客尚來

营业中

休息中

今日同家人去了香港大學站附近的客尚來食上海菜，這間上海菜是由資深上海菜朱師傅親自打理，所有食物都是他手工自家製的。我地叫咗南洋小籠包五隻 $42👍👍👍必食(包皮好薄，有十八摺，小籠包裏面的湯汁好有肉汁味)，羊肉搶湯麵(粗麵)$65，羊肉肉質細嫩。五香牛肉湯麵$52，牛薄，麵質爽滑。酸菜魚(例)$95，用加洲鱸魚，肉質爽又嫩滑，食出鲜味。四川醉雞(例)$83。甜品更是不得了😋高力豆沙$40👍👍👍必食個皮有蛋香味，彈牙，豆沙容香滑豆沙鍋餅$40👍👍皮薄，不太甜，有豆沙香味。

西環一向都多小店，今次去staycation酒店附近見到呢間又平又抵食嘅中式餐廳，當然唔可以放過呢次機會啦！羊肉搶幼麵平時食羊肉最怕就係嗰陣臊味，呢間餐廳係呢方面處理得唔錯，完全冇臊味之餘仲可以逼到羊肉浸香味出嚟，湯底亦都10分香口！砂鍋雲吞雞呢個係我最期待嘅菜式，因為有清甜嘅雞湯再加埋滑嫩嘅雞肉，可惜最後我都係食唔晒，因為飲晒啲湯，當中雲吞亦都相當入味。銀芽炒膳糊平時出去食膳都好怕啲腥味，所以一直唔夠膽叫，今次朋友話想試吓，估唔到有驚喜！銀芽加埋啲醬汁炒落啲膳，好有火喉！最重要係超級足料，好大碟好抵食！宮保雞丁雞肉見到係先炸完再炒，而且見到呢個菜式用咗兩款唔同嘅辣椒炒，炒得好入味，雞肉混和兩個唔同辣嘅感覺！食咁多嘢埋單都係唔使$500！仲要超級滿足，下次一定再嚟！

已經好耐冇食過上海菜勒！去咗朋友屋企附近嘅小店食下上海菜🤤位置都好方便，喺大學站B2出口行幾分鐘就到✨雞絲粉皮 $75粉皮口感滑溜，色澤白皙透明，搭配爽脆嘅青瓜同嫩嫩雞肉絲，非常開胃✨松子桂魚 $248松子魚炸得酥脆甘香，味道酸酸甜甜，好醒胃✨南翔小籠包 $42食上海菜必食嘅小籠包，一籠有5粒，好抵食！熱辣辣， 肉汁足夠，豬肉新鮮✨粟米羹 $78滿滿金黃嘅粟米粒，面上漂浮著蛋花，好清甜另外朋友仲叫咗個客飯套餐，非常抵食✨客飯套餐 $54 醬燒茄子|豆漿|菜飯茄子口感軟潤索晒醬汁，好入味，又唔會過油，送飯一流豆漿香滑，豆味濃郁，而且味道唔會太甜

香港大學站附近有間毫不起眼嘅上海菜,其實見佢已經開咗好多年今日就試吓佢嘅午餐.估唔到午飯時間坐滿食客.食物選擇種類多,有客飯亦有小菜各種客飯非常抵食($54)可配白飯或菜飯,另外仲送豆漿或者例湯,所有都唔使額外加錢~我哋就叫咗幾個小菜,大碟又好味～以下幾款都真係可以送到幾碗飯😋👍🏻✨松子桂魚($248/原條)桂花魚全條起骨由頭到尾整條炸,份量十足.賣相非常吸引.並好細心地分為四大件,而且醬汁酸酸甜甜非常開胃加上有蝦仁菠蘿,絕不求其!口感豐富~師傅即叫即做所以如果想食,建議先落單韭王炒鱔糊($120)惹味之選韭黃香口!加上黃鱔份量都好多並去晒骨😋啖啖肉,足料入味南翔小籠包($42/5隻)豬肉內餡飽滿大粒亦有肉汁,而且有五粒數量唔少砂鍋獅子頭($105)有一上海菜名物～獅子頭燜煮得軟稔,肉嘅肥瘦度適中唔會話只得一大舊肥豬肉.加上鍋底有好多配菜同埋菇類,材料豐富豆漿($8)食上海菜點會唔配豆漿～唔會好甜但如果每日必飲奶茶咖啡嘅人都可以選擇其他餐飲☺️由小菜到飲品都有不同嘅選擇👍🏻而且我哋今次仲未試上海甜品呢～下次一定要留肚試埋～

