富嘉閣 (已結業)

十二月下旬‧晴來這裡吃點心，看到點心紙上有一味黑芝麻流沙包，有趣，先吃一個。將包分開，真的夠流。但聞起來味道很熟悉，原來就是平時吃麻蓉湯丸的餡。口感也幼滑，不過真的非常非常甜。如果頂得住這個甜度，還不錯。

星期天下午想起近年外間積極推介的牧牛湖大閘蟹,所以打電話訂枱一試,餐廳落地玻璃全海景,但因晚上太黑,看不到什麽,樓底高,而且我 6:30到,當時人少,十分不錯,我2人,點了4隻5.5兩大閘蟹,分2次蒸,再加一個上湯豆苗和臘味飯.5.5兩的大閘蟹,是稍細了一點,每隻售 $120 , 若6兩要售 $180, 好似不成比例,所以選5.5兩一隻的.蟹可能新鮮,蟹肉清甜多肉,羔不多,但亦不少,近肉處有少量白羔,我食2隻都沒有什麽可投訴,太太那2隻也一樣,而且是先點2隻,2隻到後再點2隻,剛食完2隻後另2隻又送到,時間剛好,蟹較熱,食羔時熱特別好和食肉時温度尚存,帶出肉的鮮味.不錯.上湯豆苗,尚可,好似硬一點,湯味亦可,沒有味精,及格.臘味飯,可干身一點,味錯,有臘肉粒,臘腸粒和潤腸粒夾集在飯中,而且油不太多,因有些餐廳碟底都有一層油,但此處的會覺得一口油,碟底不會看見一層油,很合我口味.那位女經理十分友善及好服務,其他員工也不錯.牧牛湖大閘蟹始終都是大閘蟹一隻,與其它也差不多,不要有太大期望.整体合格

話說某團購搞"大閘蟹試食宴", 幸運地我同W中左試食, 場地係遙遠既對面海--富嘉閣當日我倆早早就到了, 成為最早到的試食專員, 不知是幸還是不幸, 坐到了主。家。席。好處就是同老闆們同台, 沾沾光, 壞處當然是要注意食態, 唔好太失禮人先黎睇睇菜單, 足足有八道菜, 真係滿心期待等呀等, 第一道蟹粉田園羹終於上場。侍應有禮的為我添上點點醋, 聽說可以提升蟹粉鮮味。我個人覺得味道有點淡, 最鐘意入面加埋菇類, 有點咬口。鴛鴦香酥骨, 一骨兩味一乾一濕, 根據行政主廚李先生介紹, 應該先食乾後食濕, 先可以充分食出兩樣味道, 我個人比較鐘意乾果款, 睇上黎似鞋口食落出乎意料咁鬆軟, 有肉汁之餘有淡淡陳皮香; 濕果款欖角汁偏甜, 頗為蓋過肉味。牧牛湖5.5兩大閘蟹兩隻, 今年我食過2次大閘蟹, 都係3.5-4兩既陽澄湖蟹仔, 大蟹同細蟹果然係兩回事, 我唔知係SIZE問題定係品種問題, 只見牧牛湖蟹十分多膏, 味道也很香, 入口有鮮味, 肉質係實淨, 果真一分錢一分貨呀大良牛乳浸學斗菜, 我先要承認, 我食野係出名慢, 遇上蟹/蝦之類會慢上加慢, 係我拆蟹當兒上台的其他菜, 忘了影相不單止

好耐冇去「富嘉閣」, 今日原本想去隔離間「粥麵館」食粥, 不過行到去門口臨時轉軚...11點半, 得1枱客, 好靜局... 加上酒店級環境, 舒服到暈... 食物同服務都係酒店級, 好多酒店都唔夠佢揮...珧柱豆苗餃 -- 雖然冇咩珧柱, 但係豆苗好幼嫩, 冇青草味, 好得~懷舊麒麟馬拉糕-- SO SO 啦, 鬆軟不足, 香味欠奉...黑芝麻流沙包 -- 流沙包食得多, 黑芝麻流沙包係第一次食, 好得呀!!! D黑芝麻真係好流沙呀!!! 超強勁黑芝麻味, 微甜, 我比10個讚!!! (黑芝麻怪嘅說話唔多中肯, 大家唔好盡信, 咁啦, 8分啦)桂花豆沙煎堆 -- 讚! 讚! 讚! 落單20分鐘先有得食, 我估係即炸, 嘩, 熱辣辣到呢, 仲要一滴油都冇, 勁!!! 細細粒, 豆沙蓉好滑, 好香桂花味, 好有驚喜!!!Service都唔錯, 午市經常爆滿, 想食要早d Book位...

