客尚來

营业中

休息中

<<身為香港大學學生，可能你會覺得午餐晚餐都好難搵食，食黎食去都個幾樣 今日本畢業生就以個人經驗介紹番你周圍有咩好野食/伏喇>> <<If you are one of the HKU students who thinks nothing can suit your starvation around Campus.  Please pay some leisure time to study my dining experience collection.  If you cannot read Chinese, Please simply watch the pictures, follow the overall rating , or find the local mates for translating my comments>>又一迴避快餐店之選不過果日去食就比較奇怪，會唔知點解好嘈講番野食都好多選擇，算係間民間飯店吧記得食左客飯，味道一般可接受晚餐都有客飯架。份量夠，裝修簡潔至於有無噪音陪你過，就睇運仔喇

晚餐得兩個人食有時又唔想出去，所以今日叫左外賣，有間外賣店竟然會送客尚來，之前都好似冇，咁就叫左一個二人餐，係有一份點心，兩個主菜，一份甜點，一個湯，一盒白飯，價錢因為要俾埋外賣送递費比平時貴，不過呢間野平時係抵食嘅，因為質素唔錯。今次主菜一個口水雞、一個魚香茄子，兩個都做得幾好，口水雞醬汁香濃唔會只有辣味，雞件嫩滑，茄子唔會太踗，另外小籠包都唔錯，有湯汁皮薄，甜點就叫左豆沙餅，幾脆口，豆沙幾香。

都幾抵食同正宗可以揀45蚊一個野食選擇都算多餸嘅經濟客飯有手撕雞醉雞呢d選擇 仲包豆漿同菜飯添 不過質素就唔係超級好 不過不失啦如果想食豪d都得 大部份common 嘅上海菜都有 例如粗炒、 小籠包、 賽螃蟹、 紅豆餅等等

以前嚟食都係叫辣同羊菜式，今次一返常態叫鷄，兩個人一個客飯+一個小菜都已經好飽好經濟，又唔駛加一喎，所以特別多大學生同街坊嚟幫襯架！醉鷄客飯（跟菜飯+豆漿）我超鍾意食醉鷄架，但呢度d鷄唔夠入味唔夠醉，所以不試也罷；菜同飯好似唔識咁，碗飯又好少菜喎，而且菜無菜味，食白飯好過沙鍋雲吞鷄呢個我極力推介，有半隻鷄8粒雲吞同大量津白，兩個人根本食唔晒，湯好清甜又唔太油，每人起碼分到5碗以上，雲吞係白菜豬肉餡，味道都ok架，而津白好淋好入味，多到好似食極都有咁，呢個鍋一百蚊有找實在抵到爛二人共消費：$155

夜晚想食中菜但係又唔想去茶樓就可以黎呢到食 我地點左經濟客飯 客飯跟菜飯/白飯一碗 送埋豆漿 其實都幾抵食下 咁我地就點左洋蔥肉絲客飯42hkd同炒雜菌客飯42hkd 配菜飯同豆漿 同埋叫多個三鮮湯年糕42hkd 有d辣都好開胃 分量好夠食 豆漿就有糖嘅 所以唔啱走糖嘅朋友 咁樣點我地2個人都食得好飽好飽 佢有其他炒麵40-60hkd炒飯40-60hkd同點心30-40hkd 甜品都有（食過桂花糕28hkd都不錯唔太甜）只係開頭等位要d時間 但係唔會好耐 佢都有d大圓枱幾啱一家人黎食 2人/4人枱都有 d菜都黎得算快 吹下水就食得

一行四人星期日晚飯時間，要等位ok既，多人排隊又少位，等咗大約20分鐘，俾咗門口出菜位我地，就見盡呢間鋪幾混亂。一坐低張枱濕既，要叫人先抺，餐牌，水，餐具乜都冇，每樣都要問。個男員工拎啲碗入面仲有水既，一野飛咗成灘水落我身上面，想話佢既時候已經一支箭走咗，個碗入面仲痴咗飯既，好嘔心。算啦都坐低咗，叫咗小籠包 味道ok 的 - 要問佢先有醋鍋貼- 味正常但個底完全唔脆回鍋肉炒年糕- 正常但醬汁多咗啲，細碟雲呑雞煲- sorry講唔出口好食，雲呑淨肉，湯冇雞味淨係飲到味精味，菜夠淋既。蠔餅味一般，少少腥-問佢等咗5分鐘先有魚露晚飯時間，勁多人等外賣，廚房出晒餸但前枱應付唔到，又倒瀉野，又俾錯外賣，亂七八糟。其他客叫外賣等到發脾氣，埋單收錢都亂到嘔。結論係以後唔會再去，寧願落返西環尾食上海姥姥，或者過隔離食拉麵。佢咁既服務食都食得唔舒服，仲要唔係好食。失望

今日午餐又係公司揾食，山道附近真係好多唔同款式的中，日，韓，同西餐廳可以選擇。今次就去了客尚來食午飯，地方大大容納到大約二十多人到，不用等位就有位坐下，我和同事各點了唔同的野食，分別係酸辣雲吞同尖椒炒肉片。基本上我食的酸辣雲吞都滿意，酸酸辣辣又剛剛好，而尖椒炒肉片都可以喎⋯⋯我同事話而且依個餐會跟一杯熱或凍的豆漿。另外餐牌內見到有鱔糊食的，看見隔離枱人客都食清光成碟鱔糊，下次直要試試。因服務態度同衛生方面都好

午餐客飯只需4x 一客，有菜飯/主菜/豆漿，價錢經濟實惠！ 木須肉: 肉絲極少，只有蛋絲，木耳絲，以往食過其他店都會有肉片，青瓜絲。呢度配菜少，味道冇麻油香，只屬一般。獅子頭: 肉鬆軟，咸味夠，個獻適中，又有少少冬菇片同小唐菜件碟。呢味抵食過木須肉.

