富士山 (已結業)

果日唔知做完咩搞到差不多9點先食野啲咁熱嘅天氣特別想食刺身壽司之類於是就去左金百利搵食——————————————————二選一揀左間新開嘅舖頭老闆好緊張咁出黎介紹menu🤣🤣佢地做緊全單85折其實我目標真係刺身丼咋🙈咁就求其啦角切魚生丼啲魚生堆成小山丘咁❤️魚生粒肥美 吞拿魚蓉好多筋🥴👨🏽‍🦱個蟹子蟹鉗丼個蟹鉗好迷你啲蟹子唔太新鮮顏色暗啞連帶蟹子壽司啲蟹子都係😞點知食完見到隔離間9點後壽司半價😦下次有機會又試下先見佢咁夜都幾多人應該唔會伏掛😂😂——————————————————◘ 角切吞拿魚蓉丼 $108◘ 三文魚蟹子蟹鉗丼 $78◘ 蟹子軍艦x4 $48

晚上嘅二人餐勁抵食前排去食仲有85折仲有玉子燒送炸生蠔好食 唔會油淋淋 蟹子沙律份量都好足玉子燒我個人認為可以再多少少甜味三文魚親子丼不過不失豚肉鍋食材可以 但湯底過咸最後嘅芝士蛋糕比想像中大舊 味道都可以2個人食咁多野都係280幾 真係好抵！過左幾再去左試佢嘅午餐49蚊便當竟然有刺身，三文魚厚度很好我平時唔中意食嘅北寄貝好好食 終於唔係食橡筋喇但刺身蝦就麻麻 冇鮮味便當嘅飯好食 唔硬唔軟 吸左啲牛肉嘅油 好味另外叫左個富士山丼 88蚊 完全係抵食因為刺身種類豐富 雖然未係好鮮甜嗰種但呢個價喺銅鑼灣 完全係比足貨不過今次個女服務員做野好心急 諗左幾秒飲咩 佢即刻唔耐煩但整體都好好！有下次！

📍#富士山📍Fujisan #Fujisan .🇭🇰香港銅鑼灣記利佐治街1號金百利廣場7樓3號舖🇭🇰Shop 3, 7/F, Island Beverley, 1 Great George Street, Causeway Bay, HK.🌐📌銅鑼灣 .#銅鑼灣 #日本菜 #MFJ銅鑼灣 #MFJ日本菜 #CausewayBay #JapaneseFood #MFJ_CausewayBay #MFJ_JapaneseFood .人均消費: HKD548.味道: 👅👅👅👅👅賣相: 👀👀👀👀價格: 💰💰💰💰💰環境: 🌹🌹🌹🌹服務: 👨🏻👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆🔆.一直想試位於銅鑼灣金百利的富士山🗻就係SOGO對面，行街後晚飯剛好！三個人點到整張枱都係，由細枱換大枱，再多加一張枱俾我地😂.💯鹿兒島和牛他他🐮HKD138不我所想是肉碎的那種他他/生牛肉，其實是燒牛肉加上汁，做法比較似泰式燒牛肉話雖如此，牛肉燒得好好，比泰國餐廳的更出色，牛肉味香濃肉嫩，汁帶微辣而且開胃.💯油甘魚黑松露汁薄造🐟HKD118本來只是想另點一份刺身，點知咁好味！首先油甘魚好爽口好鮮，油脂勁

Happy Friday 收工諗住新開同朋友試下環境都5錯 服務態度又好😁2人餐都幾多野食 但因為想試多d不同類型所以無叫重點係食物選擇多同埋好味😋魚生好新鮮富士山丼好足料 仲要有海膽🥰串燒都好好味呀 牛舌無影到 推介炸芝士蟹餅一定要試由於無限時關係可以慢慢食 傾下計5洗驚要交台依家有85折埋單我地兩個人食都係$400同埋我見佢lunch set都好抵 $100有找 仲要好多選擇呢個價錢 銅鑼灣區真係良心食店可以Encore🤣🤣🤣

