宗像屋 (已結業)

魚生被堆成小山似的 下面是飯，餐桌前有很詳細的介紹 宗像丼的正確打開方式，一般第一次來肯定會照著做，不過個人覺得 最後加湯的泡飯吃法有點雞肋。不太辣甜甜的挺好吃，前菜很特別，竟然是用刺身，好一個麻醬油甘魚，刺身飯新鮮可口！

深水埗美食多已是不俱爭議的事實，今天我無意中發掘了這隱世小店。鄰近嘉頓，平日路經深水埗也會忽略此處。店內裝潢簡單，只有十六個座位，其中有六個是吧枱。主餐牌比裝潢更簡單，只有四款丼，說白一點，其實只售一款食物。幸好，它還有一款限定食品。原本，心已涼了大半，但人已到此又為何不一試；我們最後點了其中一款丼和限定火鍋。順帶一提，店內沒有告示，但原來有人均最低消費HKD 108。如果有小朋友又佔座位，不知他們如何計算！經過今天之後，我又長了一點知識。原來一丼可以三食：1. 魚生飯2. 手卷3. 茶漬飯這兒的魚生丼由十至十二款海鮮製成，價錢由HKD108-298不等。我們選了十款增量版，魚生份量多三分之一。每一款丼也配上油甘魚生魚片，可生食或作茶漬飯配菜之用。魚生口感新鮮甜美，一邊食又可一邊製作手卷。芥末看似生磨，甚有口感的刺激。平日我甚少飲麵鼓湯，但今天我卻對他們的茶漬湯飯另眼相看，究竟是他們的秘方，還是胡麻醬帶出鮮甜味；我也弄不清楚。但有一點我可以肯定：這兒的丼是我食過最美味的魚生飯。相比之下，這款限定油甘魚火鍋，難以丼爭艷。油甘魚片很肥美，魚肉丸調味加強了味蕾的感官，不加醬料也非常美味。白飯

今次去到宗像屋，又係矛盾大對決嘅時候。呢度只係有四款丼，第一款有我最愛嘅海膽，但係就要成二百幾蚊，最平嘅一款＄100左右已經有，但所有野都係Mini版。有鑒於我最近已經去到月光嘅階段，所以我叫左最平嘅丼，梅。其實佢都已經有好多唔同嘅刺身，例如北寄貝、吞拿魚、帶子、三文魚子、甜蝦、油金魚等等，每一款海鮮都廿分鮮甜，味道唔錯㗎。最特別嘅係佢呢度係一丼三食。首先，你可以將佢當刺身或者海鮮飯咁食。第二，你可以將佢當係手卷，用餐廳提供嘅紫菜，擺少少飯同刺身想去，包埋一齊食。第三，當你食晒啲刺身之後，留低一半飯，將佢倒落湯碗度，廚師會幫你加入湯，做茶漬飯。三種食法我都幾鍾意，當然係因為材料本身夠晒鮮甜，而最後嘅茶漬飯，個湯青青甜甜，味道討好，正！

今晚想約朋友靜靜哋傾偈兼享受美食，之前見其他朋友post相，覺得呢間宗像屋嘅木桶魚生飯好靚，就決定黎呢度試下！大約7pm去到，已經即刻有位，舖內有bar枱，另外6-7張細枱。可惜細枱已滿，我地惟有坐bar枱。睇餐牌，得4款魚生飯選擇，我地以一試心態，點了1個最平$108、1個最貴$298🤣（後尾再睇原來有全蟹丼，留返下次試啦！）先黎一個魚生片加胡麻汁，好好味😍好快K.O.左主角魚生飯登場，最貴嘅「特上」係多左蟹肉同海膽，仲有魚生份量多啲，外觀上已經好吸引😍海鮮都夠新鮮，海膽夠大件！味道唔錯😋之後再黎2塊紫菜，立刻整左手卷，夾左好多魚生，仲夾左最愛嘅海膽，好味、好感動啊😍食下食下，雖然停唔到口，但不能忘記可以請店員加湯，再加埋最初嘅魚生片胡麻醬，熱騰騰嘅自製茶漬湯飯就完成🍲🙇‍♀️一冷一熱感覺完全唔同，有至食嘅胡麻醬，都好味啊😋👍都係留返少少至愛嘅海膽做茶漬湯飯🤣食完咁大份量嘅魚生飯，真係超級滿足（超級飽），之後同朋友行左成個幾鐘褲頭先鬆返啲🤣🤣

