富士山55 (拉麵沾麵專門店) (已結業)

突然想食沾麵...腦海中只諗起香港邊幾間沾麵好食，呢間絕對係其中之一間！每次食都要加麵底200g粗拉麵好好食湯頭真係無得輸，唔會好似漿糊咁結同埋呢到最好既就係每個位都有一個迷你電磁爐俾你加熱番個湯，唔會因爲d麵係凍，而影響到個湯越食越凍

假期襯老公出去銅鑼灣工作，做下跟德夫人去行街，上網鎖定目標等佢做完嘢就去開餐，到達富士山55已經兩點半，唔洗等位就有枱雖然呢度主打沾麵，但個人口味偏愛拉麵及海膽，所以一早鎖定雙倍海膽拉麵（$168）平時一碗拉麵都過百找數，只係加多少少就有雙倍海膽真係好著數，點菜時可以選擇麵質軟硬度，可惜湯底濃度就冇得揀喇~加拿大同日本海膽都有齊，味道鮮甜冇苦澀有海膽做主角魚子做點綴，輪為配角既叉燒與半熟蛋、爽脆椰菜、海帶、 粗筍條舖滿成碗拉麵。習慣食拉麵先飲一啖湯，感覺比較杰身而且有濃濃芝士香味，好彩有椰菜減低飽滯感覺!老公揀既特濃辛辣拉麵（$93）湯底夠辣食得過癮，而且唔會太漏，直頭成碗食晒連湯都飲埋

之前講過一直係香港都搵唔到啲好食既拉麵😞終於！俾我搵到呢間🤤我心中第一👍🏿👉🏿✨白湯豚骨拉麵 Hkd 83 💸📌啲湯底係澀到好似沾麵咁，啲湯都唔會好咸，好重口味，味道濃郁得黎又岩岩好！面底係幼身但都好彈牙，啲肉燒到岩岩好，唔會肥膩🤩成個清晒冇難度！👉🏿✨濃香櫻蝦拉麵 Hkd 93 💸📌滿滿既櫻花蝦，但唔會腥，好似蝦米隻咁，成個面色香味俱全👍🏿朋友都清晒呀！👉🏿✨名古屋撈面 hkd93 💸📌有蒜，辣肉碎，豚肉等唔同既材料撈埋一齊，食落最惹味既一個！不過都係食完會口臭既一個😂😂😂👉🏿✨ 燒餃子 Hkd 32 💸📌呢個有啲失望，啲餃子燒得唔夠脆..比較乾身，好普通，成餐既敗筆😭

今日放假揾埋個fd出黎食個拉麵下午茶，每次收工都經過呢度但竟無緣食佢既拉面!今日終於可以試下啦!😂叫左個叉燒拉麵同豬軟骨拉麵!兩隻都好正，湯底夠濃，豬軟骨亦好淋好入味!!!!!!服務態度方面員工都好好，而且有個四眼妹妹員工好好禮貌，重主動問我地啱唔啱食!!!!呢間無得輸!!!!!!!!

豚骨沾麵平時就食得多啦，櫻花蝦沾麵真係未食過，送到黎嘅時候我哇左一聲，成個湯嘅表面都俾啲櫻花蝦覆蓋住，好似隻隻都係海中心對我揮手呼喚我食佢咁，本大爺一於唔客氣，夾起幾條麵浸落呢個櫻花蝦嘅蝦海，拯救一下佢地，佢地就好似搏曬老命咁抓住啲麵進入我個口，每食一啖都好似拯救左無數嘅生命咁。講番味道，櫻花蝦嘅鮮，麵嘅彈牙，湯底嘅濃，令我有溶入櫻花蝦一分子嘅感覺，好有歸屬感。食完之後我仲追加左個芝士飯加落啲湯底度撈埋一齊食，一滴湯一隻蝦都無浪費過，完全對得住非洲嘅小朋友。另外我仲加左個雞軟骨串，算係一個友情客串，不過不失，唔夠飽嘅時候當係小食都唔錯，不過其實我夠飽了

