富士山 (已結業)

香港人除左中西餐之外 日式一定係熱門嘅選擇 同朋友上到黎 銅鑼灣嘅「富士山」地方闊落乾淨 坐低之後 睇完餐牌先發現無黎錯地方 因為唔同嘅日式料理都一網打盡 🤣 連我唔係太好刺身都大把選擇 三文魚柚子汁薄造 $78八塊三文魚薄切 上面有洋蔥絲 淋上柚子汁同以往嘅料理方式都唔一樣 我更加鍾意咁 酸酸甜甜 好開胃清酒煮蜆肉 $88滿滿嘅蜆肉 清酒料理後 蒸發嘅香氣 進一步襯托 蜆肉嘅清甜 好推介大家試下蟹肉蟹膏甲羅燒 $98用火即燒蟹肉蟹膏 成個賣相都好好 仲有法包 自己組合一齊食 熱辣辣嘅蟹肉配合脆脆法包 真係好睇又好食海膽將軍丼 $180海蝦 三文魚 魚子 凡立貝 同埋兩款海膽 無人可以抗拒到 每一件刺身都好新鮮 食落口夠鮮甜 加埋 大大粒嘅珍珠米 鍾意食刺身嘅朋友唔可以錯過

放假同朋友黎銅鑼灣 行街又熱又攰 所以入左黎富士山撐檯腳 哈 之前已經幫襯多次 不過無影到相 今次一定要推介俾大家 鋪頭裝修維持日式風格 播住日本歌 好有氣氛 富士山 幾乎有齊曬 日式嘅料理 鍋物 串燒 刺身 壽司 小食 魚生丼 晏就同下午茶 仲有 便當揀 咁多款 一定可以滿足到 朋友同屋企人嘅需要 三文魚柚子汁薄造 $78好清新嘅前菜 三文魚薄切 包住洋蔥絲 食落口 新鮮 洋蔥帶出甜味 加埋柚子汁 涼涼地 好解暑清酒煮蜆肉 $88淡淡清酒味 帶出蜆肉嘅清甜 蜆肉處理得好好 完全無沙 抵讚蟹肉蟹膏甲羅燒 $98外表好吸引 同埋慢慢蟹肉蟹膏 煮滾嘅時候夠療癒 配埋脆身法包 鹹鹹蟹肉鮮味 一大享受鱈魚片 $28多塊薄片 小小脆 點埋沙律醬 口癢時候 唔洗一分鐘 已經被我地K.O.黑松露醬牛油焗雜菇 $48雜菇被牛油香氣包圍 菇類一向係牛油嘅最佳拍檔 然後慢慢浮現黑松露味海膽將軍丼 $180重點就係佢地嘅將軍丼 有海蝦 三文魚 魚子 凡立貝 同埋海膽～～～ 全部食材都好新鮮 連海膽都好鮮甜 唔會腥 配埋 每一粒飯都飽滿有光澤 夏天就係必食首選

去咗銅鑼灣金百利7樓食日本餐， 環境開揚，有個大窗望出去見到銅鑼灣鬧市中心！ 店員親切有禮，常常幫我地加茶，仲會推薦我地有啲咩新鮮野食。中吞拿魚腩壽司， 柔潤無比！感覺超肥美， 入口輕輕咬已經有溶化嘅感覺。 魚油脂香味完全滲出！好好食。牡丹蝦蝦肉爽口彈牙， 絕對係新鮮貨色， 入口口感鮮嫩。三文魚籽手卷， 三文魚子粒粒晶瑩剔透！ 帶有光澤感！ 非常鮮明， 亦都係新鮮貨色，完全唔會有腥味！ 飯粒嘅比例做得剛好。good!!雞軟骨雞肉棒， 一咬開就有雞軟骨嘅爽脆質感，之後再有雞肉嫩滑嘅味道！味道幾鮮！唔會乾身！整體價錢幾抵食！而家又做緊優惠， 壽司嘅質素幾好！真心有水準既！