之前見ig開張冇幾耐，朋友就話好想試吓，於是揀咗下午茶時段試吓佢哋魚生飯睇吓好唔好食。餐牌有好多選擇，原來下午茶同午餐嘅餐牌款式一樣，但價錢就平咗，對於喺下午茶時段又想食正餐份量嘅朋友來講係非常抵食！我同朋友唔係太肚餓，就叫咗佢個$49推介，角切魚生飯：本來以為$49餐嘅質素都麻麻，點知見到個賣相就覺得非常值得！一整碗都係滿滿嘅三文魚同吞拿魚切粒，平時好少食角切魚生就係驚佢俾d魚生頭頭尾尾位，點知呢碗魚生好有驚喜，刺身切粒新鮮好食，魚生切粒份量好多，可以餸唒成碗飯，然後仲有一隻熟蝦同玉子。除咗飯，呢個餐仲有埋麵豉湯同果汁，呢個價錢真係好抵食！我哋另外加咗$18 叫咗芝士薯餅，薯餅咬開芝士即刻流出嚟，但又保留到薯餅嘅味道，相信其他小食都應該唔錯！聽講老闆係專為時下嘅年輕人推出又平又有質素嘅食物，希望大家都支持呢啲有心有力嘅小店！

隔了好久一陣子沒吃過日本菜，雖然壽司之類是有吃到~但還是覺得有所欠缺於是便上網找一下有什麼居酒屋可以去吃吃看最後就選了這間位於銅鑼灣金百利的富士山 ~ 晚市在做全單85折喔在網上訂了星期六的晚上7點，大概吃到8點左右才開始陸續有較多的客人入座除了可以單點外，亦有些是套餐可供選擇最近天氣開始炎熱起來嘛~ 於是先點一些吃起來清爽開胃的料理三文魚柚子汁薄造 ($78) - 說是薄造，但由不至於薄得能透析光線帶酸的柚子汁配肥美的三文魚~再加上大蔥絲，不論味道和口感都很豐富喔 海鮮刺身沙律 ($88) - 四個人分，一下子就沒有了~刺身都頗新鮮的。豆腐吞拿魚冷奴芝麻醬 ($45) - 滑滑的豆腐吃起來透心涼再配上鹹香的三文魚子與鮮美的吞拿魚蓉，很不錯耶玉子燒德島縣卵 ($68) - 基本上玉子燒就是去居酒屋必點的 (笑)香濃的蛋好滑，比起平時吃開的~這個看起來很迷你 在蛋的上面放了蟹子和木魚絲，並淋上醬油~這個吃法也很讚喲明太子茶漬飯 ($38) - 想太多的以為茶會另外用茶壺上 ... 因為這樣的話茶會不夠熱，總感覺久缺了什麼似的~ 不過整體來說中規中矩吧~ 喜歡明太子的微辣和Wasabi的嗆

想坐得舒服又想可以同朋友好好暢談，咁一定要黎富士山啦‼️餐廳地點好就腳、座位闊落，仲要無限時喎🤪吾洗食到好趕 ٩(ര̀ᴗര́*)食物都吾錯，無諗過係銅鑼灣鬧市但價錢咁貼地👍🏻好抵食👅$68 玉子燒 好厚身，吾錯喔❗$58 黑松露芝士千島醬多士 黑松露好香，多士好脆，好味👅$78 三文魚柚子汁簿造 加左柚子汁成碟好清新既感覺，吾錯❗仲試左小小串燒同壽司，都ok😊

