定食 Doraya (已搬遷) 新店位置

三月十二日(星期三)等老公放工!之後黎呢度試!因為同佢\\\講左好多次喇~!呢d日式野食o係香港好少見!所以一定要黎黎試!^^我地去到唔洗等位!叫左1)香蔥吞拿魚蓉飯:個吞拿魚蓉幾鮮味!但係比上次我食又少左個份量!不過個飯仍然好香!而燉蛋都唔錯!2)藍鰭吞拿魚扒定食:呢個都唔錯,個邊熟熟地!老公仔話生既應該好食d!下次試第二樣啦!佢\\\話個飯真係好味道又甜甜地!3)手造餃子:呢個一般,可能呢度出名唔係呢d掛!個底又燶燶地!料又好似好一般咁!唔值得試!呢度好有地道既日本feel,不過個定食既份量好似少左!...想食飽d,可以追加白飯!正^^

"蔥花藍鰭吞拿魚蓉飯"..加上勁多既秘制魚生汁拌勻..碗飯即時變成粉紅色..(汁料+魚蓉+飯粒)魚油勁多..又好香..魚生飯係口中溶化..不用咬...好正的!另一個"藍鰭toro魚扒飯"..啖啖肉既toro扒好有口感..又香又好味...但...有少少根...都係"蔥花藍鰭吞拿魚蓉飯"..好食d..哈哈set 的份量唔太多..女生就差唔多啦..入面既前菜..醃魚汁料亦不錯..不過雞肉燉蛋就唔太ok了..味道有點怪怪的。總結係: 食過之後,成日令人心思思想再食! 推介!!不過藍鰭吞拿魚愈來愈少了, 間唔中食一次啦^^

睇得出係日本人開既。收銀上面有句句子，話希望客人透過食到吞拿既好味而受感動!(心想，仲唔係日本人開既!?開業者一定有heart)叫左香蔥吞拿魚蓉飯，$78。好細碗丫。同男朋友share，所以再叫多個清酒煮蜆同海苔田螺。仲叫左個梅酒飲添。吞拿魚蓉飯，味道唔係話超級好食，不過都有溶係口既感覺。doraya仲有d，特別點吞拿魚既醬油，幾特別。不過覺得份量細左d(下次都係加入$10加大)。清酒煮蜆.. 無酒味既!!超清，好似食緊清蒸蜆咁..海苔田螺就中規中距喇..無咩特別。至於個梅酒，真係好好飲。快d去試下!!服務okay喇，睇得出識日文同有禮貌的。環境方面唔錯，可能因為係地底較隔"zip"，黎得食既都係慕名而黎。都有唔少日本人，唔會話好噪。

今次來到我只點了簡單的香蔥吞拿魚蓉飯。雖然沒有入口即溶那麼誇張，但Toro 肉慢慢在口內溶化，而且很有新鮮的魚香，沒有太大的腥味。加$10 轉的蜆肉味噌湯也很鮮甜。今晚店內亦有很多日本人光顧呢，令氣氛更有日本feel...

看到雜誌介紹便相約朋友去吃了我們大約晚上七點半左右去到，店內沒很多人，放眼望去環境還算不錯. 點菜前上了一下洗手間, 剛巧遇上工人送貨到擋到路, 日本人老闆(?)看到立刻叫工人不要擋在路中心要先讓我走過, 這點令我感到待客態度很不錯. 不過後來徹底改觀了!我跟朋友也是叫了吞拿魚扒定食. 待應把兩個定食拿過來時, 我跟朋友第一個反應就是"為什麼兩個同一樣的餐會有這麼大的差別?!" 我那個定食的吞拿魚份量, 只有朋友那個的1/3！！而且那跟本不是"扒", 只是"粒"！找來待應問一下, 第一個的回答是"可能是切法不一樣", 第二個是"我們每個餐點的吞拿魚份量都是有先量過重量的, 所以每碗的份量都是一樣的"... 第三個更離譜, 一副就求其為了應付我的態度說一句"待會多給你一點點", 然後就拿一隻小碟子放上兩片吞拿魚, 什麼也沒說丟下就走開去! 這個是什麼服務態度?! 很後悔當時沒有拍照！那家店再怎樣說也不會再去了！

