富臨皇宮

营业中

休息中

教會去旅行，lunch去左石門間富臨食，意外地好好味的圍餐，我們一行110人，十圍格枱lunch,上菜速度不錯，七餸一個魚肚粟米羹，菜式包括一隻鴨、魚香茄子煲、生炒排骨、雲耳蒸龍躉、炒菜心、椒鹽豬扒骨、翠玉瓜炒肉片同埋白飯任裝。生炒排骨好好味，魚肚粟米羹夠熱又入味，椒鹽豬扒配唔係好多肉好好味，魚香茄子煲啲茄子唔係好淋，因為我比較鍾意食硬硬地的茄子，所以我覺得好好味。雲耳蒸龍躉就麻麻哋，因為啲魚麻麻哋新鮮，我哋都冇食晒。總括來講， lunch圍餐算幾好食，當然環境比較嘈因為係茶樓，服務都馬馬。

今早又嚟沙田食平靚正早餐！每朝都嚟食，都好多款色，粥加炒麵都有，我比較鍾意食酉式早餐，有通粉，银針粉，米粉任揀，煎蛋或烚蛋重有件多士，還有杯咖啡，都好夠飽又健康，價錢都唔駛30蚊！真係平民化，早餐時段都大排長龍，抵食！

沙田石門好易揾食，開左二个大型商場，今日下午嚟到石門富臨皇宮飲下午茶，未到二点已排長龍攞位入座，因下午茶超平抵食！义燒，燒鸭，油雞賴粉都是12.8一碗，点心好多款式，飲个下午茶，兩人找數都唔駛一百蚊，真抵食！

呢日黎到石門搵野食, 知道新起左個商場無乜人流, 應該易搵位~~平日既夜晚~完全可以咁形容~門可羅雀~三份一個場都坐唔滿。正, 唔駛等。餐牌唔算多野食, 不過就有兩樣好抵既, 18蚊1隻雞 同廿蚊鮑~~因為太抵只可二揀一二選一之下我地揀左1隻雞一d都無揸流攤, 大大隻雞, 半肥瘦。抵啊!味道不錯, 雞有雞味 夠新鮮。唔太鹹 , 雞肉唔會太老。幾好。跟手108蚊嗌個海參花菇玉掌煲, 大大條海參6-8粒大冬菇。不過, 海參炆得唔夠冧, 真係失策啦廚師。不過兩舊水 埋單, 都抵。

石門都幾多嘢食喎，今次食間中式酒樓。餐牌好多選擇，花多眼亂，咁不如叫個套餐啦，唔使諗叫咩嘛。個套餐信用卡有折6百幾。 芝士波士頓龍蝦伊麵 龍蝦唔係好大隻，亦都唔算好多肉，不過都叫新鮮嘅。椒鹽八頭鮮鮑 鮑魚大大隻，用椒鹽整都幾特別，不過就整得辣左d喇。金銀蒜蒸帶子啲帶子好似蒸到過咗龍，啲肉就比較實左啲喇。蒜蓉既調味就ok。清蒸沙巴仔蒸既時間啱啱好，條魚唔會太鞋，都幾嫩滑。極品燒鵝皇燒鵝外皮幾脆，肉質夠結實。

今天我們一家十三口來這家酒樓吃晚飯，但卻給了我們10人枱。我們叫了10個菜的套餐，但他卻一次過上了六七個菜，盤子很大，筷子也未來得及拿起來，就有下一個菜送上來，我們根本就來不及吃，明明桌上已擺滿了菜，他仍繼續上菜，我們已經多次向經理反映，但仍然繼續，還不斷要求我們把菜放到小碟上，好讓他們繼續上菜。然後當我們吃完桌上的菜時，要求繼續上菜，他卻不再上菜，多番催促後仍然遲遲未到，足足等了半個小時。其次，它的食物質素參差，炸子雞十分咸，甜品卻不甜，聖子大部分是殼，實在令人失望。由此可見，這家酒樓的食物質素與服務態度均不佳，以後也不會來。

