宗像屋 (已結業)

[ 從不令我失望 | 真正的一丼三食🍣]••我個朋友話佢朋友睇我啲Post，見我成日提住男朋友🤭因為通常帶我周圍去食野既都係佢🤷🏻‍♀️將我越養越肥🐷今次都係要講一講，呢間次次都係佢話要去食，次次都勁滿意好滿足🤤⋆ ⋆ ⋆ ⋆ ⋆🔹特上宗象丼($298)⭐️9/10▫️首先有兩片魚生(配麻醬)作前菜😋先食一片，另一片留返食茶漬飯啊☝🏻▫️丼飯堆到成座山咁🌋係用12種魚生混合堆成，雖然撈匀哂唔係好分辨到，但係新鮮鮮甜既👍🏻混左啲青瓜、馬蒂、希靈魚增加口感👅仲有少少柚子，令成個飯都有陣柚子香🤤▫️可以將魚生同白飯放上紫菜上，自製手卷🤲🏻可惜只有2塊紫菜，同埋紫菜唔夠脆口，要啲啲牙力👹▫️將最後三分一個丼飯+前菜魚生片放去另一個碗🥣比店員加湯，變成茶漬飯，係我既最愛呀❤️熱辣辣既湯將魚生燙到半熟，非常鮮甜既湯，仲有幾片柚子，食落真係勁舒服💕我飲到一滴不留🤤-▪️有呑拿魚、呑拿魚蓉、北寄貝、希靈魚、帶子、甜蝦、三文魚子、烏賊、油甘魚、鱲魚 + 蟹肉 + 海膽🍣(PS 海膽非常鮮甜😻)-🔺坐吧枱可以睇到師傅砌座山😆🌋-

有一次揸車經過，看見這間店子有多人在排隊等候，但招牌上又不見有任何文字，好奇心驅使之下把車子拍在附近走來看看，八卦問一問他們，他們說這是一間隱世日式料理，但他們說今天已經full了於是我過兩天放假的時候專誠早一點過就等着他們12時開門，今次是一個人，其實一個人也有一個人的好處，就是可以認真集中去品嚐食物的味道128元的價錢有得玩又有得食，根據佢嘅食用指南去做便可，魚生絕對是新鮮製造，師傅們都很專心製作，欣賞他們的工作也是一種享受建議大家一定要試吓，他們的服務態度也十分好，很細心為你解釋食用的方法，值得一試啊

傳說夜晚人龍很長的隱家丼飯藏身於深水埗近嘉頓，選擇中午十二時到達，不用等位，立刻入坐。一坐下就看到食法介紹，一丼三食，先是海鮮丼，二是自制手卷，三是茶漬湯飯。好味又好玩

這間店舖不是第一次來食了，不過第一次為佢寫食評，我知佢哋三點鐘就要落更，所以好趕地兩點幾去到他們店舖食個午飯，阻住佢放工真係有啲唔好意思，不過員工都好好！他們地方細細大約都係得十幾個位，平時排晒長龍的，今日我太晏來冇晒人他們店舖好簡單他們的魚生飯只有四個選擇四個不同價錢，每個價錢多一兩種魚生今次我就選擇咗第二項價錢，他們食法在枱面都有說明，好專業各種魚生都好新鮮，份量都幾多，就這樣食夠晒鮮味，用紫菜包住食多一份紫菜香一樣咁好食首先來一個前菜兩片魚生，要先食1塊，留返1塊最後加湯做茶漬飯

開着一段日子終於有機會去試吓下午時段去冇咁多人平時都係排勁長隊點左個最平一開始俾咗塊吞拿魚加芝麻醬好味新鮮啖啖肉之後主菜 份量都幾多新鮮即整食完啲魚生之後我可以叫店員加湯做茶漬反熱辣辣真是好味好夠飽

一年前試過，當時如果唔係早到就會大排長龍 。今日想食日本野又係附近就再黎試試...7點幾到門口 竟然無人排隊？ 唔通大家對佢既熱情已過？ 已經唔再見到日本師傅 ，未知食物水準如何...?梅, 竹, 松 既選擇 就係睇你要唔要蟹肉 海膽... 宗像丼到 ，嗯？！？ 比之前矮了點... （跟以前影的相對比過了）其中有兩口食下去有點腥 ，紫菜也差了... 竟然連葵廣既手卷紫菜都比佢更加脆口都不一樣了 可惜啊 。。。 雖然價錢沒變 但同我第一次食覺得wow 既感覺已經無喇如果要我排隊食就更加覺得唔抵了。