同朋友喺銅鑼灣食飯，咁啱搵到呢間日本餐廳平價好似都唔錯，所以就決定去試下餐廳環境幾靚，裝修都好有日本風味，侍應嘅態度都好好，好樂意解答問題.我哋兩個人叫咗四樣嘢，首先有德鳥縣玉子燒，呢個玉子燒真係做得幾出色，平時出去餐廳食嘅玉子燒多數啲蛋都燒得太熟，但係呢間一啲都唔會，隻蛋食落仲係好嫩滑，而且蛋味好濃郁，，非常推介！.另外我哋仲叫咗雞軟骨，雞軟骨炸得好香口，另外佢仲會咗一嚿檸檬畀我哋唧啲檸檬汁落去，食起上嚟就唔會咁漏.我哋仲叫咗汁燒雞肉棒, 個醬汁好惹味, 雞肉棒即order即整,嚟到嘅時候仲係熱辣辣, 入面仲有少少軟粒,咬落去嘅時候好有口感,好食！.最後叫咗個漁夫火炙丼，上面有炙燒三文魚，帶子，鰻魚，蟹柳棒同埋玉子，非常足料，帶子夠大舊而且好鮮甜，其他配料加埋個醬汁一齊食，口感非常豐富

呢間餐廳最近出咗超抵嘅抗疫下午茶套餐一於嚟試下佢嘅角切刺身丼都只係49蚊咋終於有湯同果汁呢個餐嘅飯同刺身都好多係午餐嘅份量刺身質素都還好有吞拿魚三文魚雖然蝦係熟嘅不過因為佢只係買四十幾蚊所以都合格

玉子燒玉子燒入口即溶，同出邊食嘅口感好唔同， 10分會有11分。炙燒三文魚壽司壽司有驚喜，估唔到有入口即溶嘅感覺，三文魚大大塊，同去日本食味道一樣吞拿魚腩蓉用手卷魚腩蓉嘅份量好多，只可以講好好食明太子烏冬明太子份量好多，中間加咗啲泡菜調味，配合得啱啱好，出神入化燒番薯翠玉瓜茄子燒麥燒嘅程度剛剛好，唔會過火，材料新鮮，食多啲都唔怕清酒煮蜆清酒煮蜆酒味濃郁， 蜆起碼有25隻，蜆肉大大粒，亦都好新鮮，物超所值甲蘿燒甲羅燒係必食，蟹膏味道一流，估唔到佢有三件多士，將蟹膏放上多士面，一啖入口，回味無窮

有好多款式食品，超多選擇。煙三文魚壽司壽司好新鮮，入口即溶。明太子烏冬烏冬好彈牙，好濃明太子味，表面仲放有紫菜絲，佢呢碟好特別，仲會放泡菜落去一齊煮，更有另一番風味。甲羅燒有三塊法包，一個爐燒一隻蟹蓋，燒左一陣後就可以勺啲蟹肉同蟹膏落多士到食，超好食。流心芝士薯餅熱辣辣，芝士仲係流心，外脆內軟，超好食。清酒煮蜆好大煲，每隻蜆都好大隻，啖啖肉，仲可以飲埋啲清酒，好濃清酒味，好正，足料。玉子燒入口即溶，口感好軟，表面仲放有好多蟹子，增加咬口，仲放有木魚添，好香。雪寶日式燒魚餅超好食嘅魚餅，薄薄一片，超級軟身，入面白雪雪，好味。芝麻雞翼外脆肉嫩滑。燒甘薯燒得岩岩好，好甜好香。雞軟骨肉串無得輸嘅一道燒物，好淋嘅肉，有啲雞軟骨係入面，令到有咬口。燒茄子同茄子大部分燒物都會放啲木魚，令到燒物更香。燒冬菇冬菇好鮮甜，好軟身，正。

