富士山55 (拉麵沾麵專門店) (已結業)

今日突發好想食沾麵呀！滿心期待簡左間近銅鑼灣地鐵的沾麵餐廳。 ：：：：：：我叫左個普通豚骨湯底， 好似$88 (已包一個糖心蛋和叉燒）。食完覺得湯不夠熱，而且很鹹。我食到中期放了很多七味粉， 但好搞笑地，唔知係咪鹹味蓋過了辣味，我竟然感覺唔到辣。😂：：：：：：至於麵條是ok,不過不失的。個糖心蛋也是ok. 但沾麵個湯底好重要，所以整體個package 就變得一般啦。：：：：：：我諗如果有下次來， 我會食拉麵。

叫左海膽沾麵，好多海膽！上次係深水埗某隱世拉麵店第一次係香港食沾麵，覺得太咸，完全吾好食。銅鑼灣呢度都係坐得好辛苦，等位又要俾太陽曬住，其實真係要好有心去呢個地方食麵。好在，海膽tum返我，好新鮮，又足料。沾麵個汁又吾係好咸，值得一試，不過一定要叫海膽，因為其他地方（就算係東京）都未見過。

上星期行街見到一間有海膽食，即刻入去食，不過排咗好耐隊好多人食，入到去諗都唔諗即刻叫特濃雙色海膽沾麵，等左15分鐘終於有得食海膽沾麵，有勁多海膽超鮮甜，仲有勁多魚子，仲有波子汽水。超滿足😍😍😍

-櫻花蝦沾麵🍜（$93）櫻花蝦同埋麵係分開上， 櫻花蝦湯放係鐵盤😗，沾麵都算彈牙，但湯底比較濃郁， 但真係好鹹😟，不過有好多櫻花蝦😍，而麵上面有半隻溫泉蛋，都算係流心，而筍嘅味道有d怪😢而2塊叉燒都好薄，味道普通😦，不太特別，依個櫻花蝦沾麵除左個湯濃郁之外，都無咩特別，依間店應該只會食一次，無下次😐-Name🏠: 富士山55 (拉麵沾麵專門店)Fujiyama 55 (ramen.tsukemen)Location📌:銅鑼灣伊榮街9號欣榮商業大廈地下1號舖（港鐵銅鑼灣站 F1 出口, 步行約4分鐘）價錢💰:櫻花蝦沾麵（$93）

銅鑼灣篇🇭🇰🐚海膽拉麵🍜$128上次試了海膽沾麵🤔今次就試下海膽"拉麵"🍜😍海膽份量今次比較少🙈如果是沾麵就多好多🤔湯底就比較creamy同很濃😍我估應該放了海膽做湯底😆麵質拉麵比起沾麵軟😲我個人比較喜歡食硬一點的拉麵比較有質感☺️麵的份量不會太少足夠我食飽😊如果比我選我應該比較喜歡海膽沾麵👍🏻Overall：8/10

星期六夜晚九點幾收工，同同事諗有咩地方好食晚飯，因為銅鑼灣通街餐廳都要排隊，最後嚟咗呢間沾麵店，雖然都係要排隊，不過相對冇大街咁多人。因為呢間餐廳嘅位置比較偏僻， 嚟得呢度排隊都係識食，同埋做過資料搜集嘅，呢間餐廳附近都冇店鋪可以逛，所以應該好少walk in客。門口排隊已經見到大海報寫住推介雙色海膽沾麵，不過價錢都唔平賣緊298蚊。 最後同同事決定，兩個人share一個沾麵，再加廿蚊食芝士飯，因為大家都係芝士控叉燒薄過紙不過好食，海膽數量如果可以再多啲就好喇，相反芝士飯嘅份量十足，我哋兩個都爭啲食唔曬，不過食過一次，下次可以唔使再叫，因為食完真係好漏。總括都可以再encore

真心好普普通通我叫左最普通既豬骨拉面就係個湯好濃，但冇咩特別既味，飲左幾啖冇引去飲晒成個飲唔知點解個口感似撈爛左既蘑菇湯不過好在佢唔多油，飲完唔口乾既蛋得半隻，好流心，筍好爽，面係幼既但爽既木耳有好多，食到最後都食唔完有2塊叉燒，係正常厚度，叉燒肉同肥肉分明既叉燒，我比較鐘意食香口或者入口就溶既叉燒佢兩隻都唔係，乾乾地食完個味唔深刻，除左湯濃，冇其他特別係日本可以食到好多特別既拉面但係香港出名既黎黎去去都係呢類既味