這天放假，整天逗留在醫院，照顧老爸的午、晚膳，晚上想回家為家人做飯，太座不想我操勞，建議上館子解決，我想來這食肆試試。這個晚上顧客不多，連我們不過二十人，地方裝修不錯，格調清雅脫俗，是一個很舒適的進食環境，唯地點卻強差人意，在香港殯儀館隔鄰，老人家多不喜歡，不像我們百無禁忌，到處都想去試。酒樓今期推出夏日水果系列，以水果入饌，我們點了沙汁荔枝蝦球，鳳梨醬燒骨，蓮霧火鴨腐皮卷和粉絲雜菜煲。最先送來的是沙汁荔枝蝦球，沙汁亦即是沙律醬，蝦球上了粉走油後，加入荔枝肉和西芹，用沙律醬輕撈，荔枝肉是罐頭貨色，但也香甜，西芹新鮮多汁無渣，蝦球爽口，外層香口，最欣賞是沙律醬份量恰當，沒有泛濫的情況。鳳梨醬燒骨，看名字，還以為用鳳梨醬來調味，其實是一件燴好的腩排，用幾塊菠蘿伴碟而已，(不是鳳梨醬+燒骨，而是鳳梨+醬燒骨)，這件腩排燴得很腍，很入味，加上微酸的醬汁，送飯真不錯，若是用鳳梨醬燴，也許更好。蓮霧火鴨腐皮卷，一碟有八件，蓮霧是我喜愛水果之一，顏色吸引，咬下時果肉爽口，果汁清甜而味淡，廚師用來入饌，應是新嘗試，用腐皮包著一片燒鴨肉、一片蓮霧，在鑊上略煎香，醮點附上的急汁，腐皮是香脆的，但濃味的鴨肉

Honey發現富嘉閣D午市商務套餐好抵食, 今日一齊去試下... 個餐有靚湯, 有時蔬, 有白飯, 有水果, 每人可以揀一個主菜(有成36個主菜, 食足1個月都唔會悶), 仲要免茶位... 靚湯--唔錯, 唔錯...豉抽浸雞--嘩, 好大碟喎!!! 味道唔錯...豉汁涼瓜炒肉筋--落單時要求炒得淋D, 結果真係夠淋, VERY GOOD!!! 侍應上菜時仲話唔夠淋的話, 可以再叫廚房炒淋D, SERVICE一流!!!時蔬--一時唔記得個餐有時蔬, 所以叫咗涼瓜... 下次可以試下叫一個肉+一個蒸水蛋...水果--蓮霧好甜, 正... 餐廳內座位寬敞, 外面係海濱公園, 仲望到對面海, 坐係度食野好舒服呀!!! 平時係太古坊食個普通嘅快餐(味道+環境+服務+衛生都係惡劣個隻)都要50蚊, 所以覺得富嘉閣呢個午市商務套餐真係好超值!!! 拉姑極力推介!!!

第一次到此店飲茶, 因為嫲嫲聽聞此店的食物不錯,所以到此一試。一早11:00左右到步, 未到午市, 所以非常安靜~靠窗會看到海景, 景觀不錯~我們點了:1)雞球大包: 呢個非常好味, 入面好多料, 有雞、燒肉、咸蛋黃等等~而且真係好大個, 唔可以輕視佢的飽肚程度!!2)香煎糯米飯: 呢個好香煎蛋味~~而且個糯米飯都好好味, 有D蝦米, 夾住食好好味~!!而且係新鮮煎~夠香口~!3)鮮竹卷: 呢個不過不失~~! 有蠔油味香~!而且都好足料4)鮑汁鴨腳: 呢個個鮑汁好好味, 而且隻鴨腳入曬味~!! 鴨腳又唔會炆到爛, 的確係高水準之作~但佢的售價都相當高…加埋一成$50兩隻鴨腳…開頭以為佢會有一碟, 點知得兩隻…真係太貴了…整體而言, 環境舒服, 不會太迫~食物質素有保證, 不過由於價錢太貴, 自己未必會再ENCORE了~

