香草卷：蛋糕超鬆軟，忌廉甜而不膩，有驚喜。抹茶細卷：迷你可愛，抹茶味好濃郁。抹茶雪糕芭菲 $88抹茶軟雪糕香滑重茶味，啫哩及丸子都好QQ，食完甜點心情更好。

2月生日真的很忙, 所以朋友要我選擇餐廳,因為知我會挑食。我記得The One 有一間宏日式餐廳是我們之前多年前在佐敦食過的,那就過來緬懷一番。中午戶外工作,肚餓得很,所以我點了一個大鰻魚飯套餐, 他有原條鰻魚飯,再加海藻烏冬,配上小蛋捲，和錫蘭紅茶。鰻魚飯用了一個和式飯盒承載著, 一打開,鰻魚晶瑩得透閃閃發亮, 非常吸睛。鰻魚醬汁是他們秘制的,跟一般鰻魚飯的不同。朋友點了一個鱈魚飯套餐。鱈魚飯 ,鱈魚煎香上面灑上芝麻,外脆內軟。由於日間行程太緊密,買不到生日蛋糕和他慶祝。那麼我就點了兩個芭菲, 當做生日蛋糕吧.香草牛奶軟雪糕芭菲。上面有紅桑子,黑桑子,奇異果, 蝴蝶酥和香蕉。曲奇餅。下面有一啲杏仁。焦糖布甸芭菲。上面有個雲呢拿雪糕。另外有個焦糖布甸放咗喺側邊,配上士多啤梨醬同士多啤梨切片和曲奇脆脆, 還有一份威化脆餅。幾年前的話題和現在的已經不一樣, 希望你生活愉快, 別為身邊的人與事煩擾。滿分為10分(1分最低，10分最高)食物：8.5環境：8衛生：8服務：8價錢: 8.5舒適度：8總分：8

識我既人都知我鐘意食日本菜，又係一個抹茶控，禁啱比我發現到呢間餐廳有好多唔同種類既日式料理，又有我最愛既抹茶甜品，滿足晒我兩個願望！ 套餐選擇好豐富，聽講呢度出名鰻魚、蛋包飯同埋甜品，最吸引我既係鰻魚！仲有比較獨特既海藻烏冬。《迷你三彩定食》$168定食最吸引人既地方係能夠同時食到唔同種類既食物，而呢個定食十分豐富：沙律、海藻烏冬、吞拿魚蓉丼、鰻魚丼。*海藻烏冬係扁身麵條，好滑好彈牙，湯底清清地，幾好。*呑拿魚蓉色澤粉嫩，入口軟綿、新鮮。*鰻魚外皮煙韌，有嚼口👍🏻肉質偏結實，唔係軟淋淋個種，個人唔係太喜歡，不過味道唔錯，鰻魚汁份量恰好，食落唔會乾、唔會太咸。《鱈魚飯套餐》$152好有驚喜，鱈魚外皮薄而脆口，肉質飽滿、十分嫩滑，而且熱燙燙，好香好美味👍🏻👍🏻跟餐送細蛋卷一件同埋斯里蘭卡紅茶☺️我地揀左《抹茶蛋卷》、《芝麻卷》蛋糕體鬆軟，但濕潤度略嫌不足，不過抹茶同芝麻味都夠突出，忌廉口夠都算軟滑，不錯！ 難得一場黎到，就試埋佢嘅招牌芭菲😍《香草牛奶軟雪糕芭菲》$88芭菲外形好靚，用料豐富，有好多種唔同嘅水果，而且全部都好新鮮，又夠甜👍🏻白玉丸子好煙韌，好想食多幾粒呀！雪糕都唔錯，

