容記小食

营业中

休息中

一喺大埔落車 就即刻衝過去買外賣,但其實果陣已經係夜晚11點大部分食肆一係last order左 一係就收左檔天氣凍冰冰 唔食啲熱野暖下肚 真係訓唔著🙊所以就去左廣福村商場既容記買外賣~首先要讚下既係:即使晚市堂食被禁 佢地仍然都堅持做外賣生意 仲要做到夜晚12點❤️目測情況 只有1-2人等外賣 喺呢個情況仍然堅持開到咁夜 真係好難得等外賣既時間唔算耐 5-10分鐘都已經拎得番到屋企開餐 碗車仔麵仲係熱辣辣 出哂煙嫁🤩而家今次食既係 黃色外賣紙!即係麻辣/酸辣過橋米線 配左兩款餸~米線既硬度岩岩好 我今次揀左麻辣中辣🍜未食已經聞到果陣麻香🤤食落既湯底係超級香濃 完全唔會將價就貨而且湯度唔會太稀 所以係超掛湯😹岩哂我呢啲重口味既人~餸既份量都合量既 每種餸有3-4份整體黎講 夜媽媽都有香辣車仔麵買 已經好讚!而且味道中上 價錢合理 都算值得推薦嫁❤️

11點半開門，12點到嗌雞翼食，見住佢用微波爐翻叮俾我我心知不妙，唔會炸好隔熱再翻叮俾客食呀d 皮一食就即吐，完全淋同唔掂好失望，或者冇期望就唔會失望吧早知上多層m記算

入大埔踏單車, 經過大埔廣福村,去了這裡食車仔麵, 環境位置普通, 一般小店。有車仔麵, 酸辣粉,三寶食....... 車仔麵都幾好食, 個人喜歡燕餃, 都是第一次食,不知他們是否自己包的呢??辣菜莆好好味。辣菜莆有得買走,回家煮麵加小小一流。不過疫症期間, 整野食的人不戴口罩, 真的不能太接受, 小店務必戶注意。

又再次來到大埔這條屋村的這一間車仔麵店，之前吃過，這間車仔麵店的豬大腸非常出色，並且有荵有炸蒜，因此間中亦都會來回味一下。這次來到，赫然發現，竟然新增了撈米線這個選項，作為撈麵主人的本人，當然立馬一試☝🏿在大埔這屋村的車仔麵店，居然可以做出，好像內地的麻辣米線的味道，像真度十足，真是難得。不算是十級肚餓，因此便只點了腩肉以及蘿蔔，蘿蔔煮得不錯，因為沒有根，亦都外皮清得乾淨，吃起來非常之吸味又甜。米線的質地不算煮到非常林，保留少許咬口，底下有點油，亦都有點兒花椒油，因此吃上口，感覺到有點兒麻的感覺，而那層油亦都可以為米線保溫，因此邊吃邊吃到麻，吃來非常過癮。這兒的炸蒜，亦都非常出色，因為你吃車仔麵的時候，很多時候炸蒜都會掉到湯裏邊，但是吃撈米線，選擇一直蒲在麵條上邊，就可以將炸蒜粒細意品嚐。友人的車仔麵，這個餃亦都味道不錯，好像韭菜味道濃郁，應該是自家炮製的，誠意可嘉

本人唔係住大埔, 極少去廣福村, 已經第二次去食第一次係因為太夜, 好多舖收晒巧合見佢未開門食過一次, 今日中午時段再去廣福村再去試, 當時還早未有人, 舖頭好有趣每個人入來都好似好熟咁, 每人都say hello雖然只係車仔麵舖但好有禮貌麵都唔差係肥左dd, 我食左碗 豬腸+墨丸+冬菇+油麵(唔好話我油麵梗係油啦)豬腸乾淨, 冬菇厚身入味, 油麵唔太求奇 份量ok, 至於墨丸切開的但個人覺得幾好食, 唔係街邊或街市買食開果種其實仲有好多野食, 見唔少人食三寶, 希望下次有機會再去食因為今日一入去見到老闆娘(其實好妹妹)眼大大細細粒好靚女, 掛住望佢忘記左影相哈哈 下次有機會再去先影番碗麵

住得大埔一定識距俩公婆車仔麵，由細細個食到出泥做野，結埋婚依家成日帶埋呀仔泥食，人情味濃，老闆，老闆娘超好，食物質素由車仔檔到依家都無變，由其是係老闆娘炒辣椒油同辣菜甫一流，豬腸豬紅九菜，一定走五甩，可以話以前排隊買車仔麵都係為豬腸而泥。豬腸同出面真係無得比，食過既人都知容記豬腸又冧又滑，加上湯底同辣油超掂。另外值得一推就係豬手同老闆娘九菜餃，真係大大隻低食餡料咬落肉汁超多，豬手好冧好入味，平時會買泥加餸