今日隨意黎左客尚來食晚飯，因為時間已經唔早喇，無咩人，即時入座。小籠包好正，入面好多湯，個餡大大舊，有豬肉既鮮味，點埋個醋，好好味燻魚個味幾好，酸酸MAYMAY，送飯一流，不過超多骨。奶油津白都OK，味道偏淡；D 菜煮得岩岩好，唔會話太林，有D 口感。碗麵麻麻，湯好多油，雖然色水好深，但略淡。總括而言，黎呢度食餐便飯都唔錯，必食小籠包

成日經過都望倒呢間上海鋪座無虛席，今日終於有機會試鋪面裝修乾淨企理，一看餐牌，在一間小店來說它真算超多選擇！小籠包似是來佬貨式，不過質素算是平均炸銀絲卷自從在霸王山莊吃過這個後，一直念念不忘，這家的只是名副其實的炸鏝頭而已三杯雞很惹味的一道菜，不太油，送飯一流！！梅子骨餐牌提供套餐，選一餸配飯加飲品也只是40元。不過飲品沒選擇，只提供汽水和豆漿，豆漿也只有凍沒有熱。飯可選白飯和菜飯。梅子骨過得去，略嫌梅子味不夠，但送飯還是很開胃的！喜歡吃上海菜，屋企附近終於多一個選擇了！

放學有啲夜，唔想番屋企食飯，於是同朋友喺西環趴趴走搵嘢食醫肚，結果就走咗入嚟呢間上海菜館食飯。間上海菜館望落嘅感覺好家常，街坊小店feel，老實講對間鋪頭唔係有好大期望。因為都好肚餓喇所以就求其點咗個醉雞客飯同鱔糊客飯，點知出乎意料地好食喎。醉雞件件都好香酒味，雞件好滑唔鞋口，亦都好好味，甚至個汁（應該係酒啦）我都筆嚟送飯食，連啲菜飯都有酒味，係正嘅！鱔糊都好好食，咪睇佢黑掹掹就以為佢鹹到飛起，其實食落味道唔太鹹，係OK嘅！不過食完先見到個汁面有一層油浮下浮下，其實係唔健康嘅，不過想好食都無辦法！當然個菜飯都好好食啦，啲飯軟熟，菜都好新鮮有口感，好食！不過唯一美中不足嘅就係隨客飯送嘅豆漿，好似淡咗啲，溝咗水咁

家住附近其實已食過幾次不過質素好似比剛開業時下降最明顯的是客飯套餐其中以醉雞套餐為例，醉雞只有四五件而且斬來的都是骨多肉少雖然我好明白三十蚊個餐唔要求得咁多但係真係唔夠餸送飯唔叫多樣其他野係唔得幸好味道算OK，只是不能有太大期望酒味與雞肉是完全分開的另外亦食過紅燒獅子頭味道偏甜，而且汁好濃，濃到超出接受既程度豆漿只是開粉既貨式，飲品幾乎無其他選擇重有一大問題就係呢間舖頭好細好細，剛開業時只有兩張四人枱到最近換左比較細既枱，但都係只有兩張四人枱同一張兩人枱先唔講堂食既人落到去要講彩數有無位似乎有逼客叫外賣之嫌總括黎講如果你係附近住，都可以試下畢竟附近無選擇但係如果你係住第二區我諗會有更加好既上海菜選擇

與女友第一次試試這一間開業有一段時間的上海菜館.每次經過都見到店內爆滿~ 今日好幸運, 不消十分鐘就有位子了~來之前到有上網做下「功課」先~點了蝦仁炒蛋, 醉雞.各30大元, 有白飯, 有菜飯選擇, 還有一大杯豆漿逢送!上菜速度超快, 可能店子細小的問題, 老闆娘想快d 翻多幾張抬!上菜快, 令我有點擔心水準, 怎料是上乘之作!蝦仁炒蛋: 炒得幾滑, 蛋不會偏鹹, 蝦仁幾新鮮, 不會好像一般茶記的蝦仁 (一陣suk味)醉雞: 好好好好好入味! 水準拍得住大型上海菜館! 讚!臨走前, 加多個豆沙鍋餅 ($20)即叫即整, 熱騰騰!p.s. 不過, 本人怕熱氣 .. 所以被女友全部帶走拿回家~

呢間鋪由佢岩岩開我已經幫襯佢到而家~一星期都會去一次~我最鍾意食佢ge水煮牛肉...$56蚊~都幾大吓架~我一個人可以食晒成碗加個白飯...(因為我好大食)同埋個老細好好人..又識做...次次都會送甜品我食...有時仲free我一碗飯timmm...hehe!個個入去都會倒杯豆漿你飲...就算你叫一碗麵都會送架~~同埋d野食好好味~又唔貴...套餐都係30蚊喳!不過係地方細左d囉~得3張枱= =""大d會更舒服!!!!

新開左都應該幾個月,黎左一共5次, 基本上好食唔好食既菜都己分得出醉雞. 係普通d. 但又未至於唔得.其他客飯. 一個字. 平靚正, 28-30蚊又飯又豆漿又一碟餸. 一個男人都好夠食!水準好呀. 晚晚見人排隊買外賣及等下位就知. 蝦仁炒蛋. 炒得好滑又多料.口水雞, 味濃夠辣.酸辣雲吞, 正野. 料足. 只賣26蚊. 酸辣湯反而要50蚊 所以依個勁抵又好食.獅子頭. 回窩肉...etc等上海野都好好. 重點係價錢平而料足又味道達中上水平. 想點? 比格離又係開左冇幾耐既上海食館(前德記位置)好好多. 依度係位少唔好坐. 其他真係讚喎.