富久保手打烏冬 (已結業)

其實呢度FOOD COURT無乜太多選擇，見到有章魚燒又多人買，我就揀左呢間開飯。我聽到收銀個位叔叔因叫餐係講日文，心諗應該係正宗日本野啦，點知就出事。由於事前真係期望太高的關係，失望自自然然提升不少。先講呢PAT野:食都未食就爛開哂，我都係開動佢就咁樣，叫人點食? 我真係無胃口食，但點都要試下。圖中顯示仲有點燒焦的痕跡，入口係有D薑絲的味道，食左一粒無食。再黎係味噌湯，叫做正常到主菜啦，呢個睇相真係唔講唔知係乜!肉又乾又無汁

逛街逛到下午茶時間, 在FOOD COURT搵啲小食, 發現在佢.........排隊點餐時, 排我前面有兩個日本人, 店長是用非常流利的日文幫佢地落單, 頓時覺得好地度!!! 好似大粒過係出面其他店食到, 而且好夠料, 每粒入面都起碼有兩條八爪魚鬚仔, 丸子外脆內軟, 醬汁比出面其他店都淡味啲如果多啲醬汁及紫菜就更好味!!個人覺得好似比在大阪吃過的更好味!

晌玄拉麵點咗碗鹽味叉燒湯拉麵，咁富久保又點咗咩呢？烏冬喺必然之選（其實佢都有飯賣），因為日藉師傅日日駐場手打烏冬，當住你面即場搓粉、即場做烏冬，全人手，唔靠機器。望住堆定食模型，又喺心大心細嘅時候。眾裡尋它，就喺炸豬扒烏冬定食，因為有吉列炸豬扒，有鱆魚燒，又有關東煮蘿蔔，一個定食可以試到幾款心頭好，代價就喺一張City Super $50現金券+補番$18。炸豬扒烏冬食物模型喺將吉列炸豬扒放在湯烏冬之上，好彩正式售賣版喺兩者分開上，吉列炸豬扒以小發泡兜盛載，添加咗濃厚醬汁，豬扒又炸得幾鬆化，麵包糠外層略嫌有啲厚，而且離身。湯烏冬配料簡單，一片鳴門卷，少許昆布、蔥花喺咁多，湯底以昆布嚟煮，味唔重，烏冬又如何？真喺條條彈牙有嚼勁，兼且非常滑溜。 鱆魚燒跟定食嘅鱆魚燒，一客有三大粒，喺鋪面阿姐密密燒嘅新鮮貨色，配上木魚碎同沙律醬，每粒鱆魚燒內裡梗有一粒鱆魚粒，時大時細，可惜粉漿非常厚，影響口感，小弟就覺得一般般喇。關東煮蘿蔔有好大兜架，真喺好大個兜，無錯，喺個發泡兜好大，蘿蔔就得４細粒，味道鹹鹹甜甜，蘿蔔又幾清甜，只可惜太少囉！鋪面（食物模型上面），設有自助調味架，有豉油、七味粉、蒜蓉、紫菜

通常夜晚去睇戲前都會到Starbucks飲返杯食野睇報紙hea吓先去睇戲嘅，不過呢晚又想轉吓地步食其他野，係Citysuper遊來遊去，最後揀咗食烏冬。我揀：冷烏冬定食﹣配鱆魚小丸子(三顆)，麵豉湯、麥茶 ($58)佢揀：咖喱豬扒烏冬定食﹣配鱆魚小丸子(三顆)，蘿蔔湯、麥茶 ($65)＜冷烏冬＞上面有一片雞蛋、一件新鮮蕃茄、青瓜條、蛋絲、生菜絲，甘荀絲、幾片冬菇同昆布絲，睇落份量唔多，食落都算夠嘅。冷烏冬就一Ｄ都唔冷，唔軟腍幾彈牙喎，碗底有少少汁，買返埋位時覺得好似份量少咗Ｄ，不過食到尾又真係啱啱好夠飽喎，都幾好食！我就唔鍾意食＜鱆魚丸＞嘅，不過都試咗一粒，可惜已經唔熱，木魚絲冇跳跳吓，而丸的皮既少脆又挺身唔會一pat pat，裡面有顆大大粒的彈牙八爪魚，都幾好食喎，只可惜唔熱啫。＜麵豉湯＞冇乜味，似係呁溝水溝到冇哂味。到＜咖喱豬扒烏冬＞非常杰的咖喱湯，但味道反而一點都唔濃，仲有ＤＤ甜唔辣的，真係日式喎；我見朋友食到一半Ｄ湯變得好稀，我再試味道同杰湯時又一樣喎，點解嘅？熱的烏冬同我的冷烏冬同樣彈牙，係唔錯嘅；炸豬扒肉質唔韌軟身好食。＜蘿蔔湯＞非常清，白蘿蔔冇渣但冇蘿蔔味嘅....。以F