今日喺大學上完堂，返屋企前搵個地方食個晚飯。近來聽有個同學講起附近有間上海菜館叫客尚來幾好味，又抵食，於是我同frd晚上就去試吓啦。餐廳位置方便，就係喺B2出口嗰度成條街都係餐廳嗰度，門口好似好細，但係入邊原來仲有得入去！坐好之後就睇吓餐牌，果然好抵食喎！薄扶林嚟講呢度啲嘢食真係算抵！好多都係唔使90就有一個小菜例牌。上海菜梗係要食灌湯小籠包啦，首先叫咗個南翔小籠包，份量好多，有五粒，入邊都真係有好多湯！一直落去香濃嘅湯bit出黎，皮薄餡靚，好味。接着就係酸菜魚啦，啲魚好肥美，好滑，完全冇骨，酸菜魚都唔會太辣，啱啱好，清清地嘅一味餸，唔錯。水煮牛肉嘅係好似嘅牛肉，叫咗小辣，個辣度啱啱好，唔會太過辣，呢度嘅辣味控制得唔錯。牛肉嘅數量都有唔少，幾足料。紅油抄手，同平時見到嘅有啲唔同！通常見到嘅紅色嘅油比較多，呢個可能係正宗啲嘅上海做法？食落都幾惹味，感覺係口味偏甜嘅紅油抄手。上海炒年糕，年糕口感彈牙，份量都好足了，味道唔錯，不過食完水煮牛先食上海炒年糕嘅話，味道就可能俾水煮牛蓋過咗啦，建議先食上海炒年糕。口水雞好滑，我哋都清得好快！而且鍾意佢夠凍，成件事好味。

客尚來（西環石塘咀）上星期去咗著名上海菜館，客尚來由資深上海菜朱師傅親自打理，所有食物都係手工製，絕對出面食唔到。我哋嗌咗好多嘢食。1. 砂鍋雲吞雞$135呢個鍋好大好正，雞肉夠淋唔會好乾柴。雲吞嘅餡料好多汁，個皮都好滑。個湯好濃雞味，好想飲多幾碗呀！2. 賽螃蟹$90賽螃蟹嘅蛋白炒得夠滑，蟹肉分量充足同埋有好鮮味，仲有啲菜添，正。3. 鱔糊炒年糕$93年糕好煙韌，材料好豐富，除咗有鱔糊之外，仲有啲蔬菜，口感豐富。醬汁好惹味，好地道。4. 南翔小籠包5隻$42小籠包皮薄餡靚，啲餡料充滿肉汁，咬落去爆曬啲汁出嚟！大細適中，外表精緻。5. 高力豆沙 $40最後梗係食返個甜品，咬落去軟淋淋，紅豆甜而不膩。加埋啲糖霜，甜甜地好滿足。

石塘咀呢間超「地」嘅上海小店，門面唔顯眼，但內有乾坤。上海野點少得小籠包🥢😆呢個小籠包令我諗起上海，因為喺上海小店食嘅小籠包真係咁嘅味！唔係皮薄餡靚，而係帶小小煙靭嘅皮包住好大舊肉，肉汁好多💧但係舊肉裏面嘅肉汁更多💦松子桂花魚 係一道好考功夫嘅菜式，估唔到10幾分鐘就整好，太厲害了吧？炸得香脆嘅外皮沾上開胃嘅醬汁，熟得啱啱好嘅魚肉好嫩滑，既開胃又驚艷嘅一道菜，盡顯廚師功架👨🏻‍🍳紅燒獅子頭肉丸燜煮得軟稔，吸收汁料的精華，仲食到大白菜嘅鮮甜，餸飯一流💕仲有好香滑嘅豆漿，perfect ~