難得同表姐相聚梗係要搵一個坐得舒適的地方啦，今次又嚟到the one，我哋兩個就揀咗食日本野，餐廳名稱為「宏」，位置在L5 5樓，上電梯或搭一出就會見到，而且非常大間。「宏」是一間非常日系西餐feel的餐廳，食日式食物但賣相都做法係西餐咁，不單有主食物，而且甜食都係佢哋主打，所以嚟到食完飯後必定要點甜品先會叫做完滿。打開餐牌，表姐已經深深被鰻魚吸引，馬上點了“ 迷你三色丼定食”， 三色丼有小碗鰻魚飯、小碗吞拿魚碎（魚生飯）、小碗海藻烏冬，套餐配沙律，紅茶及 蛋卷，相當豐富。鰻魚十分肥美，魚肉嫩滑，而且冇骨。吞拿魚碎帶點點魚的鮮味，份量十足。海藻烏冬，湯底清甜，烏冬都算彈牙，很優質。而我就叫了日本蛋包飯系列，點了“咖喱炸豬扒蛋包飯”， 炸豬扒不算油膩，肉厚沒有肥膏，咖喱汁帶甜不辣，滑蛋十份滑溜，白飯及雞蛋份量超多，根本一個人都冇辦法可以食得完。至於套餐附送的高級斯里蘭卡紅茶，茶味也不錯，仲可以不停refill熱水都唔會沖淡茶味，非常好。蛋卷也是附送的，我哋叫了抹茶蛋卷及黑芝麻蛋卷， 蛋卷軟綿綿，抹茶味十足，黑芝麻味濃烈，兩者都不會太甜。不能缺少的日式甜品，芭菲系列必叫之選“ 抹茶軟雪糕

被朋友臨時召見, 收工後就即時去應約齊齊敗家去...努力過後就去醫肚喇，今次近近地揀左係the one 嘅宏晚餐⋯貪佢食完正餐都仲有幾多靚靚甜品選擇嘛枱與枱之間距離都唔窄，所以都坐得幾舒適⋯朋友點嘅 - 炸豬扒蛋包飯套餐 $128配上迷你沙津。蛋包飯嘅醬汁係咖哩汁，但就係偏甜嘅日式咖哩（小朋友都食得果款），而豬扒就係屬於軟淋嘅，如果佢再香脆d就更好和風牛肉飯 + 烏東套餐 $148同樣地配上沙津，牛肉飯嘅醬汁係類似甜酸醬嘅汁，食落會好開胃嘅感覺，牛肉有肉味食得出係中級質素嘅，而且入量多，甚至係牛肉比起飯係重要多嘅。而烏東就係普通清湯烏東，用嘅係稻庭烏冬。正常女孩子應該都未必食得哂，但當日我太餓嘅關係鯨吞成個套餐之餘仲食得埋甜品添牛肉飯套餐嘅甜品 - 迷你香草蛋卷 （3個口味可選）以牛奶口味黎形容可能更貼切，cream 係香滑嘅。甜品黎喇 - 抺茶軟雪糕芭菲 $88 & 焦糖布甸芭菲 $88見到芭菲個樣就已經夠開心啦，芭菲勝在係唔單單係雪糕，配料多所以會更有層次，配料有蕨餅，杏仁片，丸子，紅豆，都估唔到杏仁片同抺茶都幾夾架喎。

好耐冇食日本野了，經過宏，被門口的餐牌吸引左入去。接待我地既系日本人侍應，突然讓人感覺好似身處日本。店內有好多日式工藝品擺設，清爽大方。我地決定試下套餐，set配有沙律🥗，錫蘭紅茶，海藻烏冬，小蛋捲。大鰻魚飯套餐套相出眾，米飯更令人開胃，系新瀉米，淋上日本醬油的，實在是好味。鰻魚厚切而好入味，口感細膩，送飯一流。另一個餐系鱈魚套餐，大大塊鱈魚十分肥美嫩滑，不過味道就有少少偏咸，送飯就還好。沙律糸健康的和風沙律，新鮮。海藻烏冬，份量都幾多，海藻對身體好有益，健康食品好受歡迎。甜品可以揀抹茶味蛋捲或者黑芝麻蛋捲，我地揀左黑芝麻味。細size黑芝麻蛋捲，鬆軟綿密，甜度正合適，一d都唔膩，超好味。配上錫蘭紅茶，實在系大滿足！