在朋友介紹下，很久之前來試過一次，豈料一試愛上，總是念念不忘，可惜一直未有機會再來。昨日一個心血來潮，又再踏足宗像屋，由於店舖細細，星期六的下午難免要等位，幸好10分鐘已能入座，店員亦細心地提早讓我們點菜，入座不久，新鮮的丼飯已放在面前。與一般的丼飯不同，這裡的丼飯分量不算多，非常適合細食的女生。雖然分量少，但用料絕不馬虎，飯上的魚生堆成山，吞拿魚蓉、北寄貝、甜甘蝦、希靈魚等多種新鮮的魚生混合一起，當中還加入少量的柚子皮，鮮甜中略帶清新的柚子香，減少油膩感。丼飯有三種食法，首先混合特製醬油及芥末再淋上飯上進食，再以附送的紫菜包裹當作手卷，最後剩下的三分一飯可請店員幫忙加湯，變成泡飯，每一種食法都令人難忘。能在假日再吃到這個美味的丼飯，確實十分幸福，喜歡吃魚生、丼飯的朋友有空都不妨試試。

好耐冇係香港食到有質素嘅日魚生飯啦😍一個set有8種魚生 每樣都好好味 夠哂新鮮 份量都好足 好夠飽 仲有三仲食法 有得食仲有得玩 自己包手卷 食到淨返少少 就可以問店員加茶 變茶漬飯 三食都好正 大滿足 員工又有禮貌 師父送食物時仲會好有禮物講句請慢用嘅日文 呢間鋪頭環境好似去左日本咁 超有feel 分左松 竹 梅 仲有期間限定添 我想試嘅時候 店員話賣哂lu so sad 唯有下次試不過鋪頭較細 坐位唔太多 所以去食嘅時候 要早少少到 或者打去問一問要唔要排隊

完全慕名而來 黎之前見到好多正評 一丼三食有創意 相機食先 諸如此類食過一次就好清楚知道佢真係想我淨係食一次作為魚生飯愛好者 帶埋朋友兩個去試從來食魚生都係希望食極唔完 冇諗過係呢度係想快啲食完 真係好大感受望住餐牌 見到座山原來係有 希靈魚 北寄貝 烏賊 平時放題都唔食既野係呢度出現左覺得伏伏地 但一場黎到都叫兩個試下 心諗衰極都係兩舊幾頭盤係兩片魚生 浸住日式芝麻醬我就按住指引食一塊 留一塊最後茶漬飯先食點知 一食就成口腥味 浸住醬都咁腥 已經想像到跟住落黎既都唔會好過再黎入正題 一座魚生飯賣相配合整體簡約環境 影相確係唔錯跟幾塊紫菜 先做個DIY手卷一枝木勺 比客人自己玩 idea好 但入口就見真章 紫菜算脆算新鮮 但篤魚生間中有一兩粒係腥既 真係搞唔掂 望住啲三文魚子 心諗點可以咁細粒 食多兩食 擺返頭盤塊魚落碗 比店員拎去加湯可能已經食到好膩 呢個時候有啲熱野出現係非常舒服既 整熟既魚生無之前咁腥 有啖湯咸咸地 認真唔錯總括黎講 構思好有創意 食正相機食先加小店風情既潮流但係食魚生飯都係食返一塊塊既比較好