終於有機會一嚐宗像屋的海鮮丼。晚餐時間約7時左右到達，到達時門外已排長籠，等了大約45分鐘才進內。見到特上海鮮丼時，忍不住嘩了一聲！外型相當吸晴！當然是相機先食！嗯，味道還可以，只是味道不及外型吸引，未必會再嚐第二次。

知道佢出左蟹丼，今日專誠一試～😝不過之前無睇佢咩價錢，去到有少少想唔食，最平都298，之後398、498，對我來講真係貴左啲，不過一場去到都試一次喇～蟹丼一來雙眼發光，高高嘅蟹肉在飯嘅上面，見到都知啖啖肉，仲有3款醬汁任你點～除左沙律醬另外兩款都唔錯。另外仲有碟蟹膏，真係餸飯一流，啲蟹膏好香～😋首先用紫菜包啲飯包啲飯再加少少蟹膏醬汁做成手卷，一啖一個～紫菜記住食先，因為好快唔脆食到一半强忍住食嘅衝動，因為要留返整茶漬飯，湯有淡淡柚子味，好食～真係啖啖蟹肉～幸福知味❤️

每日收工等巴士都見到好多人排隊，外表睇黎平平冇期，睇openrice先知係高評價的日本餐廳，難得約左老友食飯，就一於試下傳說中既神秘的魚生飯😋小店在深水埗嘉x 面包往寶blood醫院方向既幾個鋪位，我們大約7點到，閒日時間，所以唔算多人排隊，等左10分鐘度就入到，鋪頭原來都好細，大約只有10-15個座位，唔怪得大排長龍啦，佢地只有4個飯揀，由9種海鮮刺身既「梅」到11種海鮮刺身既「極上」教你點食嘩，啲魚生砌到好高好多，又唔同色，加上個木桶，好吸精食完後可以叫佢加魚湯架，好好味丫，實在太好食，食一個好似唔夠喉

餐廳只有四款丼選擇：梅、竹、松和極上，價錢分別為$108, $148, $198 和$298。今次點了梅和極上，看一下有何不同☺️「極上」魚生丼🐟🍚($298) 有除了「梅」的九種魚生：呑拿魚、吞拿魚蓉、北寄貝、帶子、甜甘蝦、三文魚子、墨魚、油甘魚、鯛魚，還加上蟹肉🦀和海膽😍魚生新鮮肥美 二食是加紫菜自整手卷三食是茶漬湯飯 梅 ($108) 魚生份量較少，但同樣新鮮。食物 ⭐️⭐️⭐️⭐️環境 ⭐️⭐️⭐️服務 ⭐️⭐️⭐️價錢 ⭐️⭐️1/2📍地址：宗像屋🍱深水埗青山道60號地下B舖

餐廳位置十分隱世，經過了數十次，如果不是見到有人在門外排隊，根本不知道這裡有間餐廳。入面的座位很少，餐廳很早就關門，建議最晚8:00就要來到。進去之前完全不知道有什麼可吃，進去之後看到餐牌也是讓人呆掉，竟然道只有4個餐可以點🤣🤣🤣而每個餐都只會多一至兩款配料，由於本身十分喜歡吃海膽，因此只能以$298最貴的價錢點了特上。還好，海膽的份量不少。生魚子很新鮮。其他就比較普通😜😜😜整個魚生飯的白飯很多，還好，吃了三份二，餘下的三份一可變做茶漬飯，這樣更易入口。總括而言：菜色少，只會吃一次。