位於西環石塘咀的「客尚來」係一間著名上海菜館，由資深上海菜豬師傅親自打理，所有食物都係手工自家製，口味與別不同南翔小籠包一客有五隻小籠包，外皮薄薄的，豬肉內餡飽滿大粒又多汁，一咬開湯汁就在口裏大爆發，正呀鮮肉鍋貼鍋貼煎得金黃香脆，內餡係半肥瘦嘅新鮮豬肉，同樣充滿湯汁及鮮味，好好食哦酸辣湯雲吞雲吞皮好滑溜，裏面包住新鮮豬肉白菜，皮薄餡靚。配上好足料嘅上海酸辣湯，有豆腐、雲耳、香菇、韭黃、豬肉絲、雞蛋等等，酸酸辣辣，味道同口感都好豐富尖椒炒牛肉配菜飯牛肉片肥瘦適中，加入尖椒及紅椒一齊爆炒，好有鑊氣，啖啖牛肉鮮味，佐飯一流凍檸檬茶及豆漿豆漿香滑濃郁，甜而不膩

雖然鋪頭細細，但係菜式種類好多，揀左一直好想試既松子魚🐠，一試難忘！🥑南翔小籠包（5隻） $42皮既厚度適中，有湯汁，睇到廚房師傅係全手工製作，好多陷大大粒好抵食😊🥑韭王炒鱔糊$120韭王炒得好嫩，黃鱔都去晒骨食得安心，真係好多黃鱔，而且好足料入味，送飯一流🥹🥑啫啫四季豆$83 ❗️推薦❗️超級有鍋氣，用煲仔上，啫左起碼1 分鐘都有😂，名副其實啫啫煲，有蝦乾炒好惹味🤭🥑松子桂魚$248 ❗️十分推薦❗️賣相非常吸引，盡顯師傅刀工和手勢😬，桂花魚肉完全起骨，但魚尾係連住，魚腩炸完開晒花咁🐿️，外酥內軟。醬汁唔簡單，酸酸甜甜，好開胃。可以同埋洋蔥、菠蘿、蝦仁🍤一齊食，口感更豐富。🥑豆沙鍋餅$40即叫即製熱辣辣，皮真係幾脆，紅豆餡好飽滿🫘🥑酒釀丸子$28呢個經典上海菜甜品，聞起有濃烈桂花味，食落層次豐富👍，有米有蛋花，丸子雖然冇餡但煙煙韌韌有嚼頭，糖水唔會過甜，好正宗☺️

前幾日去開西環附近，有人提議去試呢間上海菜就即刻去食啦🥳.雞絲粉皮 $75前菜方面一定要叫😚，份量夠曬多，而且雞絲亦都唔會覺得老😎.雞絲海蜇 $85同雞絲粉皮類似😻，但係我自己更加鍾意配海蜇，海蜇口感好爽更加有層次😋.醬燒茄子 $75蔬菜方面就當然唔少得我鍾意嘅茄子❤️，個醬汁都好香，而且茄子夠曬惹味😝.銀芽炒鱔糊 $120呢個菜式我一直都好欣賞🤩，個醬汁幾濃郁，配白飯食一流，而且鱔嘅份量都有好多🔥.木須肉 $54呢一個菜式係我第一次食😆，唔會好似頭先兩個菜式咁多醬汁，加左肉絲、蛋同埋蔬菜一齊炒好香口😍.豆沙鍋餅 $40最後當然唔少得甜品啦😜，新鮮煎起熱辣辣，外皮幾香脆，紅豆餡料都好足料😛

今日同朋友去西環行街，喺香港大學站出咗冇耐，就見到呢間叫客尚來嘅上海餐館，喺出邊睇，見到門面都幾光猛裝修唔錯喎，入邊都有唔少客人淨喺度用餐，門外亦都有擺咗唔少已經包裝好嘅外賣速遞餐，好似幾受歡迎咁於是我就同朋友一齊入去試一試！我同朋友叫咗糖醋桂花魚，菠蘿啤酒鴨，賽螃蟹，小籠包，豆漿同埋甜品高力豆沙！啊仲嗌咗兩個菜飯添！糖醋桂花魚好好味呀！桂花魚係新鮮熱辣整起呀，要注意嘅係如果想食嘅話就要早少少啊因為即叫即整嘅我哋叫咗之後都上菜大概15分鐘到咁尤其其實都唔係話好耐不過如果好肚餓嘅朋友就要注意一下啦！另外，小籠包一籠有五粒，每粒都爆多汁和餡，我真心推介俾大家！另外，值得一讚既係呢度既服務員態度好好👍，真係食得滿足同舒服