相識總是緣，友緣及姻緣，緣份很特別，話嚟就嚟！ 話走就走！不能強求，緣盡了卻無法回頭！十年前，我認識了他，三年前，他在家中攪燒烤而認識了她，上年，因為她帶我去燒烤，而認識了另一個他 (我男朋友)，早前，我在飯局中，介紹兩位他認識！當晚飯後談起，原來我們也認識一對教友夫婦朋友，真有趣！ 於是，我提議這次4 人飯聚！大約半年前，我們一行4人，為了遷就尖沙咀工作的她及喜歡食日本菜的他，又要符合男朋友的要求 budget；傷腦筋之下，我建議走到位於尖沙咀的人氣日式餐廳 <宏>！我預先在網上訂枱，用餐時間 90分鐘平日夜晚算少人！桌上設有 “叫人嚟” 的按鍵！方便大家！餐牌照燒雞飯套餐+海藻烏冬 $140份量不多，除了甜美醬汁的照燒雞之外，亦配上西蘭花及甘筍等配菜！海藻烏冬是幼身，並非跟坊間的烏冬一樣！口感軟硬適中又掛湯！沙律有清爽的生菜、甜美的粟米、爆汁的車厘茄、甘筍絲、紫椰菜絲，配上日式口味清酸的柚子醋汁，幾開胃！鱈魚飯套餐+海藻烏冬 $140同樣配有沙律、海藻烏冬及甜品！迷你三彩丼定食 $148 包括：小碗鰻魚飯、小碗吞拿魚碎 (魚生飯)、小碗海藻烏冬，還有沙律、細抹茶蛋卷

大約3年幾前係佐敦聽產前講座，聽完去左宏食甜品，我記得食左甜品拼盤味道係唔錯的，但成日要排隊佐敦店已搬到The one,今日同先生又黎食午餐。見到海藻烏冬好特別，營養豐富係日本仲得過獎，就叫左個迷你三彩丼定食包括左海藻烏冬，鰻魚飯，吞拿魚碎飯，3碗加埋份量十足，我先生都話好夠飽，海藻烏冬好滑溜，加埋爽脆既昆布一齊食好味，湯底咸咸甜甜好香。鰻魚好嫩又肥美，有跟埋七味粉同山椒粉，侍應姨姨有介紹七味粉係for海藻烏冬，山椒粉for 鰻魚。落埋2種粉增加香味，更加好味。吞拿魚碎新鮮味美加左紫菜絲，連d飯都有飯香粒粒分明個set仲包埋沙律，小抹茶蛋卷，錫蘭紅茶，沙律菜新鮮，小抹茶蛋卷蛋糕濕潤充滿抹茶香，抹茶cream香滑甜度剛剛好。錫蘭紅茶唔澀口亦帶有花香味，仲有得添飲。炸豬扒蛋包飯d蛋勁嫩滑又有豐富蛋汁仲好香蛋味，伴有咖哩汁唔單單得甜味仲有肉香味，撈埋飯一齊食好好食，炸豬扒肉厚外又脆餐飲轉左宇治抹茶奶，香滑微甜。最後叫左抹茶軟雪糕芭菲，抹茶軟雪糕微甜帶回甘，有軟滑抹茶啫喱，甜蜜紅豆，煙韌白玉，香脆甜既杏仁薄脆糖，1杯芭菲包含不同口感同味道，充滿驚喜。餐廳經理熱情，侍應姨姨幾nice。環境乾淨整

呢一日收工，我同個同事大家屋企都冇飯食，於是我哋就一齊食飯啦。個同事話想去The One睇鞋，咁我哋就想走喺度係搵嘢食啦，喺扶手電梯口見到有「宏」既宣傳海報，對日本菜冇抵抗力嘅我哋就GOGOGO啦！❣️環境&座位餐廳嘅樓底好高，比到好大嘅空間感我哋，唔會覺得侷促，我哋被安排坐二人位。雖然隔離有三五成群嘅食客，但好彩走廊空間足夠，唔會影響到大家。❣️Menu餐牌方面，有麵食、刺身丼飯、or熟既丼飯都有，另外仲有個甜品Menu，款款都好吸引。✨大鰻魚飯套餐 ($198)✨套餐包附送沙律、海藻烏冬、小抹茶蛋卷、錫蘭紅茶(or加錢轉其他飲品)餐牌話呢個係即叫即燒，會等得耐小小，大約15-20分鐘咁。✨鰻魚飯經過20分鐘嘅等待時間，令人垂涎嘅鰻魚飯終於嚟到我面前，我即刻伸手打開鰻魚飯既蓋，入面嘅熱力同鰻魚嘅香氣一湧而出。鰻魚魚肉夠厚身，仲有兩大塊咁多，面頭鋪滿鰻魚汁，放入口唔會覺得腥，反而係濃濃嘅魚油香味，撈飯食一流。✨海藻烏冬跟餐仲有一小碗海草烏冬，呢個烏冬味道清淡，同鰻魚一齊食都好夾，一濃一淡，襯托住惹味既鰻魚。✨小抹茶蛋卷侍應見到我哋食完個主食，就主動問我地不如上埋個甜品。咁呢個小抹茶蛋卷都係