看到了介紹，知道這新開的日本料理店，店舖環境闊落。在OpenRice 訂了位，準時出席。安排了坐闊落的卡位。看看餐牌，原來全單有85折優惠。當晚沒有鹿兒島和牛他他，失望點選好了食物，手卷，壽司，玉子燒，6格前菜和吞拿魚盛丼。因為入座率不高，食物很快送到。 看相片點菜，有著無限的期待。可惜，食物送到來，不管是賣相和味道，真的好一般的一般吞拿魚沒有那肥美感覺，而且顏色也不討好。六格前菜，完全失望。只有玉子燒尚算合格。壽司和手卷的質素，也插曲： 因同一樓層還有另一家日本料理店，入店後不到10分鐘，已有至少3枱客人是入錯門口去錯餐廳，真尷尬😅。

今日我真係好開心！老闆請我去銅鑼灣食高級日本料理！ 咁樣講，我通常食日本嘢都係喺嗰啲連鎖式迴轉壽司嗰啲嗰度食，我真係冇去過銅鑼灣啲舖頭度食日本嘢嘅。見呢間餐廳裝修都幾靚，我唔知似唔似日本嘅餐廳，因為我未去過日本鹽燒雞翼，喜劇演藝大師，周星馳都講過「燒雞翼，我鍾意食」 我都好鍾意食燒雞翼，一客有三件，皮燒到脆卜卜，肉係好嫩滑，仲好有鮮味！ 我今日先知，原來日本嘅燒雞翼，同我就去BBQ嘅燒雞翼味道係完全唔同。鹽燒牛小排，大大件牛肉好有肉味，燒得好香口， 味道同我平時食開嘅完全不同， 呢個燒牛扒實在太好食。納豆營養丼，我從來未食過納豆，只係喺日劇裏面聽過，所以既然我老闆請我食，我就決定試下呢個，呢個營養井係納豆加埋魚生煮成，魚生就係三文魚、油甘、吞拿魚，加埋納豆撈埋啲飯嚟食都係好好味。納豆嘅咩其實真係好特別我都唔識得去形容，但係都幾得意幾好味。

-🦄富士山 @fujisanhk-明太子稻庭烏冬 Hkd78Rating🌕🌕🌕🌑🌑-近排如常睇Openrice嘅時候🙈就發現到銅鑼灣新開左呢間日本🇯🇵餐廳🍴而入面有一樣野我係好想好想食嘅🤤🤤就係呢個明太子撈烏冬喇‼️就算係日本🇯🇵餐廳 都唔係間間有呢樣野食🥺所以早排經過港島個邊 就順便去幫襯下先💗午餐時間都算多人 不過我好在都唔需要等位😉一坐低侍應就已經會比碗面豉湯你😦🥣呢個係服務上加分呀🙈然後我即刻落單因為呢個烏冬唔係午市套餐 只係散叫所以就唔會有餐廳提供嘅一啲優惠👋🏻烏冬嘅口感當然係夠煙韌夠彈牙👍🏻👍🏻但唔知係唔係因為佢質感偏黏笠🙀冇辦法食到條條分明嘅烏冬 就搞到有啲好似糊仔咁然後個人認為明太子味道嚴重不足😱😱完全食唔到明太子嘅鹹香 反而只食到佢黏笠嘅口感同埋因為佢加左泡菜 所以會食到酸味其實我自己覺得明太子同泡菜有啲唔係好夾🤔但都係另一番口味配搭來嘅😂😂我就加左好多好多七味粉落去食🙈🙈‼️即刻覺得惹味好多😆所以整體來講比返明太子做主角 注重返佢嘅鹹香味咁就會好好多-

由於疫情關係，好耐都冇去過日本，唯有係香港幫襯下日本餐廳止下癮啦。今日就黎到銅鑼灣富士山開飯啦門口已經好色彩繽紛，我最鐘意和風既裝修餐廳地方寬敞，坐位闊落，好適合一班人黎食飯。餐廳入面播住輕快既日本歌，令人心情輕鬆菜單既選擇好多，而且價錢合理，令我既選擇困難症又發作首先叫左呢個角切吞拿魚蓉丼。一上枱個賣相好靚，而且份量都好多。食一啖，魚生既鮮味係口入面爆發，三文魚肥美，吞拿魚食落冇渣，成個飯好快就俾我秒殺左明太子炒烏冬，明太子份量十足，佈滿成個烏冬，味道濃郁。烏冬同明太子，幾時都係最佳拍檔炸物永遠係最邪惡，但係最好味的，呢個蟹肉忌廉餅就做得好出色，炸既時間剛好，金黃酥脆，而且吾會有好油膩既感覺。芝士流心薯餅，一咬落去，入面既芝士就流晒出黎，流心效果做得相當好豚肉金菇串，烤得好香，新鮮熱辣, 金菇勁juicy, 正今餐每人$160左右，餐廳無論環境，食物質素都係優質之選，絕對值得推介