2018年的母親節，去左呢度食。我地17:45 已經坐定定，然後18:00落單，但係19:00都未有得食，人地遲過我地的已經在食。中途我地追左兩次單，d職員兩次都話有同我地追。我地到左19:00再追個經理，個經理話同我地打尖。然後過左一陣，有張單黎，不過張單寫住19:00。分明依家先落單，仲呃我地話幫我地打尖。之後d野食一樣好慢先黎，食物又凍，有d仲係未熟。呢日只可以叫餐，仲要成1288四位。但係d服務同食物質素都咁差。

由開張到而家，都黎過食好多次講不出兩老偏愛呢間酒樓嘅原因，我自己就覺得並唔係特別好食今晚再訪，因為上次兩老黎飲茶，收到傳單話幾多號至幾多號龍蝦特價😂收到order要去食，咁當然遵命啦要咗隻好大嘅，幾多斤我就唔記得啦新鮮拎出黎嘅時候幾吸引，睇落好生猛！到煮熟食嘅時候。。就覺得一般般啦肉質爽口，可惜芝士汁太咸，食唔到個鮮味伊麵超多，6個人都食唔曬反而叫咗個冬瓜盅有驚喜！料好多，湯清清地，6個人分，每個人都飲到2碗最抵係佢！

話說呢間酒樓早茶時段係無人帶位，要自己搵位的。好啦，咁我帶住個BB自己走去搵位。當時酒樓坐咗大約六成嘅枱，即係仲有四成枱係吉嘅。咁我就搵咗張最細嘅四人枱坐。執枱嗰個阿姐問我幾多位，我話一位，佢即刻一句得埋黎話一位唔可以坐吉枱，一定要搭枱。（我心諗：BB都係人，佢都需要一個座位。有乜理由因為我比一個茶錢就逼我搭枱姐。你有四成吉枱㗎阿姐）隔離執枱嗰個阿姐聽到即刻話，你坐啦，而家冇乜人，隨便坐，陣間人多啲先可能有人會搭枱。呢啲先係人講嘅說話！你間酒樓又唔係好爆棚，有成四成吉枱都唔俾人坐！好啦總算坐低左啦。但點知食到一半，我想去攞個兜坐熱啲奶比BB飲，同一個阿姐又走來話我。你唔好嘥我啲野，呢度係要搭枱㗎，你將啲嘢擺番埋啲。｛佢講嗰啲嘢係佢哋酒樓碟腸粉。碟腸粉唔係我擺個囉！係酒樓傳菜阿姐擺個囉！｝（我心諗：嘩！乜你咁講嘢㗎！乜嘢叫做嘥你啲嘢啊？首先，酒樓啲嘢唔係你架！然後，乜個兜用完會即棄㗎咩？你哋唔會洗返嚟再用㗎咩？點樣先叫做嘥呀？）食到一肚氣！

唔一定早起既鳥兒先有好西食～🐷訓到晏一晏都可以啊～ 3點3去左石門飲茶。地方寬廣坐得舒服～叫左一個點心拼盤+四個點心，兩個人食差唔多啦～古綿馬拉糕 $14.8 熱辣辣馬拉糕～ 識食一定用手搣黎食，質地香軟，不油不膩，自己食晒一個都得！點心拼盤 $48表情是加上去的🙈拼盤有：雞包仔 蝦餃 燒賣 潮洲粉果 豆苗餃 芝麻流沙包 紅棗糕 （各一粒）點心唔錯，大大粒蝦餃、豆苗餃啖啖蝦肉，皮唔太厚 煙煙韌韌。芝麻流沙包，黑芝麻味濃，流流好似食芝麻糊咁，不過甜左少少，少甜就Perfect！🤤留心個流心！重有煎釀茄子$7.8茄子好香口，鯪魚肉有果皮香味！炸雲吞$13.8好脆，甜酸汁好開胃！正香煎蘿白糕$11.8蘿蔔糕尚算，🌶點辣油食會野味啲，煎得脆少少就更好。