今日公司要上堂去左深水埗, 放學後同事話附近有間食丼飯既舖頭好出名, 一齊去試下, 有好野食緊係應約啦。去到6點半左右, 已經有約10人排緊隊, 等左15分鐘左右入座, 佢個menu得幾個丼飯揀, 分別係梅﹑竹﹑松﹑特上 (價錢由平至貴, 梅有9款魚生, 竹係增量版, 松多左蟹肉, 特上多左蟹肉+海膽), 因為覺得分別唔大, 我地揀左最平既梅。侍應先上2塊混左胡麻醬既魚生片, 介紹我地先食1塊, 另1塊留返黎食茶漬湯飯, 然後到主角呀「梅」出場, 送到黎個陣嘩左聲, 好高~ 起動啦, 佢仲有2塊紫菜俾你自制手卷食, 紫菜都幾脆, 食到得返少少飯就嗌侍應黎做茶漬湯飯, 味道幾鮮甜, 唔錯。1個丼飯3種食法幾特別, 但係味道上對我黎講真係一般, 主要係刺身切粒撈埋一齊之後我唔知自己食緊咩, 好似食肉餅咁, 食過1次就夠喇~

If you wish to eat here without queuing, suggest to go before 7pm or after 8:15pm, but better call first as they close at 9pm.If you are thinking to eat 竹, I would suggest 梅 for girls who have a bigger appetite than normal girls.Firstly mix the wasabi with soy sauce, after pouring it all over the raw fish mountain will bring out its fresh and sweet flavour .But it would be even better if putting less of those crispy vegie in the fish, in my opinion.Seaweed is served for wrapping the rice and fis

本身朋友話去呢間食拉麵，去到原來搞錯晒😂😂😂😂呢到只係得魚生飯食架咋！平時好似話都幾多人排， 咁岩又星期日以為要排長龍啦，12點幾黎到點知唔洗等喎～！餐牌上有梅、竹、松、特上四種！基本係有9種海鮮，其他款式係增量版，蟹肉版同埋蟹肉海膽版咁！本身唔是咁好魚生，入到黎洗濕個頭無理由唔食既😂就叫左個《梅》即係最基本果款，有九種海鮮！首兒黎左碟前菜有兩塊沾左芝麻醬既魚生，侍應話可以留返黎食茶漬飯。原來呢個魚生飯食到尾係可以加湯做茶漬飯的🤤個魚生飯黎到都幾震撼架，魚生山成座刨冰山咁！搞到我都唔知從何入手😅 9種海鮮刺生撈埋一齊既感覺好似啲剁肉餅咁😂唔係咁鍾意魚生既人要慎入呀！淋左醬油加芥辣之後食左啖魚生先！味道都唔錯呢，都幾香同鮮，同埋啲魚生本身都有調味過既，有青瓜同蔥🤤 啲飯煮得都唔錯，唔淋唔硬！另外仲俾左幾塊紫菜用黎包手卷咁食✌🏻食到最尾剩返啲飯就可以將啲飯杯去個碗到同加埋前菜塊魚，再叫侍應加熱湯，就變左茶漬飯喇！塊魚就熟左，有鮮魚味道！咁都幾好味呢👍 一兜飯就幾種食法🤣都幾得意！食到勁飽呀！不過呢到最低消費係每人都要一個飯，細食既朋友真係會食唔晒架～整體黎講都唔錯的除左比較貴😂食完出黎就見