好正既上海菜！  我推介！今日有事，要去香港大學嗰邊，辦完事之後喺附近睇吓有啲咩食，去到西環一個咁傳統嘅香港地方梗係想搵啲小店試吓，經過依間叫客尚來嘅上海菜餐館，見到門面幾光猛，望落衛生，入邊有唔少已經Pack好嘅等緊速遞員，入邊亦都坐咗唔少客人，感覺可以試一試！於是就同朋友入去試吓！好好彩我地入去時唔洗等位，服務員好有禮貌，坐低無耐就為我地送上一人一杯熱茶，好岩而家有點寒意既天氣。我地三個人叫咗三個小菜，一個小食，兩碗菜飯及一客甜品。小菜方面，我地叫咗糖醋桂花魚、賽螃蟹和菠蘿啤酒鴨。呢三款小菜中，我最推介賽螃蟹，味道清新好足料，菜館有加入蛋黃模仿蟹黃，呢道菜色香味俱全。其次就係糖醋桂花魚，桂花魚即叫即製，脆卜卜，加埋甜酸醬，仲有蝦仁等配料，味道不錯👍🏻我們叫了一客高力豆沙蛋球，為這頓滿意的晚餐劃上甜蜜的句號。

📍客尚來同朋友周圍行下 經過見到呢間鋪頭都幾多人食～就決定試下呢間上海菜 花多眼亂 我地樣樣都想試下 最尾叫左小籠包 醬爆雞丁 沙嗲牛肉粉絲煲 同五香牛展 小籠包都幾足料 但皮唔算好薄不過幾多肉汁本身係宮保雞丁同醬爆雞丁中作選擇 最尾都係簡左醬爆雞丁 好好食 個汁甜甜地好惹味 撈飯一流 沙嗲牛肉粉絲煲 一上台熱辣辣 呢個都值得推薦 味道調得岩岩好 啲洋蔥又煲丁淋曬 甜甜地 我地連埋啲洋蔥清曬咁濟🤣五香牛展幾入味 肉質鬆軟 筋位有咬口又唔會太un😋我見佢哋仲有啲客飯套餐都幾抵食～

好食嘅口水雞好難搵。幾年前食客尚來口水雞係好食嘅，今次嚟到西營盤，雖然印像中上年食過好似麻麻，但始終印像模糊決定再試一次。叫咗一個口水雞客飯，一個回鍋肉客飯。兩個客飯價錢相同，但分量就差好遠。先講分量：回鍋肉有肉有菜當然知道啦，但估唔到佢肉嘅份量少得咁可憐。以同等價錢嚟講，回鍋肉得幾片簿肉加成碟菜，成本一定低過口水雞好多。呢碟回鍋肉食水真係深!再講味道：口水雞真心失望！！白斬雞家口水雞配料，感覺並冇醃製過而係就咁淋上去。呢一種「雞精」做法雖然度度都係，但係以前客尚來唔係咁㗎！真係 好 • 好 • 好 失望！至於回鍋肉呢，味道亦都十分普通。只係得幾小片薄肉，其實只係食到菜味就算連個菜飯都做得咁求其菜少飯多乾增增一啲油都冇，完全唔合格！做法只係白飯撈幾粒菜粒。

之前有朋友叫左e間鱔糊炒拉麵外賣比我食，覺得幾好食因為唔係粗麵來，今次就再叫，我打電話叫時我講明一定要拉麵，因為粗炒我係唔鍾意食，落到去攞我再問多次係唔係拉麵，想確實下會唔會比錯，老闆娘幫我睇係拉麵，攞到返屋企一打開，見到係粗麵，我即刻打電話比間鋪問點解係粗麵，竟然答我 拉麵係粗，真係好嬲，迫住我食，跟整整食到最多掉左，我以後都唔會幫襯如果講聲唔好意思 ，我起碼下次會比機會佢再買多次，但是否當我白痴，粗幼都唔識分?呢款擺明係烏冬粗幼 長短 口感