人地話個囡係老豆嘅前世情人，咁一年一度爸爸節係咪應該帶佢食翻餐好嘅呢🥰鮑魚6格盒前菜$118🍱一來食個鮑魚就夠曬心意啦，而且有6格，樣樣都可以試少少😏整體上該新鮮嘅都夠新鮮，味道同口感都幾好👍🏻清酒煮蜆$88🐚蜆肉食落鮮嫩多汁，隻隻煮又大又肥，清酒唔會遮蓋左蜆肉本身嘅鮮味，比預期中好食🤤明太子稻庭烏冬$78🍝呢個實在太黏啦😰明太子味唔夠濃，可能黏黏嘅口感已經大大影響左我對佢嘅評分。食到中間有仲有泡菜，味道上唔太夾😅燒物2人前$298🍡(送枝豆一客)-枝豆：豆味濃郁，口感都幾爽口，唔會整到稔曬👍🏻-鹽燒牛舌🐮：採用嘅小金最愛嘅牛舌芯，口感一流，味道唔會太鹹🤤-豚肉金菇卷🍄：扎得比較實，豚肉食落鞋左啲，金菇扯唔開🤣-汁燒軟骨雞肉棒：外層軟pat pat，入面有啲都幾碎嘅軟骨，感覺怪怪的😰-汁燒帆立貝：食落又滑又有彈性，而且都幾juicy😌-車厘茄：燒過嘅車厘茄份外juicy😋-翠玉瓜：無食到😂-鹽燒雞翼：外面夠乾有燒過嘅痕跡，入面肉質仲好嫩，唔會燒到啲肉質又鞋又乾👍🏻-燒bb甘薯：普通，燒完無特別甜🤷🏻‍♀️

好有日本風味 好多日本牌仔既裝飾～🎏🏮🎐好有日本懷舊風😌 坐位都好闊落 可能個日比較早去到 所以兩個人坐左架位 好舒服☺️海膽將軍丼 $180一個丼飯 有海膽，帶子，甜蝦，玉子，三文魚同三文魚籽 咁多種魚生 都賣$180 好良心，抵食。 而且每個魚生都好新鮮👍🏻值得一試！ 帶子同甜蝦仲有海膽都好鮮甜 海鮮偏creamy個種。鹽燒牛舌 $40調味足夠 非常多汁 拎起串牛舌 啲汁就一路滴😍 質感爽口豚肉金菇卷 $25豚肉調味再重啲會更加正 自己加左七味粉都唔錯～鹽燒雞脾菇 $16雞脾菇好多汁軟滑🥰👍🏻👍🏻

今天放工去銅鑼灣行街買衫，雖然最終冇著落，乜都買唔到，但點都要食返餐好西補償下自己，行經金伯利，收到傳單發覺唔錯就上左去，係間日本餐廳，叫富士山，抱住雖然去唔到日本富士山，但去下香港富士山都唔錯既心態，就入左去。客人唔多，所以唔洗等就入座，我地叫左蟹肉蟹膏格甲羅燒、牛肉炒烏冬、鹽燒牛舌串、海膽將軍丼、支豆、鱈魚片、和一支神開原酒，食物冇等好耐就到枱。當中最有驚喜既果然係蟹肉蟹膏格甲羅燒，同埋海膽將軍丼😋 雖然份量唔多，但勝在真材實料，無論係蟹肉蟹膏定海膽魚生，都好新鮮，而甲羅燒仲跟埋蒜蓉包，可以搽上去食，不同口感，唔錯。相比之下，牛肉炒烏冬、鹽燒牛舌，就相對失色不少，比較普通。最後因為我地叫左支sake ，所以叫埋啲送酒菜，包括支豆、鱈魚片，支豆太熱太熟，好一般，但鱈魚干就唔錯，香脆可口，價錢唔貴，份量剛好。

因為疫情關係，已經好耐冇出街食飯。見近期有點緩和，同呢間食評都唔錯，就約左2位朋友試下。幸好預先訂了枱，否則收工來到會大排長龍。環境方面，始終是銅鑼灣區，租金貴，要用盡每一尺，所以枱與枱之間都很近，不過還可以接受。食物方面，本人覺得分量偏小，晚市有85折，每人埋單2百蚊左右，但3個人都唔覺飽，可能叫套餐比較抵啲，。味道方面不太突出，所以影左頭2樣之後冇影相。壽司，三文魚柚子薄造同玉子燒較好味，蜆鍋用細蜆，似急凍貨，同相片出入較大，可以唔叫，雞翼，6條單骨，45蚊，感覺只有皮脆，牛小排，冇咩味道，太熟其他正正常常。