金百利廣場係銅鑼灣嘅美食大樓之一，次次諗唔到食乜就會行到去金百利睇吓有咩食，成個金百利廣場都係嘢食，實有一間啱你口味今日去咗金百利廣場，樓下有姐姐派傳單，有間新開嘅日本野富士山做緊八五折優惠，菜單價錢又唔貴又布八五折，一於去試吓先<豆腐吞拿魚冷奴芝麻醬$45>天氣開始熱啦要叫返個冰凍小食降下溫，豆腐吞拿魚再加芝麻醬，冰凍之選，夏天食真係爽呀<蟹肉蟹甲羅燒$98>好耐冇去過日本呀，好掛住燒蟹肉蟹膏，今日難得見到有，又唔貴，即刻叫咗個試吓蟹肉同埋蟹膏擺喺蟹殼上面燒，燒完香噴噴蟹再鋪上脆卜卜的麵包上面，真系美味しいね！<漁夫火炙丼$128>女朋友唔想食得太散所以叫咗個漁夫火炙丼，比起其他魚生飯，火炙當多咗少少熟食，魚生方面燒到五成熟左右，可以cater 到唔食得太生的女朋友<富士山丼$168>叫得富士山丼，一定係餐廳嘅招牌啦富士材料超豐富，甜蝦、海膽、三文魚、吞拿魚、劍魚、帶子刺身樣樣齊，全部都好新鮮，啱晒咩都想試吓嘅你

疫情下好耐冇同老婆出去食飯，今日終於出去透下氣，食下日本野，於是就來試下這間富士山！🗻清酒煮蜆：第一道菜就好有驚喜！蜆肉又大又肥，這跟平時出面的清酒煮蜆的很不同。這裡蜆的品種明顯又大隻又新鮮，吃下去除了嫩之外，還滿口鮮味，值得一讚👍🏻🗻豚肉鍋：本身我地唔係想叫呢個鍋，係想叫黑豚肉涮涮鍋果個。我心諗，唔通啲豚肉佢幫我地涮埋？點知食完都唔知黎錯，埋單見到個價錢先知🙈算啦，都食左。豚肉都正正常常，還有烏冬十分飽肚。🗻香炸雞翼-雞翼是單邊的，吃得方便，而且炸得又香又脆，雞翼亦算嫩滑。🗻燒bb蕃薯：燒得幾香，老婆都鍾意食。

行完銅鑼灣兩個人想食些輕食，去了富士山🗻✨左口魚壽司、蟹棒壽司-左口魚十分肥美，有豐富的油脂及入口即溶的口感，令人食指大動！蟹棒都算大件，吃到鮮甜的味道。✨三文魚手卷、鰻魚手卷-配料都算大件，壽司飯味道恰到好處。✨明太子烏冬-這個很大碟，兩個人分享剛好！烏冬口感又滑又彈牙，每一條烏冬都掛上明太子和醬汁，連紫菜絲一起吃，十分惹味！這碟會令人一啖又一啖地吃下去。✨巨峰提子梳打-酸酸甜甜的十分開胃，有濃郁的巨峰提子味道，凍冰冰亦很醒神！每人埋單都是$100多，又飽肚又抵食！

銅鑼灣出名食野貴 今次竟然搵到高CP值日本野！仲有好多唔同野食揀先上小食 三文魚刺身同芥末八爪魚 刺身好厚切好新鮮！👍🏽👍🏽🤤而芥末八爪魚一向都好鍾意食 連埋綠色既一齊食夠哂辣🤣之後黎手卷 同埋玉子燒 玉子燒一向都係小妹最愛🤣🤣呢度既仲有加埋飛魚子同木魚 口感味道幾特別～最後有魚蓉加角切魚生飯 大大碗仲有好多魚生！！魚蓉撈飯真係好好味 咁大碗都係一百蚊多啲 好抵食！而呢個蟹肉蟹膏茶漬飯只係幾十蚊好抵食！整體黎講呢個價錢呢個地段，抵食加好食！仲坐得舒服