朋友聚會來到海港城，轉了很久不知道吃什麽。結果到了這裡見有空位置，就坐落來。各自點左一碗拉麵。我要豬骨湯底，幾好味，一如大部份日本拉麵，豬骨湯底都幾咸。面就一般，無咩驚喜。另外點左個雞扒，就無咩特別味道，粉太厚，遮蓋了雞扒味道，希望下次可以改善。

平日的晚飯時間，來到了尖沙咀區覓食，想起很久沒試的一風堂，就決定去等位，正值黃金時間，輪候的人亦相當之多，便決定到附近地方找些小吃，便來到海港城內的food court，看見想試好耐的富久保招牌，便提議兩人先來一個烏冬稍稍填肚，等一陣回去再戰一風堂！富久保獨特之處在於標榜著手打烏冬，而且並非掛名咁簡單！店子雖設於food court內，但左邊的地方正是師傅製作烏冬的小工場！在food court中進食的同時，亦有機會睇到師傅整烏冬的過程，由搽麵粉、拉麵條、以至到切麵，都可以從此觀賞，可惜是晚未能遇上，有點可惜。小店選擇亦多，設合food court一貫格局，冷烏冬、熱烏冬、炒烏冬均有，除了單點亦有連套餐，當中部分連上同店另賣的章魚燒，男友曾吃過，但味道普通，所以今次暫不一試。由於下場會去一風堂，所以不考慮熱烏冬，最後選擇了炒牛肉雜菜烏冬(單點 $55)。先於店前落 order，再拎單住收銀俾錢，之後就可以等拎嘢食！由於收銀係food court內共用的收銀，所以就算幾個人想食唔同嘅嘢，分開落order之後夾埋一次俾錢都得，簡單方便，只嫌有時人多可能要等上數分鐘。炒牛肉雜菜烏冬用上椰菜紅

好久沒有來尖沙咀用餐﹐忽然掛念他們的熱辣辣的牛肉湯烏冬。但今次真係好失望。以前熱辣辣的湯底﹐現在變了暖口的湯底﹐還有湯底比我從前吃的淡味了。從前吃完了烏冬﹐我會把湯全部都渴完﹐但今次就.......! 以前對這間餐廳的食物﹐食後會有wow的感覺。現在幻滅了﹗烏冬不再彈牙﹐一點口感都沒有﹐是因為流水作業式的生意而忽略了食物的質素。又少了一間心水餐廳了。反而粉嶺有一間小店的烏冬就有彈牙的口感﹐雖然不是手打烏冬﹐但他們的處理工序做得好。下次再吃再給食評。

不能否認，香港人貪新鮮記得多年前對芝士蛋糕著魔一樣，經常見到某家日式芝士蛋糕店大排長龍幾年過去，又有乳酪風,拉麵風其實，日食中，始終覺得烏冬能歷久不衰曾幾何時，這家位於Foodcourt的烏冬店也是城中熱話那些年，我們也曾經專程前來湊個熱鬧數年後的今日，雖然名聲已大不如前，但店仍深受遊客歡迎來吃的當天，就見到有內地,韓國,日本，甚至西方外籍人士也來幫襯上次吃過湯烏冬，今次就試試咖喱烏冬咖喱豬扒烏冬配鱆魚小丸子見到眼前的咖喱湯就知道不會太好吃何解? 咖喱湯太稀了!吃落咖喱味道果然非常清淡可幸烏冬仍保持水準，入口彈牙，質感略嫌軟腍了一點豬扒也較腍，炸漿過厚，肉也欠煙韌口感，是質素問題~整體來說，真的令人失望反而套餐的配菜鱆魚小丸子做得遠比烏冬好醬汁酸甜惹味，入口吃到爽口帶煙韌的鱆魚肉粒，略補烏冬之缺失

食完Hungry Korean 真係還有少少hungry，在海港城內行了兩行就忍不住買一些小食來食，在三樓的美食廣場行了一行就在富久保手打烏冬叫了章魚小丸子來滿足一下未飽的肚子。章魚小丸子($23)6粒望一望章魚小丸子的大細都是普通，上面有兩種的醬汁分佈得幾平均，還有章魚小丸子都會有的鰹魚皮，食落軟硬度都幾好，粉漿不會太杰，入面的八爪魚粒份量唔多但都幾入味，和日本食到的雖然無得比，但在香港來說已經是水準之作。望一望原來很久沒有食過這店的烏冬，下一次有機會再來時要試一試。

這晚在海港城Food Court食晚餐，三個人在富久保買了兩份套餐及一份炸章魚丸子，再到鄰店買一碟炒通菜大家分享。我點了炸蠔定食，細佬則點了吉烈豬扒蛋飯，看到柜枱附近有濕海帶片，人客可隨意添加。購買炸蠔定食的等候的時間較其他食物長，新鮮熱辣的炸蠔很香口，伴碟有菜絲、蕃茄和青瓜，還有一角檸檬調味，足以抵消炸物的熱氣。 套餐還附有湯煮白蘿蔔，白飯和湯烏冬，把湯煮白蘿蔔與湯烏冬混合來吃，味道更好呢。

