定食 Doraya (已搬遷) 新店位置

又係另一間太太想試嘅食肆...今次落到去，仍然有約一半客係日本人。上次試咗火炙blue fin tuna steak，今次就試所謂特上blue fin tuna配壽司飯...tuna嘅texture依然出色，雖未至於入口即溶，但已係上佳嘅水準；壽司飯醋嘅份量下得剛好；飯身依然係肥嘟嘟嘅日本米，好...最出乎意料之外係招牌炸雞弄得亦出色--- 香口，皮炸得香脆，肉醃得入味之餘亦唔鞋，食到太太口不停；唯一缺點係稍油了一點....有機會真係要試吓CSB嘅總店先...

在2007-04-08 星期日下午和朋友如常茶敘，朋友說起早上的『日本時間』內介紹Doraya (どらや) 這間店，食物看來甚為新鮮，所以晚上決定一試。那裡門口細少，不知道就會錯過，到地庫時侍者都有招呼，說的是準確的日語いらしゃいませ ，讓我覺得這店嚴謹的態度。稍後的藍鰭吞拿，表面略煎過，帶出香味，入口一咬即化，絕對是上品，飯更是少有的香( 通常日本米較易入口，但口感淡，即所謂"無飯味" ) 。由於我的食量，再吃了一客鯖魚，大件又好味，再叫了壽司手卷和甜煎蛋。侍者添茶亦勤快，大家都吃得愉快。

估唔到, order 唔夠2分鐘就! 快到有d擔心品質會唔會出問題. 原來只係我多心! 保持番日本水準, 好精緻好味. 賣相好好, 一個定食, 所有食都放晒係一個盤度, 有麵鼓湯, 唔太鹹, ok. 配菜有2碟, 豆角&黃蘿蔔, 幾清略帶甜味, 唔錯. 蒸蛋, 好滑, 仲有好多餡, 菇, 日式魚旦, 肉碎都有, 令到蒸蛋好香好味! 定食飯唔知係咪用一隻"新潟"日本米, 因為我見門口放好幾包呢款米. 日本米, 大粒d, 好煙. 係少d飯味. 講咁耐, 應該到主角啦...藍鰭吞拿魚扒定食$98吞拿魚扒, 份量唔算少, 外皮略略燻過, 但唔會令到魚肉, 質地好淋好有口感, 有入口即溶感覺. 好正好好味!燒鯖魚定食$68order 時話會耐少少, 但原來所謂耐都係2-3分鐘而已! 鯖魚燒得好靚, 魚皮脆, 有魚味, 加埋d檸檬, 無魚鯹味, 同吞拿魚一樣咁正!

不是女友介紹，也不知香港有這樣走大眾化路線的定食好店。孤寒的我們只點了最便宜的兩款吞拿魚定食，但味道已經超級讚。那吞拿魚的魚蓉鮮美得該是手打，那吞拿魚扒生熟拿捏剛好油而不膩，連珍珠米的味道也比外面的甘香，絕對明白為何日本人外國人會魚貫而入。只是那百多元的人均消費配上稍稍不足的份量，才是不能成為我飯堂的最大障礙....

諗一諗都有成兩個月冇食過日本嘢...今日忽然癮起，好想食吞拿魚...呢度確實係不二之選...自己未食過本舖。偶然知道响尖咀開咗分店，太好嘞，唔使每次過海咁麻煩...一入去，見到有一半客係日本人，信心頓時提升不少...招牌貨係碎吞拿角魚蓉飯，但我不嬲覺得咁樣食D tuna 好似冇乜口感咁。要食當然要選魚扒，口感夠實在ma..橫掂一場嚟到，梗係要試火炙藍鰭吞拿魚扒don la...Blue fin tuna係吞拿魚嘅上品。表皮經過火炙後微熟，入面仍係生嘅。一食入口，肥美到極，一D筋到冇，入口即溶，油脂分佈平均，果然名不虛傳；飯粒肥嘟嘟，為正宗日本米，淋上微甜嘅日本醬汁及大量葱粒，確實係一碗跡近完美嘅don...其他配菜就普普通通--- 茶碗蒸幾滑，有日本魚蛋、冬菇、吞拿魚肉粒。可惜揾極都揾唔到白果粒，失望....價錢以lunch嚟講真係唔算平。但諗諗以咁嘅可以食到魚扒咁大塊嘅blue fin tuna，又確實值嘅...

去開銅鑼灣駱克總店, 知道金馬倫道開左分店, 一於去試下新分店水準. 新店比總店闊落, 最愛的吞拿魚碎飯定食–要3月26先有貨. OMG! 咁唯有試下新野啦. 叫左一個吞拿魚扒飯定食, 換上茶碗蒸蛋(總店跟燒玉子). 味道比舊店有過之而無不及. 不過新店可能在地庫, 相比下少人得很.

不知何時起變得固執起來，從前傻兮兮的盲信「和牛」，到現在無出身紙的話休談，職業病令自己愈來愈煩氣。一次麻甩，罕有的集夠人點四款定食，籃鰭吞拿、火灼吞拿、鐵板吞拿配燒雞定食，三款海鮮併一味半空半地之物，也選得上吃盡海、陸、空。自己點的燒雞扒定食姍姍來遲，齊章可以大合照，一番大兜亂後，味覺留下最深記憶的首選專兄點的籃鰭，連根的吞拿，聽老頭子說是接近腩位的位置才出現的現像，微微的魚脂與油潤的感覺，沒有吃完膩得要命、留下強力鮮味的感覺，非上上之選，然，定食百元的貨色，質素也不賴說。汁燒雞扒，微嫩的肉質，皮燒得甘香而帶微微的脂肪，汁味如蜻蜓點水的輕滲皮脂，不濃不搶，很對板，飯聽說是新瀉米，未去過日本，未吃過當地新瀉米煮的飯，不敢肯定是否日產，飯不差，粒粒分明富口感，只是稍嫌不夠軟腍黏身，心想：若店家寫是秋田米，偶看也吃不出什麼分別。走前大家以來自日本的「本」（魚有）笑著打完場，偶看晚餐花百個大洋試個「本」（魚有）定食，當逗逗自己開心，滿足自己的幻想也不錯，當然最好是身邊沒有煩人的Dream breaker。

神不知,鬼不覺.老銅其中一間人氣日本店"定食Doraya"在尖沙咀開分店.新分店在金馬倫道頭,富邦銀行隔離.老店小店格局,新店寬躺闊落,大約有八十個座位左右.餐牌亦是有例牌主力吞拿魚扒,吞拿魚碎飯定食.其他的還有冷麵,天婦羅,三色魚生飯等等.還記得年前舊店新開之時,曾慕名而來,初嘗其吞拿魚扒飯,近乎"超必"級數.早晚劃一價,這個吞拿魚扒飯定食,$98一客,包前菜,茶碗蒸,麵豉湯.份量可隨個人的胃口而加大,加吞拿魚加飯就多付$20.普通份量未必能滿足到大食之士.吞拿魚扒外面略燒,內裏還是生.賣相沒有以前的好,吃落魚油滿佈.魚肉亦新鮮.飯用日本新瀉米.新瀉米粒粒分明,夠黏性飯味香.撈下惹味的燒汁吃,區區一碗飯,兩三下撥清光.這個吞拿魚扒飯,感覺沒有年前舊店新開之時的驚為天人.講到尾,仍是吃得過.不過中午同晚上劃一價.相對來講,午市去就感覺不便宜.晚上去又覺得抵.很多人樂意花百多銀去來一頓晚飯,以相同價錢來個午飯,亦有很多人會負擔不來.視乎閣下之價值觀而去釐定.