2點半冇人龍，入到去只要一檯人吹水，我點了櫻花蝦沾麵，再加$10要個蟹肉薯餅。即叫即做，十多分鐘上沾麵。沾面彈牙超有咬口，叉燒有炭香卻偏肥，蛋半生熟，可惜冇蛋香味。主角櫻花蝦。。。湯底鹹香夠濃，仲有蝦子目魚鮮味，就是可惜太鹹太油，當溫度不夠，微暖就變得超油膩。我成晚覺得太油膩，晚飯也不想吃，有點作嘔感覺。蟹肉薯餅，外脆內流心，抵讚，雖然見不到蟹肉，也食不到蟹味，忌廉卻像芝士熱辣辣的暴走爆心流出來，$10有2件，抵。呢餐$109, 敗筆在麵的湯底溫度吾夠！

This ramen place is not on a busy street and relatively difficult to find u less tor specifically looking for it. I love the different uni options they offer. I ordered the largest uni portion dipped noodles and it came with a thick sauce. It was a bit on the saltier side but you can ask them to give you some fish broth to lighten it up a bit. Overall, it’s pretty good and I’d come back.

下晝需要到灣仔工作，跟老闆分別揸車會合，佢首先到達，就通知我到銅鑼灣伊榮街集合，一向識飲識食既佢就揀咗呢間佢都未食過既舖頭。時間尚早，唔洗排隊就已經有位，我地冇叫到呢度出名既沾麵，因為唔鍾意沾麵湯底比較杰，於是揀咗另一季節限定海膽拉麵同雙倍海膽拉麵。海膽拉麵 - 構圖吸引，叉燒厚度肥瘦適中，口感柔軟，平時最吸引我既流心蛋都輪為配角，亮眼既海膽加點魚子點綴，師傅細心地在下面墊一塊生菜，避免海膽完全沉沒在豬骨湯中，豬骨湯配海膽，比起魚介多一份鮮甜味，絕對要帶太太再幫襯！！雙倍海膽拉麵 - 顧名思義就係加倍海膽，其餘同上

現今香港的拉麵店五花八門富士山55仍然屹立不倒相信定必有它的理由晚上六時多來到人還未算太多拉麵和沾麵各有數款最後決定各選其一海膽拉麵份量十足豬骨味湯底十分濃厚味玉和麵都恰如其分若要挑剔的話我會覺得叉燒較為平凡相比之下沾麵更深得我心較粗身煙韌的麵條用作沾麵十分合適帶柚子味的湯底也相當清新而且每一枱均有電磁爐可以在吃沾麵時加熱湯底設計相當貼心總括而言整體也相當不錯下次再來會嘗試其他沾麵P.S. 若分享食建議先叫一個麵因為今次當拉麵來後吃了一會沾麵便到吃得有點狼狽

^以拉麵店來說可選擇的種類算不少。^日本啤酒原來是Sapporo 。^湯裏有非常多的櫻花蝦，喝起來卻無鮮味。放大量櫻花蝦不等於「足料」、湯有蝦味。如湯底熬得好，不需要放這麼多蝦在表面也會有鮮味，湯頭一般之餘，令口感變差好像嚼沙。^湯一開始已經是暖而不是熱的，吃幾口湯就變冷。^特濃湯底較濃稠，沒有太多豬骨味，特別的咸。^兩款麵配料一樣有兩塊叉燒、半熟蛋、荀和蔥。櫻花蝦沾麵會多附一小塊青檸。麵的份量比其他沾麵店少很多，完全不夠吃！建議普通男士食量也需要另加100g麵底。^麵的掛湯能力普通，叉燒質素一般，質感很老。不過富士山55的好處是能讓客人翻熱沾麵的湯（右上角可看到黑色的爐），對沾麵湯底容易變冷這一缺點發揮了很大作用。^如吃光沾麵後還有湯剩，可以加20元加芝士飯，即是用我們自己的湯底加飯去煮。最後灑上芝士粉，有點像燉飯risotto 。^不知道是不是櫻花蝦湯底顏色偏粉，做成芝士飯後有點像嘔吐物，外表不太吸引，而且芝士略嫌有點多餘，可有可無，和湯底味道本身也不太夾。要不是沒有加麵底還有點餓，不推薦加點芝士雜坎。總共224元，同樣價錢絕對有更好的選擇。