微播的貼內見反應不錯,就來分享分享,香港O九年興起烏冬熱而不少店更訛稱「自家手打」，其實九成九是日本產的廠製品，至於由搓麵至壓、切麵條全人手製作，就只有富久保#獨家供應，師傅每日採用日本小麥粉配以「軟水」每天鮮製，質感外柔而麵芯煙韌，有著機製不能媲美的滋味。

在尖沙咀趕忙去看電影，所以草草地到 food court 來個晚餐。富久保算是比較多人光顧的一間，店員也是日藉人士。沒有多想，叫了一個 $68 的定食套餐，組合是滑蛋豬扒飯 + 湯烏冬 + 章魚丸四粒 + 清茶一杯。吉列豬扒偏稔，不是脆脆吉列外層。滑蛋太稀身，整碗飯都是濕濕的。烏冬硬身不彈牙，一定不是手打的質素。配料也非常求其不好吃。章魚丸超多粉漿，內裡只得章魚一小粒，椰菜絲也欠奉。海港城的 food court 選擇少，有水準的店子也少，下次還是去對面新港中心的 food court 較好。

這夜的晚飯在海港城的 food court 解決。早聽說在這 food court 中最受歡迎和得到最多好評的 counter 就是這一間「富久保」，所以早已鎖定目標，決意幫襯。雖是小小的舖面，幫襯的客人卻挺多，人流不絕。在看有什麼烏冬好吃的同時，耳畔不斷傳來日籍店員以帶著日本口音的英語叫喚落單號碼，眼前則見著日籍師傅在面前的玻璃內不斷在即場製作手打烏冬，令自己對這裡的手打烏冬充滿著期待。一場來到這間以手打烏冬為店名一部分的「富久保」，一碗熱騰騰的手打烏冬當然是必然選擇，不過這裡的烏冬選擇也有不少，我們都花了不少時間去左挑右選，最後才決定叫來一客「牛肉烏冬定食」和一碗「牛肉烏冬」作晚餐。其實「牛肉烏冬定食」與「牛肉烏冬」的唯一分別，只是「牛肉烏冬定食」比「牛肉烏冬」多了三粒「章魚小丸子」和一小兜「白蘿蔔」而已。先說「章魚小丸子」。這裡的「章魚小丸子」是足料的，醬汁也多，要是剛弄好熱騰騰的時候即時夾來吃，相信這大阪名物必定十分可口，可惜這天的「章魚小丸子」稍為不夠熱燙，有點美中不足，不過仍然不錯。「白蘿蔔」雖然只得寥寥數塊，但是質素頗佳，是完全無渣的，而且味道頗為清甜，不過那甜味卻總是顯

一邊睇住叔叔搓烏冬, 一邊食住叔叔搓好及煮好嘅烏冬, 感覺特別新鮮, 特別抵食來一客冷食烏冬$40烏冬温度不算冰但會比室温高, 聽說現在的製烏冬手勢不比以前好, 以前未試過所以不能比較, 我個人覺得味道淡淡的冷烏冬質地Q彈, 彈到可以偏向有少少韌度, 烏冬寬度粗幼適中, 煮後依然呈長方形, 耐煮！燒八爪魚球烏冬定食$50燒八爪魚球外型飽滿,內裏的八爪魚粒富彈牙口感,粉與八爪魚粒的比例很好, 球也挺身唔會pat ; 木魚絲活潑的跳着舞,蘸上甜酸交疊的醬汁,水準之作!熱湯烏冬有塊蔬菜天婦羅, 烏冬滑溜,但質感偏腍,一夾就斷, 唔啱我！蔬菜天婦羅係totally bad, 超腍...腍到似炸漿pat超假甜嘅白蘿蔔麥茶唔麥香看來, 不需要特登來吃, 手打烏冬似乎可遇不可求！

今日同媽媽來終於詆到炸豪定食~~(因為可以同媽媽兩份)雖然炸豪比較細~~不過食到刀好新鮮~~又炸得鬆~ 豪的味道鮮甜~~跟餐仲有椰菜同白蘿蔔~椰菜新鮮佢仲撈左小小醋好味又開胃~~同買佢d蘿蔔用關東煮既方式去煮食落d蘿蔔入味又林冇苦味~~飯同鳥冬繼續保持水準~~個定食其實好底食~~不過佢一次個有飯又有烏冬~~同朋友share 比教好, 如果唔係兩樣一次個食晒真係會飽到上心口~~不過下次要再去食超正~~同買佢個咖哩湯鳥冬都好好味~~