自從 武漢肺炎 肆虐之後 , 筆者一直未去過 銅鑼灣 , 難得太座要出 銅鑼灣 購物 , 那我們就順便找家餐廳吃飯 ~這家位於 金百利廣場 的 富士山 ~ 唔使問阿貴 , 都知道係食日本料理 ~餐廳的裝修 , 頗有日本風 , 氣氛夠 chill, 是個讓人可以吃得安心舒暢的地方 ~還有很多日本酒以供選擇 ~Menu ~中吞拿魚腩壽司 : 雖然中拖羅冇大拖羅那樣肥美 , 但就是喜歡其味道和口感介乎於赤身和大拖羅之間 , 既有魚味亦夠豐腴 , 可謂油脂和鮮味都均衡 , 跟握得恰到好處的壽司飯 , 互相結合 , 美味 ~火炙左口魚壽司 : 火炙過的左口魚 , 那種入口即溶 的肥美感覺 , 實在有一種令人愛不釋口的味道和口感 , 魚肉和壽司飯結合在一起 , 其味道是完美的協調 ~角切吞拿魚蓉丼 : 賣相氣勢磅礡 , 吞拿魚蓉夠軟綿 , 味道豐腴鮮美 ; 伴以角切的三文魚 、油甘魚、吞拿魚、三文魚籽 , 加上米飯 .... 味道誇啦啦 ~鹽燒牛舌 : 牛舌燒得火喉恰到好處 , 調味得宜 , 香口惹味又不會太鹹 , 肉質香嫩爽口 , 舌味豐腴 , 夠水準 ~本篇完 ~

大家睇相，都見到一堆食物係枱。本身店員推介叫套餐，就叫左個串燒套餐同二人套餐。個餐有前菜，小食，主菜同甜品。本身諗住慢慢食啦。點知5夠5分鐘，已經一堆食物湧上黎啦。大佬丫，又熱又冷盤，點好好食飯？如果5係叫停甜品，真係一次過上哂。本來想邊食邊傾，結果只有低頭狂清。海鮮沙律可以，因為第一個試佢刺身雪味重，5得玉子卷淡而無味，5得。主食牛肉鍋的牛可以，肉質還好，不會偏肥。但湯底味精重左d。海鮮炒烏冬仲衰過茶記至於串燒類，上菜速度太早，全部凍哂先有時間食，一黎5好味，無左燒烤風味。2黎所有串燒好早黎到，勁懷疑係預早燒定等客叫，有d肉質係偏硬。本身已經無得好好同朋有傾下計，食物仲要5好食。如果要快，我食茶記都得啦！真心5會有第二次！

因為疫情關係，好耐無出去同朋友聚會，甘岩經過樓下派宣傳單張，晚市有85折優惠。 上到去覺得好寧靜，環境舒服。我地叫左個2人套餐，有3款前菜，2個主食，1份玉子，同2份甜品。前菜有芥辣八爪魚，中華沙律，海蜇份量足，味道夠👌🏻玉子更加唔洗講，一流水準刺身厚身，無話因為套餐而偷工減料🥰主食有海鮮炒飯，同豚肉鍋海鮮炒飯夠鍋氣，份量大份，材料足夠豚肉鍋上菜時聞到好香，不過滾耐左就略咸，不過整體好食😋我地自己加左海膽手卷，蟹膏手卷，海膽香濃幼滑，蟹膏香濃鮮味，超好食😋另外仲有清酒煮蜆，個湯底好好味，蜆都無沙，洗得好乾淨。甜品叫左芝士蛋糕，同麻薯芝士蛋糕如果個味再加強就更好，但芝士味都夠，唔錯～反而麻薯無佢甘出眾。但我下次都會黎再食🥳

見到好多食評都話呢到午餐CP值很高，行開銅鑼灣就決定一試。一坐底先比2碗麵豉湯我地，而見到個lunch menu都多野揀，由$49起，我地二話不話揀咗2個$49 set, 男友揀角切魚生飯，我就揀咗豬骨湯烏冬加6貫壽司😝個餐仲跟一杯飲品。角切魚生飯鋪滿主要係三文魚，份量也不少，男友話魚生生鮮，唔係雪咗好耐嗰d咁。而我嗰6貫壽司有三文魚、八爪魚、熟蝦、生蝦、熟魚、北寄貝同腐皮壽司，每款壽司亦都非常正路，加上烏冬一碗，很滿腹！以$49 set午餐來說，性價比十分高，大家午餐經過銅鑼灣可以一試！