今次黎到朋友介紹嘅呢間沾麵鋪食沾麵本身我就唔係沾麵fans 因為試過幾間唔同嘅沾麵都係麻麻地 唔岩口味😔😔今次鐘意食拉麵嘅朋友強烈推薦呢間 咁我又再試下🙈我叫左個櫻花蝦湯沾麵湯底有好多櫻花蝦 每食一啖麵都可以食都櫻花蝦而且個湯唔會死咸 但我覺得唔夠濃 搞到d 麵浸完落個湯都掛唔到湯上黎😔叉燒呢到整得不過不失 溏心蛋幾好食😌最好味嘅 我覺得係個個醃筍 冇怪味之餘 仲有少少清甜味 比其他拉麵鋪食過嘅正好多💕💕💕我覺得都算值得一試嘅

得閒一路過CWB 又走左去食沾麵,認真好食,通常慣例都會加粒半熟蛋, 半熟蛋配濃濃既豬骨湯係最正!麵既份量正常,唔會過少, 沾麵麵身會比較粗身,咬落時候口感會更爽口同彈牙!湯係另外上的, 味道比一般拉麵更濃, 因為要沾上麵上,所以湯濃+麵身要吸汁先會好食~ 呢間2樣都做到~同埋呢間餐廳中間有個電爐, IN CASE 如果湯凍左,都可以即刻整返熱黎食! 食完有時佢地可以加個飯去撈埋D湯黎食,我食過一次, 但麵已經好飽, 今次就無加了!通常拉麵店唔知點解得汽水飲,好彩呢到有綠茶,可以消消油,感覺健康D~

近年越來越流行食沾麵，要係芸芸嘅拉麵店之中突圍而出，一定要用上靚嘅食材。朋友介紹我去呢間富士山55食沾麵。海膽沾麵 ($198) 海膽非常新鮮，完全無腥味，入口即溶，甘香肥美。魚子好大粒！一樣係好新鮮，粒粒飽滿。糖心蛋有水準，得半隻唔夠喉。沾麵湯底用咗海膽黎整，非常香濃。麵係粗麵，掛湯有咬口。如果食到一半個湯凍左，旁邊有個爐可以加返熱，非常貼心。總括來講，價錢雖然比一般拉麵貴一倍，但食材新鮮加上味道超，一定會再去幫襯。

三軍未動，糧草先行。去祟光血拼之前，當然先要祭五臟廟！銅鑼灣我覺得是一個"偏遠地區"（事物總是相對的，對嗎？），遠道而來當然要試有特色的東西。網上看到這個所謂"沾麵專門店"，很早已經想試試有什麼能耐可稱為"專門店"。可能大家都在血拼？下大雨？還是只是十二時，未到午飯時間？大門一開時我們是唯一的客戶時，我的心其實一沉，有考慮過轉身去另一間；不過見到太太看到海報上海膽沾麵，帶子沾麵的模樣時，我只有一試。拉麵，冷麵，甚至沾麵我都經常吃，但這裡的海鮮真是非一般的"鮮"，有日本魚市場刺身丼上的刺身80%的品質。每個位上還有一個小電爐，可以讓你把沾麵的湯保持在微暖的狀態。另外不得不提湯內櫻花蝦的數量。我會形容為"櫻花蝦好像免費的，整個湯內也是蝦，一口就已經吃了幾十隻"蝦"了"。食物是好，但價錢就……更"好"。畢竟銅鑼灣舖租都比較貴罷！

身為海膽迷，梗係要試吓呢款海膽沾面啦海膽都唔少，但配落拉麵度有少少怪，個湯都幾濃，如果配成海膽壽司比較好食拉麵都幾重新同埋幾粗身，會好夠飽！最後仲加左＄20配成佢嘅芝士飯，其實只係將啲拉麵湯加芝士同紫菜一齊煮，好一般。唔係難食，但俾錢加就唔考慮。呢度可以將啲湯去自己加熱，因為本身上到嚟係暖嘅。友人點左櫻花蝦湯底，佢話一般貨仔