之前係電視節目有介紹, 行過幾次都超多人, 今日待登6:15到達, 剛好有位, 食完出黎已經排到滿曬人只得4款, 梅,竹,松,特上, 其實每款形狀出黎都是一座搭咁, 只係當中魚生有所不同, 越貴加的款式相應增加, 第一次食, 就試了最平的$108(梅)吞拿,吞拿魚蓉,北寄貝,帶子,甜甘蝦,三文魚子,烏賊,油甘魚,鱲魚竹-加份量松- 加蟹肉特上-加蟹肉和海胆所有魚生切到細細粒, 攪亂, 其實你食起上來, 都五知邊樣打邊樣, 但他做到一座搭咁, 就係好有新鮮咁. 一開始有兩片魚生小食, 他教食,先食一片, 留一片最後做茶漬湯飯, 呢片魚生是加了胡麻醬汁, 未食會以為怪怪, 原來又幾夾.按他的方法加上wasabi同醬油落丼內一起食, 一入口海鮮溶化入口, 真係鮮味都不得了. 不過當你食多幾口,就會有d漏同有d悶, 因為分五到食緊d乜野魚生.好彩他有兩片紫菜教你自制手卷, 口感又會有不同最後食埋個茶漬湯飯, 一入口湯味清甜, 湯又夠熱, 消除了剛剛食到有漏的感覺整體感覺不錯, 店細細, 好日本家庭式店舖感覺. 海鮮質素好高.

呢排成日見人地分享呢個成坐山咁既丼飯~尋日經開深水埗就黎試下佢!!!呢度地方唔大, 只係有 4張4人台, 同埋數個吧台位置!!!而食物方面亦只有4款丼飯選擇：梅 $108 - 9種魚貝海鮮竹 $148 - 份量增量既 9種魚貝海鮮松 $198 - 10種魚貝海鮮 + 蟹肉特上 $298 - 10種魚貝海鮮 + 蟹肉 + 海膽其實都係大同小異, 只係睇下你食得到咩份量;同埋想唔想食蟹肉同海膽!!!最後我就揀左增量版既【竹】原來佢係比【梅】個座魚生塔大D 同高D;睇落飯既份量都係一樣~~佢將所有魚生切成一粒粒再切返個塔式出黎；所以每一啖都食到唔同既魚生!!另外佢仲有圖文介紹另外2種食法架~~有齊中文同日文, 方便客人睇!!!其中一種食法就係將佢變成手卷~~每個丼都跟兩塊紫菜, 加少少飯同魚生包成手卷咁就食得!!隨丼飯亦會同時跟有一碟前菜;係魚生片伴有胡麻醬汁, 可以就咁食, 或者留返一兩片用黎做茶漬湯飯!!要做茶漬湯飯, 就是留返 1/3 壽司飯, 再加入前菜既胡麻醬汁及魚生片 再叫店員幫拎去加入茶漬湯飯!!!個茶漬湯飯味道唔錯, 佢個湯清得黎帶點點甜, 個人十分喜歡!!總括黎講, 魚生飯

終於等到天時地利人和，一試傳聞中的刺身魚丼! 剛好過了繁忙的午市時間，所以排隊不像平常誇張，等一會兒就可以吃了。環境方面餐廳舖面是仿照傳統的日本餐廳，有一道大大的木門，與旁邊的店舖相比，有點格格不入，但因為這樣，讓人經過也會留意。至於店舖裏的裝修也是充滿和風味，但餐廳座位不多，大概每次最多容納十多人。服務方面這裡的服務沒有特別，因為食法的指示牌，用具及添茶的茶壺都全部放在食桌上，客人可以自己來。食物方面這裡的主打是刺身魚丼，共有四款可選擇。基本上每款都包含九種海鮮，如吞拿魚、帶子及甜蝦等。如果想吃得豪華一點，可考慮有蟹肉的松套餐和再加上海胆的特上套餐。另外午市和晚市的餐牌以及價錢也是一樣。我們分別點了竹和特上套餐，店員會在點餐後送上胡麻醬伴生魚片，是留來最後吃的。點餐後我們立刻研究食法，共有三個吃法。第一種是像我們平常的食法， 把芥辣放到日式醬油，拌好後倒進刺身飯裡就可以吃了。第二種是把飯和魚生放到紫菜上，包成手捲來吃。第三種是把丼飯留起大概三份一，然後把開始時的胡麻將生魚片加進去，再加入秘制上湯變成茶漬碗飯。事不宜遲，開動了!竹套餐和特上套餐。第一種食法，刺身也很新鮮，材料份量很足，