🔸辛辣沾麵突然心血來潮想去吃沾麵，就跟友人一起到銅鑼灣吃這間富士山55的沾麵。這個沾麵蠻好吃的，夾住一條條煙韌的麵條，沾上濃郁的辛辣醬汁，一口一口地吃，很有層次的口感。如果說辛辣的話不會太辣，但又點小辛辣的享受，我覺得沾麵跟拉麵有點辣才好吃😋

座位數量不多，要排隊。銅鑼灣拉麵舖已經開到成行成市，咁多選擇 ，點解揀呢間呢?完全係因為佢個海膽沾面幅圖吸引左我。😍第一次黎食，冇可能唔叫海膽沾麵啦。睇下個沾麵汁，超濃郁呀，就咁飲都好正喇。另外再叫左個雞軟骨棒，幾好味！啲雞肉唔會死實實，一陣雪水味，唔會好重調味。但我同我個friend太貪心喇😅一人叫咗一個海膽沾麵，食到尾真係好溜。食完仲有汁，可以叫佢加啲木魚湯飲。如果兩個人叫一個share，然後叫其他拉麵試會比較好。😄

第一次嚟，舖仔細細。叫咗個柚子拉麵，本身好鍾意柚子味，個湯唔錯唔太油唔太鹹，麵有得揀硬度，有咬口好味道另一半叫咗沾麵，個湯都不俗，凍咗可以用電磁爐暖返佢，仲有說明教你點食，好細心呀。

今日夜晚去灣仔呢間富士山55 (拉麵沾麵專門店)，唔使排好耐，２０分鐘到啦，喺等嘅時間已經可以睇定menu諗定食乜，平時好少可食沾麵，今次一於叫個櫻花蝦沾麵，我揀較硬既麵質，會爽口啲。侍應將面送過來，櫻花蝦沾滿湯麵，真係好香、好濃、好食。再加少少青檸汁落湯到，唔只有種清爽感，仲可以提鮮，正！而且櫻花蝦沾麵唔貴，值得嚐嚐。

An evil post-workout dinner:1. Delicious uni which made the soup even more flavoured2. Salmon roe was so tasty3. Texture of ramen is nice4. Pieces of pork were yummy too5. Good deal as the whole bowl is only HKD$128

看完醫生，想食碗麵再返工，於是走咗入去。本身都有啲期望，畢竟係銅鑼灣開咗咁耐，應該都有番咁上下。入到去，兩位店員，一個正在收錢，一個呢無理過我，我直入店內，到店員面前，說明一位，她才指示我坐吧枱。服務質素真係有待改善。講番食物，碗麵算乾身（雖然份量比較少），能沾上湯，個湯都算濃，鰹魚味好突出，而且湯的份量算多，叉燒反而幾好食。離開時，店員既無笑容，又無講多謝，好似機械人咁款。說實話，價錢尚算合理，但咁嘅服務態度，真係唔會再幫襯。

等左一陣就已經有位,唔係太多人迫迫GE BAR 枱,二人更親密~先黎一個小食,忌廉蟹肉餅,完全係買返黎炸就食得果種加工食品,建議可以唔食,味道一般。叫左一個辣一個唔辣GE沾面,沾面黎講,佢個湯好稀,掛唔到湯,面又粗,所以冇咩味,不過我鐘意個拉面,偏硬但彈牙,只係融入唔到個湯姐。個人都係比較喜歡濃郁GE沾面湯底。最後加埋個芝士飯,用食完果個湯去煮個飯,煮出黎個樣當然係衰衰,隻芝士粉個味太濃唔好味,濃到聞落個飯係臭(臭芝士味),建議走芝士粉,淨芝士粒粒,咁個味應該好味D。

今日返工前一個人喺銅鑼灣食個lunch，食拉麵係唔錯嘅選擇🍜之前已經想試呢個海膽沾面好耐，雖然價錢唔平，但都係決定試吓😋之前都有食過呢間嘅普通沾面水準都OK，今次呢個海膽沾面都唔差，海膽份量多，但冇乜鮮味，沾面嘅湯亦都冇乜特別，所以下次再嚟應該會食返普通沾面就夠了！