第二次來了，看容祖祖演唱會前跟友人來吃個飯。說實在，整體來說，在香港，以它的價錢，有這樣的吞拿魚算是不錯。當然不能期望太高吧。藍鰭吞拿魚扒飯定食($98) -配蒸蛋、麵豉湯、還有碟類似秀珍菇的前菜(不好吃) 特選藍鰭吞拿魚片定食($128) -配蒸蛋、麵豉湯、前菜原來較便宜的魚扒是較好吃的!服務不錯。

香港人超愛吃三文魚吞拿魚卻愛西餐的吞拿魚醬多於魚生即使有人投得舌拿魚王來港也說不過爾爾事實上在日本吃的吞拿魚即使只是三數百yen的也香港的好吃多多聲結論可能是吞拿魚坐不得飛機吧?一早聽說這裡的吞拿魚出名姑且就抱著上述的心態來試先來一客至愛甜蝦蝦頭給炸過是其他本地日本店少有的吃法炸了的羔索了油更香但是就會乾了很難比較是另一種吃法吧蝦本身很肥美每隻都很有肉地這次選了特選魚片飯飯面的吞拿魚有兩款帶雪花的一款像肥牛般暗紅的魚片很有魚味較鮮紅的則是厚厚的像吃年糕味道就較淡最重要的是吃完找數後20分鐘口中還有淡淡的aftertaste隨飯還送味噌汁很濃蒸蛋卻只是暖的是唯一有點失望的另加的冷喬麥麵很爽很彈牙天婦羅來說南瓜蕃薯卻比炸蝦出色目標是比街外的好已值一個笑已超標完成值得一試

想起在這裏看過的好評, 與壽司德之間, 選了這裡來個lunch.點了我很喜愛的蔥吞拿魚蓉飯定食賣相是不錯可惜, 那個只有兩粒豆腐卜的前菜, 跟我媽煮的沒兩樣, 全沒誠意. 蒸蛋亦只是一般, 材料較遜色. 未吃主菜印象分已大減.主食-吞拿魚, oh... 鮮味欠奉, 還要靠wasabi遮掩那陣魚腥味. 勉為其難才能完成一碗飯.服務是: 我叫結賬時, 侍應小姐由出菜位(距離我3張枱)大叫去門口"3號埋"是比茶餐廳好一點點這種食物跟服務... 若lunch的budget是百多元, 在尖沙咀不仇沒更好的選擇吧.

平安夜晚終於去了期待已待久的maguro專門店我是toro的fans啊~唉...可能真的選錯了去尖沙咀的分店了...結果我是吃得不太開心耶...首先是服務不太好...對客人有歧視嘛?6點鐘一開門我就進去...我前面的2個人入座...可以坐4個位...我坐下就將我的台分開來..說不好意思是4人座位...fine...好啦...你分一下台我也實在不太介意...又大聲吩咐了同事3,4次...下次要齊人才可以進來...我只是2位...又不是10位...為什麼要比說話我聽呢? 好吧...既然是專門店的話我當然要點一下我最愛的中toro刺身飯($168)朋友點的是則是普通的maguro飯嘛...($98)價錢差不多一倍了...但結果是...中toro竟然有筋啊??本來就愛它入口溶化的感覺啦...現在長了筋怎麼搞啊??說到甜味...竟然還覺得有點不太及朋友點的maguro??!!天啊~什麼叫魚腩啊?? 難道我就是了????還有一個重點...米飯...是爛飯...-_-"我想...大概是不小心加多了水吧... 專門喎...連壽司店(峰,千兩等)賣的中toro都不如! 6點45分...店還有幾張台是空的

12/12 晚，未夠6點半，已經坐定定。客人唔多，d侍應妹妹仔仲圍埋傾緊計。見價錢唔貴，決定食豪d。叫o左個極上吞拿魚定食、藍鰭吞拿魚扒飯定食，另外再加一個炸蝦天婦羅。兩個定食先到，先試個湯。簡單o既麵豉湯，夠味足料。再試個蒸蛋，以前響日本食懷石時都食過，咸咸甜甜味道怪怪的。呢道o既蒸蛋，味道比較淡，而且充滿蛋味。對日式蒸蛋有新睇法！極上吞拿魚果然肥美，好新鮮！好惜魚肉有筋，影響口感。聽聞米飯用日本米，果然質感、味道俱佳。藍鰭吞拿魚扒都好好味，不過同樣都有筋。而可能用唔同o既米，口感完全唔係o固回事。炸蝦天婦羅最後到，剛剛炸起，特別好食。蝦算大隻，而且炸得透徹，味道幾好。可能客人唔多，服務算勤快，加茶收碟都做足。