好多年前由佐敦店去到而家The One店🥰 仲推出左甜品任食🤩 質素究竟係點？下午茶甜品放題 💲98（2小時）*星期一至五1430-1730供應（最後落單時間為1700）**記得食得曬先好嗌‼️唔好做大曬鬼✅ 香草蛋卷既cream好食😋✅ 綠茶雪糕同窩夫/泡芙都夾 但香草雪糕就一般般🍨✅ 拿破崙好食不過太細件▫️❔ 芝士蛋糕唔夠結實🙅🏻‍♂️👅Taste：3.5/5💰CP值：3.5/5🙋🏻‍♀️Service：4/5👁‍🗨Stylishness：3.5/5

朋友喜愛抹茶，就約左佢黎呢間係尖沙咀the one商場內既宏，貪佢又有主食又有抹茶甜品，一次食曬唔係周圍轉場。大鰻魚飯套餐$198呢個套餐除左鰻魚飯之外，仲有附送沙律、烏冬、抹茶卷同餐飲，真係好豐富呀！鰻魚飯味道不錯，肉質柔軟。海藻烏冬爽口彈牙，湯底比較清，剛好中和鰻魚的味道。跟餐的迷你抹茶卷好好食，蛋糕柔軟濕潤，抹茶味濃郁炸豬扒蛋包飯$128豬扒分量不算多，但係炸得好脆，豬扒都有肉汁。蛋包飯的蛋炒得很滑，但如果內裡係炒飯唔係白飯就會更出色啦。宇治抹茶奶$40更餐轉飲其他飲品可以減20，就是這杯只需20蚊就可飲到。抹茶味道非常濃郁，帶有抹茶獨特既甘味，不錯。日本草莓沙冰$89非常大杯，真係要快d飲，如果唔係就會不停融化流下。這杯沙冰飲得出係用草莓果肉打成，並非用化學調味，味道很清新。不過草莓味道可以再濃些。日本草莓卷$60同抹茶蛋卷一樣，這個都很出色。蛋糕很鬆軟，忌廉也很好食。抹茶軟雪糕芭菲$88好多配料好豐富啊，睇見都開心！雪糕軟滑，同入面d配料一齊食真係好唔錯！

今日相約兒時玩伴黎到尖沙咀 甜品外賣我之前就係k11買過, 朋友想試下 我地就決定上去餐廳食下主菜 ! 今次想試下佢d雪糕 🍦同我回味以久的甜品傍晚時候 客人不算多 menu選擇都花多眼亂 為左可以食到甜品同正餐 決定叫個set試下 呢到的海澡烏冬主打日本空運過黎 我呢個麵怪當然要試下 set價錢合理包飲品大蛋卷同一碗麵 我就要左大芝麻蛋卷 🔸醬油海澡烏冬麵 set 店員特別介紹係日本空運到港嘅海藻烏冬，好有營養價值，我同朋友聽到即刻話好！叫返個 哈哈！ 而且係日本得獎，咁難得緊係試下! 麵的份量足夠一女孩果腹 叉燒偏瘦 湯底好有醬油味 不肥膩 清清地 麵的質地彈牙 口感不俗 海藻烏冬滑身， 食落後勁有淡淡海藻香。 拉麵煮法得香港特有， 另外的冷面，清湯同意粉 係日本都有得食。🔸芝麻蛋卷 朋友點了綠茶卷 我對於黑芝麻有所偏好 難得甜品有 當然就要試下 食落芝麻味濃 會有回甘的感覺 加上蛋糕有點濕潤 令到蛋卷加分 齒夾留香🔸綠茶聖代綠茶雪糕 淡淡綠茶香 質感比較似沙冰 不重牛奶味 如果可以加入牛奶一起 會令味道升華 雪糕底下係杏仁片 有一層焦糖包住 食落脆脆 好香口 有把成個雪糕的感覺提