宗像屋 (已結業)

這間餐廳只售賣四款不同款式既海鮮丼，客人可按照自己的口味和食量，選擇合適自己的海鮮丼。餐廳首先會送上前菜。前菜是兩片魚生，配上芝麻醬。一片以刺身方式食用，味道鮮甜，令一片則留待最後作茶漬飯。先品嚐原汁原味的海鮮丼，然後用紫菜製成手卷，最後記得叫店員加湯，把剩餘的三分之一碗海鮮和白飯和前菜的生魚片製成茶漬飯。三種食法，各有特色，只是把作為前菜的生魚片加進茶漬飯後，魚肉會稍為變熟了，我個人覺得是還是生吃比較鮮甜～竹，承惠$148。壽司飯上堆滿由角色海鮮混合而成的小山丘，賣相不俗，打卡一流。裡面包含多款魚生，例如吞拿魚，北寄貝，帶子，三文魚子等等，味道有點複雜，舌頭實在難以分辨吃的到底是哪種魚～但整體味道是鮮甜的。價錢合理，用料新鮮，味道不錯，值得支持！

Searched it online . It looks good so go to have a try.... em... it’s not bad.. sashimi in rice are fresh but maybe the minced sashimi are not my cup of tea! 上網搜尋搵倒昵間刺身飯，就去試一試... 小店是用心做食物的！剌生切得細碎... 刺身飯上卓的時候嘩一聲的！刺身切碎堆得滿滿.. 成座山甘！😱😱😱 價格就有點貴！

朋友話今日帶我去深水埗食好野，出咗地鐵行左幾條街終於搵到啦，原來係一間魚生丼小店，店內座位不多，大約可坐20人左右。一場嚟到梗係食最貴嗰個㗎啦，其實呢度都係得個幾樣野揀，價錢分為「特上」(HK$298)、「松」(HK$198)、「竹」(HK$148)和「梅」(HK$108) 四款。見到特上海鮮丼時，忍不住嘩了一聲！第一時間當然是相機先啦，滿滿嘅魚生丼❤️，有吞拿、吞拿魚蓉、北寄貝、帶子、甜甘蝦、三文魚子、烏賊、油甘魚、鯛魚、蟹肉和海膽 （$298）本襯我其實麻麻地鍾意食搞埋一齊嘅魚生丼，但見佢好似成座山咁震撼又真係幾過癮，魚生整體來講都好新鮮，唯獨是最期待的海膽感覺一般，不夠鮮甜。朋友就叫了每日限量供應嘅全🦀丼110g $298 ，蟹肉都幾鮮甜！不過同等價錢，整體就唔夠海鮮檔震撼喇！一碗飯有海鮮丼、飯卷、茶漬飯3種食法。桌子上有詳細食法教路，十分講究。

系深水埗 既宗像屋 只賣4款飯「梅、竹、松、特上」梅同竹用料系一樣，總共9️⃣種食材（吞拿🐟、吞拿魚蓉、烏賊🦑、油甘魚、北寄貝、三文魚子、鱲魚、帶子、甜甘蝦🦐） 只不過竹比梅既份量較多松🌲有埋蟹肉🦀特上有蟹肉🦀同海膽我今次試既系 #梅 $108一飯三食 想試好耐！桌上有指示教點食唔洗加一，叫完無耐就有🤤見到已經流口水🤤用秘制既豉油淋上魚生飯，就已經好好食！除左吞拿魚蓉，其他魚都系一粒粒，份量足夠，亦好新鮮😋飯微暖，一粒粒，唔會黏埋🍚食到咁上下可以用提供既紫菜包手卷，可惜只有2塊紫菜，想要多2塊既要加$15食淨1/3飯時，將飯倒哂落個碗到，然後遞比師傅，佢會幫您加d蔥、芝麻同埋上湯，變左 茶漬飯 仲有兩舊芝麻醬油甘魚比你配茶漬飯。就咁食果兩舊芝麻醬油甘魚濃味左少少，放埋落茶漬飯整熟黎食就ok!茶漬飯令到d魚生都變左熟魚 口感又唔同左！Ig:foodiephy

質素真是很不錯😚😚😚經朋友介紹來到此店，晚上八九時去到，幸好不太多人，雖然店子小，但也不用等好耐。店子很舒服，小但空間感十足，客人與客人之間不會很逼～店內的餐點只有四款，由於我食量不大的緣故，所以都只叫了最普通份量最少那款 — 梅，但其實份量已經很多。這裡的丼飯好特別的，是將十款不同的刺身切碎，味道很是相襯！而且外相十分吸引，看到已經很想食！食這個丼食有三個步驟的，首先他會建議你食一塊生魚片，之後你可以開始食丼飯，但切記要留下一些飯是之後加湯食的！加了湯之後有另一番風味，都很好食！極度推薦這一間小店！很高質的！