容記雖然店舖細細，但食物水準一D都輸蝕架!油菜唔油，nice! 少油關係，菜就冇咁青綠，不過唔會有青黃味。D腐乳多到可以留返黎送飯酸辣米線本身都有芽菜、肉碎等配料，辣度亦有得揀。牛柏葉爽YY啊!通菜控叫完一碟通菜再加送時，都係叫通菜...牛肚亦都好彈牙!豬紅一般都會浸水，但容記呢度食得出冇水份，正!我碗米線叫左微辣，因為要留D空間食辣菜圃!食完中意仲可以一樽樽咁買走添容記所有滷水都好正!之前已經食過滷鵝腎、豬肚，今次食豬腳。大大啖咬落去，都唔會一口油，老闆將D油都迫晒出黎，太高招啦掛~!豬腳好入味，而且味道剛好，唔會好咸要狂飲野凍檸茶茶味唔係太濃，有4片檸檬，而且仲好鮮甜!

原來這個屋村那麼老舊，即使被領展收購了，商場也沒有大幅裝修、翻新，還好，保持原貌。據聞這間車仔麵，原先在另一條邨下面，擺車仔檔，現在搬入了鋪頭😯。看看餐牌，即使四餸麵，也只是30多元。誰知道，可能你在青衣，或是旺角，求其吃個車仔麵，動輒都要＄4-50了。如果你深信平嘢無好，那麼你便會大跌眼鏡🤓。雖然米線份量不太多，但是質素高，不會太軟林，有點彈牙。這兒的豬腸，份量也不少，內裏不太骯髒，清潔，爽彈，味道夠香濃。牛腩更加驚為天人，不會太乾太瘦，有點兒嚼勁，有咬口，肥瘦均勻，中間有有隔膜。幾個蘿蔔，都沒有根，爽甜，吸湯，不錯。只是六時許，不算非常肚餓，要不然，可以點煎釀三寶，因為十元五件，亦都是坊間難求了。凍檸茶，味道普通，不算太濃香，茶味欠奉，下次不點。

第一次食，亦係最後一次，食完仲要肚痾，味道就唔講，衛生就麻麻，唔係冇左廣成魚蛋粉，都唔會上去幫襯，仲要食到肚痾，冇下次......................

今日放假係屋企唔想郁，但係又好肚餓，所以就落咗樓下買嘢食，呢幾年樓下好多餐廳都執咗笠(比領展瘋狂加租迫害)，唯獨是呢一間容記小食，咁多年都可以屹立不倒，相信佢一定有番咁上下生意額先可以頂得住。呢間車仔麵個辣菜莆做得好出色，我都係因為聽朋友講先會試下，點知食完就愛上左佢喇。辣菜莆可以任落的，是乎自己喜好，鍾意嘅話仲可以買一樽都只係＄22，攞黎食飯又得，攞嚟送粥又得。

由細到大都係呢個屋村長大，呢幾年呢間容記小食都係我經常去嘅消夜地方，特別佢嘅招牌碗仔翅，同埋魚肉翅係最好食架，另外佢都有啲煎釀三寶，同埋炸雞翼、炸雞髀等，都算係比較多嘅選擇。今次就叫左佢哋嘅銀針粉，銀針粉都好似車仔麵咁，可以自由配搭粉面，佢都有河粉、米粉、油麵、公仔麵等等，同埋銀針粉選擇。車仔麵配料食物都有好多款，我最鍾意食佢哋嘅豬紅、豬腸同埋滷水雞翼，佢個銀針粉都好適合小朋友食，而且銀針粉好入味，湯底都好濃郁味道，唔錯！加埋佢餐廳有一隻自製辣椒粒更為惹未。

香港／九龍區的車仔麵店數量愈來愈少，很難得這個商場有一家車仔麵店，可以讓我再次回味車仔麵的美味。這間車仔麵食物的選擇很多，湯和汁都可以有數個選擇，真是花多眼亂。我叫了一碗牛丸韭菜蘿蔔腩汁湯米($22)，加了一個上湯菜心($8)和熱檸水($5)。有牛腩汁的湯很清甜，沒有油膩感；老闆加了一點炸蒜，令湯不致於過淡，而有種香蒜味。牛丸是即叫即煮的，所以還是十分彈牙。蘿蔔亦很清甜，入口即融。上湯菜心其實是一般白灼菜心，上湯沒有什麼味道，但菜心勝在新鮮嫩口。很難得外食可以有新鮮菜，再叫了一碟腐乳通菜。通菜是白灼的，再淋上香滑的腐乳汁。通菜十分鮮嫩，絕對配合微辣的腐乳。除了車仔麵，小店還有其他食品供應。