我們為老闆設退休宴, 包了房, 共有6席, 有獨立的一隊staff serve 我們。 菜色比較像飲宴, 但可能點菜的同事點得不太好吧, 菜式既普通, 味道亦一般....點心三味( 蝦餃, 燒賣和小籠包): 蝦餃保持水準, 既大又多蝦, 只是餃皮每次來吃都會破, 是惟一敗筆。另外兩款點心沒有試, 聽說ok, 這兒的點心一向都不錯的豆腐羹: 個人覺得偏鹹炒魚片: 嘩, 普通得很! 是誰點的菜? 味道ok扒鮑魚菇片: 很大的菇片啊, 大家都在說, 如果是這麼大的鮑魚片就好了, 黃蘿蔔炒牛肉片: 又是很普通的菜式! 味道ok咕嚕蝦球: 以前吃過, 保持水準, 算是最好吃的一道菜豉油雞: 看上去很鹹 (顏色很深) 又乾乾的, 同事的評語是沒有雞味, 沒有鹹味, 肉也不夠嫩滑蛋浸莧菜: ok荷葉飯: 超乾又沒有荷葉香!馬蹄露: 加了檸檬絲, 帶點驚喜, 不過甜, ok其實他們有很多其他小菜都不錯的, 可能今次真是點錯菜了

第一次去呢間酒樓，裝修幾靚，但食物就認真麻麻。上湯菠菜同雞球炒河味道一般，炒河有d淡。避風塘籮蔔糕原來係油泡的，都係欠缺味道。最好食的竟然是小點的叉燒包，外表平平無奇，但入面的豬肉都是瘦的，而且熱辣辣，味道剛剛好！牛肉球算是咁多點心最差的，可能是用了太多梳打粉，質地似牛丸，但一d肉味都冇。蝦餃ok！排骨同小籠包都唔得！小籠包皮太厚，入面一d湯都冇咁滯！

上星期三有朋友話買左團購4人餐要湊夠腳去食, 一人唔駛一百蚊, 我見無野做, 又未試過呢間, 所以就應邀同friend gather 一下7:30 去到人未齊, 見餐廳外大堂同門面都幾grand人齊坐低左之後, 侍應知我地食團購, 好快就開始起菜verall, d 食物味道唔太濃, 應該係少鹽少味精, 最好味係欖角香酥骨, 不過無得回味, 因為一人得兩件份量就arm arm好, 四個女仕去食剩少少服務方面, d侍應好有禮貌, 不過上菜略嫌快左d, 同埋換碟換得密左d餐廳環境好好, 雖然坐左7成滿, 都唔怕嘈至於價錢, 因為係團購, 一人唔駛一百蚊, 不過我睇個 side order menu 價錢都算大眾化會再光臨

雖然價錢同_月芳同_雲軒差不多,正所謂一分錢一分貨...我今次最不滿意係....第一態度不佳,服務質素差第二,有部份員工對人處事不週,對客人有偏見第三,做事效率慢,安排座位不當,大枱只供應給富商,大枱只接受預定,若果延遲交枱,則需要賠償 ->如是者,意思上對於客人既價值觀黎睇,係趕客,好似"貼錢買難受"....本人只會光顧一次,試過就算....