去文化中心睇詹瑞文,之前先黎醫肚,第一次幫襯TST店,比CWB大點,地點比較方便,今次點了:1. 藍鰭吞拿魚扒飯定食-配蒸蛋,麵豉湯,吞拿魚幾肥下,好味2. 香荵吞拿魚蓉飯定食-一貫的好味,淋上吞拿魚用豉油,成碗食晒!我一向唔好吞拿魚的,此店例外!^^

其實一直想去吃很久了,但要就老公,他對魚生興趣不大,因此每次也望門輕嘆.....日前的特別日子,我強烈要求到此,終於得逞^.^最想吃吞拿魚腩蓉及吞拿魚腩,便叫了香葱吞拿魚腩定食同強迫老公叫極上吞拿魚腩定食>.<香葱吞拿魚腩撈埋d飯一齊食,好味啊!!極上吞拿魚腩~好肥美呀今餐老公就係食左少少香葱吞拿魚腩飯,極上吞拿魚腩定食d飯(吞拿魚腩我食晒),兩個蒸蛋同個面豉湯,我就食得好滿足呀佢梗係唔夠飽啦,跟住仲要陪佢去第度食....老公呀,就我一次啦!!

之前食過銅鑼灣那間，感覺幾好，可惜店鋪太細，自已又不是時常到那邊；知道尖沙咀開了分店，但每次到尖沙咀，不是約了朋友就是有目的地。今晚沒有約人，想去的又剛好關門了，經過這裡，就決定來這間試試。最後我們選擇了鹽燒鯖花魚定食和醬汁燒雞扒餐定食。鹽燒鯖花魚定食- 鯖花魚燒得幾香，外皮燒得好脆，肉質還幾嫩滑，加上飯係日本米，黏黏又有口感，真係幾好食。可惜那個燉蛋，雖然幾滑口，可惜沒有什麼蛋味，一般吧了！醬汁燒雞扒餐定食- 燒雞扒，外皮燒得好脆，雞肉又唔會好韌，雖然沒有雞味，但醬汁味幾香，都幾食得過。價錢唔算太貴，食物都算幾好，可以一試；最不好的是地方比較細，坐得唔係好舒服，人多一點，真係可以說椅背貼椅背。服務都唔算太差，但侍應沒有什麼笑容就係真的。

同事介紹這裡的Toro好食，前兩日終於同老公一試，叫了一個極上吞拿魚腩定食（＄１９８），飯碗裡面有大半碗飯，飯面放滿刺身，刺身味道十分鮮甜，是Ootoro 的級數，以這個價錢有這樣質數是非常抵食，在壽司德食一件差不多級數的吞拿魚腩壽司要６０元，唯一美中不足是有少許筋。另外要了一個中吞拿魚刺身（＄１５３），沒有極上吞拿魚腩那麼肥美，但也十分鮮甜。還試了餃子和玉子燒，這兩個就不合格，下次還是專攻Toro。多謝Ｍark的介紹，想食Toro的時候會再來。待應的服務就比較一般，收碟很快，但不會主動加茶。收碟時看見杯裡沒有茶，也沒有反應，要客人叫才會加茶，但態度也不錯。

呢間餐廳我同老公過幾次﹐次次都食得好滿足地走！通常我叫一個蔥吞拿魚碎定食﹐同埋冷麵加吞拿魚飯定食﹐佢地個茶碗蒸都幾好味，我老公話撈飯一流呀﹐其實ｄ伙計態度都ｏｋ﹐我上次一條冷買外賣食﹐坐係門口仔度等﹐等五分鐘度啦﹐個收銀已經係度猛講唔好意思﹐其實都只係等一陣之嘛～到我食個外賣既時候﹐我就覺得呢間餐廳好細心﹐我叫個蔥吞拿魚碎飯﹐佢將ｄ飯同魚肉分開﹐ｄ魚肉就用保鮮紙包好﹐再擺個冰包係底﹐ｄ蔥就另外有個兜仔裝住﹐平時我去果ｄ所謂日本餐廳叫個魚生飯行街，都係一碗搞掂﹐邊有咁得閒同你分開上呀！