公司在3月擺了80圍春茗，地方寛敞，菜色味道也好，雖然設備上有些不足，但位置上交通非常方便。特別稱讚店長先生的服務及招待，彈性處理並盡量配合我們的要求，整體值得推薦。

辛苦左成個星期又到左假日 可以同屋企人食餐晚飯 為左方便泊車 我地去左石門食富臨 ***我地叫左個$168古法羊腩煲 加菜都係$28 羊腩煲幾濃味 入面有荀枝竹同冬菇 慢慢淆都幾腍 生菜沾埋羊腩汁一齊食超好味 配埋飯一齊食係最佳組合 另外個$128 西蘭花帶子珊瑚蚌 幾健康 炒得幾香口 最值得一讚嘅係姬松茸花膠燉響螺 完全係食到好足料 雖然唔係話d乜高級膠 但花膠非常滑溜 同響螺一齊燉好入味 有機會再食下次都會叫呢個湯***總括黎講 呢間酒樓係幾適合一家人一齊食飯

平時星期五都係番屋企食飯 今晚費是煮想休息下 所以 特登同老公岀去食飯 求其去左屋企附近一間茶樓食就算 我地叫左個果皮蒸鮑魚 有六隻 好彩都係細細隻 每人食三隻都唔會太過份 味道幾清香 唔會話太鹹都唔會話太韌 之後就淨係叫左一個小菜送飯食 叫左海參花菇扣玉掌 差唔多一百零蚊 冬菇幾腍身又有少少菜 幾好味 我地仲叫左個生煎菜肉包 估唔夜晚都可以食到晏就可以食到嘅點心 煎得幾香口 唔會話太濟 講真呢度食野都算ok 坐得又幾舒服 食到你真係好飽👍🏻

在兩個月前，我跟媽咪及她一眾好朋友參加職安健推廣之「腱」康滿足樂同行 2018元旦千人行，當日行程先到馬鞍山公園及馬鞍山海濱長廊，然後，到沙田石門京瑞廣場 <富臨皇宮> 飲茶午聚，最後一站到沙田文化博物館！ 花上 $130 好經濟，整日行程比預期輕鬆！參加千人行，絕大部份是長者亦包括媽咪及她的好朋友！在 <富臨皇宮> 設宴約一百圍，十分熱鬧！ 起初，我見到台上的嘉賓很面善，看清楚才知道是吳剛師傅，好驚喜！ 還以為他是司儀；後來才得悉，他在這裡任職經理！據知，他已有60歲，絕對 keep 得非常好！也是當日的「師奶殺手」呢！ 令她們興奮不已呀！飲茶午聚大致上是大路的點心及小菜！雜錦拼盤包括：拍黃瓜、木耳、海蜇、燻蹄、白雲鳳爪；拍黃瓜夠清爽、木耳爽脆、海蜇富嚼勁，三樣以麻油提味！食落香滑又入味！翡翠雞球花姿片雞肉薄身而柔軟，花姿片有嚼勁微爽！菠蘿咕噜肉炸漿略為厚身，酸香醒胃！配上青燈籠椒，吸收其醬汁，食起來也惹味起來！瑤柱扒雙蔬簡單而清一清味蕾的一道菜！來得正好！燒賣賣相一般，可能大隻餡豐的關係，顯得整體鬆散！勝在啖啖肉又有鮮美！蝦餃蝦餃大隻爽口，夠足料，餃

今日朋友個BB擺百日宴,之前都未黎過石門呢邊多左馬鐵之後,黎石門真係好方便地方都算坐得舒服今日食既餸都幾好魚,好有鮮味雞都唔差,唔會好瘦,都好脆皮翅都夠味,唔駛落醋餸菜都幾大碟,份量唔少大部份菜式味道都幾好,唔差服務都可以接受