聽左哩個大名好耐喇 終於去到食喇😍🤩😊☺️好彩早去到不用等位 嘿🤓既然嚟到 就點了特盛🤤🤤是由十二種刺身而成的 包括🈶️吞拿魚 吞拿魚蓉 北寄貝 希靈魚 帶子 甜蝦 三文魚子 烏賊 油甘魚 鯛魚 蟹肉 製成刺身蓉 仲有海膽 😍🤩真係好吸引好正👍🏽👍🏽已經流哂口水了🤤🤤刺身丼有三食 可分為刺身丼 自製手卷🍙同埋茶漬飯 第一食係丼 見到成座山咁高都已經好吸睛👀✨刺身非常新鮮又肥美😊正喔😊☺️不過略嫌太多葱了😥😥小妹覺得葱味太強勁 個人不太喜歡喔 但每啖都食到刺身真係好🈵️足呀😊☺️不過食食下發覺無太大驚喜 味道都係不過不失 第二食係自製手卷又幾得意嘅😄😀第三食係茶漬飯 佢個湯🈶️柚子皮 芝麻 葱花 味道都不錯 不過真的太飽 所以只飲湯🤤🤣但我還是覺得食過一次便算了😝😛

又係一個毛毛雨嘅晚上 到深水埗食聞名不如見面嘅魚生飯 唔知係咪落雨嘅關係 都冇上網講得咁多人排隊 ，大概等左5分鐘就入得去 鋪頭唔係好大只有16個位 ，小弟不嬲都係唔會出去食嗰啲所謂丼飯 ，因為唔知來貨好唔好 但係知道呢度老闆係由日本嗰邊入貨 而且價錢只需要＄100鬆啲 ，所以先放心一試 Order左之後大概等左10分鐘左右就來了 ，不錯的 今次買咗最平嗰個試下先 因為我心諗如果唔夠食嘅話我叫多個都得 魚生新鮮度幾好 不過講咗有咁多種魚生 其實都係吞拿魚較多 我估係中落位？ 所以如果有朋友話想試吓多種魚生唔同嘅滋味 我諗呢個唔係好啱 不過新鮮度味道也很不錯 紫菜略嫌比較少只有兩塊 不過夠脆同紫菜香味都好夠 ，湯飯亦都唔錯 除咗加湯之外亦會加左蔥花 。蔥花令成個湯升華咗好多 ，所以話有時好食嘅嘢唔一定要用好貴 ，去睇點樣配搭 總括來講 依間野性價比係超級高 而且有多種食法亦都唔會悶 會再嚟 P.s 只收現金 冇加一

難得早放工，男友知我鍾意食丼飯，就帶我去呢間穩閉日本海鮮丼餐廳。食物選擇不多，只有幾款丼飯，大致只有份量大少同材料多少之分。我跟男友都係細食之人，所以選擇了份量較少既"梅"丼。呢到丼飯有趣之處係有三種食法，仲有圖文教授。可以自製手卷，再直接丼食，最後加湯做茶漬飯。可能自少愛媽媽整既電飯煲鍋飯，所以都係比較鍾意直接食丼飯。但驚喜係最後試既茶漬飯都幾好味，以湯作結可以起清味蕾的作用。以食物質素來說性價比算幾高，可以再試

這次和友人來到人氣日本丼餐廳宗像屋！我們6:45左右到達，好幸運！竟然不用等位！來吧來吧來試試看！餐廳有四款丼以供選擇我們都選了$298的「特上」丼「特上」有十二種類既海鮮每桌也有附上食法教學！「一丼三食」更期待呢！來了滿滿的料！還有海膽！對海膽控來說，好滿意先來，小碟的是「胡麻醬配油甘魚」，我先吃了一片，覺得滿搭的魚片也鮮甜，濃濃的味道！再來，小碗上的紫菜是讓食客自製手卷的！二食自己動手包手卷！滿滿的料，飯量也非常足！海鮮丼上有灑上洋蔥碎碎，令口感更豐富三食茶漬飯！超好吃把飯放在碗裡，再把小碟的「胡麻醬油甘魚片」放在飯面，店員就會幫你加湯，然後，就可以品嚐到熱騰騰的茶漬飯了！湯頭非常鮮甜，另外加了芝麻、蔥花、柚子在茶漬飯裡，端到面前的時候已經香味撲鼻本來還跟朋友說「好飽了」最後還是吃光光！ 因為這個湯實在好好喝呀！之前試過禮拜六來，但太多人等位了，所以放棄，想不到這次不用等，真的好開心終於吃到了整合來說，是非常滿意這晚餐，店員態度也不錯，海鮮丼的份量是十足，飯量很夠，料很多，吃貨是可以把它整個吃完！沒有限時用餐，吃不多的朋友慢慢吃也是可以吃完啦😂😂😂 我個人推薦要試試茶漬食法！去試試

今日放工經開而頭附近~就約埋公司d同事一齊黎試下新野!!長長既人龍...排啊排啊排啊排。。。都唔知排左幾耐先可以入到去食 haha入到去之後好快點左兩個丼飯一丼三食！我唔客氣啦整得好靚！ 影相打卡必須吧 hahahaha首先就咁試下先~umm...雖然幾好食！但而d太雜太碎。。 我比較鍾意食一塊塊既刺身！當然佢而個都唔錯既，都新鮮同好多既！ 唔似出面得小小刺身放係度裝飾！而且仲可以加埋紫菜包住d飯同刺身食有三個唔同既食法！ 扺啦！！可以一試