因為呢間有做團購, 所以印象不是太好。老闆約lunch,話嚟呢道, 都好啦, 成日去鴻星、西苑、美心、鍾菜等都幾悶。走到大門, 嘩嘩嘩, 都幾grand wo。連對面嘅cafe de coral (大家樂) 嘅裝修看上去都high D 咁。門口仲有盤用薑(係真薑) 砌出嚟嘅攞設, 好有heart 囉, 酒樓仲全景seaview tim 。呢道有一人套餐(兩位起), 只係$95蚊, 包:1) 茶芥2) 例湯3) 小炒 (我地叫咗: 蒸倉魚, 蒸肉餅, 家鄉豆腐, 豉油雞，全部味道都好ok, 好住家feel得嚟都大大碟)4) 清炒菜—小碟 (因為叫咗四個餐, 炒埋變一大碟, 起碼有斤半菜)5) 白飯6) 生果(超抵, 又好味....)我地10個人, 叫了四個套餐外再加咗D點心:1) 芝士炸蝦丸 : 要俾10個讚, D芝士真係爆出嚟, D蝦膠非常之彈牙2) 蝦餃: 皮薄餡靚, D蝦當然新鮮啦 3)燒賣: 又係正, 大大粒, 肥瘦比例啱啱好4) 流沙飽 : D沙好流..正 5) 炸竽角: 即炸, 勁脆 其他鳳爪, 牛肉球, 腸粉, 煎糯米雞....等等都好ok, 最少唔會有味精。最後仲叫埋甜品

上星期六同一眾中學同學竹戰至七點, 大家都有點肚餓, 於是我就提議到附近的富嘉閣食, 因為我買左團購4人餐, (哈哈,可以套現)因為我之前已經去過一次食大閘蟹, 所以環境我唔多講, 不過我班同學都異口同聲話唔知原來Quarry Bay有一幢咁新的寫字樓.七點左右去到, 都好爆, 可能係星期六關係, 好彩臨時訂都受理 去到門口, 我地幾個男都以為睇錯, 因為有個貌似Kama的知客 , 佢見我地多個四個人(帶埋老婆/女友), 仲話可以按人頭加份量, 第五個人開始每人加$100 (好合理, 原本都係$97一個人全包)坐低之後, 侍應就推介罐裝飲品 (好似係汽水買3送1, 啤酒買2送1), 我地一行個個八十後, 當然落左搭啦, 我自己仲帶左一支紅酒 (因為知道唔洗開瓶費)團購4人餐富嘉三小碟蜜瓜螺頭湯鵝肝焗釀鮮鮑陳皮香酥骨西蘭花帶子牛肝菌煀雞白飯自選甜品份量唔多, 青瓜好好味湯渣唔多, 但好潤好清, 無落味精飲完湯就食鵝肝焗釀鮮鮑, 因為張相又Oversize,所以post唔到, 不過都好味 , 焗野夠香口出到碟帶子, 白飯亦跟隨而來, 我地foresee未必咁飽, 所以諗住加兩個可以撈飯的餸

與朋友聚餐，他公司在嘉里中心，所以便到富嘉閣飲茶。富嘉閣裝修非常漂亮，很難相信在北角區有這種高級食俯。酒樓全以落地玻璃佈局，面對東面維港的海景，十分美。點心種類不算多，但基本的都能點得到。我們點了馬拉糕，有驚喜！不會太甜而鬆軟度剛好。腸粉包炸蘿蔔糕，腸粉夠薄蘿蔔糕鬆炸很有新意很不錯！煎燸米雞真是第一次見，外面輕微炸炸的，很香口，讚！其他還有义燒腸粉、素菜包、豬腳姜、蝦蛟、燒賣等都很是不錯，可以比美所有出名的酒樓。價錢可能是區內最貴，但我覺得十分物有所值。

入到去以為去錯地方.裝修太像酒店吧?環境好樓底高.上到去遠見有個靚女報以親切既笑容(: 好warm;$ 落單快上菜快good!The waitress very polite and nice(: They would recommend all of the food"s name and good tone (: I really feel happy with my family (: thanks a lot (: anyway I will come back again! Good service(: I think this restaurant better than many hotel"s restaurant (; I really feel wowwwwwwwwww!! Strongly recommend this restaurant! 掛住講裝橫忘記講食物添@@茶葉選了帶茉莉花香的香片 (: 比出面酒樓香和甜 (: 食物有兩樣令我比較深刻.就是陳皮骨和西蘭花炒帶子.前者香脆甘甜又juicy (;應該是先炆後炸才能造成這效果吧?後者聽起來沒什麼特別對吧?非也