宗像屋係老公🍋至愛之一，紀念日一於就同佢黎1丼3食啦~ 💝舖內座位唔多，今日等左20分鐘左右就有位。菜單上只有4個選擇：梅 ($108)、竹 ($148)、松 ($198) 及特上 ($298)。最基本有9種不同種類嘅魚類🐟及貝類🦐刺身，最高級則會加入蟹肉🦀及海膽。特別節日當然要配上特上🎖海鮮丼啦~ 首先師傅會為你送上一碟魚生片🐟配日式胡麻汁，記得食1片好喇~ 特上🎖海鮮丼上場！另外重配有一隻木匙羹及2片紫菜。第1食：將wasabi同醬汁由海鮮丼山頂🗻淋落去，攪勻就食得喇！😋第2食：將海鮮飯同紫菜卷埋做手卷。🤤第3食：最後嘅1/3，就要將開頭嘅魚生片🐟同醬汁加入丼內，再倒入用蝦🦐、油甘魚🐟得配料熬成嘅湯，以茶漬飯形式食。總結：宗像屋刺身一向鮮美甘甜，加上有得玩、有得食，絕對值得為佢豎起兩隻手指公！👍🏼👍🏼

我老友係深水涉地膽，所以每次去開黃金買電玩，都會搵佢食晏，順便睇下有咩好嘢食介紹下！佢好興奮同我講，話要帶我去試一間日式海鮮丼，佢話呢間嘢喺深水埗好出名，經常大排長龍……於是我過我們過去逛逛。這天真好彩，我哋去到剛剛有位，地方不算大，menu只得四款選擇，我哋揀了最貴的一上枱，只見到魚生高高的放滿丼上， 但我個人就不太喜歡撈埋各類魚生一齊食，因為根本分不到唔同的味道，同埋印象中，下價材料才會混埋一起！我朋友仲介紹第二個食法， 就係將啲魚生放在紫菜包住嚟食……同最後留返少少飯加湯！除海膽味道鮮甜，其他只是一般，講真呢個價錢，食物質素應該可以高一些，乜食法都假，最緊要食材原味，呢個價錢，有些貴了

感謝日本人對食物的用心和堅持, 令世人嘗到何為真「鮮」！刺身飯, 在香港比較出名的大約有十數間, 「宗像屋」絕對名列前矛。店舖位於深水埗「嘉頓」旁邊, 由深水埗站步行大約10分鐘左右。舖內座位較少, 大約可容納20人, 但座位較為寬敞。餐牌上印有4款不同食材的刺身飯, 分別為: 「梅」、「竹」、「松」、「特上」, 今次則選擇了「竹」。主角出場前先來一客「醬漬吞拿魚」, 鮮甜味美, 麻醬香口同時不奪吞拿魚鮮味。主角出場了, 山一般的吞拿魚蓉和多種不同的刺身聳立於白飯上, 配上三種口感截然不同的食法, 為味覺帶來另一番的享受！

梅🌸🏵一個丼有三種食法刺身飯咁食，又可以自己整手卷仔，最後加湯變湯飯😋刺身份量好多😉😆$108特上🍣🍣叫得特上果然貴好多，刺身仲多過飯寶寶鍾意食既海膽屎仲有三大舊咁多大滿足😋😊$298

常常經過都見到有人龍等位，一直都好想試。今日早冇人等，立即就走入去。看見餐牌，原來係得一款，只係揀多D或少D不同魚生刺生。刺生飯到店員就介紹先食魚生，再用紫菜做手卷，刺身飯食到得番1/3就可叫店員加茶，變茶漬飯⋯第一次食，真係好驚喜，茶漬飯

週末去左嘉頓山睇日落，完咗同朋友想去就近地方食日本野，就搵到呢間餐廳。門口簡單別緻，入邊裝修又好有日本風味，加上背景音樂好似去左日本！原來入面只賣一種魚生丼，分size（梅-normal size，竹-加大，松-加蟹肉，特上-加蟹肉同海膽)。我同朋友叫左梅同竹。梅丼有9種魚生，混合不同調味料，見到入面仲有柚子，食落個味好襯好新鮮，魚生粒完全唔係頭頭尾尾食剩嗰啲魚生碎！梅既魚生份量已經多過飯，108價位係超值！呢度所有野都好正宗，wasabi係即磨，完全唔似連鎖店嗰啲咁樣有膠味又得個辣字！呢度仲教有其他食法：1. 旁邊有兩塊紫菜去自製手卷2. 茶漬飯剩番1/3白飯，加上最初已送的魚生片，佢會倒上熱茶，o係成餐飯最後以茶漬飯作結，好暖好幸福！！！呢個係期間限定，必定日內再試！