是朋友爸爸介紹下去左食，真系好多人排隊。本身吾系食開貴野，見到你餐牌真系驚左驚，不過第一啖食落口真系已經忘記價錢真系會好想再食。不過好想佢再多啲款式菜佢又有得自己包紫菜，又有油金魚做前菜。其實甘好食都抵返都值得去食下。

復活節長假期尾聲，決定去深水埗搵美食-最後決定去宗像屋食海鮮丼。記得開業初期來幫襯，排隊等開門都，要排約30分鐘才能入內進食。今日再次等開門但人龍明顯沒有之前多。我地排唔夠一分鐘就能食頭圍😃。看看店內環景，所有都如年多前來食的一樣。侍應態度友善和禮貌。令人覺得好舒服。一坐下就送上熱抹茶。等待我地點餐。餐牌好簡單得4個套餐-梅，竹，松，和特上。主要係魚生的種類和分量的差別😃。最後我地決定order 2個餐 一個係 梅 （餐牌上入門價錢），一個係 松 （餐牌上第2高的價錢）😗😗.點餐後 立刻送上魚生🐟生片。侍應會提你可以留一片作湯飯時食。跟著就上主菜啦🐟👀。魚生好似軟雪糕形狀🍦放在壽司飯上。你的魚生丼價錢越高 你的海鮮分量越多👀😁。總之。讓你吃得飽才離開。大滿足😋😋

一直知道食宗像屋首先要排一條好長好長嘅隊，咁岩今日同朋友晚上6:00左右經過，條隊又唔算好長，就即管試一試排睇下入唔入到去。既然我同朋友係最後兩個入到去食嘅客人由於想食蟹肉嘅關係，我嗌左”松”！首先就黎左魚生塊比我地做前菜，上面有芝麻醬，店員吩咐其中一塊魚生最好留低到最尾食茶漬飯時加入。之後我嘅魚生山終於到了睇落去真係覺得好壯觀！啲魚生好新鮮，不過我就覺得啲飯凍嘅會比較好，因為而家啲飯有少少暖，同凍嘅魚生好似唔係好夾。不過overall都係好味，份量十足！最後留咗少少飯同埋前菜嘅一片魚生，去做茶漬飯！茶漬飯比預期中好味，魚生淥到半熟都好有魚香味總括而言，我覺得如果唔使排好耐嘅話，呢一間係值得一試嘅！但係如果要排好耐嘅話，我就可能會卻步了

位於深水埗嘅呢間丼店，已經講左好耐好耐好耐話想試，我諗有一年，哈哈。最初開嘅時候真係人頭湧湧，而家情況稍緩，假日都好快入座。宗像屋裝潢日式，以淺木色為主，座位唔多，一邊係L字型嘅高枱櫈，但鋪面又幾闊落，一至四位會比較容易等位。餐牌單一，只有4款丼飯，話就話四款，嚴格上係好相似嘅野，定價$108-298，在於魚生種類唔同，大約十至十二種，最貴嘅丼會有蟹肉、海膽。麻醬吞拿魚吞拿魚正正常常，唔係咩靚料，可用黎配茶漬飯。梅 $108、竹 $148飯嘅製作相信很簡單，點單前後不到幾分鐘，就上齊四個飯。兩款丼嘅魚生種類一樣，一共十款，吞拿魚、吞拿魚蓉、北寄貝、希靈魚、帶子、甜蝦、三文魚籽、魷魚、油甘魚、鯛魚。只係竹嘅魚蓉份量較多，相差40蚊。丼飯賣點為一丼三食，可當一般魚生飯咁食，另外提供兩片紫菜，可以自製手卷，最後可叫店員加湯變成茶漬飯。所有魚生混合碎上為蓉，做成魚生山，加入青瓜、蔥粒、白芝麻。魚蓉眼見以吞拿魚蓉、三文魚籽佔多，其他魚生份量不多，就算有，都感覺唔到，偶然會食到北寄貝、希靈魚、蝦嘅碎片。每種魚生嘅味道唔係太明顯，又未至於肥美，但亦唔覺下欄。飯量大概係筒嘅一半，足夠一人用，飯粒雖有芝

其實之前每一次行過都見到排哂隊，咁啱早2日同朋友行過，竟然唔使排隊😱，可能當時已經20:15，咁梗係試下啦✌🏻✌🏻，環境唔錯，雖然地方好細，但都坐得好舒服，而餐牌只有四樣嘢，梅，竹，松，特上，因為第一次食，所以只係叫梅同竹試下，其實2個既分別只係其中一個會多d魚生，好快個魚生飯就到啦，外型都唔錯，個味道都不太差，入面除左魚蓉之前🙈，仲加左小小蔥花同柚子皮，都幾夾既，但唔好問我d魚生好唔好食，新唔新鮮，因為食唔出😂😂，有3款食法既，但我最鍾意最後一個食法，就係菜漬湯飯👍🏻，個湯好好飲，但個人認為貴左少少😅